تيانشان تورى   ›   ۇيرەنۋ   ›   شولۋ

جۇڭگونىڭ العا باسقان قادامىن ەشقانداي كۇش بوگەي المايدى

   □ حالىق گازەتىنىڭ شولۋشىسى

  9 - ايدىڭ 25 - كۇنى جۇڭگو ازاماتى مىڭ ۋانجوۋ جۇڭگو ۇكىمەتىنىڭ جالداما ۇشاعىمەن وتانعا ورالدى. بۇل پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، جۇڭگو ۇكىمەتىنىڭ قاجىماي - تالماي قۇلشىنۋىنىڭ ناتيجەسى، بۇكىل جۇڭگو حالقىنىڭ بار كۇشپەن قولداۋىنىڭ ناتيجەسى، جۇڭگو حالقىنىڭ كەلەلى جەڭىسى.

  شىندىق الدەقاشان مىنانى دالەلدەدى: مىڭ ۋانجوۋ وقيعاسى جۇڭگو ازاماتىنا باعىتتالعان، جۇڭگونىڭ جوعارى تەحنيكالى كاسىپورنىنا قىسىم جاساۋدى ماقسات ەتكەن ساياسي قىسپاققا الۋ وقيعاسى. 2018 - جىلى 12 - ايدىڭ 1 - كۇنى امەريكانىڭ ءوز الدىنا جوسپارلاۋىمەن حۋاۋي سەرىكتەستىگىنىڭ باس قازىنا ءمانساپتىسى مىڭ ۋانجوۋ كانادادان ۇشاق اۋىسقاندا، ەشقانداي كانادا زاڭىنا قايشىلىق جاساماعان جاعدايدا كانادا جاق ونى قيسىنسىز قاماۋعا الدى. امەريكا جاقتىڭ مىڭ ۋانجوۋعا قاراتقان ايتىلمىس الدامكوستىك ايىپتاۋى بۇكىلدەي ويدان شىعارىلعان. امەريكا مەن كانادا وزدەرىنىڭ ەكى جاقتى وتكىزىپ بەرۋ شارتىنان بەتالدى پايدالانىپ، زاڭدى سىلتاۋ ەتىپ وزدەرىنىڭ جۇڭگو ازاماتىن قىسپاققا الۋ ارەكەتىن اقتاعانىمەن، اراشالاعانىمەن، امەريكا مەن كانادانىڭ ايتىپ وتىرعان زاڭىنىڭ امەريكانىڭ الداپ نەمەسە تارتىپ الۋىنا، بوتەنگە قىسىم جاساۋىنا، جەكە مۇددەنى كوزدەۋىنە قىزمەت كورسەتەتىن قۇرال عانا، ەشقانداي ادىلدىگى، ورىندىلىعى جوق ەكەندىگى حالىقارالىق قوعامعا ايدان انىق.

  مىڭ ۋانجوۋ وقيعاسىندا جۇڭگو ۇكىمەتىنىڭ تۇرعىسى دايەكتى، ايقىن. بارلىق قاجەتتى شارانى قولدانا وتىرىپ جۇڭگو ۇكىمەتى ءوز ەلىنىڭ ازاماتى مەن كاسىپورنىنىڭ ورىندى، زاڭدى ۇقىق - مۇددەسىن باتىل قورعادى. مىڭ ۋانجوۋدىڭ قيسىنسىز قاماۋعا الىنۋىنا قاتىستى جاعدايلاردان حابار تاپقان سوڭ، جۇڭگو ۇكىمەتى دەر كەزىندە قاتاڭ سويلەستى، قاتاڭ تۇرعىسىن ءبىلدىردى ءارى دەر كەزىندە مىڭ ۋانجوۋعا كونسۋلدىق كومەك بەردى. وسىدان كەيىن جۇڭگو ۇكىمەتى كانادا جاقتى مىڭ ۋانجوۋدى قويا بەرىپ، ونىڭ ورىندى، زاڭدى ۇقىق - مۇددەسىن شىن مانىندە قامتاماسىز ەتۋگە قاتاڭ قۋزاپ كەلدى. 100 ميلليونداعان جۇڭگو حالقى اسقاق ادىلەت ءۇنىن شىعانداتتى. مىڭ ۋانجوۋدىڭ وتانعا امان ورالۋى جۇڭگو كوممۋنيستىك پارتياسىنىڭ ءبىر ميلليارد 400 ميلليون جۇڭگو حالقىنىڭ، ۇلى جۇڭحۋا حالىق رەسپۋبليكاسىنىڭ ماڭگى جۇڭگو ازاماتتارىنىڭ ەڭ پارمەندى تىرەگى ەكەندىگىن تولىق ءتۇسىندىردى.

  مىڭ ۋانجوۋ وقيعاسى مىنانى تولىق كورسەتتى: جۇڭگو پالە شىعارمايدى، الايدا پالەدەن دە قورىقپايدى. جۇڭگو ءارقانداي فورماداعى ساياسي قۇقايدى جانە ءادىليادان ورىنسىز پايدالانۋ ارەكەتىن استە قابىلدامايدى، جۇڭگو ازاماتتارىنىڭ وزگە ەلدىڭ ساياسي قىسپاعىنىڭ قۇرباندىعى بولۋىنا استە جول بەرمەيدى. جۇڭگو حالقى − ادىلەتتى قاستەرلەيتىن، زورلىق - زومبىلىقتان تايسالمايتىن حالىق، جۇڭحۋا ۇلتى − كۇشتى ۇلتتىق ماقتانىش سەزىمى جانە وزىنە سەنىمى بار ۇلت. جۇڭگو حالقى وزگە ەل حالىقتارىن ەجەلدەن باسىنىپ، ەزىپ، قۇلدانىپ كورگەن ەمەس، سونداي - اق ءارقانداي سىرتقى كۇش اتاۋلىنىڭ ءبىزدى باسىنۋىنا، ەزۋىنە، قۇلدانۋىنا استە جول بەرمەيدى. ءارقانداي ادامنىڭ، ءارقانداي كۇشتىڭ وسىلاي ىستەۋدى قيالداۋىنا جۇڭگو حالقى استە جول بەرمەيدى.

  مىڭ ۋانجوۋ وقيعاسىنىڭ ءمانى − امەريكانىڭ جۇڭگونىڭ دامۋ اياق الىسىنا بوگەت بولۋعا، ءتىپتى، ءۇزىپ تاستاۋعا ۇرىنۋ. جۇڭگونىڭ جاساعان قۇلشىنىسى، قورعاعانى تەك ءبىر ازاماتتىڭ ۇقىعى، ءبىر كاسىپورىننىڭ ۇقىق - مۇددەسى عانا ەمەس، ونان دا ماڭىزدىسى، جۇڭگو حالقىنىڭ اناعۇرلىم تاماشا تۇرمىس كەشىرۋ، مەملەكەتتىڭ وسىزاماندانۋدى جۇزەگە اسىرۋ ۇقىعىن قورعاۋ بولىپ تابىلادى. مىڭ ۋانجوۋ وقيعاسىنا ىشكەرىلەي ءۇڭىلۋ ارقىلى جۇڭگو حالقى مىنانى اناعۇرلىم انىق كوردى: دۇنيە ءجۇزىنىڭ 100 جىلدا بولماعان زور وزگەرىسى الدىندا، ءبىز، ءسوز جوق، بۇلجىماستان ءوز جولىمىزبەن ءجۇرىپ، قايىسپاس قايسارلىقپەن ءوز ءىسىمىزدى ويداعىداي ىستەپ، جوعارى دەڭگەيلى عىلىم - تەحنيكادا ءوزىمىزدى ەڭسەلەندىرۋدى، ءوزىمىزدى الۋەتتەندىرۋدى جۇزەگە اسىرىپ، ۇلى وتانىمىزدى اناعۇرلىم قۇدىرەتتى ەتىپ قۇرىپ شىعۋىمىز كەرەك.

  بۇگىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە ءوتتى. ءبىز مىنانى ابدەن ءبىلۋىمىز كەرەك: ۇلتتىڭ گۇلدەنۋىنە قانشالىق جاقىنداعان سايىن، بارلىعى سونشالىق ساتىنە باسا بەرمەيدى، سونشالىق حاۋىپ - قاتەرگە، سىن - سايىسقا، ءتىپتى، اقجال تولقىن، اساۋ اعىسقا تۋرا كەلەدى. ءبىز مىناعان كامىل سەنەمىز: باستان - اياق تاريحتىڭ دۇرىس جاعىندا تۇرىپ، باستان - اياق ادامزاتتىڭ العا باسۋى جاعىندا تۇرىپ، داۋىلدى تولقىنداردان تايسالماي، سىن - سايىستارمەن بەتپە - بەت كەلىپ، بوران - شاشىندا بوگەلمەي العا ىلگەرىلەسەك، ءبىزدىڭ ۇلى وتانىمىزدىڭ ورنىن ەشقانداي كۇش مىزعىتا المايدى، جۇڭگونىڭ العا باسقان قادامىن ەشقانداي كۇش بوگەي المايدى!

  (شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.