تيانشان تورى   ›   جاڭالىقتار   ›   سپورت الەمى

ۋاڭ ليلي كەرەمەت بەينە كورسەتتى، شينجياڭ 7 ـ التىن مەدالدى الدى

【جالپى حالىق مەملەكەتتىك سپورتقا ات سالىسۋ، ٴبىر ماقساتپەن العا باسۋ】

ۋاڭ ليلي (قىزىل كيىمدى) جارىستا. سۋرەتتى اۆتونوميالى رايوندىق دەنە تاربيە مەكەمەسى بەرگەن

  تيانشان تورى – شينجياڭ گازەتىنىڭ حابارى (ٴتىلشى حۋاڭ شيڭ حابارلايدى) 9 – ايدىڭ 26 – كۇنى كەشتە، مەملەكەتتىك 14 ـ كەزەكتى سپورت جارىسى ايەلدەردىڭ 3 ادامدىق باسكەتبول شەشۋشى جارىسىندا شينجياڭ ايەلدەر باسكەتبول قۇراماسىنىڭ باستىعى ۋاڭ ليلي مەن وليمپيادا سپورت جارىسى بىرلەسكەن قۇراماسىنداعى سەرىكتەرى 15كە قارسى 20 ۇپايمەن حىنان قۇراماسىن جەڭىپ، اعا جۇلدەگەر بولدى. ەرەجەگە ساي، ۋاڭ ليلي شينجياڭنىڭ قانجىعاسىنا ٴبىر التىن بايلادى، بۇل شينجياڭ دەنە تاربيە ۋاكىلدەر ۇيىرمەسىنىڭ وسى كەزەكتى مەملەكەتتىك سپورت جارىسىندا العان 7 ـ التىن مەدالى.

  توكيو وليمپيادا سپورت جارىسىنىڭ كىشى جۇلدەگەرى رەتىندە، ۋاڭ ليلي، جاڭ جىتيڭ، ياڭ شۋيۇي جانە ۋان جييۋانداردان قۇرام تاپقان بىرلەسكەن قۇراما سپورتشىلاردىڭ ورنالاستىرىلۋى جاعىندا ەل ىشىندەگى ەڭ ۇزدىك سانالادى. اسىرەسە، ۋاڭ ليلي شەشۋشى ساتتەگى”جۇرەكتى جەڭىمپاز“، سونداي ـ اق سپورتتىق كۇشى مىعىم، توسقاۋىلداۋعا تىرەگى جانە قايتپا دوپ شەبەرى، ۇيىمداستىرۋ، بىرلەستىرۋ قابىلەتى كورنەكتى، شەپ بۇزىپ دوپ سالسا، توسقاۋلداۋ قيىن.

  شەشۋشى جارىسقا كىرگەن حىنان قۇراماسى شاعىن گرۋپپالار جارىسىندا 18گە قارسى 9 ۇپايمەن بىرلەسكەن كوماندادان جەڭىلگەن بولاتىن.

  شەشۋشى جارىستا حىنان قۇراماسى كۇشتى شابۋىلداۋ جىگەرىن تاسقىنداتىپ، قورعانىستا بىرلەسكەن قۇراماعا اسا زور قىسىم ٴتۇسىردى، 2 مينۋتقا جۋىق ۋاقىتتا ەكى جاق تا ٴنومىر الا المادى. جارىستىڭ الدىڭعى جارىمىندا حىنان قۇراماسى مەن بىرلەسكەن قۇراما 5:6 ۇپاي الدى. وسىدان كەيىن بىرلەسكەن قۇراما ىشتەي سايكەسۋگە جانە جوعارى كۇشەمەلىلىكتەگى قورعانىس باسىم كۇشىنە سۇيەنىپ، الاڭداعى ىرىقتىلىقتى بۇكىلدەي مەڭگەردى. جاڭ جىتيڭ مەن ۋان جييۋان سىرتقى شەپتە 2 ۇپاي الدى، ۋاڭ ليلي مەن ياڭ شۋيۇي دە توسقاۋىلداۋ، قايتپا دوپقا تالاسۋ جانە شەپ بۇزۋ ارقىلى كوماندانىڭ 20:15 ۇپايمەن قارسىلاسىن جەڭۋىنە كومەكتەستى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.