تيانشان تورى   ›   جاڭالىقتار   ›   سپورت الەمى

ۋاڭ ليلي كەرەمەت بەينە كورسەتتى شينجياڭ 7 - التىن مەدالىن الدى

  انار بۇلت / شينجياڭ گازەتىنىڭ ءتىلشىسى حۋاڭ شيڭ 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 26 - كۇنى كەشتە 14 - كەزەكتى مەملەكەتتىك سپورت جارىسىنىڭ ايەلدەردىڭ 3 ادامدىق باسكەتبول شەشۋشى جارىسىندا شينجياڭ ايەلدەر باسكەتبول قۇراماسىنىڭ باستىعى ۋاڭ ليلي مەن وليمپيادا سپورت جارىسى بىرلەسكەن قۇراماسىنداعى سەرىكتەرى 15كە قارسى 20 ۇپايمەن حىنان قۇراماسىن جەڭىپ، اعا جۇلدەگەرلىككە يە بولدى. قاعيداعا ساي ۋاڭ ليلي شينجياڭعا ءبىر التىن مەدال الىپ بەردى، بۇل ءارى شينجياڭ دەنە تاربيە ۋاكىلدەر ۇيىرمەسىنىڭ وسى كەزەكتى مەملەكەتتىك سپورت جينالىسىندا العان 7 - التىن مەدالى.

  توكيو وليمپيادا سپورت جارىسىنىڭ كىشى جۇلدەگەرى رەتىندە، ۋاڭ ليلي، جاڭ جىتيڭ، ياڭ شۋيۇي جانە ۋان جييۋانداردان قۇرالعان بىرلەسكەن قۇراما سپورتشىلاردىڭ ورنالاستىرىلۋى جاعىندا ەل ىشىندە ەڭ ۇزدىك سانالادى. اسىرەسە، ۋاڭ ليلي شەشۋشى ساتتەگى ”جۇرەكتى جەڭىمپاز“ ءارى قۋات يەسى، توسقاۋىلداۋ تىرەگى جانە قايتپا دوپ شەبەرى، ۇيىمداستىرۋ، بىرلەستىرۋ قابىلەتى ايتا قالسىن، شەپ بۇزىپ، دوپ سالسا، ساقتانۋ قيىن.

  شەشۋشى جارىسقا كىرگەن حىنان قۇراماسى شاعىن گرۋپپالار جارىسىندا 18: 9 ۇپايمەن بىرلەسكەن قۇراماعا توتەپ بەرە المادى.

  شەشۋشى جارىستا حىنان قۇراماسى توتەنشە كۇشتى جىگەرلەرىن قاۋلاتىپ، قورعانىس جاعىندا بىرلەسكەن قۇراماعا وتە زور قىسىم ءتۇسىردى، 2 مينۋتقا تاياۋ ۋاقىتتا ەكى جاق تا ۇپاي الا المادى. جارىستىڭ الدىڭعى جارتىسىندا حىنان قۇراماسى مەن بىرلەسكەن قۇراما 5: 6 ۇپاي الدى. وسىدان كەيىن بىرلەسكەن قۇراما ءۇنسىز تۇسىنىسكەن سەلبەستىك پەن جوعارى كۇشەمەلىلىكتەگى ساقتانۋ باسىمدىعىنىڭ ارقاسىندا، الاڭداعى ىرىقتىلىقتى بۇكىلدەي مەڭگەرىپ الدى. جاڭ جىتيڭ مەن ۋان جييۋان سىرتقى شەپتە 2 ءنومىر الدى، ۋاڭ ليلي مەن ياڭ شۋيۇي دە توسقاۋىلداۋ، قايتپا دوپقا تالاسۋ جانە شەپ بۇزۋدىڭ ارقاسىندا باسكەتبول قۇراماسىنىڭ 15كە قارسى 20 ۇپايمەن قارسىلاسىن جەڭۋىنە كومەكتەستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.