□ گازەتىمىزدىڭ شولۋشىسى
شەبەرلىك كەلبەتىن ايگىلەپ، اۋىل - قىستاقتى گۇلدەندىرۋدى جەبەيىك. التىن كۇزدە مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسىنىڭ شىمىلدىعى رايونىمىزدا سالتاناتپەن اشىلدى، بۇل جاڭا جۇڭگو قۇرىلعاننان بەرى وتكىزىلگەن تۇڭعىش كەزەكتى اۋىل - قىستاقتى گۇلدەندىرۋ كاسىپتىك شەبەرلىك جارىسى. بۇكىل ەلدەگى ءارقايسى ولكە ( رايون، قالا) جانە شينجياڭ ءوندىرىس - قۇرىلىس بيڭتۋانىنان كەلگەن جالپى 29 ۋاكىلدەر ۇيىرمەسىندەگى 617 شەبەر 11 ءتۇر بويىنشا سايىسقا تۇسەدى.
ءمول ءونىمدى تويلاپ جاتقان وسى كۇندە جىل سايىن ءمول ءونىم بەرەتىن وسىناۋ ىرىستى مەكەندە جارىستىڭ وتكىزىلۋى بىزگە اۋىل - قىستاقتى گۇلدەندىرۋ ستراتەگياسىنىڭ كوركەم بولاشاعىن كورسەتىپ، ءۇمىت اتىزىنان قاۋلاعان تىرشىلىك تىنىسىن اڭعارتتى.
ۇلت گۇلدەنۋ ءۇشىن، اۋىل - قىستاق، ءسوز جوق، گۇلدەنۋى كەرەك. جۇڭگونىڭ وسىزاماندانۋىن اۋىل شارۋاشىلىعىن، اۋىل - قىستاقتى وسىزامانداندىرۋدان بولە قاراۋعا كەلمەيدى، اۋىل شارۋاشىلىعىن، اۋىل - قىستاقتى وسىزامانداندىرۋدىڭ تەتىگى عىلىم - تەحنيكادا، دارىندىلاردا. مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسى قالىڭ شەبەر دارىندىلارعا توسەلگەن شەبەرلىگىن ايگىلەۋ، ءوزارا ونەر سىناسۋعا كەڭ تۇعىر ازىرلەدى، ونان دا ماڭىزدىسى، بۇل اۋىل - قىستاقتى گۇلدەندىرۋدىڭ كۇرەس جىگەرىن تاسقىنداتۋدىڭ، دارىندىلاردى توپتاتۋدىڭ، قوسىن قۇرۋدىڭ ماڭىزدى ورايى.
ەركىن مەڭگەرگەن، ابدەن ىسىلعان جارىس شەبەرلەرىنىڭ جارىس بارىسىندا ەرەن شەبەرلىگىن ايگىلەۋىنىڭ استارىندا، كۇن سايىن قاجىرلىلىقپەن ۇيرەنۋ، جاپالى جاتتىعۋ، قيىنشىلىق الدىنداعى قايىسپاس قايسارلىق، جەتىلگەن سايىن توسەلسەم دەگەن بەرىك تالپىنىس جاتىر. ولاردا ايگىلەنگەن ەڭبەك ەرى رۋحى، ەڭبەك رۋحى، ۇستا رۋحى ءدال اۋىل - قىستاقتى گۇلدەندىرۋ ستراتەگياسىن جاپپاي اتقارۋدا بەرىك ورناتۋدى قاجەت ەتەتىن ءداۋىر رۋحى تۋى.
جارىس كەڭ - بايتاق اۋىل - قىستاققا باعىتتالعان، جارىسقا قاتىناسۋشىلار اۋىل شارۋاشىلىق وتباسىلارىنداعى، اسىرەسە، جەر - جەردەگى كەدەيلىكتەن ارىلعان وتباسىلارىنداعى (قاداعالانىپ، كومەكتەسىپ - سۇيەمەلدەنەتىن وبيەكتىلەر وتباسىن قامتيدى) ادامداردى نەگىز ەتكەن، ولاردىڭ حيكاياسى − كەدەيلىكتەن ارىلتۋدان قامال الۋ شايقاسى جەمىسىنىڭ ەڭ جاندى بەينەسى، ولاردىڭ شەبەرلىگىندە كاسىپ سالاسىن دامىتىپ، اتا مەكەندى كوركەيتۋدىڭ ءساتتى تاجىريبەسى ساقتالعان، جارىس تۇعىرىندا ايگىلەۋ جانە ىرىكتەۋ ارقىلى كەڭ − بايتاق اتىزداعى اۋىلداستارعا ۇيرەنۋگە ەڭ تاتيتىن، قاسىنداعى ۇلگىلەردى ورناتتى. ولاردىڭ قۇلشىنا كۇرەس جاساعان بەينەلەرى اناعۇرلىم كوپ اۋىل - قىستاق دارىندىلارىن بيىككە تالپىنىپ، اۋىل شارۋاشىلىعىمەن اينالىسۋ داڭق دەيتىن يدەيا كوزقاراسىن ورناتۋعا جەتەكتەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرىپ، سول ارقىلى اۋىل - قىستاقتى جاپپاي گۇلدەندىرۋدى جۇزەگە اسىرۋعا ءتىپتى دە قۋاتتى اقىل - پاراسات جانە كۇش - قۋات توپتايتىنى داۋسىز.
ناتيجە دارىندىلارمەن كەلەدى، كاسىپ ءورىسى دارىندىلارمەن كەڭەيەدى. اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى. مىندەت جاپالى، دارىندىلاردان پايدالانۋدا قاساڭ قاعيدالاردى بۇزىپ، اۋىل - قىستاق دارىندىلار قاينارىن كەڭەيتۋدى ءتىپتى دە قاجەت ەتەدى. اۋىل - قىستاقتى گۇلدەندىرۋدە، كاسىپ سالاسىن دامىتۋدا ءدوپ كەلەتىن جاڭا جاعداي، جاڭا ماسەلە ۇشان - تەڭىز، جاڭا دارىندىلارعا، جاڭا تەحنيكاعا بولعان سۇرانىستىڭ وزگەرىسى تەز، دارىندىلاردى جەتىلدىرىپ، ءبىلىمپازداردى مولىنان شاقىرىپ، دارىندىلاردان جوعارى ءونىمدى پايدالانعاندا عانا، اۋىل - قىستاق دارىندىلارىنىڭ اۋىل - قىستاقتى گۇلدەندىرۋ ستراتەگياسىن اتقارۋ نەگىزگى قاجەتىن قاناعاتتاندىرۋعا بولادى. مىنە بۇل بىزدەن اۋىل - قىستاق دارىندىلارىن دامىتۋ قىزمەتىن ماڭىزدى قىزمەت رەتىندە ويداعىداي يگەرىپ، ناقتى ىستەپ، جەرگىلىكتى اۋىل - قىستاق دارىندىلارىنىڭ جەتىلۋ ورتاسىن ۇزدىكسىز ساپالىلاندىرىپ، اۋىل - قىستاقتا قازىر بار دارىندىلاردىڭ ومىرشەڭدىك كۇشىن تولىق تاسقىنداتۋدى؛ تۇرمىس ورتاسىن جاقسارتىپ دارىندىلاردى باۋراپ، قوعامنىڭ ءار سالاسىنداعى دارىندىلاردى اۋىل - قىستاقتى گۇلدەندىرۋگە ات سالىسۋعا جىگەرلەندىرۋدى، قولداۋ كورسەتۋدى، جەتەكتەۋدى؛ اۋىل - قىستاققا باعىتتالعان كاسىپتىك وقۋ - اعارتۋدى جەدەل دامىتىپ، نەگىزگى ساتى شۇعىل قاجەت ەتەتىن كاسىپتىك تەحنيكالىق دارىندىلاردى جەتىلدىرۋدى؛ ءتۇزىلىس، مەحانيزمدە جاڭالىق اشىپ، شارۋالاردى كاسىپتىك شەبەرلىكتى سارالاۋ، كاسىپتىك شەبەرلىك دارەجەسىن بەكىتۋ، كاسىپتىك شەبەرلىك جارىسى سياقتى كوپ ءتۇرلى شەبەرلىك باعالاۋعا قاتىناسۋعا ۇيىمداستىرىپ، ”جارىس ارقىلى باعالاۋدىڭ“، ”نىسان ارقىلى باعالاۋدىڭ“ جۇزەگە اساتىن جولى جونىندە ىزدەنىس جاساۋدى تالاپ ەتەدى. جوعارى ساپالى تۇعىر ورناتۋ ارقىلى تاماشا ورتا جاراتىپ، دارىندىلاردىڭ ءىس تىندىرىپ، شارۋاشىلىق قۇرۋى مەن قۇنىن جۇزەگە اسىرۋىنا وراي، شارت − جاعداي ازىرلەپ، دارىندىلاردىڭ ىشكى ومىرشەڭدىك كۇشىن مۇمكىندىكتىڭ بارىنشا تاسقىنداتىپ، سول ارقىلى اۋىل - قىستاقتى گۇلدەندىرۋدىڭ جوعارى ساپالى دارىندىلار قوسىنىن قۇرۋ كەرەك.
جاڭا داۋىردە اۋىل - قىستاق ۇمىتكە تولى اتىز، ءىس تىندىرىپ، شارۋاشىلىق قۇرۋدىڭ كەڭ ساحناسى. اۋىل - قىستاقتى گۇلدەندىرۋدىڭ كوركەم كارتيناسى ەڭبەكشىلەردىڭ اشتى تەرىمەن قۇلشىنا ەڭبەكتەنۋىن قاجەت ەتەدى، ۇلتتىڭ گۇلدەنۋىنىڭ ۇلى ءىسى ەڭبەكشىلەردى، اسىرەسە، جاس بۋىنداردى شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ جولىمەن جۇرۋگە ۇندەيدى، ءبىز ءۇمىت اتىزىنا ات سالىسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا قاجىرلىلىقپەن ەڭبەكتەنىپ، قاجىماي - تالماي كۇرەس جاسايىق!
