تيانشان تورى   ›   جاڭالىقتار   ›   سۋرەتتى حابار

2021 - جىلعى مەملەكەتتىك سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى اشىلدى

چىن چۋانگو ارناۋ ءسوز سويلەدى، لي گويىڭ ءسوز سويلەدى

شوكىرات زاكىر، جاڭ چۇنلين قاتىستى قيمىلدارعا قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، ليۋ شياڭ 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 24 - كۇنى تۇستەن بۇرىن 2021 - جىلعى مەملەكەتتىك سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى.

  اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ارناۋ ءسوز سويلەدى، سۋ يگىلىگى مينيسترلىگى پارتيا باسشىلىق گرۋپپاسىنىڭ شۋجيى، مينيستر لي گويىڭ ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتىستى قيمىلدارعا قاتىناستى. سۋ يگىلىگى مينيسترلىگىنىڭ ورىنباسار مينيسترى ۋي شانجۇڭ ءماجىلىستى باسقاردى.

  چىن چۋانگو اۆتونوميالى رايوندىق پارتكوم، ۇكىمەت، بيڭتۋان، سونداي - اق بۇكىل رايونداعى ءار ۇلت حالقى اتىنان سۋ يگىلىگى مينيسترلىگىنىڭ جانە شينجياڭعا كومەكتەسەتىن ولكە - قالالاردىڭ ۇزاق ۋاقىتتان بەرى شينجياڭ قىزمەتىنە كوڭىل بولگەندىگىنە، قولداۋ كورسەتكەندىگىنە، كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سۋ يگىلىگى مينيسترلىگى مەن شينجياڭعا كومەكتەسەتىن ولكە - قالالار شينجياڭعا باعىتتامالى كومەكتەسۋدى كەلەلى ساياسي مىندەت ەتۋدەن جازباي، سۋ يگىلىگى ارقىلى شينجياڭعا كومەكتەسۋدىڭ باياندى مەحانيزمىن ورناتىپ جانە اقاۋسىزداندىرىپ، شينجياڭنىڭ سۋ يگىلىگى قىزمەتىنە ۇدايى جەتەكشىلىك ەتىپ، قولداۋ كورسەتىپ، شينجياڭنىڭ سۋ يگىلىگى ىستەرىنىڭ دامۋىن ىلگەرىلەتىپ، جاڭا داۋىردەگى سۋ يگىلىگى ارقىلى شينجياڭعا كومەكتەسۋ ىستەرىنىڭ شينجياڭنىڭ ورنىقتىلىعى مەن دامۋىنا دەم بەرگەن تاماشا جاعدايىن اشتى.

  چىن چۋانگو بىلاي دەپ اتاپ كورسەتتى: قازىر شينجياڭ باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇزدىكسىز ىشكەرىلەي ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا ساپاردا ورنىقتىلىق، دامۋ قىزمەتتەرىندە جاڭا جاعدايدى قايراتتانا اشۋدا. ءبىز ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وسى رەتكى ءماجىلىستى وراي، قوزعاۋشى كۇش ەتىپ، 8 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، سۋ يگىلىگى قىزمەتىن شىن مانىندە كورنەكتى ورىنعا قويىپ، سۋ يگىلىگى جۇيەسىنىڭ شينجياڭعا كومەكتەسۋ باسىمدىعىنان ۇزدىكسىز جاقسى پايدالانىپ، سۋ يگىلىگى ىستەرىنىڭ جوعارى ساپالى دامۋىن كۇش سالا ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز.

  لي گويىڭ بىلاي دەپ اتاپ كورسەتتى: جاڭا كەزەڭدە سۋ يگىلىگى ارقىلى شينجياڭعا كومەكتەسۋ قىزمەتىن جاقسى ىستەۋ − سۋ يگىلىگى مينيسترلىگىنىڭ كەلەلى ساياسي مىندەتى جانە ساياسي جاۋاپكەرشىلىگى. باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، ءتۇسىنىپ، باستان - اياق ”مەملەكەتتىڭ ءىرى ءىسىن“ كوكەيگە ءتۇيىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، سۋ يگىلىگى ارقىلى شينجياڭعا كومەكتەسۋ قىزمەتىنىڭ كىرىسۋ ءتۇيىنى مەن كۇش سالۋ ءتۇيىنىن شىن مانىندە ءدال تاۋىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا پارمەندى سۋ يگىلىگى حاۋىپسىزدىگى قامتاماسىزدىعىن ازىرلەۋ كەرەك. باس شۋجي شي جينپيڭنىڭ ”سۋ ۇنەمدەۋدى الدىمەن ەسكەرۋ، كەڭىستىكتەگى تەپە - تەڭدىك، جۇيەلى جونگە سالۋ، ەكى جاقتان بىردەي كۇش سالۋ“ سىندى سۋ تىزگىندەۋ وي جەلىسىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ ءىس جۇزىندىك جاعدايىمەن تىعىز بىرلەستىرىپ، الاپتىڭ تاسقىننان ساقتانۋ ينجەنەرياسى جۇيەسىن اناعۇرلىم كەمەلدەندىرىپ، سۋ بايلىعىن ۇلەستىرۋ ارناسىن ساپالىلاندىرىپ، سۋ ەكولوگياسىن قورعاۋ مەن قالپىنا كەلتىرۋدى كۇشەيتىپ، زەردەلى سۋ يگىلىگى قۇرىلىسىن ىلگەرىلەتىپ، سۋ ۇنەمدەۋ ءتۇزىمى، ساياساتىن ورناتىپ جانە اقاۋسىزداندىرىپ، ءتۇزىلىس - مەحانيزمىن زاڭمەن جونگە سالۋ ارقىلى باسقارۋدى كۇشەيتىپ، جاڭا كەزەڭدە شينجياڭنىڭ سۋ يگىلىگىنىڭ جوعارى ساپالى دامۋىن ىلگەرىلەتۋ كەرەك. ۇيىمدىق باسشىلىقتى كۇشەيتىپ، ساياساتتىق قولداۋدى كۇشەيتىپ، ءتاسىل - ادىستە جاڭالىق اشىپ، سوڭىنا ءتۇسىپ باقىلاپ - قۋزاپ، ونىمدىلىگىن سۇراستىرىپ، شينجياڭعا كومەكتەسەتىن كادرلاردىڭ رولىن اناعۇرلىم جاقسى ساۋلەلەندىرىپ، ”14 - بەسجىلدىقتاعى“ سۋ يگىلىگى ارقىلى شينجياڭعا كومەكتەسۋ مىندەتتەرىنىڭ تياناقتانىپ ءونىم كورسەتۋىنە شىنايى كەپىلدىك ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى جاقسى جاڭا داۋىردەگى جۇڭگوشا سوتسياليستىك شينجياڭ قۇرۋعا سۋ يگىلىگىنىڭ ۇلەسىن قوسۋ كەرەك.

  ماجىلىستە سۋ يگىلىگى مينيسترلىگى جوبالاۋ، جوسپارلاۋ مەكەمەسىندەگى قاتىستى جاۋاپتى جولداس سۋ يگىلىگى ارقىلى شينجياڭعا كومەكتەسۋ قىزمەتىنىڭ جاعدايىن تانىستىردى؛ اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، بيڭتۋان پارتكومىنىڭ ورىنباسار شۋجيى، ورىنباسار جىڭۋيى كۇڭ شيڭلۇڭ جەكە - جەكە اۆتونوميالى رايوننىڭ، بيڭتۋاننىڭ سۋ يگىلىگى رەفورماسىنىڭ، دامۋىنىڭ جاعدايىن تانىستىردى. سۋ يگىلىگى مينيسترلىگى سۋ يگىلىگىن، سۋ ەلەكترىن جوبالاۋ، جوسپارلاۋ باس مەكەمەسى، چاڭجياڭ وزەنى سۋ يگىلىگى كوميتەتى، حۋاڭحى وزەنى سۋ يگىلىگى كوميتەتى سياقتى ورىندارداعى جاۋاپتى جولداستار پىكىر اۋىستىرىپ لەبىز ءبىلدىردى.

  9 - ايدىڭ 23 - كۇنىنەن 25 - كۇنىنە دەيىن، لي گويىڭ جانە ونىڭ ساپارلاستارى ىلگەرىندى - كەيىندى ۇرىمجىگە، بيڭتۋان 12 - شىسىنا، اقسۋ ايماعىنا، بيڭتۋان 1 - شىسىنا بارىپ، سۋ يگىلىگى نەگىزدىك قۇرىلعى قۇرىلىستارى، وزەن - كولدەردى جونگە سالۋ، قالا، اۋىلداردى سۋمەن قامداۋ سياقتى جاعدايلاردى تەكسەرىپ - زەرتتەپ، سۋ يگىلىگى ارقىلى شينجياڭعا كومەكتەسۋ كادرلارىنا امانداستى.

  سۋ يگىلىگى مينيسترلىگى حۋاڭحى وزەنى سۋ يگىلىگى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى ۋاڭ اننان، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى دۇڭ شينگۋاڭ قاتارلىلار جوعارىداعى قاتىستى قيمىلدارعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.