تيانشان تورى   ›   جاڭالىقتار   ›   ەل ءىشى حابارى

ءبىز نە ءۇشىن تابىسقا جەتتىك

  حالىق گازەتى ”شۋانياننىڭ“ اۆتورلى ماقالاسىن جاريالايدى

  ءبىز نە ءۇشىن تابىسقا جەتتىك

  شينحۋا اگەنتتىگىنىڭ 9 - ايدىڭ 26 - كۇنى بەيجيڭنەن بەرگەن حابارى. 9 - ايدىڭ 27 - كۇنى باسپادان شىعاتىن حالىق گازەتى ”شۋانياننىڭ“ «ءبىز نە ءۇشىن تابىسقا جەتتىك» اتتى اۆتورلى ماقالاسىن جاريالايدى.

  ماقالادا بىلاي دەلىنگەن: زامانىمىزدىڭ 2021 - جىلى جۇڭگونىڭ ەگىنشىلىك كالەندارى بويىنشا شينچوۋ جىلى.

  7 - ايدىڭ 1 - كۇنى تيان - انمىن الاڭىندا جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى سالتاناتتى دا ساۋلەتتى، ايبىندى دا دابىرالى، جۇيەلى دە اۋقىمدى، شات - شادىمان بەينەگە تولدى! 100 قىزىل تۋ جەلمەن بىرگە جەلبىرەدى، 100 رەت اتىلعان قۇرمەت زەڭبىرەگى جەر - الەمدى جاڭعىرتتى، 100 مارىش قادام جۇرتتى ءسۇيىندىردى، ”پارتيا الاڭسىز بولىڭىز، مەملەكەتتى قۇدىرەتتەندىرۋدە ءبىز بارمىز“ دەگەن اسقاق سەزىم اۋەلەدى... 100 جىلدىق ۇلى پارتيانىڭ ايبىندى دا اسقاق، گۇلدەنگەن زامانداعى جۇڭگونىڭ سان الۋان بەينەسى، ۇلى ۇلتتىڭ وزىنە سەنىمى، ءوزىن الۋەتتەندىرۋى بۇكىل دۇنيە ءجۇزىنىڭ نازارىن اۋداردى. باس شۋجي شي جينپيڭ دۇنيە جۇزىنە جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعامدى قۇرىپ شىقتىق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە قادام تاستادى دەپ سالتاناتپەن جاريالادى.

  ەكى 60 جىلدىڭ الدىنا قايىرىلا قاراساق، تاعى ءبىر ەگىنشىلىك كالەندارى بويىنشا شينچوۋ جىلى، چيڭ ۇكىمەتى بيلىكتەن ايرىلىپ، مەملەكەت نامىسىنا داق سالعان «شينچوۋ شارتىنا» ەرىكسىز قول قويدى، سول كەزدەگى تايحى سارايى الاڭى شاپقىنشىلاردىڭ اسكەر جاتتىقتىرۋ الاڭىنا اينالىپ، جۇڭحۋا ۇلتى 8 مەملەكەت بىرلەسكەن ارمياسىنىڭ استاناعا شاپقىنشىلىق جاساۋىنداي قورلىقتى ارقالاپ 20 - عاسىرعا اياق باستى، جۇڭگولىقتاردىڭ الدىندا كىلەڭ ايانىشتى بەينە تۇردى.

  1921 - جىلى جۇڭگو كوممۋنيستىك پارتياسى قۇرىلدى، ادىلەت ءۇشىن ەشتەڭەدەن تايىنباي جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ تاريحي بورىشىن ارقالادى. 100 جىل ءوتتى، جۇڭحۋانىڭ بايتاق دالاسىندا جەر - كوكتى ءدۇر سىلكىندىرگەن تاريحي زور وزگەرىس جارىققا شىعىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، دۇنيە جۇزىنە گۇلدەنىپ - كوركەيگەن، كۇن سايىن جاڭارعان بەينەنى كورسەتتى.

  ماقالادا مىنالار اتاپ كورسەتىلگەن: 100 جىلدا كوك تەڭىزدەر ەگىنجايعا اينالدى، 100 جىلدا ۇلى قارىشتاۋ بولدى. ءبىز نە ءۇشىن تابىسقا جەتتىك؟ ءبىز قايتكەندە ۇزدىكسىز تابىسقا جەتە الامىز؟ باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى سوزىندە وسى سۇراۋدى ورتاعا قويدى ءارى وعان شوعىرلى جاۋاپ بەردى: ”جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس“. بۇل ەڭ ماڭىزدى تاريحي تۇجىرىم ءارى ەڭ قۇندى تابىستى تاجىريبە.

  ماقالادا مىنالار اتاپ كورسەتىلگەن: كىم حالىقتى باستاپ ۇلتتىڭ گۇلدەنۋىن جۇزەگە اسىرسا تاريح سونى تاڭدايدى، ءداۋىر سوعان قامقور بولادى، داڭق سوعان ءتان بولادى. 100 جىلدان بەرى جۇڭگو كوممۋنيستىك پارتياسى حالىقتى ىنتىماقتاستىرىپ، باستاپ، نازاردى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى وسى نەگىزگى تاقىرىپقا شوعىرلاندىرىپ، ۇلى جول اشتى، ۇلى ىستەردى جاراتتى، ۇلى تابىسقا قول جەتكىزدى، ۇلى رۋحتى سومدادى، جۇڭحۋا ۇلتىنىڭ نەشە 1000 جىلدىق تاريحىنداعى ەڭ ايبىندى تاريحي ەپوستى جازدى. جۇڭگو كوممۋنيستىك پارتياسى كۇرەس جۇرگىزۋ، قۇربان بەرۋ جانە تابىس ارقىلى تاريحتىڭ تاڭداۋىنا يە بولدى. مىنە بۇل پارتيانىڭ باسشىلىعىنا تاباندى بولۋدىڭ تاريحي لوگيكاسى.

  ماقالادا مىنالار اتاپ كورسەتىلگەن: كىم حالىقتىڭ ىرىس - قۇتىن كوزدەپ، ەڭ كەڭ حالىقتىڭ ءتۇبىرلى مۇددەسىن ويداعىداي جۇزەگە اسىرسا، ويداعىداي قورعاسا، ويداعىداي دامىتسا حالىق سونى قولدايدى، سوعان ىلەسەدى. جۇڭگو كوممۋنيستەرى وزدەرىنىڭ ادالدىعى، ىستىق قانى، ناقتى ءىس ىستەۋى، ءوزىنىڭ اۆانگارد ۇلگىلىك رولى جانە حالىق بۇقاراسىمەن ەتەنە بايلانىسى ارقىلى حالىقتى باستاپ شىنايى باقىتتى تۇرمىس جاراتىپ، وسى ارقىلى حالىقتىڭ تاڭداۋىنا، قولداۋىنا جانە قۇرمەتىنە يە بولدى. بۇل پارتيانىڭ باسشىلىعىنا تاباندى بولۋدىڭ نازاريالىق لوگيكاسى.

  ماقالادا مىنالار اتاپ كورسەتىلگەن: 100 جىلدىق كۇرەس بارىسىندا جۇڭگو حالقى مىنانى تەرەڭ سەزىندى: جۇڭگو كوممۋنيستىك پارتياسىنىڭ باسشىلىعى − ءبىزدىڭ جەڭىستەن جەڭىسكە بەت الۋىمىزداعى ەڭ ۇلكەن ابزالدىلىعىمىز، پارتيا مەن مەملەكەتتىڭ ءتۇبىرلى تياناعى، جان جۇيەسى، بۇكىل ەلدەگى ءار ۇلت حالقىنىڭ مۇددەسىنىڭ دايەگى، تاعدىرىنىڭ دايەگى. جۇڭگو كوممۋنيستىك پارتياسىنىڭ باسشىلىعىندا، ءبىز باسقالار بىتىرە الماعان كوپتەگەن ءىستى بىتىردىك، باسقالار ىستەي الماعان كوپتەگەن ءىستى ىستەدىك، دۇنيە جۇزىندەگى ءارقانداي ساياسي كۇش جاراتا المايتىن دۇنيە كەرەمەتىن جاراتتىق. تاريحي اماليات جۇڭگو كوممۋنيستىك پارتياسىنىڭ بوران - شاشىن بولعاندا جۇڭگو حالقىنىڭ ەڭ سەنىمدى تىرەگى، تەڭگەرگىشى ەكەندىگىن ۇزدىكسىز دالەلدەدى. توڭكەرىس جۇرگىزۋدىڭ، قۇرىلىس جۇرگىزۋدىڭ، رەفورمانى يگەرۋدىڭ، گۇلدەنۋدى جەبەۋدىڭ، تاسقىنمەن شايقاسۋدىڭ، جەر سىلكىنىسى اپاتىنا قارسى اتتانۋدىڭ، كەدەيلىكتى جويۋدىڭ، ىندەتتى تىزگىندەۋدىڭ، جۇڭگو كۇشىنىڭ، جۇڭگو رۋحىنىڭ، جۇڭگو ونىمدىلىگىنىڭ شوعىرلى بەينەلەنۋى − جۇڭگو كوممۋنيستىك پارتياسىنىڭ باسشىلىعى بولىپ تابىلادى. ءتۇرلى ماشاقاتتى، قيىندىقتى، قاتەردى، كەدەرگىنى جەڭىپ، ءتۇرلى حاۋىپ - قاتەرلەرگە، سىن - سايىستارعا توتەپ بەرۋ بارىسىندا جۇڭگو كوممۋنيستىك پارتياسى ىسكەرلىك كورسەتە الدى. مىنە بۇل پارتيانىڭ باسشىلىعىنا تاباندى بولۋدىڭ امالياتتىق لوگيكاسى.

  ماقالانىڭ ەڭ سوڭىندا بىلاي دەلىنگەن: وتكەنگە قايىرىلا قاراپ، بولاشاققا كوز جىبەرسەك، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، بۇكىل ەلدەگى ءار ۇلت حالقىنىڭ تىعىز ىنتىماعى بولعاندىقتان، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ نىساناسى، ءسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.