تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2021 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋىنا قۇتتىقتاۋ حات جولدادى

  شينحۋا اگەنتتىگىنىڭ 9 - ايدىڭ 26 - كۇنى بەيجيڭنەن بەرگەن حابارى. 9 - ايدىڭ 26 - كۇنى مەملەكەت ءتوراعاسى شي جينپيڭ 2021 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋىنا قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: سيفرلى تەحنيكا جاڭا ۇستانىممەن، جاڭا كاسىپ كۇيىمەن، جاڭا ۇلگىمەن ادامزاتتىڭ ەكونوميكا، ساياسي، مادەنيەت، قوعامدىق، ەكولوگيالىق وركەنيەت قۇرىلىسىنىڭ ءار سالاسىنا جانە جالپى بارىسىنا جاپپاي ءسىڭىپ، ادامزاتتىڭ ءوندىرىس، تۇرمىسىنا كەڭ دە تەرەڭ ىقپال جاساپ وتىر. كەزەكتە دۇنيە ءجۇزىنىڭ 100 جىلدىق وزگەرىسى مەن عاسىرلىق ىندەت قاباتتاسقان جاعدايدا، حالىقارالىق قوعام قول ۇستاسا وتىرىپ، ينفورماتسيالانعان، سيفرلانعان، ينتەرنەتتەنگەن، زەردەلىلەنگەن دامۋ بەتالىسىنا ۇيلەسىپ، ورايدى مىقتى يگەرىپ، سىن - سايىستارعا توتەپ بەرۋدى شۇعىل قاجەت ەتىپ وتىر.

  شي جينپيڭ بىلاي دەپ باسا دارىپتەدى: جۇڭگو دۇنيە جۇزىندەگى ءار ەلمەن بىرگە ادامزاتتىڭ العا باسۋىن كوزدەيتىن تاريحي جاۋاپكەرشىلىكتى بىرگە ارقالاپ، سيفرلى ەكونوميكانىڭ ومىرشەڭدىگىن قاۋلاتىپ، سيفرلى ۇكىمەتتىڭ ونىمدىلىگىن كۇشەيتىپ، سيفرلى قوعامدىق ورتانى ساپالىلاندىرىپ، سيفرلى سەلبەستىك ارناسىن قالىپتاستىرىپ، سيفرلى حاۋىپسىزدىك قالتقىسىن ورناتىپ، سيفرلى وركەنيەتتىڭ ءار ەل حالقىن باقىتقا كەنەلتۋىنە مۇمكىندىك جاساپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

  2021 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋى سول كۇنى جىجياڭ ولكەسى تۇڭشياڭ قالاسىنىڭ ۋجىن قالاشىعىندا اشىلدى، نەگىزگى تاقىرىبى: ”سيفرلى وركەنيەتتىڭ جاڭا داۋىرىنە قادام تاستاۋ − قول ۇستاستىپ ينتەرنەت كەڭىستىگىندەگى تاعدىرلاس ورتاق تۇلعا قۇرۋ“، باس قوسۋدى مەملەكەتتىك ينتەرنەت ينفورماتسيا كەڭسەسى مەن جىجياڭ ولكەلىك حالىق ۇكىمەتى بىرگە ۇيىمداستىرىپ وتكىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.