تيانشان تورى
تيانشان تورى   ›   جاڭالىقتار   ›   شينجياڭ حابارلارى

حوتان - چارقىلىق تەمىر جولىندا تۇتاس لەنيا بويىنشا رەليس توسەلىپ تۇتاستىرىلدى

  انار بۇلت / شينجياڭ گازەتىنىڭ ءتىلشىسى لۋ فىڭباۋ 9 - ايدىڭ 27 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 9 - ايدىڭ 27 - كۇنى تۇستەن بۇرىن تەمىر جول قۇرىلىسشىلارى رەليس توسەۋ ماشيناسىن جۇرگىزىپ، ەڭ سوڭعى ءبىر گرۋپپا 500 مەترلىك ۇزىندىقتاعى بولات رەليستى رەليس توسەنىشىنىڭ ۇستىنە ورنىقتى قويعان، بۇل حوتاننان چارقىلىققا دەيىنگى تەمىر جولدىڭ تۇتاس لەنيا بويىنشا رەليس توسەلىپ تۇتاستىرىلعاندىعىن كورسەتەدى.

  حوتان - چارقىلىق تەمىر جولىنىڭ جالپى ۇزىندىعى 825.476 كيلومەتر، مەملەكەتتىڭ ءتۇيىندى تەمىر جول قۇرىلىسى نىسانى، 2018 - جىلى 12 - ايدا قۇرىلىس باستاعان. حوتان - چارقىلىق تەمىر جولى − مەملەكەتتىڭ ورتا، ۇزاق مەزگىلدىك تەمىر جول تورى جوباسىنداعى باتىس بولىك وڭىرىندەگى ماڭىزدى وڭىرلىك جول تورى نەگىزگى لەنياسى، وڭتۇستىك شينجياڭ ءوڭىرىنىڭ مەملەكەتتىڭ باتىس سولتۇستىك، باتىس وڭتۇستىك وڭىرلەرىمەن بايلانىس جاساۋىنداعى قولايلى تاسىمال ارناسى.

  حوتان - چارقىلىق تەمىر جولى سالىنىپ بولعاننان كەيىن، وڭتۇستىك شينجياڭ تەمىر جولىمەن، گولمۇت - كورلا تەمىر جولىمەن بىرگە تاكلاماكان ءشولىن اينالاتىن تەمىر جول اينالما لەنياسىن قالىپتاستىرادى، بۇل بىلتىر سولتۇستىك شينجياڭ تەمىر جول اينالما لەنياسى قالىپتاسقاننان كەيىنگى تاعى ءبىر تەمىر جول اينالما لەنياسى بولماق.

  حوتان - چارقىلىق تەمىر جولىندا مەجەمەن 2022 - جىلى 6 - ايدا پويەز قاتىناپ ىسكە قوسىلادى، سول كەزدە لوپ، شەريا، كەريا، نيە، چەرشەن سىندى 5 اۋداندا پويەز قاتىناماۋ تاريحى اياقتالادى، بۇل وڭتۇستىك شينجياڭنىڭ ەكونوميكالىق، قوعامدىق دامۋىن جەبەۋدە ماڭىزدى مانگە يە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.