انار بۇلت / شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 27 - كۇنى ۇرىمجىدەن حابارلايدى. 9 - ايدىڭ 27 - كۇنى 6 - توپتاعى شينجياڭ از ۇلت عىلىم - تەحنيكا تىرەكتىلەرىن ارنايى باۋلۋ قىزمەتى اڭگىمە ءماجىلىسى اشىلدى، بۇل 6 - توپتاعى شينجياڭ از ۇلت عىلىم - تەحنيكا تىرەكتىلەرىن ارنايى باۋلۋ قىزمەتىنىڭ رەسمي باستالعاندىعىن كورسەتەدى.
مەملەكەتتىك كەڭەستىڭ بەكىتۋىمەن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى سياقتى 7 مينيسترلىك، كوميتەت پەن اۆتونوميالى رايوندىق حالىق ۇكىمەتى بيىلدان باستاپ 2025 - جىلعا دەيىن شينجياڭعا از ۇلت كاسىپتىك تەحنيكا تىرەكتىسىنەن 2000ىن باۋلۋدى، سونىمەن بىرگە 15 كەزەك ماماندار قىزمەت وتەۋ ۇيىرمەسى قيمىلىن ورىستەتۋدى ۇيعاردى.
باۋلۋ نەگىزىنەن باسقا جەردە باۋلۋ، جەرگىلىكتى ورىندا باۋلۋ، ماماندار قىزمەت وتەۋ ۇيىرمەسى قيمىلى سياقتى تاسىلدەرمەن ورىستەتىلەدى. مۇنىڭ ىشىندە باسقا جەردە باۋلۋدا ءار جىلى شينجياڭنان 200 از ۇلت كاسىپتىك تەحنيكا دارىندىسىن تاڭداپ، قاتىستى ولكەلەردەگى (رايون، قالا) جوعارى مەكتەپتەرگە، عىلمي زەرتتەۋ اكادەميالارىنا، ورىندارىنا جانە قاتىستى كاسىپورىندارعا، ءىسورىندارىنا ورنالاستىرىپ، ءبىر جىل ۋاقىتپەن ارنايى باۋلۋ جانە پراكتيكالىق ۇيرەنۋ جۇرگىزەدى. وقۋ - اعارتۋ، دەنساۋلىق ساقتاۋ، اۋىل شارۋاشىلىعى، ينجەنەريالىق تەحنيكا سياقتى نەگىزدىك سالالارداعى جانە كومىر ەلەكترى، كومىر حيميا ونەركاسىبى، مۇناي حيميا ونەركاسىبى، كەن بارلاۋ جانە اشۋ، قاتىناس، ساياحات، قورشاعان ورتانى قورعاۋ سياقتى ءتۇيىندى تىرەكتى كاسىپ سالالارىنداعى از ۇلت كاسىپتىك تەحنيكا تىرەكتىلەرىن ءتۇيىندى باۋليدى.
ماماندار قىزمەت وتەۋ ۇيىرمەسى قيمىلىندا قاتىستى ولكەلەردەگى (رايون، قالا) مامانداردى، وقىمىستىلاردى شينجياڭعا كەلىپ كەڭەس بەرۋ، ساباق ءوتۋ، تەگىن ەمدەۋ، باۋلۋ، تەحنيكالىق جەتەكشىلىك ەتۋ سياقتى قىزمەت وتەۋ قيمىلدارىن ورىستەتۋگە ۇيىمداستىرىپ، شينجياڭداعى از ۇلت كاسىپتىك تەحنيكا دارىندىلارىنىڭ ءبىلىم جاڭالاۋىن جەدەلدەتىپ، جاڭا ءبىلىمنىڭ، جاڭا نازاريانىڭ، جاڭا تەحنيكانىڭ، جاڭا ءادىستىڭ تارالۋىن، جالپىلاسۋىن جانە قولدانىلۋىن جەبەيدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك تەحنيكا قىزمەتكەرلەرىن باسقارۋ باسقارماسىنىڭ 2 - دارەجەلى تەكسەرىپ - زەرتتەۋشىسى چۇي بو بىلاي دەپ تانىستىردى: ارنايى باۋلىناتىن كۋرسانتتاردى تاڭداۋدا نەگىزىنەن شينجياڭنىڭ ءىس جۇزىندىك جاعدايى تياناق ەتىلەدى، ساياسي جاقتا سەنىمدى بولۋ ماڭداي الدى شارت ەتىلەدى، نەگىزگى ساتىنىڭ ءبىرىنشى شەبىنە بەيىمدەلەدى، وڭتۇستىك شينجياڭنىڭ 4 ايماق - وبلىسى از ۇلت ەمەس كۋرسانتتاردى لايىقتى ورنالاستىرۋىنا بولادى.
شينجياڭنىڭ از ۇلت عىلىم - تەحنيكا تىرەكتىلەرىن ارنايى باۋلۋ قىزمەتى 1992 - جىلى اتقارىلعاننان بەرى، از ۇلت كاسىپتىك تەحنيكا تىرەكتى دارىندىسىنان 5 توپتا 6372 ادامدى باۋلۋ مىندەتىن ورىنداپ، شينجياڭنىڭ ەكونوميكالىق، قوعامدىق دامۋىن ىلگەرىلەتۋگە، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە، ۇلتتار ىنتىماعىن نىعايتۋعا، قوعام ورنىقتىلىعىن قورعاۋعا، ت.ب پارمەندى تۇردە دارىندى جاعىنان دەم بەردى جانە اقىل - پاراسات جاعىنان قولداۋ كورسەتتى.
