اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ارناۋلى تاقىرىپتا ۇيرەندى
جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى شينجياڭنىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك
چىن چۋانگو باسقاردى
شاۋكەت يمىن، جاڭ چۇنلين، لي يفي قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 9 - ايدىڭ 27 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى توپتىق ۇيرەنۋ ءماجىلىسىن اشىپ، باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ارناۋلى تاقىرىپتا ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.
شاۋكەت يمىن، جاڭ چۇنلين، لي يفي، سارقىت اقان، جاڭ جۋ، تيان شياڭلي، چىن ۋيجۇن، ۋاڭ ميڭشان قاتىناستى.
ماجىلىستە چىن چۋانگو، شاۋكەت يمىن، لي يفي، سارقىت اقان ۇيرەنۋ اسەرلەرى جونىندە پىكىر اۋىستىردى، اۆتونوميالى رايوندىق پارتكومنىڭ باسقا دا تۇراقتى مۇشە جولداستارى مەن اۆتونوميالى رايوندىق ساياسي كەڭەستىڭ نەگىزگى جاۋاپتى جولداستارى جازباشا پىكىر اۋىستىرىپ ءسوز سويلەدى.
كوپشىلىكتىڭ ءسوزىن مۇقيات تىڭداعاننان كەيىن چىن چۋانگو ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتى جونىندە ءبىر قىدىرۋ كەلەلى شەشىم، ورنالاستىرۋ جاساپ، ەلىمىزدىڭ ۇلتتار ىنتىماعى، العاباسارلىعى ىستەرىن ىلگەرىلەتۋدە جاڭا تاريحي تابىستارعا قول جەتكىزدى. باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزى جاڭا داۋىردەگى ۇلت قىزمەتىندە قانداي تۋ ۇستاۋ، قانداي جولمەن ءجۇرۋ سياقتى كەلەلى ماسەلەلەرگە عىلمي جاۋاپ بەردى، ول پارتيانىڭ ەل باسقارۋ جالپى جوباسىنىڭ پارتيانىڭ ۇلت قىزمەتى سالاسىنداعى شوعىرلى بەينەسى، پارتيانىڭ ۇلت قىزمەتى امالياتىنىڭ ەڭ جاڭا قورىتىندىسى، ماركسيزمدىك ۇلت نازارياسىنىڭ جۇڭگوشالانۋىنىڭ ەڭ جاڭا جەتىستىگى، جاڭا داۋىردەگى پارتيانىڭ ۇلت قىزمەتىن جاقسى ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. ءبىز شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتى تياناقتاندىرۋىمىز كەرەك.
چىن چۋانگو بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى شينجياڭنىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى زەرتتەۋدى - ءتۇسىندىرۋدى جانە ۇگىت تاربيەنى ىشكەرىلەي ورىستەتىپ، كەڭ - بايتاق مەكەنىمىزدى ءار ۇلت بىرگە اشقاندىعىن، ۇزاق تاريحىمىزدى ءار ۇلت بىرگە جازعاندىعىن، شۇعىلالى مادەنيەتىمىزدى ءار ۇلت بىرگە جاراتقاندىعىن، ۇلى رۋحىمىزدى ءار ۇلت بىرگە جەتىلدىرگەندىگىن، ءار ۇلتتىڭ بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ەكەندىگىن پارمەندى ءتۇسىندىرۋ؛ جۇڭحۋا ۇلتى ورتاق تۇلعاسى تاريحى، جۇڭحۋا ۇلتىنىڭ كوپ نەگىزدى، ءبىر تۇلعالى جاعدايى جونىندەگى زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن شينجياڭنىڭ كادرلار تاربيەسىنە، جاستار مەن ورەندەر تاربيەسىنە، قوعامدىق تاربيەگە ەنگىزىپ، جۇڭحۋا ۇلتى ورتاق تۇلعا تانىمىن جۇرەك تۇكپىرىنە تەرەڭ تامىر تارتتىرۋ كەرەك. جۇڭحۋا ۇلتى ورتاق رۋحاني مەكەنى قۇرىلىسىن جالپى بەتتىك ىلگەرىلەتىپ، شينجياڭدى مادەنيەتپەن نارلەندىرۋ ينجەنەرياسىن بار كۇشپەن اتقارىپ، وسى زامانعى وركەنيەت تاربيەسىن كۇشەيتىپ، وركەنيەتتى ورىن قۇرۋ، ازاماتتىق ءمورال قۇرىلىسى، ءداۋىردىڭ جاڭا ادامدارىن جەتىلدىرۋ سياقتى ينجەنەريالاردى ىشكەرىلەي اتقارىپ، ءار ۇلت بۇقاراسىن يدەيالىق كوزقاراس، رۋحاني ىنتا، تۇرمىس ءتاسىلى جاعىندا وسىزاماندانۋعا قاراي قادام تاستاۋعا جەتەكتەپ، ءار ۇلت حالىق تىلەگىنىڭ توعىسۋىنا، رۋحاني جاقتا ءبىر - بىرىنە سۇيەنۋىنە مۇمكىندىك جاساپ، جۇرت تىلەگىن ۇيىستىراتىن، ىنتىماقتاسا ەكپىندەي العا ىلگەرىلەيتىن قۋاتتى رۋحاني دانەكەر قالىپتاستىرۋ كەرەك. ءار ۇلتتىڭ كەڭىنەن ارالاسۋىن، جالپى بەتتىك ىشتەسۋىن، تەرەڭدەي توعىسۋىن ۇزدىكسىز ىلگەرىلەتىپ، ءار ۇلت كىرىگۋ فورماسىنداعى قوعامدىق قۇرىلىم مەن الەۋمەتتىك اۋماق ورتاسىن جەدەل قالىپتاستىرىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلت كادر - بۇقاراسىنىڭ كوپ ساتىلى، كوپ سالالى، كوپ فورمالى بارىس - كەلىس، قارىم - قاتىناس جاساۋىن ىلگەرىلەتۋ كەرەك. ۇلتتار ىنتىماعىندا، العاباسارلىعىندا وزات ورىن قۇرۋدى ىشكەرىلەي ورىستەتىپ، ىشكى مازمۇنىن كۇش سالا تەرەڭدەتىپ، فورماسىن بايىتىپ، ءادىس - امالدا جاڭالىق اشىپ، وزات ورىن قۇرۋ قىزمەتىن ۇزدىكسىز تەرەڭدەتە ءتۇسۋ كەرەك. ۇلت ىستەرىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن بارىنشا كۇشەيتىپ، ۇلتتىق وڭىرلىك اۆتونوميا ءتۇزىمىن جالپى بەتتىك دايەكتىلەندىرىپ، تياناقتاندىرىپ، ءار ۇلتتىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، ءار ۇلتتىڭ ۇقىق - مۇددەدەن تەڭ يگىلىكتەنۋىنە، بورىشتى تەڭ تۇرعىدا وتەۋىنە مۇمكىندىك جاساۋ كەرەك. حالىقتى وزەك ەتكەن دامۋ يدەياسىن بەرىك ورناتىپ، جاڭا دامۋ كەزەڭىن ءداپ باسىپ يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىنا توعىسىپ، جوعارى ساپالى دامۋدى جۇزەگە اسىرىپ، بىرگە بايۋدىڭ كىرىسۋ ءتۇيىنى مەن كۇش سالۋ ءتۇيىنىن جەبەپ، حالىق تۇرمىسىن قامتاماسىز ەتۋ جانە جاقسارتۋ تەبىنىن ارتتىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
چىن چۋانگو بىلاي دەپ اتاپ كورسەتتى: پارتيانىڭ ۇلت قىزمەتىنە جالپى بەتتىك باسشىلىعىن كۇشەيتىپ جانە كەمەلدەندىرىپ، پارتكوم ءبىر تۇتاس باسشىلىق ەتەتىن، ۇكىمەت زاڭ بويىنشا باسقاراتىن، بىرلىكساپ تاراۋلارى باستاماشىلدىقپەن سايكەستىرەتىن، ۇلت قىزمەتى تاراۋلارى مىندەتىن اتقارىپ، جاۋاپكەرشىلىگىن ادا ەتەتىن، ءارقايسى تاراۋلار تىزە قوسا سەلبەسەتىن، بۇكىل قوعام بىرگە ات سالىساتىن جاڭا داۋىردەگى پارتيانىڭ ۇلت قىزمەتى ارناسىن قالىپتاستىرۋ كەرەك. جاڭا داۋىردەگى جاقسى كادر ولشەمىنە تاباندى بولىپ، ”تورتتە ەرەكشە“ ۇلتتىق وڭىرلەردەگى كادرلار ولشەمىن تياناقتاندىرىپ، ادال، پاك، جاۋاپكەرشىلىك ارقالايتىن ءار ۇلت كادرلار قوسىنىن قۇرۋعا قۇلشىنۋ كەرەك.
