تيانشان تورى   ›   جاڭالىقتار   ›   ەل ءىشى حابارى

ءبىز قايتكەندە ۇزدىكسىز تابىسقا جەتەمىز

  حالىق گازەتى ”شۋانياننىڭ“ اۆتورلى ماقالاسىن جاريالايدى

  ءبىز قايتكەندە ۇزدىكسىز تابىسقا جەتەمىز

  شينحۋا اگەنتتىگىنىڭ 9 - ايدىڭ 27 - كۇنى بەيجيڭنەن بەرگەن حابارى. 9 - ايدىڭ 28 - كۇنى باسپادان شىعاتىن حالىق گازەتى ”شۋانياننىڭ“ «ءبىز قايتكەندە ۇزدىكسىز تابىسقا جەتەمىز» اتتى اۆتورلى ماقالاسىن جاريالايدى.

  ماقالادا بىلاي دەلىنگەن: 2021 - جىلى 6 - ايدىڭ 28 - كۇنى كەشتە مەملەكەتتىك دەنە تاربيە الاڭىندا جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ادەبيەت - كوركەمونەر كونسەرتى سالتاناتپەن وتكىزىلدى. سىچۋاننىڭ لياڭشانىنان كەلگەن 8 يزۋ بالا باستاپ شىرقاعان «پارتياعا ارناپ تاۋ ءانىن شىرقايمىن» ءانى جۇرت نازارىن ايرىقشا اۋداردى. سىڭعىرلاعان داۋىسىمەن، قاراپايىم دا شىنايىلىعىمەن، تۇنىق تا جاندىلىعىمەن ۇلى پارتياعا دەگەن شىن جۇرەكتەن شىققان شىنايى سۇيىسپەنشىلىكتەرىن شىرقادى، پارتيانىڭ باسشىلىعىندا باقىتتى تۇرمىس جاراتقان بەرىك سەنىمدەرىن شىرقادى، كوركەم بولاشاققا دەگەن تاماشا تىلەكتەرىن شىرقادى.

  2 كۇننەن كەيىن جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن سوزىندە باس شۋجي شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى، پارتيا مەن مەملەكەتتىڭ ءتۇبىرلى تياناعى، جان جۇيەسى، بۇكىل ەلدەگى ءار ۇلت حالقىنىڭ مۇددەسىنىڭ دايەگى، تاعدىرىنىڭ دايەگى.

  سوزىندە 100 جىلدىق تابىستارمەن تاجىريبەلەردى قورىتىندىلاپ، تاريحتى اينا ەتىپ، بولاشاق اشۋ جونىندە 9 جاقتاعى تالابىن ورتاعا قويدى، مۇنىڭ ىشىندە ءبىرىنشى ورىندا تۇراتىنى: ”ءسوز جوق، پارتيانىڭ جالپى بەتتىك باسشىلىعىنا تاباندى بولۋ، پارتيانىڭ باسشىلىعىن ۇزدىكسىز كەمەلدەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ ەستە بەرىك ساقتاپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ ورەسىن ۇزدىكسىز جوعارىلاتىپ، پارتيانىڭ جالپى جاعدايدى جالپىلاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋىمىز كەرەك!“ بۇل ءبىزدىڭ بۇرىن تابىسقا جەتۋىمىزدىڭ قۇپياسى ءارى ءبىزدىڭ بۇدان كەيىن ۇزدىكسىز تابىسقا جەتۋىمىزدىڭ تەتىگى.

  ماقالا ساياسي باسشىلىق قابىلەتى، يدەيالىق جەتەكشىلىك قابىلەتى، بۇقارالىق ۇيىمداستىرۋ قابىلەتى، قوعامدىق ۇندەۋ قابىلەتى سياقتى 4 جاقتان پارتيانىڭ جالپى بەتتىك باسشىلىعىنا قالاي تاباندى بولۋ جانە ونى كۇشەيتۋ كەرەك دەگەندى ەگجەي - تەگجەيلى باياندادى.

  ماقالادا مىنالار اتاپ كورسەتىلدى: كورەگەندىككە باي، كەمەلدى دە ورنىقتى باسشىلىق ۇيتقىنىڭ بولۋى ءداۋىردىڭ قۇتى، مەملەكەتتىڭ ۇلكەن باقىتى، پارتيا مەن مەملەكەتتىڭ قايراتتانا العا باسۋىنداعى، گۇلدەنۋگە بەت الۋىنداعى اسا ماڭىزدى فاكتور. ءاربىر جۇڭگولىق وسى ۇيتقىنى قولدايدى، ءاربىر پارتيا مۇشەسى وسى ۇيتقىعا تاپجىلماي ىلەسەدى، ءىس جۇزىندىك ارەكەتتەرى ارقىلى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىندايدى.

  ماقالادا مىنالار اتاپ كورسەتىلدى: پارتيانىڭ 100 جىلدىق كۇرەس بارىسى، پارتيانىڭ 100 جىلدىق اقيقاتقا تالپىنىسى بىزگە مىنانى تەرەڭ اڭعارتادى: جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نە ءۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا! 100 جىلدان بەرى ءار ۇرپاق جۇڭگو كوممۋنيستەرى ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى، ءداستۇرلى مادەنيەتىمەن ۇشتاستىرۋعا تاباندى بولىپ، ماۋ زىدۇڭ يدەياسىن، دىڭ شياۋپيڭ نازارياسىن ورناتتى، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قالىپتاستىردى، شي جينپيڭ جاڭا ءداۋىر جۇڭگوشا سوتسياليزم يدەياسىن ورناتتى، پارتيا مەن حالىق ىستەرىنىڭ شۇعىلادان - شۇعىلاعا ۇزدىكسىز بەت الۋىنا جەتەكشىلىك ەتتى.

  ماقالادا مىنالار اتاپ كورسەتىلدى: 100 جىلدان بەرى، پارتيامىز دەموكراتيالىق ورتالىقتاندىرۋ ءتۇزىمى پرينسيبى بويىنشا پارتيانىڭ ورتالىق ۇيىمىنان، جەرگىلىكتى ۇيىمىنان، نەگىزگى ساتى ۇيىمىنان بىرگە قۇرالعان ۇيىمدىق جۇيەنى ورناتتى، وسى قۋاتتى ۇيىمدىق جۇيەگە سۇيەنىپ، پارتيا مۇشەلەرىن ۇيىمداستىرىپ، بۇقارانى جۇمىلدىرىپ، جۇڭگونىڭ بۇرىنعى بورداي توزعان جاعدايىن تۇبەگەيلى وزگەرتىپ، تالاي - تالاي دۇنيە كەرەمەتىن جاراتتى.

  ماقالادا مىنالار اتاپ كورسەتىلدى: 100 جىلدىق كۇرەس بارىسى پارتيانىڭ قوعامدىق ۇندەۋ قۋاتىنىڭ ءارى اقيقات كۇشىنەن باستاۋ العاندىعىن، ءارى ادامگەرشىلىك كۇشىنەن باستاۋ العاندىعىن تولىق بەينەلەدى. اسا كۇشتى ادامگەرشىلىك كۇشىنە يە سانسىزداعان تاڭداۋلى كوممۋنيستىك پارتيا مۇشەلەرى ۇزدىكسىز توپ - توبىمەن جارىققا شىققاندىقتان، حالىق بۇقاراسى پارتيامىزدى تانىدى، پارتيامىزعا سەنىم ارتتى، پارتياعا بۇلجىماي ىلەستى.

  ماقالانىڭ سوڭىندا بىلاي دەلىندى: تاريحتىڭ ۇلكەن اۋقىمىنا ىلەسىپ، ءومىردىڭ دۇرىس جولىمەن الىسقا بەت الدى. جۇڭگو كوممۋنيستىك پارتياسى حالىقتى ىنتىماقتاستىرىپ، باستاپ، ءبىرىنشى 100 جىلدىق كۇرەس نىساناسىن جۇزەگە اسىردى، جۇڭگولىقتاردىڭ ەجەلدەن تالپىنعان ”دوڭگەلەك داۋلەتتى تۇرمىستان يگىلىكتەنۋ“ ارمانى ”جاندى“ رەالدىققا اينالىپ، قاجىماي تالپىنعان ۇلتتى گۇلدەندىرۋ ارمانى جەلكەن باعانى كورىنگەن كەمەدەي جاقىندادى. ەكىنشى 100 جىلدىق كۇرەس نىساناسىنا كوز جىبەرسەك، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارالىق ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتەتىن بولساق، ءارقانداي قيىندىقتىڭ جۇڭگو حالقىنىڭ ەڭسەسىن تۇسىرە المايتىندىعىنا، ءارقانداي اساۋ تولقىننىڭ جۇڭحۋا الىپ كەمەسىن بوگەي المايتىندىعىنا سەنەمىز. ءبىزدىڭ ۇزدىكسىز تابىسقا جەتەتىندىگىمىز شۇباسىز، ءبىز، ءسوز جوق، تابىسقا جەتەمىز!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.