شينحۋا اگەنتتىگى كولەمدى ادەبي حابار تاراتتى
«بارشا دارىندىلاردى توپتاپ، رولىن ساۋلەلەندىردى − پارتيا 18 - قۇرىلتايىنان بەرى ەلىمىز دارىندىلار ىستەرىنىڭ جاڭالىق اشا دامۋى تۋرالى جالپى شولۋ»
شينحۋا اگەنتتىگىنىڭ 9 - ايدىڭ 27 - كۇنى بەيجيڭنەن بەرگەن حابارى. شينحۋا اگەنتتىگى 9 - ايدىڭ 27 - كۇنى «بارشا دارىندىلاردى توپتاپ، رولىن ساۋلەلەندىردى − پارتيا 18 - قۇرىلتايىنان بەرى ەلىمىز دارىندىلار ىستەرىنىڭ جاڭالىق اشا دامۋى تۋرالى جالپى شولۋ» اتتى كولەمدى ادەبي حابار تاراتتى.
ماقالادا بىلاي دەلىندى: بۇل رەفورما جاساۋداعى، جاڭالىق اشۋداعى ۇلى ءىس. بۇل دارىندىلار تاماشا ورايعا كەزدەسكەن ۇلى ءداۋىر. ۇلى ءىس دارىندىلاردى شاقىرسا، ۇلى ءداۋىر دارىندىلاردى تۇلعالادى.
ماقالادا مىنالار اتاپ كورسەتىلدى: كەلەلى دارىندىلار ينجەنەرياسىن جاپپاي اتقارۋدان دارىندىلاردى دامىتۋدىڭ ءتۇزىلىس - مەحانيزم رەفورماسىن تەرەڭدەتۋگە دەيىن، دارىندىلار جاعىندا قۋاتتى ەل قۇرۋدى جەدەلدەتۋ سىندى كەلەلى شەشىم جاساۋدان دارىندىلاردى جان - جاقتى باۋلۋ، ەنگىزۋ، ويداعىداي ىستەتۋ ءىسىن ورنالاستىرعانعا دەيىن... پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، قابىلەتتىلەردى جۇمىسقا قويۋ جولىن كەڭەيتىپ، بارشا دارىندىنى كەڭىنەن قابىلداپ، جاڭا داۋىردەگى دارىندىلار قىزمەتىندە تاريحي جەتىستىككە قول جەتكىزۋگە، تاريحي وزگەرىس تۋدىرۋعا باسشىلىق ەتىپ جانە ونى ىلگەرىلەتىپ، دارىندىلاردى دامىتۋ مەن ۇلتتى گۇلدەندىرۋ ۇندەسكەن ايبىندى سيمفونيا ورىندادى.
− بۇكىل ەلدەگى دارىندىلار بايلىعىنىڭ جالپى مولشەرى جەدەل ۇلعايدى. كاسىپتىك تەحنيكالىق دارىندىلار 2010 - جىلعى 55 ميلليون 504 مىڭ ادامنان 2019 - جىلى 78 ميلليون 398 مىڭ ادامعا كوبەيىپ، بۇكىل الەمدە دارىندىلار بايلىعىنىڭ كولەمى ەڭ ۇلكەن، تۇرلەرى ەڭ تولىق ءىرى مەملەكەتكە اينالدى.
− دارىندىلار ساپاسى جالپى تۇلعالىق جاقتان جوعارىلادى. 2019 - جىلدىڭ سوڭىنا دەيىن نەگىزگى ەڭبەك جاسىنداعى جان سانىنىڭ جوعارى ءبىلىم الۋ سالىستىرماسى 2010 - جىلعى ％12.5تەن ％21.2كە كوتەرىلىپ، كاسىپتىك تەحنيكالىق دارىندىلار اراسىنداعى تولىق كۋرستان جوعارى وقۋ ماعلۇماتىنا يە ادامداردىڭ سالىستىرماسى ％35.9تەن ％48كە جوعارىلادى.
− دارىندىلاردىڭ جاڭالىق اشۋ ناتيجەسى بارعان سايىن جارقىراپ كوزگە ءتۇستى. دارىندىلاردى دامىتۋ مەن عىلىم - تەحنيكادا جاڭالىق اشۋ ءبىرىن - ءبىرى تۇلعالادى، ”چاڭى“نىڭ اسپانعا ۇشۋىنان ”جياۋلۇڭ“نىڭ تەڭىزگە سۇڭگۋىنە دەيىن، ”تيانيان“نىڭ عارىش كەڭىستىگىن بارلاۋىنان ”موزى“نىڭ حابار جىبەرۋىنە دەيىن، بەيدوۋ جۇيەسىنىڭ جەلى قۇراۋىنان شىنۋيدىڭ ەرەكشە ەسەپتەۋىنە دەيىن، 5Gدىڭ ساۋدالىق ماقساتتا قولدانىلۋىنىڭ جاپپاي ىلگەرىلەتىلۋىنەن جاڭا تيپتى ايدارشا ۆيرۋس ۆاكسيناسىنىڭ جەدەل زەرتتەلىپ جاسالۋىنا دەيىن... ءبىر توپ ەلەۋلى عىلىم - تەحنيكالىق جاڭالىق اشۋ تابىستارى قاۋىرت جارىققا شىعىپ، كەيبىر الدىڭعى لەكتىك سالالاردا قاتارلاسا جۇگىرۋ، باستاپ جۇگىرۋ كەزەڭىنە وتە باستاپ، جۇڭگونىڭ عىلىم - تەحنيكالىق ناقتى قۋاتى تاريحي سەكىرىستى جۇزەگە اسىردى، الەمدىك جاڭالىق اشۋ كارتاسىنداعى ەلىمىزدىڭ ورىن باسىمدىعى كۇننەن - كۇنگە كوتەرىلە ءتۇستى.
− دارىندىلاردىڭ حالىقارالىق باسەكە باسىمدىعى ورنىقتى قاداممەن كۇشەيدى. ەلىمىزدىڭ زەرتتەۋ - اشۋ قىزمەتكەرلەرىنىڭ جالپى مولشەرى ۇدايى 8 جىل دۇنيە ءجۇزى بويىنشا ماڭداي الدى ورىندى تۇراقتى يەلەدى، حالىقارالىق پاتەنتتەرگە ءوتىنىم سانى 68 مىڭ 720 نۇسقامەن دۇنيە ءجۇزى بويىنشا 1 - ورىندى يەلەدى. «2020 - جىلعى جاڭالىق اشۋ كورسەتكىشىنىڭ الەمدىك رەت قاتارىندا» كورسەتىلۋىنشە، ەلىمىزدىڭ قاتارداعى ورنى 2015 - جىلعى 29 - ورىننان جەدەل تۇردە 14 - ورىنعا كوتەرىلگەن. حيميا، ماتەريال، ينجەنەريالىق عىلىم، تىرشىلىك عىلىمى سياقتى ءپان سالالارىنداعى جوعارى دەڭگەيلى عالىمدار سانى قاۋىرت كوبەيىپ، الەمنىڭ الدىڭعى لەگىنە ءوتتى.
...
100 جىلدىق ءىرى پارتيا كەمەل شاعىنا كەلدى.
مىڭ جىلدىق ۇلى ىستە دارىندىلاردى الدىمەن ويلاستىرۋ كەرەك.
جۇڭحۋا ۇلتىنىڭ ۇلى گۇلدەنۋىنىڭ شەشۋشى كەزەڭگە وتۋىنە مەڭزەس، كولەمى زور، ساپاسى تاماشا، ساتىلارى ۇيلەسىمدى، رولى كورنەكتى دارىندىلار قوسىنى جەدەل شوعىرلانىپ، تەلەگەي قۋاتىن جارىققا شىعارۋدا. جۇڭگونىڭ بايتاق دالاسى سانسىز كەمە اعىندا جارىسقان، سانسىز جەلكەن جارىسا كوتەرىلگەن، سان - ساناقسىز تۇلپار جەر اپشىسىن قۋىرا جۇيتكىگەن، ءار ءتۇرلى دارىندىلاردىڭ جاڭالىق اشاتىن، جاسامپازدىقپەن شۇعىلداناتىن، ۇلكەن ىسكەرلىك كورسەتە الاتىن، ءىرى ىستەر تىندىرا الاتىن ىرىستى توپىراققا اينالۋدا.
ماقالا 6 بولىمنەن قۇرالدى: جوبا - ورنالاستىرۋ جاساپ، ءتۇيىنىن تاۋىپ، تەتىگىن يگەردى − باس شۋجي شي جينپيڭ دارىندىلار ىستەرىنىڭ جاڭالىق اشا دامۋىنىڭ جەدەل ىلگەرىلەۋ تەتىگىن باستى؛ وزەكتى ارقاۋ ەتىپ، كەلەلى جاعدايعا قىزمەت وتەدى − ەكونوميكالىق، قوعامدىق دامۋعا پارمەندى دارىندىلار تىرەگىن ازىرلەدى؛ ءبارىن قامتىپ، دارىندى ەنگىزىپ، پاراساتتىلاردىڭ رولىن ساۋلەلەندىردى − دارىندىلار جاعىندا سىرتقا ەسىك اشۋدىڭ قاقپاسى بارعان سايىن ايقارا اشىلدى؛ جوعارى دەڭگەيدە جەتەكشىلىك ەتىپ، جالپى تۇلعادا ىلگەرىلەتتى − ءار سالا، ءار كاسىپتەگى جوعارى ساپالى دارىندىلاردى كۇش سالا جەتىلدىردى، تۇلعالادى؛ ۇقىق بەرىپ، تىنىسىن كەڭەيتىپ، ومىرشەڭدىگىن قاۋلاتتى − ءتۇزىلىس - مەحانيزم رەفورماسى ”دارىندىلار پايداسىنىڭ“ جەدەل جارىققا شىعۋىنا مۇمكىندىك جاسادى؛ باسشىلىقتى كۇشەيتىپ، ورتانى ساپالىلاندىردى − دارىندىلاردى تانۋ، دارىندىلاردى ايالاۋ، دارىندىلاردى قۇرمەتتەۋ، دارىندىلاردى پايدالانۋ بۇكىل پارتيادا، بۇكىل قوعامدا جاپپاي سالتقا اينالدى.
ماقالادا مىنالار اتاپ كورسەتىلدى: بىلىكتى بىلىمدىلەردى كوپ جيناۋ ۇلى ءىستى تابىسقا جەتكىزەدى؛ دارىندىلار كوركەيسە، مەملەكەت گۇلدەنەدى. دۇنيە جۇزىندە 100 جىلدا بولماعان ۇلكەن وزگەرىس الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، دارىندىلار ارقىلى مەملەكەتتى قۇدىرەتتەندىرۋ ستراتەگياسىن جەدەل ىلگەرىلەتىپ، قالىڭ دارىندىلاردىڭ جاڭالىق اشۋ، جاسامپازدىقپەن شۇعىلدانۋ ومىرشەڭدىگىن تولىق قاۋلاتىپ، ءار سالاداعى ەرەن قابىلەتتى، زەردەلى پاراسات يەلەرىنىڭ قاۋلاي جارىققا شىعۋىنا مۇمكىندىك جاساساق بولعانى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، ۋاعىندا جۇزەگە اسادى!
