− باس شۋجي شي جينپيڭنىڭ ورتالىقتىڭ دارىندىلار قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”مەملەكەتتىڭ دامۋى دارىندىلارعا سۇيەنەدى، ۇلتتىڭ گۇلدەنۋى دارىندىلارعا سۇيەنەدى“. ورتالىقتىڭ دارىندىلار قىزمەتى ماجىلىسىندە باس شۋجي شي جينپيڭ ماڭىزدى ءسوز سويلەپ، پارتيا مەن مەملەكەت ىستەرىنىڭ دامۋ جالپى جاعدايى وسكەلەڭ تۇرعىسىنان پارتيا 18 - قۇرىلتايىنان بەرى دارىندىلار قىزمەتىندە قول جەتكەن وراسان زور تابىستارعا جاپپاي قايىرىلا قاراپ، دارىندىلار قىزمەتىندە ءدوپ كەلگەن جاڭا جاعدايلارعا، جاڭا مىندەتتەرگە، جاڭا سىن - سايىستارعا ىشكەرىلەي تالداۋ جاساپ، جاڭا داۋىردەگى دارىندىلار قىزمەتىندەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە عىلمي جاۋاپ بەردى، جەتەكشى يدەيانى، ستراتەگيالىق نىسانانى، ءتۇيىندى مىندەتتەردى، ساياساتتىق شارالاردى ايقىندادى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، مازمۇنى باي، يدەياسى تەرەڭ، وتە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، جاڭا داۋىردەگى دارىندىلار قىزمەتىنە جەتەكشىلىك ەتەتىن تۇعىرنامالىق حۇجات، جاڭا داۋىردەگى دارىندىلار قىزمەتىن جاقسى ىستەۋگە العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى.
بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. 100 جىلدىق كۇرەس بارىسىندا ءبىزدىڭ پارتيامىز دارىندىلاردى باۋلۋعا، دارىندىلاردى ىنتىماقتاستىرۋعا، دارىندىلاردى جەتەكتەۋگە، دارىندىلاردى دايىنداۋعا باستان - اياق باسا ءمان بەرىپ، ءار جاقتاعى دارىندىلاردى پارتيا مەن حالىق ىستەرى ءۇشىن ەڭبەك ءسىڭىرىپ، ەسە قوسۋعا ىنتىماقتاستىرىپ جانە ولارعا قولداۋ كورسەتىپ كەلدى. ”ساياسي لۋشيان بەلگىلەنگەننەن كەيىن، كادرلار شەشۋشى فاكتور سانالادى“ دەگەندى العا قويعاننان باستاپ، ”بىلىمگە قۇرمەت ەتۋدى، دارىندىلارعا قۇرمەت ەتۋدى“ دارىپتەۋگە دەيىن، ونان ارى ”دارىندىلار ءبىرىنشى بايلىق“ دەگەندى باسا دارىپتەۋگە دەيىن، 100 جىلدىق ءىرى پارتيانىڭ دارىندىلاردى شولىركەي اڭساۋ جانە دارىندىلاردى قادىرلەۋ سىندى تاماشا ءداستۇرى ۇرپاقتان - ۇرپاققا جالعاسىپ، ءار ۇرپاق تاڭداۋلى دارىندىلار ىركەس - تىركەس پارتيا مەن حالىقتىڭ ۇلى ىستەرىنە ات سالىسىپ، توڭكەرىستىڭ، قۇرىلىستىڭ، رەفورمانىڭ ايبىندى تاريحي اياق الىسى بارىسىندا جان تەبىرەنتەرلىك، تارتىمدى پاراقتار جازدى. جۇڭگو كوممۋنيستىك پارتياسىنىڭ كۇرەس جاساۋ تاريحى دارىندىلاردى شوعىرلاندىرۋ، دارىندىلاردى ىنتىماقتاستىرۋ، دارىندىلاردى باۋلۋ، دارىندىلاردى زورايتۋ تاريحى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، دارىندىلار ۇلتتىڭ گۇلدەنۋىن جۇزەگە اسىراتىن، حالىقارالىق باسەكەنىڭ ىرىقتىلىعىنا قول جەتكىزەتىن ستراتەگيالىق بايلىق دەگەن كەلەلى تۇجىرىم جاساپ، دارىندىلاردى جان - جاقتى باۋلۋ، ەنگىزۋ، ىستەتۋ كەلەلى ورنالاستىرۋىن جاساپ، قابىلەتتىلەردى ەنگىزۋ جولىن كەڭ اشىپ، جەر جۇزىندەگى دارىندىلاردى كەڭىنەن توپتاپ، جاڭا داۋىردەگى دارىندىلار قىزمەتىنىڭ تاريحي تابىسقا جەتۋىن، تاريحي وزگەرىستەر تۋىلۋىن ىلگەرىلەتتى. پارتيانىڭ دارىندىلار قىزمەتىنە باسشىلىعىن جالپى بەتتىك كۇشەيتىپ، دارىندىلار قوسىنى جەدەل زورايىپ، دارىندىلاردىڭ رولى ءۇرتىس كۇشەيىپ، دارىندىلاردىڭ سالىستىرمالى باسىمدىعى ورنىقتى قاداممەن ارتتى، ەلىمىز كولەمى زور، ساپاسى جاقسى، قۇرىلىمى ۇزدىكسىز كەمەلدەنگەن، رولى كۇن سايىن كورنەكتىلەنگەن دارىندىلار قوسىنىنا يە بولدى، ەلىمىزدىڭ دارىندىلار قىزمەتى جاڭا تاريحي باستاماعا ءوتتى.
تاجىريبەلەردى قورىتىندىلاۋ بارىسىندا يدەيالىق تانىمدى تەرەڭدەتۋگە شەبەر بولۋ، زاڭدىلىقتى قاراستىرۋ بارىسىندا قىزمەت جاعدايىن اشۋعا شەبەر بولۋ پارتيامىزدىڭ تاڭداۋلى ءداستۇرى جانە جونگە سالۋ اقىل - پاراساتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دارىندىلاردا قۋاتتى ەلدى نە ءۇشىن قۇرامىز، دارىندىلاردا قۋاتتى ەل دەگەن نە، دارىندىلاردا قۋاتتى ەلدى قالاي قۇرامىز دەگەن كەلەلى نازاريالىق جانە امالياتتىق ماسەلەلەرگە ەگجەي - تەگجەيلى جاۋاپ بەرىپ، ءبىر قىدىرۋ جاڭا ۇستانىمدى، جاڭا ستراتەگيانى، جاڭا شارانى ورتاعا قويدى. باس شۋجي شي جينپيڭ ورتالىقتىڭ دارىندىلار قىزمەتى ماجىلىسىندە سىندارلى جيناقتاۋ جاسادى: ءبىرىنشى، پارتيانىڭ دارىندىلار قىزمەتىنە جالپى بەتتىك باسشىلىعىنا تاباندى بولۋ، ەكىنشى، دارىندىلاردىڭ دامۋعا جەتەكشىلىك ەتەتىن ستراتەگيالىق ورنىنا تاباندى بولۋ، ءۇشىنشى، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋعا، ەكونوميكانىڭ نەگىزگى مايدانىن بەتكە الۋعا، مەملەكەتتىڭ كەلەلى قاجەتىن بەتكە الۋعا، حالىقتىڭ ءومىرىن، سالاماتتىعىن بەتكە الۋعا تاباندى بولۋ، ءتورتىنشى، دارىندىلاردى جان - جاقتى باۋلۋعا، ويداعىداي ىستەتۋگە تاباندى بولۋ، بەسىنشى، دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتۋگە تاباندى بولۋ، التىنشى، بارشا دارىندىلاردى توپتاپ، رولىن ساۋلەلەندىرۋگە تاباندى بولۋ، جەتىنشى، دارىندىلاردى تانيتىن، دارىندىلاردى ايالايتىن، دارىندىلاردى قۇرمەتتەيتىن، دارىندىلاردى ىستەتەتىن ورتا قالىپتاستىرۋعا تاباندى بولۋ، سەگىزىنشى، عالىمدار رۋحىن اسقاقتاتۋعا تاباندى بولۋ. بۇل ”8 تاباندى بولۋ“ دارىندىلار قىزمەتىن جاقسى ىستەۋدىڭ ءتۇبىرلى كەپىلىن، كەلەلى ستراتەگياسىن، نىسانالىق بەتالىسىن، ءتۇيىندى مىندەتىن، ماڭىزدى قامتاماسىزدىعىن، نەگىزگى تالابىن، قوعامدىق شارت - جاعدايىن، رۋحاني جەتەكشىلىگىن جانە يدەيالىق كەپىلدىگىن ايقىنداپ بەردى، ول پارتيامىزدىڭ ەلىمىزدىڭ دارىندىلار ىستەرى دامۋىنىڭ زاڭدىلىعى جونىندەگى تانىمىنىڭ تەرەڭدەۋى، وعان باستان - اياق تاباندى بولۋ ءارى ۇزدىكسىز بايىتۋ، دامىتۋ كەرەك.
باس شۋجي شي جينپيڭ بىلاي دەپ باسا دارىپتەدى: ”جالپىلىق مەملەكەت قۋاتى باسەكەسى، سايىپ كەلگەندە، دارىندىلار باسەكەسى. دارىندىلار ءبىر مەملەكەتتىڭ جالپىلىق مەملەكەت قۋاتىن ولشەيتىن ماڭىزدى كورسەتكىش“. ”ءبىز، ءسوز جوق، تاۋقىمەت تانىمىن كۇشەيتىپ، دارىندىلاردى دەربەس باۋلۋعا اناعۇرلىم باسا ءمان بەرىپ، دارىندىلار بايلىعىنىڭ باسەكەلىك باسىمدىعىن جەدەل ورناتۋىمىز كەرەك“. كەزەكتە ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا ساپارىنا قادام تاستادى، ءبىز تاريحتاعى ءارقانداي مەزگىلمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى نىساناسىنا اناعۇرلىم جاقىندادىق ءارى تاريحتاعى ءارقانداي مەزگىلمەن سالىستىرعاندا دارىندىلارعا اناعۇرلىم ءزارۋ بولىپ وتىرمىز. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە 2035 - جىلعا بارعاندا ەلىمىزدىڭ جاسامپاز مەملەكەتتەردىڭ الدىڭعى قاتارىنا ءوتۋ، دارىندىلاردا قۋاتتى ەل قۇرۋ ستراتەگيالىق نىساناسى ايقىندالدى. جاڭا داۋىردەگى دارىندىلار قىزمەتىن جاقسى ىستەۋدە، ءسوز جوق، دارىندىلاردى پارتيا باسقارۋعا تاباندى بولىپ، دۇنيە ءجۇزى عىلىم - تەحنيكاسىنىڭ الدىڭعى قاتارىن بەتكە الۋعا، ەكونوميكانىڭ نەگىزگى مايدانىن بەتكە الۋعا، مەملەكەتتىڭ كەلەلى قاجەتىن بەتكە الۋعا، حالىقتىڭ ءومىرىن، سالاماتتىعىن بەتكە الۋعا تاباندى بولىپ، جاڭا داۋىردەگى دارىندىلاردا قۋاتتى ەل قۇرۋ ستراتەگياسىن ىشكەرىلەي اتقارىپ، دارىندىلاردى جان - جاقتى باۋلىپ، ەنگىزىپ، ويداعىداي ىستەتىپ، دۇنيە جۇزىندەگى ماڭىزدى دارىندىلار ورتالىعىن جانە جاڭالىق اشۋدىڭ بيىگىن جەدەل قۇرىپ، 2035 - جىلى سوتسياليستىك وسىزاماندانۋدى نەگىزىنەن جۇزەگە اسىرۋ ءۇشىن دارىندىلار تىرەگىن ازىرلەۋ، 2050 - جىلى جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ ءۇشىن دارىندىلار نەگىزىن ويداعىداي قالاۋ كەرەك.
جۇڭگونىڭ ىستەرىن جاقسى ىستەۋدىڭ تەتىگى پارتيادا، ادامدا، دارىندىلاردا. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى دارىندىلار قىزمەتىنىڭ جاڭا ۇستانىمىن، جاڭا ستراتەگياسىن، جاڭا شاراسىن جاپپاي دايەكتىلەندىرىپ، پارتيا ورتالىق كوميتەتىنىڭ جاڭا داۋىردەگى دارىندىلار قىزمەتى جونىندەگى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتىپ، دارىندىلاردى تانيتىن كورەگەندىكپەن، دارىندىلاردى ايالايتىن ىزگى نيەتپەن، دارىندىلاردان پايدالاناتىن جۇرەكتىلىكپەن، دارىندىلارعا كەڭ بولاتىن دارقان پەيىلمەن، دارىندىلاردى شوعىرلاندىراتىن تاماشا تاسىلمەن پارتيا ىشىندەگى جانە پارتيا سىرتىنداعى، ەل ءىشى - سىرتىنداعى، ءار جاقتاعى تاڭداۋلى دارىندىلاردى پارتيا مەن حالىقتىڭ ۇلى كۇرەسىنە شوعىرلاندىرىپ، ءتۇرلى دارىندىلاردىڭ جاسامپاز ومىرشەڭدىك كۇشتى جابال تاسقىنداتۋىنا، اقىل - وي پاراساتىن تولىق جارىققا شىعارۋىنا مۇمكىندىك جاساعاندا، ءبىز، ءسوز جوق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى دارىندىلار كەپىلدىگىن جانە اقىل - پاراساتتىق قولداۋدى ازىرلەي الامىز.
(شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى)
