− باس شۋجي شي جينپيڭنىڭ ورتالىقتىڭ دارىندىلار قىزمەتى ماجىلىسىندەگى ماڭىزدى ءسوزى رايونىمىزدا كۇشتى اڭىس قوزعادى
انار بۇلت / شينجياڭ گازەتىنىڭ تىلشىلەرى
مەملەكەتتىڭ دامۋى دارىندىلارعا سۇيەنەدى، ۇلتتىڭ گۇلدەنۋى دارىندىلارعا سۇيەنەدى. باس شۋجي شي جينپيڭنىڭ ورتالىقتىڭ دارىندىلار قىزمەتى ماجىلىسىندەگى ماڭىزدى ءسوزى جاڭا داۋىردەگى دارىندىلار قىزمەتىندەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، جاڭا داۋىردەگى دارىندىلار قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى ءسوزى شينجياڭ قوعامىنىڭ ءار سالاسىندا كۇشتى اڭىس قوزعادى، كوپشىلىك جابال مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتى دارىندىلار قىزمەتىنە ايرىقشا ءمان بەردى، ءارقايسى تاراۋلار، ورىندار بولسىن، الدە ءتۇرلى دارىندىلار بولسىن، بارلىعى دا ايرىقشا شابىت الىپ، قايراتتارى تاسقىندادى. ءسوز جوق، پارتيا دارىندىلاردى باسقارۋعا تاباندى بولىپ، دارىندىلاردى جان - جاقتى باۋلىپ، ەنگىزىپ، ويداعىداي ىستەتىپ، ءتۇرلى تاڭداۋلى دارىندىلاردىڭ شينجياڭنىڭ بايتاق دالاسىندا جارىسا جەلكەن كوتەرۋىن، ەڭبەك ءسىڭىرىپ ەسە قوسۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا پارمەندى دارىندىلار تىرەگىن ازىرلەيمىز.
دارىندىلار قىزمەتىنىڭ ىرىقتىلىعىن مىقتاپ يگەرەمىز
ءبىز تاريحتاعى ءارقانداي مەزگىلمەن سالىستىرعاندا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى نىساناسىنا اناعۇرلىم جاقىندادىق ءارى تاريحتاعى ءارقانداي مەزگىلمەن سالىستىرعاندا دارىندىلارعا اناعۇرلىم ءزارۋ بولىپ وتىرمىز. باس شۋجي شي جينپيڭ ءبىزدىڭ دارىندىلار قىزمەتىن ويداعىداي ىستەۋىمىزدىڭ ماڭىزدىلىعى مەن كوكەي تەستىلىگىن ايقىن اتاپ كورسەتىپ، ”دارىندىلاردى دەربەس باۋلۋعا اناعۇرلىم باسا ءمان بەرىپ، دارىندىلار بايلىعىنىڭ باسەكەلىك باسىمدىعىن جەدەل ورناتۋ كەرەكتىگىن“ باسا دارىپتەدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى راحمانجان داۋىت مىنالاردى ءبىلدىردى: دارىندىلاردى دامىتۋ ءتۇزىلىس - مەحانيزم رەفورماسىن ۇزدىكسىز تەرەڭدەتىپ، دارىندىلاردى باۋراۋ، شوعىرلاندىرۋ تۇعىرى قۇرىلىسىن كۇشەيتىپ، بىرەگەي عىلىم - تەحنيكا كوشباسشى دارىندىلار مەن جاڭالىق اشۋ ۇجىمىن قۇرىپ، جاس عىلىم - تەحنيكا دارىندىلار قوسىنىن تۇلعالاپ، جوعارى دەڭگەيلى دارىندىلار، عىلىم - تەحنيكالىق كوشباسشى دارىندىلار، ءزارۋ، تاپشى دارىندىلار سياقتى سالالارداعى دارىندىلاردىڭ ساتىلى دامۋىن جۇزەگە اسىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا دارىندىلار جاعىنان سارقىلماس ومىرشەڭدىك كۇش - قۋات ازىرلەيمىز.
”13 - بەسجىلدىق“ مەزگىلىندە رايونىمىز عىلىم - تەحنيكادا جاڭالىق اشۋدىڭ كوشباسشى دارىندىلارىن باۋلۋدى كوزدەي وتىرىپ، عىلمي زەرتتەۋ دەڭگەيى مەن عىلىم - تەحنيكادا جاڭالىق اشۋ قابىلەتىن ايتارلىقتاي جوعارىلاتتى. اۆتونوميالى رايوندىق عىلىم - تەحنيكا مەڭگەرمەسى اقىل - پاراسات جانە دارىندىلار جونىنەن قىزمەت وتەۋ باسقارماسىنىڭ باستىعى شۋە ۋيدۇڭ بىلاي دەدى: ءبىز دارىندىلار جاعىندا قۋاتتى رايون ستراتەگياسىن ۇزدىكسىز تياناقتاندىرىپ، نەگىزدىك زەرتتەۋ دارىندىلارى مەن قولدانبالى دارىندىلاردى تاربيەلەۋدى كۇشەيتىپ، شەشۋشى سالالارداعى دارىندىلاردىڭ ساتىلى قوسىنىن تاربيەلەۋ جۇيەسىن كەمەلدەندىرىپ، دارىندىلاردى دالمە - ءدال ەنگىزۋدى كۇشەيتىپ، ستراتەگيالىق عىلىم - تەحنيكا دارىندىلارىن، عىلىم - تەحنيكالىق كوشباسشى دارىندىلاردى، جوعارى دەڭگەيلى جاڭالىق اشۋ ۇجىمدارىن قۇلشىنا باۋلىپ، جەتىلدىرىپ، دارىندىلاردىڭ شوعىرلانۋ بيىگىن كۇش سالا قالىپتاستىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىنا اناعۇرلىم ويداعىداي دەم بەرەمىز.
بەلسەندىلىكتى، ىرىقتىلىقتى ۇزدىكسىز جۇمىلدىرامىز
باس شۋجي شي جينپيڭ: جوعارى مەكتەپ پەن كاسىپورىن ەكەۋىنىڭ بەلسەندىلىگىن ويداعىداي جۇمىلدىرىپ، ءوندىرىس، وقىتۋ، زەرتتەۋدىڭ تەرەڭدەي توعىسۋىن جۇزەگە اسىرۋ كەرەك، - دەپ باسا دارىپتەدى.
ەرەكشە ترانسفورماتور جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ شين بىلاي دەدى: باس شۋجي شي جينپيڭ نۇسقاعان بەتالىس بويىنشا بەلسەندىلىكتى، ىرىقتىلىقتى ۇزدىكسىز ساۋلەلەندىرىپ، الدا ءجۇرىپ تاربيەلەۋگە باستان - اياق تاباندى بولىپ، دارىندىلاردى باۋلۋدىڭ جاڭا مەحانيزمىن ورناتىپ، پارتيانى سۇيەتىن، وتاننىڭ ءۇمىتىن اقتايتىن، كاسىبىن قادىرلەپ، ۇلەس قوساتىن، تەحنيكادا جاڭالىق اشۋ قابىلەتى كورنەكتى، كۇردەلى ينجەنەريا ماسەلەلەرىن شەشۋگە شەبەر ينجەنەرلەر قوسىنىن قۇلشىنا قۇرىپ، ءتۇرلى دارىندىلاردان ويداعىداي، جاندى پايدالانىپ، دارىندىلاردىڭ حالىقارالىق اۋىس - كۇيىسىن كۇشەيتىپ، دارىندىلاردىڭ ومىرشەڭدىك كۇشىن ۇزدىكسىز قاۋلاتىپ، كاسىپورىنداردىڭ تيبىن جاڭالاپ، دارەجەسىن ءوسىرۋىن جەبەپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتەمىز.
بيىل شينجياڭ اۋىل شارۋاشىلىق داشۋەسى ماقتا، جىلقى شارۋاشىلىعى، ءجۇزىم شارابى سىندى وسى زامانعى 3 كاسىپ سالاسى شۋەيۋانىن جاڭادان قۇردى، سونداي - اق زەردەلى اۋىل شارۋاشىلىعى، زەردەلى جابدىق سياقتى جاڭا اۋىل شارۋاشىلىعى عىلىمى، جاڭا ينجەنەريا عىلىمى ماماندىعىن اشادى. شينجياڭ اۋىل شارۋاشىلىق داشۋەسى پارتكومىنىڭ شۋجيى شيە شۋچيڭ مىنالاردى ءبىلدىردى: مەكتەپ ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋعا تاباندى بولىپ، ءبىلىم بەرۋ قۇرىلىمىن، ءپان - ماماندىق قۇرىلىمىن، دارىندىلاردى باۋلۋ قۇرىلىمىن ۇزدىكسىز ساپالىلاندىرىپ، نەگىزدىك ءپان دارىندىلارىن باۋلۋدى جان - جاقتى جوسپارلاپ، جوعارى ساپالى وقۋ - اعارتۋ جۇيەسىن قۇرىپ، جوعارى مەكتەپتەردىڭ جاسامپاز، قولدانبالى، بەساسپاپ دارىندىلاردى باۋلۋداعى نەگىزگى كۇشتىك رولىن شىن مانىندە ويداعىداي ساۋلەلەندىرەدى.
دارىندىلاردىڭ ءوز ورنىن تابۋىنا، ءوز ونەرلەرىن ايگىلەۋىنە مۇمكىندىك جاسايمىز
جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ۇلى ساپارىندا ءبىز دارىندىلار جەتىلەتىن، دارىندى بولاتىن قۇنارلى توپىراق جەتىلدىرۋىمىز، ونان دا ماڭىزدىسى، دارىندىلار ەڭبەك ءسىڭىرىپ، ۇلەس قوساتىن ىرىستى مەكەن قۇرۋىمىز كەرەك.
”شينجياڭ تارباعاتاي ءتۇيىندى دامىتۋ - ەسىك اشۋ سىناق رايونىنىڭ جوعارى ساپالى دامۋى ءتۇرلى ۇزدىك دارىندىلاردىڭ توپتالۋىنان، كەرپىش بولىپ قالانۋىنان ايرىلا المايدى“. تارباعاتاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ايدىن تولەۋقان بىلاي دەدى: ۇيىمداستىرۋ تاراۋلارى باستاماشىلدىقپەن جالپى جاقتان يگەرەتىن، فۋنكتسيالىق تاراۋلار ءوز مىندەت جاۋاپكەرشىلىگىن ارقالاپ، تىعىز سايكەسىپ، قوعامدىق كۇشتەر كەڭ كولەمدە ات سالىساتىن دارىندىلار قىزمەتى جاعدايىن كۇش سالا قالىپتاستىرىپ، دارىندىلاردى تانيتىن، دارىندىلاردى ايالايتىن، دارىندىلاردى قۇرمەتتەيتىن، دارىندىلاردان پايدالاناتىن تاماشا ورتانى كۇش سالا قالىپتاستىرىپ، اناعۇرلىم كوپ ۇزدىك دارىندىلاردىڭ تارباعاتاي سىندى ىرىستى توپىراقتا وزدەرىنە تيەسىلى ءىس تىندىرۋىنا مۇمكىندىك جاساۋ كەرەك.
ءتۇرلى دارىندىلار جاپپاي اتويلاپ العا ىلگەرىلەۋى، تاجىريبەحانادا قاجىرلىلىقپەن زەرتتەۋ جۇرگىزۋمەن بىرگە، ونان دا ماڭىزدىسى، كەڭ الاپ، بايتاق ورىستە قاجىرلىلىقپەن ىستەۋلەرى، ناقتى ىسكەرلىك كورسەتۋلەرى كەرەك. اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ايبىندى ساپارى دا قىرۋار دارىندىلاردىڭ نەگىزگى ساتىعا تامىر تارتۋىن، قايراتتانا كۇرەس جۇرگىزۋىن قاجەت ەتەدى. نيە اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي تاۋ بىلاي دەدى: اۋىل - قىستاقتى گۇلدەندىرۋدە ۇلكەن ىستەر تىندىرۋعا بولادى. ءبىز ساياسات - شارالاردى ۇزدىكسىز كەمەلدەندىرىپ، اۋىل شارۋاشىلىعىن تۇسىنەتىن، اۋىل - قىستاقتى سۇيەتىن، شارۋالاردى سۇيەتىن اۋىل شارۋاشىلىعى، اۋىل - قىستاق، شارۋالار قىزمەت قوسىنىن قۇلشىنا تاربيەلەپ، قالىپتاستىرىپ، ءتۇرلى اۋىل - قىستاق دارىندىلارىنىڭ اۋىل - قىستاقتىڭ جالىندى امالياتى بارىسىندا تومەنگە تۇسۋىنە، تابان تىرەپ تۇرا الۋىنا، جاقسى ىستەۋىنە مۇمكىندىك جاساپ، اۋىل - قىستاقتى دارىندىلار ارقىلى گۇلدەندىرۋدى قۇلشىنا ىلگەرىلەتىپ، كورىكتى دە جانعا جايلى، شارۋاشىلىعى شالقىعان، حالقى بەرەكەلى سوتسياليستىك جاڭاشا اۋىل - قىستاق قۇرۋعا ۇلەس قوسامىز.
(ءتىلشى ۋاڭ شيڭرۇي، قاتىناسقان تىلشىلەر ءرايدا، شيە حۇيبيان، جاۋ شييا، ءپاريزات ابدۇل، ەرىكتى ءتىلشى جاۋ جۇنميڭ)
