تيانشان تورى   ›   جاڭالىقتار   ›   ەل ءىشى حابارى

«جۇڭگونىڭ جاپپاي دوڭگەلەك داۋلەتتىلىككە جەتۋى» اق تىستى كىتابى جاريالاندى

  شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 9 - ايدىڭ 28 - كۇنى «جۇڭگونىڭ جاپپاي دوڭگەلەك داۋلەتتىلىككە جەتۋى» اق تىستى كىتابىن جاريالادى.

  اق تىستى كىتاپتا مىنالار اتاپ كورسەتىلدى: جاپپاي دوڭگەلەك داۋلەتتى قوعام ورناتۋ − جۇڭحۋا ۇلتىنىڭ ۇلى گۇلدەنۋىنە قادام تاستاۋداعى شەشۋشى قادام. 100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ قاجىرلىلىقپەن شايقاسىپ، نەشە ۇرپاق ادام باستان - اياق دايەكتىلەندىرىپ، ۇزدىكسىز كۇرەس جۇرگىزىپ، ”دوڭگەلەك داۋلەتتى وتباسىنان“ ”دوڭگەلەك داۋلەتتى قوعامعا“ دەيىن، ”جالپى تۇلعالىق دوڭگەلەك داۋلەتتەن“ ”جاپپاي دوڭگەلەك داۋلەتكە“ دەيىن، ”جاپپاي قۇرۋدان“ ”جاپپاي ورناتۋعا“ دەيىن دوڭگەلەك داۋلەت نىساناسىن ۇزدىكسىز جۇزەگە اسىرىپ، دوڭگەلەك داۋلەت ارمانىن شىندىققا اينالدىردى.

  اق تىستى كىتاپتا مىنالار تانىستىرىلدى: جاپپاي دوڭگەلەك داۋلەتتىلىككە جەتۋدىڭ ءتۇيىنى جالپى بەتتىلىگىندە. جۇڭگونىڭ جاپپاي دوڭگەلەك داۋلەتتىلىككە جەتۋى دامۋدىڭ تەپە - تەڭدىگىن، سايكەستىلىگىن جانە باياندىلىعىن ايگىلەگەن، زاتتىق وركەنيەت، ساياسي وركەنيەت، رۋحاني وركەنيەت، قوعامدىق وركەنيەت، ەكولوگيالىق وركەنيەت سايكەسە دامىعان دوڭگەلەك داۋلەت؛ حالىقتىڭ كۇن سايىن ارتىپ وتىرعان الۋان تۇرلەنگەن، كوپ ساتىلى، كوپ جاقتى قاجەتىن ۇزدىكسىز قاناعاتتاندىرىپ، ادامنىڭ جان - جاقتى دامۋىن ۇزدىكسىز جەبەگەن دوڭگەلەك داۋلەت؛ مەملەكەت بايىپ - قۇدىرەتتەنگەن، ۇلت گۇلدەنگەن، حالىق باقىتقا كەنەلگەن، كوپ ولشەمدى، جان - جاقتىلى دوڭگەلەك داۋلەت.

  اق تىستى كىتاپتا مىنالار اتاپ كورسەتىلدى: جۇڭگونىڭ جاپپاي دوڭگەلەك داۋلەتتىلىككە جەتۋى − بۇكىل حالىق دامۋدىڭ جەتىستىگىنەن بىرگە يگىلىكتەنگەن دوڭگەلەك داۋلەت. بىردە -ءبىر ادامدى قاتاردان قالدىرماۋ، بىردە - ءبىر ءوڭىردى تاستاماۋ، بىردە - ءبىر ۇلتتى كەنجە قالدىرماۋ ادامنىڭ جان - جاقتى دامۋىن جۇزەگە اسىرۋ مەن بۇكىل حالىقتىڭ دامۋىن جۇزەگە اسىرۋدىڭ ورگانيكالى بىرلىگىن ايگىلەدى، بىرگە بايۋدى جۇزەگە اسىرۋداعى سوتسياليزمنىڭ ماندىك تالابىن ايگىلەدى.

  اق تىستى كىتاپتا تاعى مىنالار اتاپ كورسەتىلدى: جۇڭگونىڭ جاپپاي دوڭگەلەك داۋلەتتىلىككە جەتۋى جۇڭگو حالقىنىڭ ءوزىنىڭ قاجىرلى ەڭبەگى مەن اقىل - پاراساتىنا سۇيەنىپ، قاجىرلىلىقپەن كۇرەس جاساۋىنان كەلگەن. جاڭا جۇڭگو قۇرىلعان كەزدە جوقشىلىق پەن دارمەنسىزدىك جايلاعان، تۇتە - تۇتەسى شىققان اۋىر جاعدايعا ءدوپ كەلدى. جۇڭگو كوممۋنيستىك پارتياسى حالىقتى ىنتىماقتاستىرىپ، باستاپ، قۇر قولمەن شاڭىراق كوتەرىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، تىڭ ءورىس اشىپ، مىڭداعان جىلداردان بەرى كوكسەگەن دوڭگەلەك داۋلەتتىلىكتى جۇزەگە اسىردى.

  اق تىستى كىتاپتا مىنالار باسا دارىپتەلدى: جۇڭگو ءوزىنىڭ دامۋىن باستان - اياق ادامزات دامۋىنىڭ كوردينات جۇيەسىنە قويدى، جۇڭگو حالقىنىڭ مۇددەسىن باستان - اياق ءار ەل حالقىنىڭ ورتاق مۇددەسىمەن بىرلەستىردى، باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى، الەۋمەتتىك ونىمدەردىڭ قامداۋشىسى بولىپ كەلدى. جۇڭگو جاپپاي دوڭگەلەك داۋلەتتى قوعام ورناتىپ، ادامزاتتىڭ تاعدىرلاس ورتاق تۇلعاسىن قۇرۋعا جۇڭگو اقىل - پاراساتى مەن جۇڭگو كۇشىن ارنادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.