گازەتىمىزدىڭ 9 - ايدىڭ 29 - كۇنى قارامايلىدان بەرگەن حابارى. 9 - ايدىڭ 25 - كۇنىنەن 28 - كۇنىنە دەيىن پارتيا تاريحىن ۇيرەنۋ تاربيەسى بويىنشا ورتالىقتىڭ 10 - جەتەكشىلىك ەتۋ گرۋپپاسىنىڭ باستىعى ۋي داپىڭ جەتەكشىلىك ەتۋ گرۋپپاسىن باستاپ شينجياڭعا كەلىپ، تەكسەرۋ - زەرتتەۋ، جەتەكشىلىك ەتۋ قىزمەتىن ورىستەتىپ، پارتيا تاريحىن ۇيرەنۋ تاربيەسىنىڭ ىشكەرىلەۋىن، ناقتىلانۋىن ىلگەرىلەتتى.
التاي ايماعىندا جەتەكشىلىك ەتۋ گرۋپپاسىنداعىلار بۋرىلتوعاي اۋدانى شينجياڭ ۋاڭيۋان بيو عىلىم - تەحنيكا توبى شەكتى سەرىكتەستىگىنە بارىپ، كاسىپورىننىڭ تۇيە ءسۇتى شارۋاشىلىعىنا سۇيەنىپ، مالشىلاردىڭ كىرىسىن ارتتىرىپ، اۋقاتتانۋىنا جەتەكشىلىك ەتۋ جاعدايىن، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ورىستەتىلۋ جاعدايىن ۇعىستى. ۋي داپىڭ شينجياڭ ۋاڭيۋان بيو عىلىم - تەحنيكا توبى شەكتى سەرىكتەستىگىنىڭ قوعامدىق جاۋاپكەرشىلىكتى ىرىقتىلىقپەن ارقالاپ، عىلىم - تەحنيكادا جاڭالىق اشۋ باسىمدىعىن ساۋلەلەندىرىپ، اناعۇرلىم كوپ ەگىنشى - مالشىنىڭ كىرىستەرىن ارتتىرىپ، اۋقاتتاندىرۋعا باستاعاندىعىن تۇراقتاندىردى. ول بىلاي دەدى: ”الداعى جەردە كاسىپورىننىڭ پارتيا قۇرىلىسىنىڭ جەتەكشىلىك رولىن ۇزدىكسىز ساۋلەلەندىرىپ، ءونىم ساپاسىن وزەك ەتىپ، تۇيە شارۋاشىلىعىنىڭ قۇرىلىمىن ۇزدىكسىز جاقسارتىپ، جۇڭگو تۇيە شارۋاشىلىعىنىڭ تەرەڭدەي، جوعارى ساپالى دامۋىنا دەم بەرىپ، اناعۇرلىم كوپ ەگىنشى - مالشىنىڭ كىرىستەرىن ارتتىرۋعا جەتەكشىلىك ەتۋىن ءۇمىت ەتەمىن“. بۋىرشىن اۋدانىندا جەتەكشىلىك ەتۋ گرۋپپاسى جۇڭگو - سوۆەت وداعى سۋ تاسىمال كەمەتۇراعى بايىرعى جۇرتىن، جۇڭگو - سوۆەت وداعى سۋ تاسىمال ەسكەرتكىش سارايىن ەكسكۋرسيالاپ، قىزىل ەستەلىكتەردى ەسكە الدى، شۇڭقىر قالاشىعى قىزىلقايىڭ قىستاعىنا بارىپ تەكسەرۋ - زەرتتەۋ جۇرگىزىپ، پارتيا تاريحىن ۇيرەنۋ تاربيەسى جاعدايى مالىمەتىن تىڭدادى. جەتەكشىلىك ەتۋ گرۋپپاسى قوم قاناس موڭعۇل ۇلتتىق اۋىلىنا بارىپ، ”پارتيا قۇرىلىسى + ساياحات“ ارقىلى ەگىنشى - مالشىلاردىڭ كىرىستەرىن ارتتىرۋىنا جەتەكشىلىك ەتۋ، نەگىزگى ساتى پارتيا تاريحىن ۇيرەنۋ تاربيەسى، ورتالىقتىڭ ۇلت قىزمەتى ءماجىلىسىنىڭ رۋحىن ۇگىتتەۋ، ۇگىت لەكسيا جاعدايىن ۇعىستى، تەكسەرۋ - زەرتتەۋ جۇرگىزدى. جەتەكشىلىك ەتۋ گرۋپپاسى اققابا شەكارا قورعانىس ليانىنە دە بارىپ، ليان - دۇيدەگى وفيتسەر - اسكەرلەرگە امانداسىپ، ولاردان حال سۇرادى، ليان تاريحى سارايىن ەكسكۋرسيالاۋ، بەينە ەكران كورۋ، بەتپە - بەت اڭگىمەلەسۋ سياقتى تاسىلدەر ارقىلى جەرگىلىكتى ورىنداعى ارميا مەن حالىقتىڭ وركەنيەتتى ورىندى بىرگە قۇرۋ، ورنىقتىلىقتى قورعاپ، شەكارانى كۇزەتۋ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ سىقىلدى جاقتارداعى جاعدايلاردى ۇعىستى.
قارامايلى قالاسىندا جەتەكشىلىك ەتۋ گرۋپپاسى حييۋشان، قارامايلى رايونى جەڭىس جولى ءمالىسى چاڭجىڭ الەۋمەتتىك اۋماعى، قارامايلى قالالىق مۇراجاي، قارامايلى 1 - ءنومىرلى قۇدىعى سياقتى ورىندارعا ىلگەرىندى - كەيىندى بارىپ، پارتيا تاريحىن ۇيرەنۋ تاربيەسى قىزمەتىن ىلگەرىلەتۋگە جەتەكشىلىك ەتىپ، قىزىل بايلىقتان پايدالانىپ پارتيا تاريحىن ۇيرەنۋ تاربيەسىن ورىستەتۋ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ نەگىزگى ساتىدا ناقتاپ تياناقتانۋ جاعدايىن ەگجەي - تەگجەيلى ۇعىستى.
تەكسەرۋ - زەرتتەۋ بارىسىندا ۋي داپىڭ مەن ونىڭ ساپارلاستارى نەگىزگى ساتىعا ىشكەرىلەي بارىپ، شەكارالىق قاراۋىل ورنىن، الەۋمەتتىك اۋماقتاردى، قىستاق، قالاشىقتاردى ارالاپ، ءار دارەجەلى كادرلارمەن جانە ءار ۇلت بۇقاراسىمەن ىشكەرىلەي اۋىس - كۇيىس جاسادى. ۋي داپىڭ شينجياڭنىڭ پارتيا تاريحىن ۇيرەنۋ تاربيەسىندە قول جەتكىزگەن تابىسىن تولىق تۇراقتاندىردى، سونداي - اق كەلەسى قادامداعى قىزمەتتەر جونىندە تالاپ قويدى. ول بىلاي دەدى: ءار دارەجەلى، ءارقايسى تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنۋى، سونداي - اق ونى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، جەتە ۇيرەنىپ، جەتە يگەرىپ، ناقتى تياناقتاندىرۋعا كۇش سالىپ، جەتە ۇعىنىپ، تولىق ءتۇسىنىپ ۇيرەنۋگە، امالياتپەن ۇشتاستىرىپ ۇيرەنۋگە، ىشكەرىلەي ۇزدىكسىز ۇيرەنۋگە، اسىرەسە، باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزىنىڭ رۋحىمەن ۇشتاستىرۋعا تاباندى بولىپ، پارتيانىڭ جاسامپاز نازارياسىمەن وي - سانانى اناعۇرلىم ويداعىداي قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك. پارتيا تاريحىن ۇيرەنۋ تاربيەسىنىڭ نىساناسى مەن تالابىن ىشكەرىلەي ءتۇسىنىپ جانە يگەرىپ، شينجياڭ امالياتىمەن بايلانىستىرىپ، تاسىلدە، ادىستە جاڭالىق اشىپ، ءتۇرلى بايلىقتاردان جاندى، ويداعىداي پايدالانىپ، تاربيەلەۋ، جەتەكشىلىك ەتۋ رولىن ساۋلەلەندىرىپ، پارتيا تاريحىن ۇيرەنۋ تاربيەسىنىڭ جوعارى ساپالى ورىستەتىلۋىنە، جاپپاي قامتۋىنا، تۇبەگەيلى دايەكتىلەنۋىنە شىنايى كەپىلدىك ەتۋ كەرەك. جاستار مەن ورەندەر قاۋىمىن كورنەكتىلەندىرىپ، شينجياڭداعى ءار ۇلت جاستار مەن ورەندەرى اراسىندا ”ءتورت تاريح“ تاربيەسىن نىعايتىپ، ولاردىڭ شوعىر ەرەكشەلىگىن يگەرىپ، جۇڭگو كوممۋنيستەرىنىڭ قىزىل قان تامىرىن ۇزدىكسىز جالعاستىرىپ، ءار ۇلت وقۋشىلارىنىڭ قارشادايىنان پارتيانىڭ مەيىرىنە العىس ايتۋىنا، پارتيانىڭ سوزىنە قۇلاق اسۋىنا، پارتياعا ىلەسۋىنە، قىزىل گەندى ۇرپاقتان - ۇرپاققا جالعاستىرۋىنا مۇمكىندىك جاساۋ كەرەك. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ”1 - شىلدەدەگى“ ماڭىزدى ءسوزدىڭ رۋحىن ۇيرەنۋدەگى، دايەكتىلەندىرۋدەگى ماڭىزدى مازمۇن ەتىپ، حالىق قالاۋىن تابۋداعى، جۇرت تىلەگىن ۇيىستىرۋداعى ءىس جۇزىندىك ارەكەت ەتىپ، ءتۇيىندى سالالار مەن شوعىردى مىقتاپ ارقاۋ ەتىپ، نازاردى حالىق بۇقاراسى ”شۇعىل، قيىن، ۋايىمداعان، ءزارۋ“ ماسەلەلەرگە شوعىرلاندىرىپ، ءار ۇلت بۇقاراسى ءۇشىن ناقتى ءىس، جاقسى ءىس تىندىرۋعا كۇش سالۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتار ىنتىماعى جەتىستىگىن ۇزدىكسىز بەكەمدەپ، تەرەڭدەتىپ، ءار ۇلت پارتيالى كادرلارىن، بۇقارانى ۇيرەنۋ تاربيەسى جەتىستىگىن العىس ايتىپ ەكپىندەي ىلگەرىلەۋدىڭ، ىنتىماقتاسا ءىس تىندىرۋدىڭ قۋاتتى قوزعاۋشى كۇشىنە شىنايى اينالدىرۋعا تاربيەلەپ، جەتەكتەپ، ۇلتتار ىنتىماقتى، قوعام ورنىقتى بولعان، جاراسىمدى دامىعان اسا تاماشا جاعدايدى قورعاۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ مەڭگەرۋشىسى تيان ۋىن جوعارىدا اتالعان قيمىلدارعا قاتىناستى.
(انار بۇلت / شينجياڭ گازەتىنىڭ ءتىلشىسى شيا چيڭ، التاي تىلشىلەر پۋنكتىنەن جىڭ ميڭ، قارامايلى تىلشىلەر پۋنكتىنەن ليۋ حۇڭيان)
