تيانشان تورى
تيانشان تورى   ›   ۇيرەنۋ   ›   شولۋ

ۇستا رۋحىن امالياتتا ايگىلەپ، ءداۋىر تاراۋىن جازايىق

  گازەتىمىزدىڭ شولۋشىسى

  ءبىر رۋح جۇڭحۋا ۇلتىنىڭ قان تامىرىندا تولاسسىز تولقۋدا. ەجەلدەن بەرى ول ءار سالا، ءار كاسىپتەگى ەڭبەكشىلەردىڭ اقىل - پاراساتى مەن جاسامپازدىعىن ۇيىستىرىپ، شۇعىلالى جۇڭحۋا وركەنيەت تاريحىن جازدى، ول ەلىمىزدىڭ ءارقايسى تاريحي مەزگىلدەرىندە كەلەلى جەتىستىكتەرگە قول جەتكىزۋدىڭ نەگىزى بولىپ قانا قالماستان، ءتىپتى دە ماڭىزدىسى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بەرىك تىرەگىنە اينالدى. مىنە بۇل ”تاباندى دا شوگەل بولۋ، كەمەلدىلىككە ۇمتىلۋ، توتەنشە قۇنتتى بولۋ، ەرەندىككە تالپىنۋ“ سىندى ۇستا رۋحى.

  ۇستا رۋحى سان مىڭ جىلدان بەرى ەڭبەكشىلەردىڭ ءوندىرىس امالياتى بارىسىندا ايگىلەگەن كەلبەتى مەن سالتاناتى، ەڭبەك ارقىلى ءوزىنىڭ قۇنىن نەمەسە ءومىر قۇنىن جۇزەگە اسىرۋ ۇستا رۋحىنىڭ ماندىك مايەگى. ۇستا رۋحى ەڭ الدىمەن ءبىر كاسىپتى ىستەسە، سول كاسىپتى ءسۇيىپ، سول كاسىپكە مامان بولۋداي ەڭبەككە قۇرمەت ەتۋ رۋحى سانالادى، قاراپايىم قىزمەت ورنىندا كەرەمەت ەڭبەك كورسەتۋ − ۇستا رۋحىنىڭ جاندى بەينەسى.

  ۇستا رۋحنىڭ شەشۋشى فاكتورى − نازىك بۋىنعا باسا ءمان بەرىپ، كەمەلدىلىككە تالپىنۋ. ەلىمىزدىڭ تاريحتار بويى ۇستالار جاساعان اسەم قۇم - شىنى جابدىقتارى، قاس تاسى بۇيىمدارى، اۋىل شارۋاشىلىق ماشينالارى جانە ءار ءتۇرلى قۇرىلىس ينجەنەريالارى سياقتىلار تۇگەلدەي ۇستا رۋحىنىڭ بەينەلەنۋى، ولار ەڭبەكشىلەردىڭ قان - تەرى مەن اقىل - پاراساتىنىڭ جاۋھارى بولىپ، كەيىنگىلەرگە قۇندى زاتتىق مادەنيەت مۇرالارىن قالدىردى. ەلىمىز جاساۋداعى ءىرى ەل رەتىندە، جاساۋ كاسىبىنىڭ تيبىن جاڭالاپ دارەجەسىن وسىرگەن بۇگىنگى تاڭدا، نازىك بۋىن مەن دالدىك دارەجەسى كوبىندە وسى زامانعى ماشينا ونەركاسىبىنىڭ، اسىرەسە، زەردەلى ونەركاسىپتىڭ ءساتتى - ساتسىزدىگىن بەلگىلەۋدە ۇستا رۋحىن اسقاقتاتىپ، ءىرى ەل ۇستالارىن جەتىلدىرۋ ەلىمىزدىڭ جاساۋ ساپاسى مەن دەڭگەيىن جوعارىلاتۋدىڭ ماڭىزدى بۋىنى ەسەپتەلەدى.

  ۇستا رۋحىنىڭ وزەكتى فاكتورى − جاڭالىق اشۋ رۋحى. ۇستالاردىڭ جاڭالىق اشۋ قابىلەتى بۇرىنعى شەبەرلىككە قاتىپ قالۋ ەمەس، قايتا قازىرگى بار ءوندىرىس شەبەرلىگىن باتىلدىقپەن جاڭالاپ، كاسىپ شەبەرلىگىنە سەرپىلىس سيپاتتى ۇلەس قوسۋ. جوعارى ساپالى دامىعان بۇگىنگى تاڭدا، شەبەر وي مەن جاڭالىق اشۋدى ءبىر تۇلعالاندىرعاندا عانا جاڭالىق اشۋدىڭ تاتىمى مەن جوعارى ساپالى دامۋدىڭ ونىمدىلىگىن ۇزدىكسىز جاقسارتۋعا بولادى.

  ءتۇپ توركىنىنە نازار سالعاندا، ۇستا رۋحى دەگەنىمىز ءبىر ءتۇرلى ەتيكالىق ءمورال. كەمەلدىلىككە ۇمتىلۋ، جاڭالىق اشۋعا ىزدەنىس جاساۋ − ۇستا رۋحىنىڭ ىشكى قاسيەتىنىڭ ايگىلەنۋى. ۇستا رۋحىن ازىرلەگەن ءىرى ەل ۇستالارى ساپا قاسيەتىن قاتاڭ ساقتاپ، ءبىر ءومىر سارا ونىمدەردى جاساپ، ونىمدەردىڭ جاقسى - جامانىن ءوزىنىڭ ادامگەرشىلىگى مەن اتاق - ابىرويىنىڭ سيمۆولىنا بالاپ كەلگەن. ءارقانداي ءبىر ءداۋىر تاباندى دا شوگەل، ەرەندىككە تالپىنعان ادامدارعا مۇقتاج.

  ەلىمىز تاريحىنىڭ سالقار كوشىندە لۋ بان، لي چۇن، لي بيڭ، شىن كو سياقتى الەمدىك ۇستا، عۇلامالار شىققان، ولار تاريح كەڭىستىگىن نۇرلاندىردى، سونداي - اق ۇستالاردىڭ رۋحىن قالدىردى. زاماننان بەرگى ۇلى قورعان، چين ءداۋىرىنىڭ سالتاناتىن ايگىلەگەن قۋىرشاق سارباز، عالامات شەبەر كارىز... وسى قۇندى تاريحي مۇرالار قاشاندا ۇستا رۋحىنىڭ بالاماسى بولىپ كەلەدى. ميلليارد ەل حالقى ەرلىكپەن العا تارتقان جاڭا داۋىردە جۇڭگو ”راكەتا موتورىن“ دانەكەرلەۋدىڭ ەگەيى گاۋ فىڭلين، ”ءىرى ۇشاق ارمانىن“ ارقالاعان ”اۆياتسيا شەبەرى“ حۋ شۋاڭچيان سياقتى ءىرى ەل ۇستالارى دا توپ - توبىمەن جارىققا شىقتى... ولاردىڭ بويىنان ۇستا رۋحىن جالعاستىرۋ مەن ساۋلەلەندىرۋدىڭ بەينەسىن كوردىك. ۇستا رۋحى دەگەنىمىز وتانشىلدىقتى وزەك ەتكەن ۇلت رۋحى، رەفورما جاساۋدى، جاڭالىق اشۋدى وزەك ەتكەن ءداۋىر رۋحىنىڭ جاندى بەينەسى، بۇكىل پارتيا، بۇكىل ەلدەگى ءار ۇلت حالقىن بوران - شاشىنعا قاراماي، ەرلىكپەن العا تارتۋعا جىگەرلەندىرەتىن قۋاتتى رۋحاني قوزعاۋشى كۇش.

  تيانشان الابىنا كوز جىبەرگەندە، تاياۋداعى جىلداردان بەرى شينجياڭنىڭ ەكونوميكالىق، قوعامدىق دامۋىنىڭ ءارقايسى شايقاس شەبىندە ۇستا رۋحىن ازىرلەگەن ءار ۇلت ەڭبەكشىلەرى توپ - توبىمەن جارىققا شىقتى، ولار جالعىزسىراۋعا توزە ءبىلىپ، قاراپايىمدىلىقتى ساقتاپ، جاۋاپكەرشىلىكتى كوكەيدە ساقتاپ، ارمانعا تالپىنىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا ماڭداي تەرلەرىن توگىپ، اقىل - پاراساتتارىن ارنادى. ولاردىڭ ءون - بويىنان رۋح ساۋلەسى توگىلىپ، بارعان سايىن كوپ ادامعا ىقپال جاساپ، ولاردى جەتەكتەپ، بار ىنتا - پەيىلىمەن شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ەرلىكپەن قۇلشىنىس جاساپ، جان قيارلىقپەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قايراتتانا العا ىلگەرىلەدى.

  ءداۋىردىڭ دامۋى ۇستا رۋحىنا مۇقتاج. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە ءاربىر ەڭبەكشى ءومىرىن، ءىسىن، وتانعا بولعان قىزۋ سۇيىسپەنشىلىگىن كوكەيگە تولى ىقىلاسقا اينالدىرىپ، ۇستا رۋحىن بار كۇشپەن امالياتتا ايگىلەپ، وتاندى ءسۇيۋدىڭ، وتان ءۇمىتىن اقتاۋدىڭ، كاسىبىن ارداقتاۋدىڭ، كاسىپكە جەتىك بولۋدىڭ ءداۋىر تاراۋىن جازۋى قاجەت.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.