− جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قىزۋ قۇتتىقتايمىز
حالىق گازەتى باسماقالاسى
كۇز سامالى جانعا جايلى اسەر بەرىپ، سۇبەلى ەڭبەك جەمىستەرى قولعا كەلدى؛ جۇڭگونىڭ بايتاق دالاسى جابىلا قۇتتىقتاپ، ءتورت توڭىرەك شاتتانا انگە باستى. بۇگىن ءبىز جۇڭحۋا حالىق رەسپۋبليكاسىنىڭ 72 جىلدىق مەرەيتويىن قارسى الىپ وتىرمىز. بەس جۇلدىزدى قىزىل تۋ تيان - انمىن الاڭىندا جەلمەن بىرگە جەلبىرەپ، 100 جىلدىق ءىرى پارتيانىڭ دەر شاعىنا كەلىپ، ارىنى اسقاقتاپ تۇرعاندىعىنا كۋا بولىپ، ۇلى وتاننىڭ قايراتتانا جەلكەن جايىپ، جەڭىس ءانىن شىرقاي العا ىلگەرىلەگەندىگىن ەستەلىككە الىپ، سان ميلليونداعان حالىقتىڭ جاڭا جۇڭگوعا ماداق ايتىپ، جاڭا داۋىردە كۇرەس جۇرگىزەتىن اسقاق مۇراتىن، تاسقىنداعان قايراتىن قاۋلاتۋدا.
ۋاقىت شىت جاڭا جىل بەدەرىن كەستەلەدى، زامان ءداۋىردىڭ تاماشا جىرىن جازدى. وتكەن ءبىر جىلعا قايىرىلا قاراساق، قىم − قۋىت كۇردەلى حالىقارالىق جاعداي، جاپالى دا اۋىر ەل ءىشى رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ەل بىرلىگىنەن قامال ورناتىپ، قيىندىققا قاسقايا قارسى ءجۇرىپ، قايراتتانا العا ىلگەرىلەپ، ەكونوميكانى ۇزدىكسىز ورنىقتى قالپىنا كەلتىرىپ، ورنىقتىلىق بارىسىندا جاقسارتىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى بەلسەندىلىكپەن ىلگەرىلەتىپ، رەفورما جاساۋ، ەسىك اشۋ تەبىنىن ارتتىرىپ، حالىق تۇرمىسىن ءونىمدى قامتاماسىز ەتىپ، جوعارى ساپالى دامۋدا تىڭ ونىمدىلىككە قول جەتكىزىپ، قوعامنىڭ كەلەلى جاعدايىنىڭ ورنىقتىلىعىن ساقتادىق. اسىرەسە، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى سىندى ماڭىزدى ساتتە، ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىپ، جىگەرىمىز تاسقىنداي ءتۇسىپ جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋداي ەكىنشى 100 جىلدىق كۇرەس نىساناسىن بەتكە الىپ ارشىندى قادام تاستاۋدامىز. بۇل جۇڭحۋا ۇلتىنىڭ ۇلى داڭقى! بۇل جۇڭگو حالقىنىڭ ۇلى داڭقى! بۇل جۇڭگو كوممۋنيستىك پارتياسىنىڭ ۇلى داڭقى! ومىرشەڭدىككە تولى جۇڭگو، ۇمىتكە تولى جۇڭگو دۇنيە ءجۇزىنىڭ شىعىسىندا قاسقايىپ ەڭسە كوتەردى، ءارقانداي كۇش ءبىزدىڭ ۇلى وتانىمىزدىڭ ورنىن مىزعىتا المايدى، ءارقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىن توسا المايدى.
تاريح كوبىنەسە ۋاقىتتىڭ بوران - شاشىنىن باستان كەشىرگەننەن بارىپ ءتىپتى دە ايقىن كورىنەدى. 100 جىلدىڭ الدىندا، جۇڭحۋا ۇلتى دۇنيە ءجۇزىنىڭ الدىندا توقىراعان، تۇرالاعان بەينەدە كورىنگەن ەدى؛ 72 جىلدىڭ الدىندا، العاشقى بەس جۇلدىزدى قىزىل تۋ باياۋ كوتەرىلىپ، جۇڭحۋا ۇلتىنىڭ كىم كورىنگەن تالان - تاراجىعا سالعان، ابدەن قورلىق كورگەن زامانى ەندىگارى كەلمەسكە كەتتى؛ بۇگىنگى جۇڭگونىڭ بايتاق دالاسىندا وزىنە سەنگەن، ءوزىن الۋەتتەندىرگەن، قايسارلىققا تولعان، گۇلدەنىپ - كوركەيگەن، تىرشىلىك تىنىسى جالىنداعان بەينە جارىققا شىعىپ، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قادام تاستاۋدا. باس شۋجي شي جينپيڭ تەرەڭ اتاپ كورسەتكەندەي: ”جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە قادام تاستادى!“ بۇل جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى، جۇڭگو حالقى مەن جۇڭحۋا ۇلتىنىڭ جۇدىرىقتاي جۇمىلىپ، قايسارلىقپەن كۇرەس جۇرگىزۋىنىڭ ناتيجەسى. ءبىز مىنانى ايقىن كوردىك، ءارقانداي كۇرەس نىساناسى وڭاي - وسپاق جۇزەگە اسا سالمادى، العا ىلگەرىلەۋ جولى بىردەن ءساتتى بولا قويعان جوق. جاپپاي دوڭگەلەك داۋلەتتى قوعام ورناتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا تۇگەلدەي بەلەستىك مانگە يە، ەلىمىزدىڭ جاڭا دامۋ كەزەڭىنە وتۋىنە، ەكىنشى 100 جىلدىق كۇرەس نىساناسىن بەتكە الىپ شەرۋ تارتۋىنا بەرىك نەگىز قالادى. سونىمەن بىرگە مىنانى دا، ءسوز جوق، تاني ءبىلۋ كەرەك، بۇل ءبىزدىڭ جۇڭحۋا ۇلتىنىڭ ۇلى گۇلدەنۋىنە قادام تاستاۋىمىزداعى شەشۋشى ءبىر قادام عانا، ۇلى ارماندى جۇزەگە اسىرۋ ءۇشىن تايسالماي جان قيارلىقپەن شايقاسۋىمىز، قاجىماي - تالماي كۇرەس جۇرگىزۋىمىز كەرەك. جاڭا ۇلى ساپاردا، ءبىز، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋىمىز، بارلىق حاۋىپ - قاتەرلەر مەن سىن - سايىستاردى ەرلىكپەن جەڭىپ، جاپپاي سوتسياليستىك وسىزاماندانعان مەملەكەت قۇرۋدىڭ تاريحي اسقاق ارمانى ءۇشىن قايراتتانا العا ىلگەرىلەپ، ءبىزدىڭ وسى ۇرپاق ادامعا تاۋەلدى تاريحي ۇلى ىستەردى اشۋىمىز كەرەك.
جول تاعدىردى بەلگىلەيدى، ءبىزدىڭ قادامىمىز بەكەم. 72 جىلدان بەرى، جۇڭگودا جەر - كوكتى ءدۇر سىلكىندىرگەن وزگەرىس تۋىلدى، مۇنىڭ ءتۇبىرلى سەبەبى − ءبىزدىڭ جۇڭگونىڭ مەملەكەت جاعدايىنا لايىق، ءداۋىر اعىمىنا ۇيلەسەتىن، حالىق بۇقاراسىنىڭ قولداۋى مەن قۋاتتاۋىنا يە بولعان دۇرىس جولدى تاپقانىمىزدا، مىنە بۇل جۇڭگوشا سوتسياليزم. جۇڭگوشا سوتسياليزم − پارتيا مەن حالىقتىڭ نە ءبىر جاپا - ماشاقاتتى باستان كەشىرىپ، وراسان زور بوداۋ بەرۋ ارقىلى قول جەتكىزگەن ءتۇبىرلى تابىسى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولى. بۇل جولمەن دۇرىس ءجۇرىپ قانا قالماستان، ىركىلىسسىز جۇرەمىز، ونىڭ ۇستىنە، ءسوزسىز، ورنىقتى جۇرەمىز، جاقسى جۇرەمىز. تاريح پەن اماليات مىنانى دالەلدەدى ءارى ونان ارى دالەلدەيدى: جۇڭگو كوممۋنيستىك پارتياسى تەڭدەسسىز قۇدىرەتتى باسشىلىق قۋاتىنا جانە بيلىك جۇرگىزۋ قۋاتىنا يە، جۇڭگوشا سوتسياليزم ءتۇزىمى تەڭدەسسىز قۇدىرەتتى ومىرشەڭدىك كۇشكە جانە جاسامپاز كۇشكە يە، جۇڭگو حالقى مەن جۇڭحۋا ۇلتى تەڭدەسسىز قۇدىرەتتى ۇيىسۋ قۋاتىنا جانە سەنترگە تارتۋ كۇشىنە يە. ماركسيزم جونىندەگى نانىمدى، جۇڭگوشا سوتسياليزم جونىندەگى سەنىمدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندەگى بەكىمدى كۇشەيتىپ، وسى ءبىر شۇعىلالى جولمەن بۇلجىماي جۇرە بەرسەك، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ نىساناسى، ءسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى!
ىنتىماقتاسىپ، كۇش - قۋاتتى ۇيىستىرۋدا ءبىزدىڭ نىق سەنىمىمىز بار. ىنتىماق − قۇرىش، ىنتىماق − بولات، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەرلەردى، سىن - سايىستاردى جەڭۋىندەگى، ۇزدىكسىز جەڭىستەن تىڭ جەڭىستەرگە جەتۋىندەگى ماڭىزدى كەپىلى. جۇڭگو كوممۋنيستىك پارتياسىنىڭ 100 جىلدىق تاريحى حالىقتى ىنتىماقتاستىرىپ، باستاپ تاماشا تۇرمىس ءۇشىن بىرگە كۇرەس جاساعان تاريح. قازىرگى دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى كەزەڭدە تۇر. نىساناعا تاياعان سايىن، جاعداي كۇردەلىلەسە تۇسكەن سايىن، مىندەت اۋىرلاسقان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ ءتۇزىم ابزالدىلىعىن سولعۇرلىم ساۋلەلەندىرە ءتۇسىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، مەملەكەت ءىشى - سىرتىنداعى جۇڭحۋا پەرزەنتتەرىنىڭ ويدى ءبىر جەرگە شوعىرلاندىراتىن، كۇشتى ءبىر جەرگە جۇمسايتىن قۇدىرەتتى بىرىككەن كۇشىن قالىپتاستىرۋ كەرەك. ەكىنشى 100 جىلدىق كۇرەس نىساناسىنا قاراي ءورىس اشا ەكپىندەي ىلگەرىلەۋدە، ءسوز جوق، ۇلى ىنتىماققا، ۇلى بىرلىككە تاباندى بولىپ، بۇكىل ەلدەگى ءار ۇلت حالقىنىڭ ۇلى ىنتىماعىن بەكەمدەپ، مەملەكەت ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، ءارقايسى پارتيا - توپتاردىڭ، ءارقايسى ۇيىمداردىڭ، ءار ۇلتتىڭ، ءارقايسى جىكتەردىڭ، سونداي - اق ءار جاقتىڭ ۇلى ىنتىماعىن نىعايتىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، وتانشىلدىق رۋحتى بارىنشا اسقاقتاتىپ، ورتاق تانىمدى كەڭىنەن ۇيىستىرىپ، الەمدەگى دارىندىلاردىڭ باسىن قوسىپ، تۇتاس قوعامنىڭ جاسامپازدىق ومىرشەڭدىگىن جانە دامۋ قوزعاۋشى كۇشىن قاۋلاتىپ، ۇلتتىڭ گۇلدەنۋىن جۇزەگە اسىرۋدىڭ جويقىن كۇشىن ۇيىستىرۋ كەرەك.
ناقتى ءىس ىستەۋ بولاشاقتى كەسكىندەدى، ءبىزدىڭ جىگەرىمىز اسقاق. ءبىزدىڭ ءداۋىرىمىز ادامدى ەكپىندەي ىلگەرىلەۋگە جەلپىندىرەتىن ۇلى ءداۋىر، ءبىزدىڭ ىستەگەن ءىسىمىز بۇرىنعىلار ىستەپ كورمەگەن ۇلى ءىس، ءبىز شۇعىلدانىپ وتىرعان جۇڭگوشا سوتسياليزم ىستەرى بۇكىل حالىقتىڭ ورتاق ءىسى. كەزەكتەگى جانە مۇنان بىلايعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرادى، الايدا، وراي مەن سايىس تۇگەلدەي جاڭا دامۋ وزگەرىسىنە يە، وراي مەن سايىستىڭ ۇلكەندىگى بۇرىن بولماعان، جالپى جاقتان العاندا وراي سايىستان ۇلكەن، ۋاقىت پەن جاعداي ءبىز جاقتا تۇر. سوتسياليزمنىڭ ىستەۋمەن كەلگەندىگىن، جاڭا ءداۋىردىڭ كۇرەسپەن كەلگەندىگىن، ءسوز جوق، تانۋىمىز كەرەك. وسىزامانداندىرۋدى نەگىزىنەن جۇزەگە اسىرۋدا ناقتى ىستەۋگە سۇيەنۋىمىز، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدا ناقتى ىستەۋگە سۇيەنۋىمىز، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ناقتى ىستەۋگە سۇيەنۋىمىز كەرەك. تەك ”نەعۇرلىم ماشاقاتتى، قاتەرلى بولعان سايىن سولعۇرلىم العا ۇمتىلاتىن“ قاھارماندىق ارىندى ساقتاپ، ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن كۇرەس رۋحىن اسقاقتاتىپ، شىنايى يگەرىپ، ناقتى ىستەپ، دەن قويا شوگەلدىكپەن ىستەپ، قامال الىپ، قيىندىقتاردى جەڭىپ، ءورىس اشىپ، جاڭالىق ەنگىزىپ، بولجاۋعا بولاتىن جانە بولجاۋعا كەلمەيتىن ءتۇرلى تار جول، تايعاق كەشۋلەر بارىسىندا ءومىر ءسۇرۋ قۋاتىمىزدى، باسەكە قۋاتىمىزدى، دامۋ قۋاتىمىزدى، باياندى بولۋ قۋاتىمىزدى ارتتىرعاندا عانا، بولاشاقتاعى دامۋدىڭ ىرىقتىلىق ۇقىعىن مەڭگەرىپ، اسقاق مۇرات ءۇشىن كۇرەسۋ امالياتىن العا ىلگەرىلەتە الامىز.
ساپار الىس، ماقساتقا تەك كۇرەسپەن عانا جەتەمىز. وتكەنگە قايىرىلا قاراساق، پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوسىن جازدى. جاڭا تاريحي باستامادا تۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باستان - اياق ىجداعاتتىلىقپەن تاباندى بولاتىن، داندايسۋدان، ۇشقالاقتىقتان ساقتاناتىن سەرگەك وي - سانانى ماڭگى ساقتاپ، جاپادان، قاتەردەن قورىقپايتىن، قاجىرلىلىقپەن ۇمتىلاتىن كۇرەسكەرلىك ارىندى ماڭگى ساقتاپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا ەرلىكپەن العا ۇمتىلۋعا تالپىنىپ، جۇڭحۋا ۇلتىنىڭ ۇلى گۇلدەنۋى سىندى جارقىن بولاشاقتى بەتكە الىپ ارشىنداي العا باسايىق!
(شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)
