تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى

  شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى

  چىن چۋانگو، ەركىن تۇنياز، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، لي يفي قاتارلىلار قاتىناستى

  9 - ايدىڭ 30 - كۇنى قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى ءۇرىمجى حالىق الاڭىندا سالتاناتپەن وتكىزىلدى. □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 9 - ايدىڭ 30 - كۇنى ۇرىمجىدەن حابارلايدى. قاھارمان قۇربانداردىڭ ەسىمى تاريحتا ماڭگى قالادى، ولاردىڭ ادال رۋحىنا گۇل ۇسىنىلىپ، ازا ءبىلدىرىلدى. 9 - ايدىڭ 30 - كۇنى تۇستەن بۇرىن قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى ءۇرىمجى حالىق الاڭىندا سالتاناتپەن وتكىزىلدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى بۇكىل رايونداعى ءار ۇلت، ءار سالا كادر - جۇرتشىلىعىنىڭ ۋاكىلدەرىمەن بىرگە حالىق قاھارماندارىنا قۇرمەتپەن گۇل شارباق قويىپ، توڭكەرىستىك ارداگەر قۇربانداردىڭ جانە قاھارمان قۇربانداردىڭ وشپەس ەڭبەكتەرىن تەرەڭ ساعىنىشپەن ەسكە الىپ، بۇكىل رايونداعى ءار ۇلت كادر - بۇقاراسىن قىزىل گەندى جالعاستىرۋعا، رۋحاني قان تامىردى ۇزدىكسىز جالعاستىرۋعا، شي جينپيڭ جولداستى ۇيتقى ەتكەن پارتيا ورتالىق كوميتەتى نۇسقاعان دۇرىس بەتالىستى بويلاپ بۇلجىماي العا ىلگەرىلەۋگە، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا جىگەرلەندىردى.

  ءۇرىمجى حالىق الاڭى ايبىندى دا جىم - جىرت كۇيدە، بەس جۇلدىزدى قىزىل تۋ اسقاق جەلبىرەپ، جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشى بيىككە بوي سوزىپ قاسقايىپ تۇر. چىن چۋانگو، ەركىن تۇنياز، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، لي يفي، تيان ۋىن، سارقىت اقان، تيان شياڭلي، چىن ۋيجۇن، ۋاڭ ميڭشان قاتارلىلار سالتقا قاتىناستى.

  ساعات 12 مولشەرىندە، حالىق قاھارماندارىنا قۇرمەتپەن گۇل شارباق قويۋ سالتى رەسمي باستالدى. ايبىندى دا اسقاق «ەرىكتىلەر مارشى» ورىندالىپ، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، اسقاقتاعان ءان اۋەنى الاڭنىڭ اسپانىندا قالىقتادى.

     مەملەكەت ءانى شىرقالىپ بولعاننان كەيىن، بۇكىل الاڭداعىلار جىم - جىرت كۇيگە شومىپ، شينجياڭنىڭ ازاتتىعىنا جانە قۇرىلىس ىستەرىنە ەرلىكپەن ءومىرىن ارناعان قۇرباندارعا، بولشەكتەۋشىلىككە قارسى تۇرۋ كۇرەسىندە جانە لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ەرلىكپەن ءومىرىن ارناعان قۇرباندارعا ءۇنسىز ازا ءبىلدىردى.

  ءۇنسىز ازا ءبىلدىرۋ اياقتالعاننان كەيىن، ءار ۇلت جاس وسپىرىمدەرى «ءبىز كوممۋنيزم ءىزباسارلارىمىز» ءانىن شىرقادى، بىركەلكى پيونەرلەر وتريادىنىڭ سالەمىن جاسادى، ارداگەر قۇربانداردىڭ مۇراتىنا مۇراگەرلىك ەتەتىندىكتەرىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاي - قاشان دا دايىن تۇراتىندىقتارىن ءبىلدىرىپ ايبىندى سەرت بەردى.

  شارشى توپتىڭ الدىنا اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى، ءارقايسى دەموكراتيالىق پارتيا - توپتار، اۆتونوميالى رايوندىق ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر، ءۇرىمجى قالاسىنداعى ءار ۇلت، ءار سالا جۇرتشىلىعى، جۇڭگو پيونەرلەر وتريادى اتىنان ۇسىنىلعان 9 گۇل شارباق رەتىمەن قويىلدى. گۇل شارباقتىڭ قىزىل تورعىن لەنتاسىنا ”حالىق قاھارماندارى ماڭگى جاسايدى“ دەگەن التىن ارىپپەن جازىلعان سوزدەر ەرەكشە كوز تارتادى، ول شينجياڭداعى ءار ۇلت پەرزەنتتەرىنىڭ قاھارمان قۇرباندارعا دەگەن شەكسىز ساعىنىشى مەن وسكەلەڭ قۇرمەتىن ايگىلەپ تۇر.

  تەرەڭ سۇيىسپەنشىلىككە تولى «گۇل قويۋ مۋزيكاسىنىڭ» سۇيەمەلىندە، 18 قۇرمەت قاراۋىلى گۇل شارباقتاردى كوتەرىپ، ەسكەرتكىشكە قاراي باياۋ قادام تاستاپ، گۇل شارباقتاردى ەسكەرتكىش تۇعىرىنا بايىپپەن اكەلىپ قويدى.

  چىن چۋانگو، ەركىن تۇنياز، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، لي يفي قاتارلىلار ءۇنسىز قۇرمەتپەن ەسكەرتكىش تۇعىرىنا شىعىپ، گۇل شارباقتاردىڭ الدىندا كوز الماي قاراپ تۇردى، گۇل شارباقتاردىڭ تورعىن لەنتاسىن مۇقيات رەتتەدى. ىلە - شالا اۆتونوميالى رايوننىڭ پارتيا، ۇكىمەت، ارميا جانە شينجياڭ ءوندىرىس - قۇرىلىس بيڭتۋانىنىڭ باسشىلارى، ءار ۇلت، ءار سالاداعى كادر - جۇرتشىلىق باياۋ قاداممەن اينالىپ، جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشىنە ىززەت - قۇرمەتپەن قارادى.

  سالتقا قاتىناسقان ءار ۇلت، ءار سالا كادر - جۇرتشىلىعى مىنالاردى ءبىلدىردى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. بۇگىنگى باقىتتى تۇرمىسىمىز جۇڭگو كوممۋنيستىك پارتياسىنىڭ پارمەندى باسشىلىعىندا، سانسىز توڭكەرىستىك ارداگەر قۇرباننىڭ ءبىرىنىڭ ءىزىن ءبىرى باسىپ، قان توگىپ قۇربان بەرۋىنەن كەلگەن، ولاردىڭ وشپەس ۇلى ۇلەستەرى تاريحقا ماڭگى جازىلادى. ۇلى پارتيا قۇرۋ رۋحىن زور كۇشپەن اسقاقتاتىپ، قىزىل گەندى جالعاستىرىپ، اۋەلگى ماقساتتى، بورىشتى ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اناردىڭ دانىندەي تىعىز ۇيىسىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى، ويداعىداي ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋ جولىندا قاجىماي - تالماي كۇرەس جۇرگىزۋىمىز كەرەك.

  اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى، ت.ب حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.