«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
قىزىل بايلىقتان ويداعىداي پايدالانىپ، قىزىل قان تامىردى ۇزدىكسىز جالعاستىرىپ، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋ كەرەك
شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. 10 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 19 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «قىزىل بايلىقتان ويداعىداي پايدالانىپ، قىزىل قان تامىردى ۇزدىكسىز جالعاستىرىپ، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋ كەرەك» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: قىزىل بايلىق − پارتيامىزدىڭ ماشاقاتتى دا شۇعىلالى كۇرەس بارىسىنىڭ كۋاسى، ەڭ قىمباتتى رۋحاني بايلىق. قىزىل قان تامىر − جۇڭگو كوممۋنيستىك پارتياسىنىڭ ساياسي قاسيەتىنىڭ شوعىرلى بەينەسى، جاڭا داۋىردەگى جۇڭگو كوممۋنيستەرىنىڭ رۋحاني كۇش - قۋات قاينارى. باسىپ وتكەن جولعا قايىرىلا قاراپ، الداعى ساپارعا كوز جىبەرگەندە، ءبىز، ءسوز جوق، باستان - اياق قىزىل قان تامىردى ۇزدىكسىز جالعاستىرىپ، پارتيانىڭ كۇرەس تاريحى جانە ۇلى تابىستارى ارقىلى كۇرەس جىگەرىن تاسقىنداتىپ، بەتالىستى نۇسقاپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋات ۇيىستىرىپ، پارتيانىڭ تاريحي تاجىريبەلەرى مەن امالياتتىق جاسامپازدىعى ارقىلى اقىل - پاراساتتى وياتىپ، مىنەز - قۇلىقتى شىڭداپ، الدىڭعىلاردىڭ ءىزىن باسىپ، بولاشاققا جول اشىپ، ءورىس اشا العا ىلگەرىلەپ، توڭكەرىستىك ارداگەر قۇرباندار قان توگىپ، قۇرباندىق بەرىپ ورناتقان قىزىل بيلىكتى ويداعىداي قورعاپ، ويداعىداي قۇرىپ، توڭكەرىستىك اعا بۋىنداردىڭ ءۇمىتىن اقتايتىن، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋىمىز كەرەك.
ماقالادا مىنالار اتاپ كورسەتىلدى: بۇكىل پارتيانى باستان - اياق عىلمي نازاريانى جەتەكشى ەتۋگە تاربيەلەۋ، جەتەكتەۋ كەرەك. جۇڭگو كوممۋنيستىك پارتياسى نەلىكتەن ىسكەر، جۇڭگوشا سوتسياليزم نە ءۇشىن جاقسى، بۇل تۇپتەپ كەلگەندە، ماركسيزمنىڭ جارامدى بولۋىنان. ءبىز پارتيانىڭ 100 جىلدىق كۇرەس تاريحىنان اقيقاتتىڭ كۇش - قۋاتىن ۇعىنىپ، كوممۋنيستىك پارتيانىڭ بيلىك جۇرگىزۋ زاڭدىلىعىنا، سوتسياليستىك قۇرىلىس زاڭدىلىعىنا، ادامزات قوعامىنىڭ دامۋ زاڭدىلىعىنا بولعان تانىمدى ۇزدىكسىز تەرەڭدەتىپ، ماركسيزم اقيقاتىنىڭ شۇعىلاسى ارقىلى العا باسۋ جولىمىزدى نۇرلاندىرۋىمىز كەرەك.
ماقالادا مىنالار اتاپ كورسەتىلدى: بۇكىل پارتيانى باستان - اياق مۇرات - سەنىمگە تاباندى بولۋعا تاربيەلەۋ، جەتەكتەۋ كەرەك. بۇكىل پارتياداعى جولداستار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا توسقاۋىلداردى تالقانداپ، ەكپىندەي العا ىلگەرىلەپ، جاڭا داۋىردەگى جۇڭگوشا سوتسياليزمنىڭ جاڭا جەڭىسىنە ۇزدىكسىز قول جەتكىزۋ كەرەك. بۇكىل پارتيانى باستان - اياق اۋەلگى ماقساتقا، بورىشقا تاباندى بولۋعا تاربيەلەۋ، جەتەكتەۋ كەرەك. بۇكىل پارتياداعى جولداستار پارتيانىڭ 100 جىلدىق كۇرەس تاريحىنان اۋەلگى ماقساتتى، بورىشتى ۇزدىكسىز ۇعىنىپ، حالىقتى وزەك ەتكەن دامۋ يدەياسىن ويداعىداي دايەكتىلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن اينىماس ماقسات، بەرىك مۇراتپەن كۇرەس جاساۋى كەرەك.
ماقالادا مىنالار اتاپ كورسەتىلدى: بۇكىل پارتيانى باستان - اياق داڭقتى توڭكەرىستىك داستۇرگە تاباندى بولۋعا تاربيەلەۋ، جەتەكتەۋ كەرەك. بۇكىل پارتياداعى جولداستار پارتيانىڭ 100 جىلدىق كۇرەس بارىسىندا قالىپتاستىرعان ۇلى رۋحىمەن ءوزىن نارلەندىرىپ، ءوزىن جىگەرلەندىرىپ، اسقاق رۋحاني كۇيمەن پارتيا مەن مەملەكەتتىڭ قىزمەتتەرىن ويداعىداي ىستەۋى كەرەك. بۇكىل پارتيانى باستان - اياق وزىنە توڭكەرىس جاساۋدى ىلگەرىلەتۋگە تاباندى بولۋعا تاربيەلەۋ، جەتەكتەۋ كەرەك. بۇكىل پارتياداعى جولداستار تاۋقىمەت تانىمىن كۇشەيتىپ، ماڭگى جالعاستىراتىن قاجىماس قايسارلىقپەن پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، ءوزىن قاتاڭ تارتىپكە سالىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باستان - اياق ءبىر تولىمدى كوممۋنيستىك پارتيا مۇشەسى بولىپ، پارتيانى اناعۇرلىم قۋاتتى دا پارمەندى ەتىپ قۇرۋ ءۇشىن ءتيىستى قۇلشىنىس جاساۋى كەرەك.
