تيانشان تورى   ›   جاڭالىقتار   ›   ماڭىزدى حابارلار

قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى

  100 جىلدىق ساپار اسقاق ايبىنمەن قۇلاشىن كەڭ جايدى، قاھارمانداردىڭ اسقاق جىگەرى ماڭگى ساقتالادى

  قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى

  شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

  9 - ايدىڭ 30 - كۇنى تۇستەن بۇرىن پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ تيان - انمىن الاڭىنا كەلىپ، قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى. سۋرەتتە: شي جينپيڭ گۇل شارباقتاردىڭ تورعىن لەنتاسىن رەتتەۋدە.□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

   9 - ايدىڭ 30 - كۇنى تۇستەن بۇرىن پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ تيان - انمىن الاڭىنا كەلىپ، قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى. □ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

  شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى 9 - ايدىڭ 30 - كۇنى تۇستەن بۇرىن بەيجيڭ تيان - انمىن الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءار سالا ۋاكىلدەرىمەن بىرگە سالتقا قاتىناستى.

  ايبىندى تيان - انمىن الاڭىندا بەس جۇلدىزدى نارت قىزىل تۋ بيىك جەلبىرەپ تۇر. الاڭنىڭ ورتالىعىندا ”وتانعا باقىت تىلەيمىز“ دەگەن جازۋ جازىلعان الىپ گۇل شارباق مەملەكەتتىڭ گۇلدەنۋىنە، كوركەيۋىنە دەگەن تاماشا تىلەكتى بەينەلەپ تۇر، گۇل شارباقتاعى ”مەملەكەت مەرەكەسىن شاتتىقپەن قۇتتىقتايمىز“ دەگەن جازۋ ەرەكشە كوز تارتادى. حالىق قاھارماندارى ەسكەرتكىشى اسقاق ايبىنمەن بوي سوزىپ تۇر، سولتۇستىك جاعىنداعى ەكى قاتار گۇل تەكشەسىنە بايجۇي، كاڭنايشين سياقتى گۇل - بايشەشەكتەردەن قۇرالعان 18 گۇل ساقيناسى كىرىستىرە قويىلعان، بۇل بۇكىل جۇڭحۋا پەرزەنتتەرىنىڭ قاھارمان قۇرباندارعا دەگەن تەرەڭ ساعىنىشىن ايگىلەپ تۇر.

  ساعات 10عا تاياعاندا شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى تيان - انمىن الاڭىنا كەلىپ، حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى.

  جۇڭگو حالىق ازاتتىق ارمياسى اسكەري وركەسترىنىڭ كىشى كەرنايشىلارى «قۇربانداردى ەسكە الۋ كۇنى دابىلىن» اسقاقتاتا تارتتى، تامىلجىعان ءارى اسقاق مۋزيكا اۋەنى جىر ەتەرلىك داڭقتى جىلداردان سىر شەرتۋدە.

  100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن“ دەگەن ەرجۇرەك ارىنمەن جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى.

  ”قۇرمەت قاراۋىلى ورىندارىنا جايعاسسىن!“. بۇيرىق بەرىلىسىمەن 3 ارميانىڭ 60 قۇرمەت قاراۋىلى نىق قاداممەن ارشىنداي ءجۇرىپ، قۇرمەت قادامىمەن ەسكەرتكىشتىڭ الدىنا بارىپ مىلتىقتارىن سەرت ۇستاپ تۇردى.

  ساعات ءدال 10دا حالىق قاھارماندارىنا قۇرمەتپەن گۇل شارباق قويۋ سالتى رەسمي باستالدى. اسكەري وركەستر «ەرىكتىلەر مارشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

  مەملەكەت ءانى ورىندالىپ بولعاننان كەيىن، بۇكىل الاڭداعىلار جىم - جىرت كۇيگە شومىپ، جۇڭگو حالقىنىڭ ازاتتىق ىستەرى مەن رەسپۋبليكا قۇرىلىسى ىستەرى ءۇشىن ەرلىكپەن ءومىرىن ارناعان قۇرباندارعا ءۇنسىز ازا ءبىلدىردى.

  ءۇنسىز ازا ءبىلدىرۋ اياقتالعاننان كەيىن، قولدارىنا گۇل ۇستاعان جاس وسپىرىمدەر حالىق قاھارماندارى ەسكەرتكىشىنە قاراپ تۇرىپ، «ءبىز كوممۋنيزم ءىزباسارلارىمىز» ءانىن اسقاقتا شىرقادى ءارى پيونەرلەر وتريادىنىڭ سالەمىن جاسادى.

  شارشى توپتىڭ الدىندا، جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق وتانشىل قايراتكەرلەر، حالىقتىق ۇيىمدار مەن ءار سالا جۇرتشىلىق، ساقا جاۋىنگەرلەر، ساقا جولداستار جانە قۇربانداردىڭ تۋىس - تۋعاندارى، جۇڭگو پيونەرلەر وتريادى اتىنان ۇسىنىلعان 9 ۇلكەن گۇل شارباق رەتىمەن قويىلدى، گۇل شارباقتاردىڭ قىزىل تورعىن لەنتاسىنا جازىلعان ”حالىق قاھارماندارى ماڭگى جاسايدى“ دەگەن جازۋلار نۇر شۇعىلا شاشىپ تۇر.

  اسكەري وركەستر تەرەڭ سۇيىسپەنشىلىككە تولى «گۇل قويۋ مۋزيكاسىن» ورىندادى، 18 قۇرمەت قاراۋىلى گۇل شارباقتاردى بايىپپەن كوتەرىپ، حالىق قاھارماندار ەسكەرتكىشىنە قاراي باياۋ قادام تاستاپ، گۇل شارباقتاردى ەسكەرتكىشتىڭ تۇعىرىنا اكەلىپ قويدى.

  شي جينپيڭ قاتارلى پارتيا مەن مەملەكەت باسشىلارى ەسكەرتكىش تۇعىرىنا شىعىپ، گۇل شارباقتاردىڭ الدىندا كوز الماي قاراپ تۇردى. جايقالا اشىلعان ءلالاگۇل، سۇيرىك حۇڭجاڭ، نازىك تە ادەمى ۋىنشينلان حالىق قاھارماندارىنا دەگەن شەكسىز ساعىنىش پەن وسكەلەڭ قۇرمەتتى ايگىلەۋدە.

     شي جينپيڭ الدىعا ءجۇرىپ بارىپ، گۇل شارباقتاردىڭ تورعىن لەنتاسىن ىجداعاتپەن رەتتەدى. وسىدان كەيىن شي جينپيڭ قاتارلى پارتيا مەن مەملەكەت باسشىلارى باياۋ قاداممەن اينالىپ، حالىق قاھارماندارى ەسكەرتكىشىنە قۇرمەتپەن كوز تاستادى.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ءار ۇلت حالقى قايراتتانا ەكپىندەي ىلگەرىلەپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشتى. بۇگىن ءبىز تاسقىنداعان جىگەر مەن جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋداي ەكىنشى 100 جىلدىق كۇرەس نىساناسىن بەتكە الىپ ەرلىكپەن العا ىلگەرىلەۋدەمىز.

  جاس وسپىرىمدەردىڭ جانە ءار سالا جۇرتشىلىعىنىڭ ۋاكىلدەرى دە رەتىمەن ەسكەرتكىشتىڭ الدىنا بارىپ، قولدارىنداعى گۇلدەرىن قويدى ءارى ەسكەرتكىشكە قۇرمەتپەن كوز تاستادى.

  قۇرمەتپەن گۇل شارباق قويۋ سالتىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي باسقاردى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ءبىر ءبولىم ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ءبىر ءبولىم ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى سالتقا قاتىناستى.

  ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنىڭ جانە بەيجيڭ قالاسىنىڭ نەگىزگى جاۋاپتى جولداستارى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى ساقا جاۋىنگەرلەردىڭ، ساقا جولداستاردىڭ جانە قۇربانداردىڭ تۋىس - تۋعاندارىنىڭ ۋاكىلدەرى، بەيجيڭدەگى وردەن يەگەرلەرىنىڭ، داڭق اتاعى يەگەرلەرىنىڭ ۋاكىلدەرى، مەملەكەتتىك ”ەكى تاڭداۋلى، ءبىر وزات“ يەگەرلەرىنىڭ ۋاكىلدەرى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆتەردىڭ جانە وزات جەكەلەردىڭ ۋاكىلدەرى، كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆتەر مەن وزات جەكەلەردىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى، ت.ب سالتقا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.