جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قۇتتىقتاۋ بايلانىسىمەن
اۆتونوميالى رايون مەملەكەت تۋىن شىعارۋ سالتىن سالتاناتپەن وتكىزدى
چىن چۋانگو، ەركىن تۇنياز، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، لي يفي قاتىناستى
10 - ايدىڭ 1 - كۇنى اۆتونوميالى رايون شينجياڭ حالىقارالىق ءماجىلىس - كورمە ورتالىعىندا مەملەكەت تۋىن شىعارۋ سالتىن سالتاناتپەن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قىزۋ قۇتتىقتادى. □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 1 - كۇنى ۇرىمجىدەن حابارلايدى. 10 - ايدىڭ 1 - كۇنى تۇستەن بۇرىن اۆتونوميالى رايون شينجياڭ حالىقارالىق ءماجىلىس - كورمە ورتالىعىندا مەملەكەت تۋىن شىعارۋ سالتىن سالتاناتپەن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قىزۋ قۇتتىقتادى. چىن چۋانگو، ەركىن تۇنياز، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، لي يفي قاتارلى اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى ءۇرىمجى قالاسىنداعى ءار ۇلت، ءار سالا كادر - بۇقاراسىنىڭ ۋاكىلدەرىمەن بىرگە قاتىناستى.
پارتيا قۇرىلعاندىعىنىڭ 100 جىلدىعىن بۇكىل ەل بىرگە تويلادى؛ گۇلدەنگەن زامانداعى جۇڭحۋانىڭ كوركى كوز تارتادى. شينجياڭ حالىقارالىق ءماجىلىس - كورمە ورتالىعى الاڭىندا گۇل - بايشەشەك قۇلپىرىپ، قىزىل تۋلار جەلبىرەپ، ايبىندى دا قۋانىشتى مەرەكەلىك لەپ ەستى. ءار ۇلت كادر - بۇقاراسى كوڭىلدەرىن كوتەرىڭكى ۇستاپ، رەتتى قاتار تۇزەپ، بەس جۇلدىزدى قىزىل تۋ كوتەرىلگەن ايبىندى ءساتتىڭ كەلۋىن كۇتتى.
ساعات 10نان 30 مينۋت وتكەندە، ەكپىندى مۋزيكا اۋەنىمەن، مەملەكەت تۋىن قورعاۋ اترەتىنىڭ وفيتسەر - جاۋىنگەرلەرى مىلتىقتارىن سەرت ۇستاپ، ارشىندى دا نىق قادام باسىپ، بەس جۇلدىزدى قىزىل تۋدى قورعاپ تۋ شىعارۋ تۇعىرىنا كوتەرىلدى.
ايبىندى «ەرىكتىلەر مارشى» ورىندالدى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقاپ، تەرەڭ سۇيىسپەنشىلىكپەن مەملەكەت تۋىنا قادالا قاراپ قۇرمەت ءبىلدىردى. بەس جۇلدىزدى نارت قىزىل تۋ باياۋ كوتەرىلىپ، جەلمەن بىرگە جەلبىرەدى.
”ءبىز پارتياعا ورەندىك سەرت بەرەمىز، ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا دايىنبىز؛ كوممۋنيزم ىستەرى ءۇشىن كۇرەسۋگە، قاي - قاشان دا دايىنبىز! پارتيا الاڭسىز بول، مەملەكەتتى قۇدىرەتتەندىرۋدە ءبىز بارمىز!“، بەس جۇلدىزدى قىزىل تۋعا قاراپ تۇرىپ ءوسپىرىم بالالار بىركەلكى داۋىسپەن ارناۋ ءسوز ايتتى. بالعىن ۇندەر اسقاق شىقتى، بەرىك سەرت بەردى.
تۋ شىعارۋ سالتىنا قاتىناسقان ءار ۇلت كادر - بۇقاراسى مىنالاردى ءبىلدىردى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جاڭا جۇڭگو قۇرىلعاندىعىنىڭ 72 جىلدىعىن تويلاعان سالتاناتتى كۇندە مەملەكەت تۋىن شىعارۋ سالتىنا قاتىناسىپ، بارىنشا جىگەرلەندىك، بارىنشا داڭققا بولەندىك، شىن جۇرەكتەن ۇلى پارتيانى، ۇلى وتاندى شەكسىز ماقتان تۇتامىز، شەكسىز ماقتانىش ەتەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتىپ، قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. ءبىز وڭاي قولعا كەلمەگەن اسا تاماشا جاعدايدى بارىنشا قاستەرلەپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ”1 - شىلدەدەگى“ سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، العان بەتتەن قايتپاي، تاباندىلىقپەن قۇلشىنا ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا ءوزىمىزدىڭ اقىل - پاراساتىمىز بەن كۇش - قۋاتىمىزدى ارنايمىز.
اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى؛ ءۇرىمجى قالالىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القاسىنىڭ مۇشەلەرى، ءۇرىمجى گارنيزونىنىڭ، بيڭتۋان 12 - شىسىنىڭ نەگىزگى جاۋاپتى جولداستارى، ت. ب تۋ شىعارۋ سالتىنا قاتىناستى.
