”1 - قازان“ كەزىندە رايونىمىزداعى قىزىل كورىنىس وڭىرلەرى ناقتى قۋاتىمەن جۇرتتى باۋرادى −
رۋحاني قان تامىردى ۇلاستىرىپ، قىزىل گەندى جالعاستىردى
انار بۇلت / شينجياڭ گازەتىنىڭ تىلشىلەرى رىن جياڭ، ۋاڭ جيڭجيڭ، جيا چۇنشيا
10 - ايدىڭ 3 - كۇنى قۇمىل قالاسىنىڭ تۇرعىندارى بالالارىن ەرتىپ، جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا كىرۋ ەسكەرتكىش باقشاسىندا وتانشىلدىق تاربيە قابىلداپ، توڭكەرىستىك ارداگەر قۇربانداردى ساعىنا ەسكە الدى. □ سۋرەتتى لي حۋا تۇسىرگەن
”1 - قازان“ كەزىندە تۇتاس شينجياڭنىڭ جەر - جەرى ”مولشەردى شەكتەۋ، الدىن الا تاپسىرىس بەرۋ، قاۋىرت مەزگىلدەن اۋاشالاۋ“ بويىنشا باسقارۋ سياقتى ىندەتتەن ساقتانۋ - تىزگىندەۋدىڭ ۇدايىلانعان شارالارى نەگىزىندە، جارقىن تۇيىندەرى ايشىقتى مادەنيەت - ساياحات ونىمدەرىن جانە تيىمدىلىك جاساۋ شارالارىن ورتاعا قويىپ، قىزىل ساياحاتتى ۇزدىكسىز جانداندىردى. ادامدار تاريحتى ەسكە ءتۇسىرىپ، اعا بۋىنداردى ساعىنىشپەن ەسكە الىپ، اعا بۋىنداردىڭ وتان - وتباسى سۇيىسپەنشىلىگىن قايتالاي ەسكە الىپ، قىزىل مادەنيەتتەن اسەر الىپ، قىزىل رۋحتى سەزىنىپ، قىزىل شىڭدالۋدى قابىلداپ، كوكىرەك تولى قۇرمەت سەزىمىمەن بارىپ، مول اسەر الىپ قايتتى.
قىزىل كورىنىس تۇيىندەرى پارتيا تاريحى ساباقحاناسىنا اينالدى
10 - ايدىڭ 2 - كۇنى شىحىزى قالاسىندا سەبەزگىلەپ جاڭبىر جاۋىپ تۇردى. شينجياڭ ءوندىرىس - قۇرىلىس بيڭتۋانى اسكەري تىڭ يگەرۋ مۇراجايىنىڭ ەسىگى الدىندا ادامدار جاڭبىرلىقتارىن ۇستاي تۇرىپ شىرەتپەن مۇراجايعا كىرىپ ەكسكۋرسيالاۋدى كۇتىپ تۇردى. ”وسى 2 كۇندە كۇنىنە 2300 دەي ادام ەكسكۋرسيالاي كەلدى“، - دەدى وسى مۇراجايدىڭ ۇگىت تاربيە ءبولىمىنىڭ باستىعى شۇي يۋان، ول ەكسكۋرسيالاعانداردىڭ كوبىنىڭ جاستار مەن ورەندەر ەكەندىگىن ايتتى.
8 - ارميانىڭ شينجياڭدا تۇراتىن ءىس باسقارماسى ەسكەرتكىش سارايى، قارامايلى حييوۋشان كورىنىس ءوڭىرى، جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا كىرۋ ەسكەرتكىش باقشاسى، قۇربان تۇلىم ەسكەرتكىش سارايى سياقتى تۇتاس شينجياڭنىڭ جەر - جەرىندەگى قىزىل كورىنىس تۇيىندەرى مەملەكەت مەرەكەسى كەزىندە كوپتەگەن ەكسكۋرسيالاۋشىلاردى قارسى الدى. قىزىل كورىنىس تۇيىندەرى پارتيا تاريحىن ۇيرەنۋ ساباقحاناسىنا، توڭكەرىستىك مادەني ەسكەرتكىشتەر جاندى وقۋلىقتارعا اينالىپ، قىزىل قان تامىر ەكسكۋرسيالاۋشىلاردىڭ كوڭىل تۇكپىرىندە تۋلادى.
”قىزىل ساياحات بايلىعى مەن شينجياڭنىڭ وزگەشە ساياحات بايلىعىن جاندى ۇشتاستىرىپ، توعىستىرا دامىتىپ، قىزىل ساياحاتتىڭ باۋراۋ كۇشىن، اسەرلەندىرۋ كۇشىن جانە باسەكەلىك كۇشىن ارتتىرىپ، قىزىل رۋحتى جالعاستىرىپ، شينجياڭ ساياحاتىن دامىتامىز“، - دەدى اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ قاتىستى جاۋاپتىسى.
شينجياڭنىڭ قىزىل ساياحات ايگىلى ماركاسىن كۇش سالا قالىپتاستىرۋىنىڭ ونىمدىلىگى كورنەكتى بولدى. مەملەكەت، اۆتونوميالى رايون دارەجەلى وتانشىلدىق تاربيە بازالارى سياقتى تۇعىرلاردى تايانىش ەتىپ، 8 - ارميانىڭ شينجياڭدا تۇراتىن ءىس باسقارماسى ەسكەرتكىش سارايى، شينجياڭ ءوندىرىس - قۇرىلىس بيڭتۋانى اسكەري تىڭ يگەرۋ مۇراجايى سياقتى 12 مەملەكەت دارەجەلى قىزىل ساياحات كلاسسيىك كورىنىس وڭىرلەرىن، جۇڭگو جۇمىسشى - شارۋا قىزىل ارمياسى باتىس باعىت ارمياسى باس تارماق اترەتى ەسكەرتكىش سارايى سياقتى 12 اۆتونوميالى رايون دارەجەلى قىزىل سارا ساياحات ەرەكشە كورىنىس ءوڭىرىن قالىپتاستىردى؛ ءۇرىمجى، سانجى، حوتان سياقتى 10 قىزىل ساياحات سارا جەلىسىن قالىپتاستىردى؛ كوپ جەلىدە پارتيا قۇرىلعاندىعىنىڭ 100 جىلدىعىنا وراي سارا قىزىل ساياحات جەلىسى مەن قىزىل ارناۋلى پويەزىن ورتاعا سالدى، مۇنىڭ ىشىندە شينجياڭ ”توڭكەرىستىك ەستەمە . شينجياڭ ءىزى“ سارا جەلىسى، ”وتاندى ءسۇيىپ، شەكارانى قورعاۋ . وكىنىشسىز جاستىق ورال“ سارا جەلىسى، ”تىڭ يگەرىپ، شەكارانى قورعاۋ . قىزىل بيڭتۋان“ سارا جەلىسى مادەنيەت جانە ساياحات مينيسترلىگى سىندى قاتىستى ورىندار بىرلەسىپ جاريالاعان ”پارتيا قۇرىلعاندىعىنىڭ 100 جىلدىعى قىزىل ساياحات 100 سارا جەلىسى“ بولىپ تاڭدالدى.
سارا تۋىندىلار كورمەسى قىزىل مادەنيەتتى تاراتتى
شينجياڭ مۇراجايى مەن اۆتونوميالى رايوندىق قوعامدىق عىلىمدار بىرلەستىگى سياقتى ورىندار بىرلەسىپ ورتاعا قويعان «ورتاق مەكەن − جۇڭحۋا ۇلتى ورتاق تۇلعا تانىمىن بەرىك ورناتۋ كورمەسى» ”1 - قازان“ كەزىندە قالىڭ ەكسكۋرسيالاۋشىلاردىڭ ”ءسوز جوق، باراتىن جەرىنە“ اينالدى. ”كورمە مازمۇنى جاندى دا قىزىقتى جانە وزىق كورمە تەحنيكاسى ارقىلى ەكسكۋرسيالاۋشىلاردىڭ تامسانعان تاقىرىبىنا اينالدى“. اۆتونوميالى رايوندىق قوعامدىق عىلىمدار بىرلەستىگىنىڭ تۇراقتى مۇشەسى، باس حاتشىسى ليۋ حۋانيۇي بىلاي دەپ تانىستىردى : ”ەڭ جاقسى بەينەلەۋ ونىمدىلىگىنە قول جەتكىزۋ ءۇشىن كورمە 400دەن استام ايگىلى سۋرەت جانە 100گە جۋىق (دانا، نۇسقا) كوركەم كوركەمونەر تۋىندىلارى، قۇندى بەينە ەكران كەسكىندەرى، كوركەم ءمۇسىن قوندىرعىلارى ءبىر - ءبىرىن ايشىقتاپ، سونداي - اق تولىق كەسكىن، ءىرى قاتتاما سۋرەت، ەلىكتەمە كورىنىس، ادام مەن قۇلتەمىردىڭ ءوزارا ىقپالداستىعى سياقتى وسى زامانعى كورمە تەحنيكالارى ارقىلى ادامداردىڭ كومەسكى وزگەرىس بارىسىندا يدەيالىق شىڭدالۋدى قابىلداۋىنا مۇمكىندىك تۋدىردى“.
شينجياڭداعى ءارقايسى مۇراجاي، ەسكەرتكىش ساراي سياقتى قىزىل تاربيە بازالارى ساياسيلىق، يدەيالىلىق، كوركەمدىكتىڭ بىرلىگىنە تاباندى بولىپ، باعداردى يگەرىپ، نازاردى نەگىزگى تاقىرىپقا شوعىرلاندىرىپ، تاريحي شىندىق ارقىلى سويلەپ، جوعارى ساپالى سارا تۋىندىلار كورمەسىن كۇش سالا قالىپتاستىرىپ، بەينەلەۋ قۋاتىن، تاراتۋ قۋاتىن، ىقپال قۋاتىن ارتتىرىپ، قىزىل مادەنيەتتى جاندى تاراتتى. ينتەرنەت جانە سيفرلاندىرۋ سياقتى تاسىلدەر ارقىلى ۆيرتۋالدى بولمىس جانە باياعى قالپىنا كەلتىرۋ تەحنيكاسى ارقىلى ەكسكۋرسيالاۋشىلاردىڭ ۋاقىت پەن كەڭىستىكتەن اتتاپ ءوتىپ، كوپ تۇرعىدا، كوپ ولشەمدى كەڭىستىكتە توڭكەرىستىك مادەنيەت ەسكەرتكىشتەرى بايلىعىن ءتۇسىندىرىپ، توڭكەرىستىك مادەنيەت ەسكەرتكىشتەرى بايلىعىنا ”جان ءبىتىرىپ“، توڭكەرىستىك مادەنيەت مۇرالارى كورمەسىنىڭ ءوزارا ىقپالداستىق سەزىنۋىن كۇشەيتىپ، قىزىل مادەنيەتتى جاندى تاراتتى.
ءۇرىمجى قالاسى قۇرباندار قابىرستاندىعى قۇربانداردىڭ ىزگى ىستەرى كورمەسى ەلەس كورىنىس، كوپ مەديالى تەلەۆيزور ەكرانى، كينو - تەلەۆيزيا داۋالى، كورىنىستەردى كوشىرىپ جاساۋ، جارتى كورىنىس سۋرەتى سياقتى كورمە فورمالارى ارقىلى توڭكەرىستىك مادەنيەت ەسكەرتكىشتەرىنە ”جان ءبىتىرىپ“، كورمەنىڭ باۋراۋ كۇشىن جانە تارتىمدىلىعىن ارتتىردى. ”مۇنداي ءسىڭىمدى تاسىلمەن ەكسكۋرسيالاۋ مەنىڭ اناعۇرلىم كوپ پارتيا حيكايالارىن، توڭكەرىستىك حيكايالاردى، قاھارماندار حيكايالارىن ۇعىنۋىما مۇمكىندىك تۋدىردى، مول ءبىلىم الدىم“، - دەدى قۇرمەت سەزىمى جۇرەگىن كەرنەگەن ماينۇر نياز.
تاربيە ارقىلى شابىتتاندىرىپ، قىزىل مۇرات ورناتتى
10 - ايدىڭ 2 - كۇنى جوۋ ىنلاي زۇڭليدىڭ ەسكەرتكىشى (سارايى) الدىندا شىحىزى قالالىق 8 - ورتا مەكتەپ ورتالاۋ 1 - جىلدىقتىڭ وقۋشىسى حى يزى باسقا 4 ساباقتاسىمەن بىرگە ەكسكۋرسيالاي كەلدى. ”ءبىز كەشە شينجياڭ ءوندىرىس - قۇرىلىس بيڭتۋانى اسكەري تىڭ يگەرۋ مۇراجايىنا باردىق، بۇگىن جوۋ ىنلاي زۇڭليدىڭ ەسكەرتكىشىنە كەلدىك، بيڭتۋان تاريحىن نەعۇرلىم تۇسىنگەن سايىن مەنىڭ اسكەر بولۋ ارمانىم سولعۇرلىم بەكەمدەلدى“، - دەيدى ول.
ءارقايسى قىزىل كورىنىس تۇيىندەرى قىزىل بايلىقتىڭ تاربيەلىك رولىن تولىق ساۋلەلەندىردى، وتە - موتە، جاستار مەن ورەندەردى جەتەكتەۋگە نازار اۋدارىپ، ولاردىڭ جۇرەك تۇكپىرلەرىنە قىزىل مۇرات ورناتىپ، قىزىل گەندى جالعاستىردى.
جۇڭگو جۇمسشى - شارۋا قىزىل ارمياسى باتىس باعىت ارمياسى باس تارماق اترەتى ەسكەرتكىش سارايىندا ءۇرىمجى قالالىق 13 - باستاۋىش مەكتەپ 2 - جىلدىق وقۋشىسىنىڭ شەشەسى اينۇر ءماحات قول تەلەفونىمەن كورمە زالىنىڭ ەسىگىندەگى ەكىلىك كودتى جايمالاپ، قىزىمەن بىرگە تىڭداعىشتى قۇلاقتارىنا سالىپ، باتىس باعىت ارمياسىنىڭ تاريحىن ءتۇسىندى.
”جاستاردىڭ جالىنداعان جانارلارىنان، ەكسكۋرسيالاۋشىلار مەن تۇسىندىرۋشىلەردىڭ ءوزارا اۋىس - كۇيىس جاساعان اڭگىمەلەرىنەن ءبىز توڭكەرىس رۋحىنىڭ جالعاسقانىن سەزىندىك“. بيڭتۋان 1 - شىسى الار قالاسى 359 - لۇيى تىڭ يگەرۋ ەسكەرتكىش سارايىنىڭ ورىنباسار باستىعى نيڭ ۋي : الداعى جەردە مۇراجايدىڭ ەرەكشەلىگىمەن ۇشتاستىرىپ، جاستار مەن ورەندەردىڭ تانىم ەرەكشەلىگى مەن تاربيە قيمىلدارىنا سايكەستىرىپ، تاريحي حيكايالاردى، قاھارماندار حيكايالارىن كورمەمەن، كورمە بۇيىمدارىمەن ۇشتاستىرىپ، جارىس وتكىزۋ، زەرتتەۋ - ۇيرەنۋ سياقتى كوپ ءتۇرلى تاسىلدەر ارقىلى بالالاردىڭ قىزىل مادەنيەتكە بولعان تانىمىن جانە تۇسىنىگىن تەرەڭدەتىپ، قىزىل مادەنيەتتى جالعاستىرامىز“، - دەدى.
