تيانشان تورى   ›   جاڭالىقتار   ›   ەل ءىشى حابارى

«جۇڭگونىڭ ورگانيزمدەردىڭ الۋان تۇرلىلىگىن قورعاۋى» اق تىستى كىتاپتى جاريالادى

  مەملەكەتتىك كەڭەس اقپارات كەڭسەسى

  «جۇڭگونىڭ ورگانيزمدەردىڭ الۋان تۇرلىلىگىن قورعاۋى» اق تىستى كىتاپتى جاريالادى

  شينحۋا اگەنتتىگىنىڭ 10 - ايدىڭ 8 - كۇنى بەيجيڭنەن بەرگەن حابارى. مەملەكەتتىك كەڭەس اقپارات كەڭسەسى 10 - ايدىڭ 8 - كۇنى «جۇڭگونىڭ ورگانيزمدەردىڭ الۋان تۇرلىلىگىن قورعاۋى» اق تىستى كىتاپتى جاريالادى.

  اق تىستى كىتاپتا مىنالار تانىستىرىلدى: جۇڭگونىڭ جەرى كەڭ، قۇرلىعى مەن تەڭىزى بىردەي، جەر بەدەرى مەن كليماتى كۇردەلى دە الۋان ءتۇرلى بولىپ، مول دا وزگەشە ەكولوگيالىق جۇيەنى، تۇرلەردىڭ جانە تۇقىم قۋالاۋدىڭ الۋان تۇرلىلىگىن تۇلعالاعان، دۇنيە جۇزىندەگى ورگانيزمدەردىڭ الۋان تۇرلىلىگى ەڭ مول ەلدەردىڭ ءبىرى. «ورگانيزمدەردىڭ الۋان تۇرلىلىگى شارتىنا» ەڭ ەرتە قول قويعان جانە بەكىتكەن كەلىسىم جاساۋشى جاقتىڭ ءبىرى رەتىندە، جۇڭگو ەجەلدەن ورگانيزمدەردىڭ الۋان تۇرلىلىگىن قورعاۋعا ايرىقشا ءمان بەرىپ، ورگانيزمدەردىڭ الۋان تۇرلىلىگىن قورعاۋدىڭ ۋاقىتپەن بىرگە العا باسۋىن، جاڭالىق اشا دامۋىن ۇزدىكسىز ىلگەرىلەتىپ، كورنەكتى ونىمدىلىككە قول جەتكىزىپ، جۇڭگوشا ەرەكشەلىككە يە ورگانيزمدەردىڭ الۋان تۇرلىلىگىن قورعاۋ جولىمەن ءجۇرىپ كەلەدى.

  اق تىستى كىتاپتا مىنالار ايتىلدى: جۇڭگو دامۋ بارىسىندا قورعاۋعا، قورعاۋ بارىسىندا دامۋعا تاباندى بولىپ، مەملەكەتتىك باقشا ءتۇزىلىسى قۇرىلىسىن جانە ەكولوگيانى قورعاۋ قىزىل سىزىعىن بەلگىلەۋ سياقتى ماڭىزدى شارالاردى ورتاعا قويىپ، اتقارىپ، تۇرعان ورنىندا جانە قونىس جاڭالاعان ورنىندا قورعاۋدى ۇزدىكسىز كۇشەيتىپ، ورگانيزمدەردىڭ حاۋىپسىزدىگىن باسقارۋدى كۇشەيتىپ، ەكولوگيالىق ورتا ساپاسىن ۇزدىكسىز جاقسارتىپ، ورگانيزمدەردىڭ الۋان تۇرلىلىگىن قورعاۋ جانە جاسىل دامۋدى سايكەستىرە ىلگەرىلەتىپ، ورگانيزمدەردىڭ الۋان تۇرلىلىگىن قورعاۋدا كورنەكتى ونىمدىلىكتەرگە قول جەتكىزدى.

  اق تىستى كىتاپتا مىنالار اتاپ كورسەتىلدى: جۇڭگو ورگانيزمدەردىڭ الۋان تۇرلىلىگىن قورعاۋدى مەملەكەتتىك ستراتەگياعا كوتەرىپ، ورگانيزمدەردىڭ الۋان تۇرلىلىگىن قورعاۋدى وڭىرلەردىڭ، سالالاردىڭ ورتا، ۇزاق مەزگىلدىك جوباسىنا ەنگىزىپ، ساياسات، زاڭ ەرەجەلەر جۇيەسىن كەمەلدەندىرىپ، تەحنيكالىق قامتاماسىزدىق پەن دارىندىلار قوسىنى قۇرىلىسىن كۇشەيتىپ، زاڭ اتقارۋ، باقىلاۋ تەبىنىن ارتتىرىپ، جۇرتشىلىقتى ورگانيزمدەردىڭ الۋان تۇرلىلىگىن قورعاۋعا سانالى ات سالىسۋعا باستاپ، ورگانيزمدەردىڭ الۋان تۇرلىلىگىن جونگە سالۋ قابىلەتىن ۇزدىكسىز جوعارىلاتادى.

  اق تىستى كىتاپتا مىنالار اتاپ كورسەتىلدى: ورگانيزمدەردىڭ الۋان تۇرلىلىگى قۇرىپ - جوعالۋىنىڭ الەمدىك سايىسى الدىندا ءارقايسى ەل − قيىندىقتى بىلەك بىرىكتىرە جەڭۋدەگى تاعدىرلاس ورتاق تۇلعا. جۇڭگو كوپ جاقتىلىقتى تاباندىلىقپەن امالياتتا ايگىلەپ، ورگانيزمدەردىڭ الۋان تۇرلىلىگىن قورعاۋ حالىقارالىق سەلبەستىگىن بەلسەنە ورىستەتىپ، كەڭىنەن كەڭەسىپ، ورتاق تانىم ۇيىستىرىپ، الەمدىك ورگانيزمدەردىڭ الۋان تۇرلىلىگىن قورعاۋعا جۇڭگو پاراساتى ارقىلى ۇلەس قوسۋدى ىلگەرىلەتىپ، حالىقارالىق قوعاممەن بىرگە ادام مەن تابيعاتتىڭ تىرشىلىك ورتاق تۇلعاسىن بىرگە قۇرادى.

  اق تىستى كىتاپتا مىنالار ءبىلدىرىلدى: جۇڭگو باستان - اياق كۇللى تىرشىلىك جاراسىمدى بولعان كورىكتى مەكەننىڭ قورعاۋشىسى، قۇرۋشىسى جانە ۇلەس قوسۋشىسى بولىپ، حالىقارالىق قوعاممەن قول ۇستاسا العا ىلگەرىلەپ، بىرگە قۇلشىنىپ، اناعۇرلىم ءادىل دە ۇيلەسىمدى، الەمدىك ورگانيزمدەردىڭ الۋان تۇرلىلىگىن جونگە سالۋدىڭ اركىم شاماسىنا قاراي ىستەيتىن جاڭا ساپارىن باستاپ، ادام مەن تابيعات جاراسىمدى قاتار ءومىر سۇرەتىن تاماشا بولاشاقتى جۇزەگە اسىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، اناعۇرلىم تاماشا دۇنيە ءجۇزىن بىرگە قۇرادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.