انار بۇلت / شينجياڭ گازەتىنىڭ ءتىلشىسى يىن لۋ 10 - ايدىڭ 9 - كۇنى ۇرىمجىدەن حابارلايدى. 10 - ايدىڭ 9 - كۇنى لاچين بايەكەنىڭ ىزگى ىستەرىنەن وزگەرتىپ قۇراستىرىلعان كينو «گۇل نەگە سونشاما قىزىل» ۇرىمجىدە تۇڭعىش قويىلىپ، ”ءداۋىر ونەگەسى“ لاچين بايەكە وتباسىنداعى 3 ۇرپاقتىڭ پامير ۇستىرتىندە شەكارانى قورعاعان حيكاياسىن قايتا ەلەستەتتى.
كينوفيلمدە لاچين بايەكەنىڭ اتاسىنان، اكەسىنەن شارلاۋعا جول باستاۋشى ۇتىلامالى تاياقشاسىن وتكىزىپ الىپ، قاسيەتتى مەملەكەت جەرىن كۇزەتكەندىگى، وتاننىڭ ار - نامىسىن قورعاعاندىعى، جانىنا تونگەن حاۋىپ - قاتەرگە قاراماي تالاي رەت شارلاۋشى جاۋىنگەرلەردى قۇتقارۋعا كومەكتەسكەندىگى، پامير ۇستىرتىندەگى شەكارا قورعاۋدىڭ ءبىرىنشى شەبىندە تاپجىلماي تۇرعاندىعى باياندالادى. 2021 - جىلى 1 - ايدىڭ 4 - كۇنى مۇز ويىعىنا ءتۇسىپ كەتكەن بالانى قۇتقارۋ جولىندا 41 جاستاعى لاچين بايەكە باقىتقا قارسى ەرلىكپەن قۇربان بولدى.
بۇل كينونى اۆتونوميالى رايوندىق پارتكوم ۇگىت ءبولىمى ۇيىمداستىرىپ جوبالاپ، تيانشان كينو ستۋدياسى جاساپ، تۇسىرگەن. تيانشان كينو ستۋدياسىنىڭ باستىعى گاۋ حۋاڭگاڭ سەنارياسىن جازىپ، بۇرىن «كۇنلۇندەگى اعا - ىنىلەرگە» رەجيسسەرلىك ىستەگەن ابدۇكەرىم ابىلەز رەجيسسەر بولدى. كينوفيلمدى 160 نەشە ادامدىق شىعارماشىلىق ۇجىم جارتى جىلدان استام ۋاقىتتا ءتۇسىرىپ، جاساپ بولدى، مۇنداعى كوپتەگەن كورىنىستەر تەڭىز دەڭگەيىنەن ورتاشا بيىكتىگى 4500 مەترلىك ۇستىرتتە ءتۇسىرىلدى. كينوفيلم كوممۋنيستىك پارتيا مۇشەسىنىڭ اۋەلگى ماقساتى مەن بورىشىن ايگىلەۋدە جانە تۇسىندىرۋدە، وتانشىلدىق جانە قاھارماندىق رۋحتى اسقاقتاتۋدا، جۇڭحۋا ۇلتى ورتاق تۇلعا تانىمىن بەرىك ورناتۋدا تۇگەلدەي بەلسەندى، رەال ءمان الادى، پارتيا تاريحىن ۇيرەنۋ تاربيەسىنە جاندى دا جالىندى وقۋلىق ازىرلەدى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن تۇڭعىش قويىلۋ سالتىنا قاتىناستى ءارى ءسوز سويلەدى.
