انار بۇلت / شينجياڭ گازەتىنىڭ ءتىلشىسى لي ياڭ 10 - ايدىڭ 9 - كۇنى ۇرىمجىدەن حابارلايدى. 10 - ايدىڭ 9 - كۇنى تۇستەن بۇرىن اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 138 - رەتكى ۇنەمىلىك ىستەر ءماجىلىسىن باسقارىپ اشىپ، بۇكىل رايوننىڭ اۋدان كولەمى ساۋدا جۇيەسى قۇرىلىسىن كۇشەيتۋ، اۋىل - قىستاق تۇتىنۋىن جەبەۋ، تۇرمىستىق قوقىر - قوقسىقتى تۇرگە ايىرۋدى ىلگەرىلەتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ، مەملەكەتتىك كەڭەستىڭ اۋىل - قىستاق ساۋدا جۇيە قۇرىلىسى جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، بازاردىڭ بايلىقتى جايعاستىرۋداعى شەشۋشى سيپاتتى رولىن تولىق ساۋلەلەندىرىپ، ساتىعا، تۇرگە ايىرىپ، جەرگىلىكتى جاعدايعا قاراي ىستەپ، ساتۋ جولدارىن نەگىزگى ساتىعا قاراي كەڭەيتۋدى جانە اۋىل شارۋاشىلىعى ونىمدەرىن جەلىدە ساتۋدى ارقاۋ ەتىپ، بايلىق فاكتورىنىڭ اۋىل - قىستاق بازارىنا قاراي بەيىمدەلۋىن ىلگەرىلەتىپ، اۋىل شارۋاشىلىعى ونىمدەرىنىڭ وسى زامانعى اينالىم جۇيەسىن كەمەلدەندىرىپ، شارۋالاردىڭ كىرىسىن، اۋىل - قىستاق تۇتىنۋىن بىردەي جوعارىلاتۋدى جەبەپ، اۋدان كولەمىندىك ساۋدانىڭ جوعارى ساپالى دامۋىن ىلگەرىلەتۋ كەرەك. اۋىل - قىستاق اينالىم تورىن اقاۋسىزداندىرىپ، اۋدان كولەمىندىك ساۋدا قۇرىلعىلارىن كەمەلدەندىرىپ، ءبىر توپ اۋىل - قالاشىق ساۋدا ورتالىعىن قۇرىپ، جاڭالاپ، شارۋالاردىڭ تۇتىنۋىنا قولايلىلىق جاراتۋ، جاقىن جەردە تۇتىنۋ قاجەتىن قاناعاتتاندىرۋ كەرەك. اۋدان كولەمىندىك اۋىل - قىستاق ەلەكتروندى ساۋدانىڭ جاڭا كاسىپ كۇيىن بايىتىپ، اۋىل - قىستاقتاعى جاڭاشا ساۋدا باستاماشىلارىن جەتىلدىرىپ، شارۋالار سەلبەستىك كووپەراتيۆىن ولشەمدەندىرىپ، دارەجەسىن جوعارىلاتۋ ارەكەتىن ورىستەتىپ، جاڭاشا اۋىل شارۋاشىلىق تيجارات نەگىزگى تۇلعاسىن زورايتۋ كەرەك. اۋىل - قىستاق تۇرمىسىنا قىزمەت وتەۋدى، قامداۋدى ساپالىلاندىرىپ، اۋىل - قىستاق ساياحاتىنىڭ نەگىزدىك قۇرىلعىلار قۇرىلىسىن كۇشەيتىپ، ساياحات كاسىبىنىڭ جۇمىستاندىرۋعا جەتەكشىلىك ەتۋىن جەبەۋ كەرەك. اۋىل شارۋاشىلىعى ونىمدەرى اينالىمىنداعى تىرەكتى توردى كەمەلدەندىرىپ، سۋىق تىزبەكتى قۇرىلعى ولقىلىعىن جەدەل تولىقتاپ، ىقپال قۋاتقا يە اۋىل شارۋاشىلىعى ونىمدەرىن جيناۋ، تاراتۋ ورتالىعىنان ءبىر توبىن تۇلعالاۋ كەرەك.
ءماجىلىس مىنالاردى اتاپ كورسەتتى: حالىقتى وزەك ەتكەن دامۋ يدەياسىنا تاباندى بولىپ، تاراۋلاردىڭ بىرلەسىپ ارەكەتتەنۋ جانە بۇقارانىڭ ات سالىسۋ مەحانيزمىن ورناتىپ، اقاۋسىزداندىرىپ، زاڭمەن جونگە سالۋدى نەگىز ەتەتىن، ۇكىمەت ىلگەرىلەتەتىن، جالپى حالىق ات سالىساتىن، قالا، اۋىلدى ءبىر تۇتاس جوسپارلاعان، جەرگىلىكتى جاعدايعا قاراي ىستەيتىن تۇرمىستىق قوقىر - قوقسىقتى تۇرگە ايىرۋ ءتۇزىمىن قالىپتاستىرىپ، تۇرمىستىق قوقىر - قوقسىق مولشەرىن ازايتۋ، بايلىققا اينالدىرۋ، زالالسىزداندىرۋ دەڭگەيىن جوعارىلاتۋ كەرەك. عىلمي تۇرگە ايىرۋدى كۇشەيتىپ، جۇيەلىلەندىرۋ ولشەمىن بىرلىككە كەلتىرىپ، ساۋدا بۇيىمدارىن قالىپتان تىس قوراپتاۋدى شەكتەۋگە قاتىستى بەلگىلەمەلەردى قاتاڭ تياناقتاندىرىپ، قاينارىنان باستاپ مولشەرىن ازايتۋدى ىلگەرىلەتۋ قاجەت. ورنالاستىرۋدى ۇيلەسىمدى جوبالاپ، تۇرگە ايىرىپ تاستاۋ، جيناۋ جۇيە قۇرىلىسىن جەدەل ىلگەرىلەتىپ، تۇرگە ايىرىپ تاسىمالداۋ جۇيەسىن كەمەلدەندىرىپ، تۇرمىستىق قوقىر - قوقسىقتىڭ ”الدىمەن تۇرگە ايىرىلىپ، ارتىنان قايتا قوسىلىپ كەتۋىنىڭ، ارالاستىرىپ باسىپ، ارالاستىرىپ تاسۋدىڭ“ الدىن الۋ كەرەك. تۇرمىستىق قوقىر - قوقسىقتى تۇرگە ايىرۋ جونىنەن ۇگىتتەۋدى، جەتەكشىلىك ەتۋدى كۇشەيتىپ، شىنايى تۇردە بالادان باستاپ يگەرىپ، قالىڭ جاستار مەن جاس وسپىرىمدەردىڭ كىشكەنتاي كەزىنەن باستاپ ۇنەمشىل، ۇقىپتى، قوقىر - قوقسىق مولشەرىن ازايتاتىن، تومەن كومىرتەكتى، ورتانى قورعايتىن ادەت قالىپتاستىرۋىنا مۇمكىندىك جاساۋ كەرەك. زاڭ ەرەجە ءتۇزىمىن كەمەلدەندىرىپ، تۇرمىستىق قوقىر - قوقسىقتى تۇرگە ايىرۋ قىزمەتىنىڭ زاڭمەن جونگە سالىنۋىن، جۇيەلىلەنۋىن ىلگەرىلەتۋ كەرەك.
ءماجىلىس باسقا دا ىستەردى اقىلداستى.
