تيانشان تورى   ›   جاڭالىقتار   ›   شينجياڭ حابارلارى

حالىققا قىزمەت وتەۋدىڭ ”ەڭ سوڭعى ءبىر كيلومەترىن“ تۇتاستىردى

  تۇرپان قالاسى:

  حالىققا قىزمەت وتەۋدىڭ ”ەڭ سوڭعى ءبىر كيلومەترىن“ تۇتاستىردى

  □ انار بۇلت / شينجياڭ گازەتىنىڭ ءتىلشىسى جاڭ رۇيلين

  ”كوكونىس جىلىجايىنا تۇتاساتىن جول سالىنىپ بولدى، ساۋداگەرلەردىڭ جۇك اۆتوموبيلدەرى تىكە قاتىناپ، كوكونىس ساتۋ اناعۇرلىم قولايلى بولا ءتۇستى“، - دەدى 9 - ايدىڭ 8 - كۇنى تۇرپان قالاسى گاۋچاڭ رايونى جاڭا قالا اۋماعى لۇيزۇڭ قىستاعىنىڭ تۇرعىنى رىسالات ءمۇتالىپ قۋانىشپەن.

  تۇرپان قالاسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن پارتيا تاريحىن ۇيرەنۋ تاربيەسىندەگى ماڭىزدىنىڭ ماڭىزدىسى ورنىنا قويۋعا تاباندى بولىپ، نازاردى بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىنە شوعىرلاندىرىپ، پارتيالى كادرلاردى پارتيا تاريحىن زەيىن قويا ۇيرەنۋگە، شىن پەيىلىمەن ناقتى ءىس ىستەۋگە تاربيەلەپ، جەتەكتەپ، كوپ ءتۇرلى شارالار ارقىلى حالىققا قىزمەت وتەۋدىڭ ”ەڭ سوڭعى ءبىر كيلومەترىن“ تۇتاستىردى.

  حالىققا قىزمەت وتەۋدىڭ تۇعىرىن ورناتتى

  گاۋچاڭ رايونى گاۋچاڭ جولى ءمالىسى گۇڭجيانلۋ الەۋمەتتىڭ اۋماعىندا تۇراتىن جۋ رۇڭتيڭ مەن جۇبايى ەكەۋى الەۋمەتتىك اۋماقتاعى ەرىكتىلەردىڭ قىزمەت وتەۋىن اۋىزعا العاندا: ”ءبىز ەرلى - زايىپتى ەكەۋىمىز عانا تۇرامىز، قىزمەت وتەۋ اترەتى ۇنەمى ۇيىمىزگە كەلىپ كومەكتەسىپ تۇرادى“، − دەپ اۋىز جاپپاي القاي جونەلدى.

  جۋ رۇڭتيڭ ەرلى - زايىپتىلارعا قارايلاسىپ جۇرگەن ”قارت انا“ ەرىكتىلەر قىزمەت وتەۋ اترەتىنىڭ 100دەن استام مۇشەسى بار، ءار جىلى 10 مىڭنان استام جاقسى ءىس، ناقتى ءىس ىستەيدى.

  ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنا ۇشتاستىرا وتىرىپ، تۇرپان قالاسىنداعى ءارقايسى نەگىزگى ساتى پارتيا ۇيىمدارى قىستاق (الەۋمەتتىك اۋماق) پارتيا ۇيىمدارى شەبىن، پارتيا مۇشەلەرىنە، بۇقاراعا قىزمەت وتەۋ ورتالىعىن، جاڭا ءداۋىر وركەنيەتىن امالياتتا ايگىلەۋ ورتالىعىن تايانىش ەتىپ، پارتيا مۇشەلەرىنىڭ لەي فىڭنان ۇيرەنىپ، ەرىكتى قىزمەت وتەۋىن تۇزىمدەندىرۋدى زور كۇشپەن ىلگەرىلەتىپ، پارتيا ۇيىمى وزەك، پارتيا مۇشەلەرى تىرەك بولعان، بۇكىل قوعام ورتاق ات سالىسقان ەرىكتى قىزمەت وتەۋ جۇيەسىن بەلسەنە قۇرىپ، 2100دەن استام پارتيا مۇشەسى ەرىكتى قىزمەت وتەيتىن اترەتتى قۇرىپ، جيىنى 9200 مايدان - رەتتەن استام سۇيىسپەنشىلىكپەن شارۋالارعا كومەكتەسۋ، جۇرەكتى تەبىرەنتەتىن حالىققا تيىمدىلىك جاساۋ ەرىكتى قىزمەت وتەۋ قيمىلدارىن ورىستەتتى.

  پارتيا مۇشەلەرىنىڭ ۇلگى كورسەتۋىن، باستاماشىلدىق ەتۋىن كۇشەيتتى

  ”الەۋمەتتىك اۋماقتاعى پارتيا مۇشەلەرى ءبىزدى باستاپ شاعىن اۋماقتاعى جاياۋلار جولىن جوندەپ، تۇرمىستىق قوقىر - قوقسىقتاردى تازالادى، ورتا كورىكتەنۋمەن بىرگە، سۇيىسپەنشىلىك تە كۇشەيدى“، − دەدى 9 - ايدىڭ 8 - كۇنى توقسۇن اۋدانى توقسۇن قالاشىعى جينچۋان الەۋمەتتىك اۋماعىنىڭ تۇرعىنى لي جۇيچياڭ.

  بيىل توقسۇن اۋدانىندا 3076 قىزمەتتەگى پارتيا مۇشەسى الەۋمەتتىك اۋماققا بارىپ تىزىمدەلىپ، 3389 نۇسقا قىزمەت مىندەتىن تاپسىرىپ الدى؛ 2091 قىزمەتتەگى پارتيا مۇشەسى مەكەمە - ورىنداردىڭ ”ۇعىسۋ، تيىمدىلىك جاساۋ، توعىستىرۋ“بويىنشا قىستاقتا )الەۋمەتتىك اۋماقتا( تۇراتىن قىزمەت اترەتىنە بارىپ تىزىمدەلىپ، 2099 قىزمەت مىندەتىن تاپسىرىپ الدى.

  تۇرپان قالاسىنداعى قالىڭ پارتيالى كادرلار بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن ىشكەرىلەي ۇعىسىپ، بۇقارا اڭىس ەتكەن ”ماسەلە ءتىزىمىن“ ”مىندەت وتەۋ تىزىمىنە“ اينالدىرىپ، ”بۇقارانىڭ ىزدەپ كەلۋىن كۇتۋدەن“ ”ۇيىنە بارىپ قىزمەت وتەۋگە“ اينالدىرىپ، جاقسى ىستەردى، ناقتى ىستەردى ىستەۋدە بۇقارانىڭ كوڭىلىنەن شىقتى.

  توقسۇن اۋدانى عولبويى اۋىلى قارابۇلاق قىستاعىنداعى فۋۋانجيا ءتۇرلى بۇيىمدار ساۋدا دۇكەنىنىڭ قاسىنا ءبىر سۋ ءىشۋ جابدىعى ورناتىلعان، مۇنى قىستاقتاعى ساقا پارتيا مۇشەسى وسمان ءومار ءوز اقشاسىمەن ساتىپ الىپ ورناتقان.

  ”ساقا پارتيا مۇشەسى بولعان مەن ءىس جۇزىندىك ارەكەتىم ارقىلى توڭىرەگىمدەگى بۇقارانىڭ قيىنشىلىعىن شەشۋىم كەرەك“، - دەدى وسمان.

  حالىق ءۇشىن ىستەلگەن 15 ناقتى ءىس تياناقتانىپ، ونىمدىلىك كورسەتتى

  وسى 2 جىلدا گاۋچاڭ رايونى لۇييۋان شاعىن اۋماعىنىڭ تامدارى اكتالىپ جاڭاردى، جولدارى كەڭەيتىلدى، اۆتوموبيلدەردى توقتاتۋ ورىندارى جاسالدى، تۇرعىن سىدىق كەرىم بىلاي دەدى: ”قازىر شاعىن اۋماقتىڭ ورتاسى جاقساردى، قيمىل ورىندارى دا كوبەيدى، تۇرمىسىمىز جايلى بولدى“.

      سونىمەن بىرگە، اۋىل - قىستاقتارداعى دارەتحانانى وزگەرتۋ قۇرىلىسى تەبىنى ۇزدىكسىز ارتتى. بيىل تۇرپان قالاسى 650 اۋىل - قىستاق دارەتحاناسىن وزگەرتۋدى جوسپارلاپ، بۇزىلعان دارەتحانانى وزگەرتۋدى تەڭ قادامدا جۇرگىزدى، قازىر 18 مىڭ اۋىل - قىستاق تۇرعىنىنىڭ دارەتحاناسىن تەكسەرىپ، 1291 بۇزىلعان دارەتحانانى ءبىر - بىرلەي انىقتاپ، 948 دارەتحانانى تەكسەرىپ وزگەرتتى.

  تۇرپان قالاسى تاعى دا ”پوچتا - جەدەل جولداما سەلبەستىگى، تەز - تەز جولداۋ سەلبەستىگى“ فورماسىن بەلسەنە قاراستىرىپ، 9 ءمالى (الەۋمەتتىك اۋماق) قالا جەدەل جولداما سوڭعى توراپ تۇيىنىنەن 9ىن قۇرىپ، تۇتاس قالاداعى 168 قۇرىلىمدىق قىستاق اراسىندا، 121 قىستاققا جەدەل جولداما قىزمەت وتەۋىن تۇتاستىردى؛ تۇتاس قالا بويىنشا ينتەرنەت جەلىسىندە ءبىر تۇلعالانعان اكىمشىلىك قىزمەت وتەۋ تۇعىرى قۇرىلىپ، قازىر 71 مىڭ 160 اكىمشىلىك قىزمەت وتەۋ ءىسىن، 15 مىڭ 383 الەۋمەتتىك قىزمەت وتەۋ ءىسىن ءبىتىردى؛ ”ءبىر قىستاقتا (الەۋمەتتىك اۋماق) ءبىر زاڭ اقىلشىسى بولۋ“ قىزمەت مەحانيزمى نەگىزىنەن ورنادى، 2 دە 3 قىستاقتا (الەۋمەتتىك اۋماق) ءبىر ادۆوكات نەمەسە نەگىزگى ساتى زاڭدىق قىزمەت وتەۋ قىزمەتكەرى سەپتەلدى. قالا مەن اۋىلدىڭ قونىس ورتاسىن رەتتەۋ، جونگە سالۋ ارەكەتى ۇزدىكسىز ورىستەتىلىپ، ءارقايسى اكىمشىلىك قىستاقتىڭ اۋىل - قىستاق تۇرمىستىق قوقىر - قوقسىعىن ءبىر جاقتى ەتۋدى قامتۋ مولشەرى %100كە جەتتى...

  پارتيا تاريحىن ۇيرەنۋ تاربيەسى ورىستەتىلگەننەن بەرى، تۇرپان قالاسى نىسانداندىرۋ بويىنشا ءتىزىم فورماسى نەگىزىندە باسقارۋدى اتقارىپ، نىسان ورناتۋدىڭ، ىلگەرىلەتۋدىڭ، قاداعالاۋ - تەكسەرۋدىڭ، قۋزاستىرۋدىڭ تۇيىق اينالىم جاعدايىن قالىپتاستىردى، حالىق ءۇشىن ىستەلگەن 15 ناقتى ءىس بىرتە - بىرتە تياناقتاندى، ونىمدىلىگىن كورسەتتى. ”مەن حالىق ءۇشىن ناقتى ءىس ىستەيمىن“ امالياتتىق قيمىلىنىڭ ۇزدىكسىز ىلگەرىلەۋىنە ىلەسە، ءار ۇلت بۇقاراسىنىڭ تابىس سەزىمى، باقىت سەزىمى بارعان سايىن كۇشەيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.