تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭدىق قىز دۇنيە جۇزىنە قۇندىزدى قورعاۋ جونىندەگى اڭگىمەسىن باياندادى

  انار بۇلت / شينجياڭ گازەتىنىڭ ءتىلشىسى ساۋ حۋا 10 - ايدىڭ 11 - كۇنى ۇرىمجىدەن حابارلايدى. ”مەن بۇكىل دۇنيە جۇزىنە جۇڭگو جاستارىنىڭ تابيعاتتى قورعاۋعا مۇقيات، ۇستامدى، بار ىنتاسىن سالاتىندىعىن، تابيعاتتى قىزۋ سۇيەتىندىگىمىزدى، تىرشىلىككە قۇرمەت ەتەتىندىگىمىزدى، ءبارىمىزدىڭ بولماشى كۇشىمىزدى ءبىر جەرگە شوعىرلاندىرىپ جويقىن قۋاتقا اينالدىرىپ، تابيعاتتى قورعاۋ ءىسىمىزدى بىرگە قۇلشىنا جاقسى ىستەپ جاتقانىمىزدى ايتقىم كەلەدى“. 10 - ايدىڭ 11 - كۇنى يۇنناننىڭ كۇنميڭىندە وتكىزىلىپ، ەندى عانا اياقتالعان «ورگانيزمدەردىڭ الۋان تۇرلىلىگى شارتى» 15 - رەتكى شارت جاساسۋشى جاقتار جينالىسىنىڭ اشىلۋ سالتىندا ءسوز سويلەگەن چۋ ۋىنۋىن ايرىقشا تەبىرەندى.

  سول كۇنى وتكىزىلگەن اشىلۋ سالتىندا 27 جاستاعى شينجياڭدىق قىز چۋ ۋىنۋىن جۇڭگو جاستارىنىڭ ۋاكىلى رەتىندە مىنبەرگە شىعىپ ءسوز سويلەپ، ءوزىنىڭ اتا مەكەنى التايدا مىڭشين قۇندىزىن قورعاعاندىعى جونىندەگى اڭگىمەسىن باياندادى.

  مىڭشين قۇندىزى مەملەكەتتىك 1 - دارەجەلى قورعالاتىن جابايى حايۋانات، ەلىمىزدە تەك التاي ايماعىنا عانا تارالعان. 2017 - جىلى بەيجيڭ ورمان شارۋاشىلىق داشۋەسىنەن ماگيسترلىك بويىنشا وقۋ تاۋىسقان چۋ ۋىنۋىن التايعا قايتا ورالىپ، مىڭشين قۇندىزىن قورعاۋ ىسىمەن اينالىسۋعا بەكىندى، باسقالار ونى جاقىن تارتىپ ”قۇندىز حانىشا“ دەپ اتادى. وسىدان بۇرىن چۋ ۋىنۋىننىڭ ۇجىمى ورىستەتكەن مىڭشين قۇندىزىن قورعاۋ جەلىلەس الەۋمەتتىك يگىلىك نىسانى ”ورگانيزمدەردىڭ كوپ تۇرلىلىگى 100 + الەمدىك تيپتىك مىسالدارعا“ تاڭدالعان بولاتىن.

  ”وتكەن 4 جىلدا جۇڭگودان ءبىر ميلليوننان استام ’90 - جىلداردىڭ تۇلەكتەرى‘ التاي تاۋى تابيعاتتى قورعاۋ قىزمەتىنە ات سالىسىپ، 410 مىڭ ءتۇپ شىلىك تال كوشەتىن ەكتى، 190 مالشى وتباسى تابيعاتتى قورعاۋ شارلاۋشىسى بولىپ جەتىلدىرىلدى. ءبىز دوۋيىنمەن بىرلەسىپ، جابايى حايۋاناتتاردى قۇتقارۋ ماماندىق ورتالىعىن قۇردىق. ەكولوگيالىق ورتا ۇزدىكسىز جاقسارعاندىقتان، مىڭشين قۇندىزىنىڭ سانى 160تان 190عا مولايدى“. تومەندەگى ماماندار، وقىمىستىلار جانە تىكە تاراتۋدى ءبىر ۋاقىتتا كورىپ وتىرعان الەمدەگى كورەرمەندەر الدىندا چۋ ۋىنۋىن تەبىرەنىپ كوپشىلىكپەن شينجياڭ التاي تاۋى تابيعاتتى قورعاۋ الەۋمەتتىك يگىلىك قيمىلى ارقىلى قول جەتكىزگەن تابىستارىن ءبولىستى. 4 جىلدان بەرى جۇڭگوداعى چۋ ۋىنۋىندى ۋاكىل ەتكەن ءبىر ميلليوننان استام جاس قۇلشىنا ىستەپ، مىڭشين قۇندىزى سىندى مەملەكەتتىك 1 - دارەجەلى قورعالاتىن حايۋانات شوعىرىن %20 مولايتتى.

  اشىلۋ سالتى اياقتالعاننان كەيىن، ءتىلشى دەر كەزىندە چۋ ۋىنۋىنعا تەلەفون ارقىلى تىلشىلىك جاسادى. ”مەن كوكتوعاي اۋدانىنىڭ جابايى حايۋانتاردى قۇتقارۋ، كومەكتەسۋ ورتالىعىنىڭ كورسەتكەن وراسان زور قولداۋىن جانە قۇندىزدى قورعاۋ الەۋمەتتىك يگىلىك نىسانىنا قاتىناسقان كوپتەگەن جاس سەرىكتەرىمنىڭ ءۇمىت - تىلەگىن الا كەلدىم“، - دەدى چۋ ۋىنۋىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.