العاشقى كۇنى كەلىسىم سوماسى ءبىر ميلليارد 600 ميلليون يۋاننان استى
انار بۇلت / شينجياڭ گازەتىنىڭ ءتىلشىسى ليۋ ي 10 - ايدىڭ 11 - كۇنى تيانجيننەن حابارلايدى. 10 - ايدىڭ 11 - كۇنى شينجياڭنىڭ نان كاسىبى سالاسىن (تيانجين) تانىستىرۋ جيىنى جانە ەرەكشە اۋىل شارۋاشىلىق ونىمدەرى ساۋدا جارمەڭكەسى تيانجين قالاسىنىڭ مەيجياڭ ءماجىلىس - كورمە ورتالىعىندا اشىلدى، شينجياڭ نانىنىڭ 200 تۇرلىدەن استام جەلىلەس ءونىمى مەن 500 تۇرلىدەن استام ەرەكشە جەمىس ورمانى ءونىمى، ەرەكشە اۋىل شارۋاشىلىق قوسىمشا ءونىمى جارمەڭكەدە شوعىرلى كورسەتىلدى.
جارمەڭكەنىڭ العاشقى كۇنى رايونىمىزدان جيىنى 33 كاسىپورىن نيەتناماعا قول قويىسىپ، تاپسىرىس سوماسى ءبىر ميلليارد 657 ميلليون يۋانعا جەتىپ، جارمەڭكە ءساتتى باستاماعا قول جەتكىزدى. سونىمەن بىرگە، تاعى دا كوپتەگەن تاپسىرىستار ۇشتاستىرۋ، تياناقتاندىرۋ ساتىسىنا ءوتتى، ۇيىمداستىرۋ القاسى قىزمەت وتەۋ، ورنالاستىرۋ قىزمەتىن بەلسەندى تۇردە ويداعىداي ىستەپ، ساتىپ الۋشى - ساتىپ بەرۋشى ەكى جاقتىڭ ءتىپتى دە كوپ سەلبەسۋ نيەتىنە كەلۋىنە كومەكتەسەدى.
تانىستىرۋعا قاراعاندا، ”شينجياڭ جاقسى جەر · جىبەك جولىنان اڭقىعان نان يىسىمەن كوڭىلدەردى توعىستىرۋدى“ نەگىزگى تاقىرىپ ەتكەن وسى رەتكى جارمەڭكەدە كورمەگە قويۋ، كورمەلەۋ - ساتۋ اۋماعى 5000 شارشى مەتردەن اسىپ، 130 ولشەمدى كورمە ورنى، ءبىر ەرەكشە بەزەندىرىلگەن كورمە ورنى، ءبىر ارناۋلى تانىستىرۋ اۋماعى، سول جەردىڭ وزىندە نان پىسراتىن 4 تونار قۇرىلعان، 160قا تاياۋ كاسىپورىن كورمەگە قاتىناسىپ، سول جەردىڭ وزىندە كورمەلەۋ، تانىستىرۋ، ءان - ءبي كونسەرتى، نەگىزگى تاقىرىپتىق مادەنيەت - ساياحات ۇگىت فيلمىن قويۋ سياقتى تاسىلدەر ارقىلى تيانجين قالا تۇرعىندارىنا ەسىكتەرىنىڭ الدىنان جەمىس - جيدەك مەكەنىنىڭ ەرەكشە ءدامدى تاعامدارىنان اۋىز تيگىزىپ، ءان - ءبي مەكەنىنىڭ ەرەكشە كوركەم كورىنىسىنەن ءلاززات الدىرادى ەكەن.
وسى كەزەكتى جارمەڭكە بۇكىل رايونداعى 14 ايماق، وبلىس، قالانى، اۆتونوميالى رايونداعى جانە شينجياڭ ءوندىرىس - قۇرىلىس بيڭتۋانىنداعى كوپتەگەن تاراۋدى قامتىدى ءارى تيانجين قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ زور كۇشپەن قولداپ - قۋاتتاۋىنا يە بولدى. جارمەڭكەدە كاسىپورىنداردىڭ كورمەلەۋ - ساتۋ بۋىنى ورنالاستىرىلۋدان سىرت، تاعى حوتان ايماعى، قاشقار ايماعى، اقسۋ ايماعى، قىزىلسۋ قىرعىز اۆتونوميالى وبلىسى جانە شينجياڭ نان كاسىبى سالاسىن دامىتۋ قوعامى، ءۇرىمجى قالاسى نان مادەنيەت كاسىبى سالاسى باقشاسى قاتارلىلاردى ارناۋلى تانىستىرۋعا ارنايى ورنالاستىرىپ، رايونىمىزدىڭ ساپالى، ەرەكشە اۋىل شارۋاشىلىق قوسىمشا ونىمدەرى شوعىرلى تۇردە كورسەتىلدى.
