تيانشان تورى   ›   ۇيرەنۋ   ›   شولۋ

انار گۇلى اشىلدى، جۇرەكتەر اناردىڭ دانىندەي توعىستى

− اۆتونوميالى رايوندىق 9 - رەتكى پارتيا قۇرىلتايىنان بەرگى ەكونوميكالىق، قوعامدىق دامۋ جونىندە جالپى شولۋ (4)

انار بۇلت / شينجياڭ گازەتىنىڭ ءتىلشىسى فان چيۇڭيان

  10 - ايدىڭ 11 - كۇنى قۇتىبي اۋدانى دافىڭ قالاشىعىنداعى ”مەيىربان انالار“ ەرىكتى قىزمەت وتەۋ اترەتى مەن نەگىزگى ساتى مادەنيەت باستاماشىلارى بىرگە جاعداي ۇعىسۋ، حال سۇراۋ، كوركەمونەر ويىندارىن قويۋ سياقتى تاسىلدەر ارقىلى ”ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىن ورىستەتتى. □ سۋرەتتى ۋاڭ جۇنۋي تۇسىرگەن

  ەندى عانا وتكەن مەملەكەت مەرەكەسى اتۇش قالاسى سۇنتاع اۋىلى كيچىڭىز قىستاعىنىڭ تۇرعىنى حالچىگۇل توحتى ءۇشىن الىپ ايتقاندا، وتە ءماندى ءوتتى، ول ”ۇلى“ شاۋ شياڭليدىڭ ۇسىنىىسىمەن بەيجيڭگە بارىپ، كوپ جىلدان بەرگى استانانى كورسەم دەگەن ارمانىن جۇزەگە اسىردى.

  ءار ۇلت حالقىنىڭ ءبىر ءۇيلى جانداي ەتەنە بولۋى جۇڭحۋا ۇلتى ۇلى گۇلدەنۋىنىڭ، ءسوز جوق، جۇزەگە اسۋىنداعى ءتۇبىرلى كەپىل. 5 جىلدان بەرى اۆتونوميالى رايوندىق پارتكوم بۇكىل شينجياڭداعى ءار ۇلت حالقىن ىنتىماقتاستىرىپ، باستاپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى ارقاۋ ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەپ، ءار ۇلت اناردىڭ دانىندەي تىعىز ۇيىسىپ، بىرگە ىنتىماقتاسا كۇرەس جۇرگىزىپ، بىرگە گۇلدەنىپ - دامىپ، ۇلتتار ىنتىماعىنىڭ گۇلى تيانشان الابىندا قۇلپىرا اشىلدى.

  اناردىڭ دانىندەي تىعىز ۇيىستى

  10 - ايدىڭ 1 - كۇنى تاڭەرتەڭ ەرتە، ءۇرىمجى قالاسى فۋچۋان كوشەسى ۇلتتار ىنتىماعى ۇلكەن اۋلاسى حىڭچاڭ ·وۋجيڭميڭيۋان شاعىن اۋلاسىندا، 87 جاستاعى ساقا پارتيا مۇشەسى لي گىڭشين مەن كونە كورشىسى سارىحان ابدۇراحىمان بىرگە مەملەكەت تۋىن شىعارۋ سالتىنا قاتىناستى.

      تۋ شىعارۋ سالتى اياقتاعان سوڭ، ەكەۋى جايشىلىقتاعىداي بىرگە وتىرىپ اڭگىمەلەسىپ، وتكەن كۇندەردى ەسكە الىپ، جۇڭگو كوممۋنيستىك پارتياسىنىڭ باسشىلىعىندا مەملەكەتتىڭ بارعان سايىن بايىپ، قۇدىرەتتەنىپ، قالانىڭ بارعان سايىن كورىكتى بولىپ، كۇندەرى بارعان سايىن جاقسارىپ، تۇرمىستارى بارعان سايىن باقىتتى بولعانىنا تەبىرەندى.

  وۋجيڭميڭيۋان شاعىن اۋماعىنان 2 كيلومەتر جەردەگى تاعى ءبىر ۇلتتار ىنتىماعى ۇلكەن اۋلاسىندا عيني اكپار وتباسىنىڭ قىزىل ەستەلىكتەر سارايى تاعى ءبىر توپ ەكسكۋرسيالاي كەلگەن تۇرعىنداردى قارسى الدى، قىزىل ەستەلىكتەر سارايى تۇرعىندارعا 3 جىل اقىسىز اشىلعاننان بەرى تالاي - تالاي قۇندى تاريحي سۋرەتتەر، تالاي - تالاي سارعايعان قۇندى كىتاپتار، تالاي - تالاي كونە زاتتار ارقىلى توڭكەرىس جىلدارىنداعى قۇندى ەستەمەلەردەن سىر شەرتىپ، ءار ۇلت بۇقاراسىنىڭ پارتيانىڭ مەيىرىنە العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمى مەن بەكىمىن ونان ارى بەكەمدەدى.

  شينجياڭدا وۋجيڭميڭيۋان شاعىن اۋماعى سياقتى ۇلتتار جاراسىمدى بىرگە تۇراتىن ۇلتتار ىنتىماعى ۇلكەن اۋلاسىنان (شاعىن اۋماق) ءالى دە تالايى بار. شاۋەشەك قالاسى شينچىڭ كوشەسى قارا ءدوڭ الەۋمەتتىك اۋماعىندا 14 ۇلتتان قۇرالعان 932 وتباسى تۇرادى، كورشى - قولاڭداردىڭ قارىم - قاتىناسى جاراسىمدى، تاتۋ - ءتاتتى بولىپ، ءبىر - بىرىمەن بىتە قايناسىپ، ەتەنە بايلانىستا بولىپ، ۇلتتار ىنتىماعىنىڭ حيكاياسى كۇن سايىن جارىققا شىعۋدا.

  5 جىلدان بەرى رايونىمىز ۇلتتار ىنتىماعى، العاباسارلىعىنداعى وزات ورىن قۇرۋ قيمىلىن كەڭ كولەمدە ورىستەتتى. قازىرگە دەيىن تۇتاس رايوندا اتاق بەرىلگەن مەملەكەتتىك ۇلتتار ىنتىماعى، العاباسارلىعىنداعى ۇلگىلى رايون، ۇلگىلى ورىن 72، مەملەكەتتىك ۇلتتار ىنتىماعى، العاباسارلىعىنداعى تاربيە بازاسى 14، مەملەكەت دارەجەلى، اۆتونوميالى رايون دارەجەلى ۇلتتار ىنتىماعى، العاباسارلىعىنداعى ۇلگىلى كوللەكتيۆ 1342 (رەت)، ۇلتتار ىنتىماعى، العاباسارلىعىنداعى ۇلگىلى جەكە 2320 ادام (رەت) بولىپ، تۇتاس قوعامدا ۇلتتار ىنتىماعى، العاباسارلىعىنداعى ۇلگى بولۋعا تالپىناتىن تاماشا جاعداي قالىپتاستى.

  تيانشان الابىندا ۇلتتار ىنتىماعى گۇلى جايقالا اشىلدى

  10 - ايدىڭ 7 - كۇنى قاشقار قالاسى اققاش اۋىلى قۇممالى قىستاعىنىڭ مىڭ مۋ جەردەگى قىزىل بۇرىش بازاسىندا قىستاق تۇرعىندارى مول ءونىمدى قۋانىشپەن قارسى الۋمەن بىرگە، كومەككە كەلگەن جۇپ قۇراعان تۋىستارىن قارسى الدى. اۋىلدىق ۇكىمەتتەگى جۇپ قۇراعان كادر امينگۇل قادىر ءبىر جاعىنان تۋىسىنىڭ قىزىل بۇرىش تەرۋىنە كومەكتەسە ءجۇرىپ، تىلەگىن ايتىپ ۇلگىردى: ”ءبىزدىڭ كۇندەرىمىزدىڭ وسى قىزىل بۇرىشتاي جالىندى دا دۋماندى بولۋىن تىلەيمىن!“.

  كوكتەمدە ەككەن ءبىر داننەن، كۇزدە جيىلدى مول استىق. جۇپ قۇراعان تۋىستارىمەن اتىز باسىندا قاربالاس جۇمىس ىستەپ، بىرگە تەر توگىپ، ءونىم شاتتىعىنا بىرگە شومدى. قازىر تيانشان الابىندا ءار ۇلت كادر - جۇرتشىلىعىنىڭ ءبىر وتباسىنىڭ ادامدارىنداي ەتەنە بولعان كورىنىسى بارلىق جەردە كوزگە شالدىعادى.

  2016 - جىلدان بەرى شينجياڭ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ميلليون كادر، جۇمىسشى - قىزمەتشىلەر ءار ۇلت نەگىزگى ساتى بۇقاراسىمەن جۇپ قۇراپ، تۋىس بولدى.

  يوۋ لياڭيىڭ جۇبىن جازباي ۇيعۇر باۋىرىنىڭ كەدەيلىكتەن ارىلىپ، اۋقاتتانۋىنا كومەكتەستى، ول ۇيىمداستىرىپ قۇرعان ”ۇلتتار ىنتىماعىنىڭ بەرەكەلى شاڭىراعى“ مەيىر جەتكىزۋ ۇيىرمەسىندەگى مۇشە سانى 1800 ادامعا جەتتى؛ اقسۋداعى 100 جىلدىق بايىرعى كوشە ۋاڭسان كوشەسىندە 7 ۇلتتان قۇرالعان 88 جارناگەر جارنا قوسقان ”ۇلتتار ىنتىماعىنىڭ بەرەكەلى شاڭىراعى“ اسحاناسىنىڭ ساۋداسى كۇسەت بولدى، بۇل جۇپ قۇراعان تۋىستار لوۋ جيانبو مەن مۇقتار ابدۇرۇسۇل اعايىندىنىڭ ”جالپى قارجى قوسۋ“ ءتاسىلى ارقىلى اشقان اسحاناسى بولاتىن، نەشە ونداعان ءار ۇلت بۇقاراسىن جۇمىستانۋعا باۋرادى... شينجياڭ كەدەيلىكتەن ارىلتۋدان قامال الۋ جانە جاپپاي دوڭگەلەك داۋلەتتى قوعام ورناتۋ بارىسىندا بۇكىل مەملەكەتتەگى 19 ولكە، قالانىڭ شينجياڭعا باعىتتامالى كومەكتەسۋ قىزمەتى بارىسىندا ءار ۇلت كادر - بۇقاراسى سانسىز اداممەن ”تۋىس“ بولىپ جۇپ قۇراپ، سانسىز اسەرلى اڭگىمەلەردى قالدىردى.

  ”ۇلتتار ىنتىماعىنىڭ بەرەكەلى شاڭىراعى“ قيمىلىن ورىستەتكەننەن بەرى تۇتاس رايونداعى كادر، جۇمىسشى - قىزمەتشىلەر ءار ۇلت بۇقاراسى وتباسىنان جالپى 170 ميلليوننان استام - رەت حال سۇرادى، يىنتەرنەت جەلىسىندە 15 ميلليوننان استام ادام - رەت جۇپ قۇرادى، ءبىر ميلليارد 120 ميلليون يۋاننان استام جىلۋ اتادى، 58 ميلليون 500 مىڭنان استام زاتتى جىلۋعا اتادى، 24 ميلليون 400 مىڭنان استام ناقتى ءىس، يگى ءىس ىستەدى، ”ۇلتتار ىنتىماعىنىڭ بەرەكەلى شاڭىراعى“ نەگىزگى تاقىرىبىنداعى ءتۇرلى قيمىلدى 21 ميلليون 400 مىڭ مايدان - رەتتەن استام وتكىزدى. ءار ۇلت كادر - بۇقاراسىنىڭ ارالاسۋى، ىشتەسۋى، توعىسۋى بارعان سايىن تەرەڭدەپ، سۇيىسپەنشىلىكتەرى بارعان سايىن قويۋلاپ، جۇڭحۋا ۇلتى ورتاق تۇلعا تانىمى جۇرت جۇرەگىنە تەرەڭ ۇيالاپ، ۇلتتار ىنتىماعى جاعدايى ۇزدىكسىز جاقسارۋعا بەت الدى.

  ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنىڭ ىشكەرىلەي ىلگەرىلەۋىنە ىلەسە، ءار ۇلت كادر - بۇقاراسى ەتەنە تۋىس بولىپ، ءوزارا قارايلاسىپ، ءبىر جاعادان باس، ءبىر جەڭنەن قول شىعارىپ، ءار ۇلت بۇقاراسى بىرگە ىنتىماقتاسا كۇرەس جۇرگىزىپ بىرگە گۇلدەنىپ - داميتىن اسەرلى جاعداي قالىپتاستىردى.

  جۇڭحۋا ۇلتى ورتاق تۇلعا تانىمىن جۇرەك تۇكپىرىنە تەرەڭ ۇيالاتتى

  جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ ارقاۋى، رۋحاني كۇشتىڭ جان جۇيەسى. باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ”جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ءار ۇلتتىڭ ۇلى ىنتىماعىن ۇزدىكسىز بەكەمدەۋ كەرەك“ دەپ باسا دارىپتەدى.

  اۆتونوميالى رايوندىق پارتكوم شينجياڭ قىزمەتىنىڭ باس نىساناسىن مىقتاپ يگەرىپ، ءار ۇلت ۇلى ىنتىماعى تۋىن بيىك ۇستاپ، ۇلتتار ىنتىماعى، العاباسارلىعى ۇگىت - تاربيەسىن ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمى تاربيەسىن كادرلار تاربيەسىنە، جاستار - وسپىرىمدەر تاربيەسىنە، قوعامدىق تاربيەگە ەنگىزىپ، جۇڭحۋا ۇلتى ورتاق تۇلعا تانىمىن جۇرەك تۇكپىرىنە تەرەڭ ۇيالاتتى.

  9 - ايدىڭ 27 - كۇنى حوتان قالاسى چاۋياڭ وقۋ - اعاتۋ باقشاسىندا وقۋشىلار 2 - ساباقحانا قيمىلىندا حاتكەرلىككە ماشىعىپ، قاعاز قيماسىن ۇيرەنىپ، قورشاما دويبى وينادى... بىرتە - بىرتە اسەر ەتىپ ءسىڭىرۋ بارىسىندا وقۋشىلار جۇڭحۋانىڭ تاڭداۋلى ءداستۇرلى مادەنيەتىنىڭ تەرەڭنەن تامىر الىپ، ارىدان ۇزىلمەي جالعاسقانىن، باي مازمۇنىن تەرەڭ سەزىنىپ، جۇڭحۋا ۇلتى ۇلى شاڭىراعىنا بولعان تاۋەلدىلىك سەزىمىن كۇشەيتىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتتى.

  ”قازىر كوپتەگەن وقۋشىلار مەملەكەتتە ءبىر تۇتاس قولدانىلاتىن ءتىل - جازۋدى يگەرىپ، اكە - شەشەسىنىڭ، كورشىلەرىنىڭ ’كىشكەنە اۋدارماشىسىنا‘، ’كىشكەنە قولعاناتىنا‘ اينالدى. بۇقارانىڭ يدەيا كوزقاراسىندا ۇلكەن وزگەرىس تۋىلىپ، مەملەكەتتە ءبىر تۇتاس قولدانىلاتىن ءتىل - جازۋدى بەلسەندى تۇردە ۇيرەنۋشىلەر كوبەيدى، جۇڭحۋانىڭ تاڭداۋلى ءداستۇرلى مادەنيەت قيمىلىنا بەلسەندى ات سالىسۋشىلار كوبەيدى، ءوز ەركىمەن سىرتقا شىعىپ جۇمىس ىستەپ اقشا تابۋشىلار كوبەيدى“، - دەدى جۋىق جىلداردان بەرگى وزگەرىس جايلى ءسوز بولعاندا ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نياز قۋانىشپەن.

  باس شۋجي شي جينپيڭ: ”جۇڭحۋا ۇلتى ءبىر ءۇيلى جان، ءبىر نيەتپەن جۇڭگو ارمانىن جۇزەگە اسىرۋ بۇكىل جۇڭحۋا پەرزەنتتەرىنىڭ ورتاق تىلەگى، سونداي - اق بۇكىل ەلدەگى ءار ۇلت حالقىنىڭ ورتاق نىساناسى“ دەپ اتاپ كورسەتتى.

  قازىر شينجياڭدا ءار ۇلت پەرزەنتتەرى بىرگە تۇرۋ، بىرگە ۇيرەنۋ، بىرگە جۇمىس ىستەۋ، بىرگە شاتتىققا كەنەلۋ بارىسىندا كەڭ كولەمدە ارالاسىپ، جان - جاقتىلى اۋىس - كۇيىس جاساپ، ىشكەرىلەي توعىسىپ، ءداۋىر اياق الىسىنا ءجىتى ىلەسىپ، بىرگە ىنتىماقتاسا كۇرەس جۇرگىزىپ، بىرگە گۇلدەنىپ - دامىپ، ءبىر نيەتپەن جۇڭگو ارمانىن بىرگە سومداۋدىڭ تەلەگەي كۇشىن تاسقىنداتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.