انار بۇلت 100دەن استام اقپارات قۇرالدارىمەن بىرلەسىپ شينجياڭ ماقتاسىن ”بۇلتتىق كليەنتتە جايناتتى“
انار بۇلت / شينجياڭ گازەتىنىڭ ءتىلشىسى ۋاڭ چيميڭ 10 - ايدىڭ 12 - كۇنى ۇرىمجىدەن حابارلايدى. 10 - ايدىڭ 12 - كۇنى ”شينجياڭنىڭ ماقتاسى گۇل اشتى“ دەگەن ءسوز بۇكىل ينتەرنەتتەگى قىزۋ تىلگە الىنعان ءسوز بولدى. وسى كۇنى انار بۇلت كليەنتى باستاما كوتەرگەن «شينجياڭنىڭ ماقتاسى گۇل اشتى» كولەمدى بىرلەسىپ تىكە تاراتۋ حابارى بۇكىل ەلدەگى 100 نەشە اقپارات قۇرالى تۇعىرىندا ءبىر ۋاقىتتا تاراتىلىپ، بۇكىل ينتەرنەتتەگى ءبىر كۇندىك تاراتىلۋ مولشەرى 120 ميلليون ادام - رەتتەن استى، مۇنىڭ ىشىندە تەك ميكروبلوگتەگى تاقىرىپتىڭ وقىلۋ مولشەرى 60 ميلليون ادام - رەتتەن اسىپ، قاتىستى تاقىرىپتار ميكروبلوگ، دوۋيىن سياقتى تۇعىرلاردىڭ ەڭ كوپ ىزدەلگەن تاقىرىپتار قاتارىنا كىردى.
وسى كۇنى ساعات 11دەن باستاپ انار بۇلت / شينجياڭ گازەتىنىڭ تىكە تاراتۋ ۇجىمى وڭتۇستىك، سولتۇستىك شينجياڭداعى اۋدان دارەجەلى توعىسپالى اقپارات قۇرالى ورتالىقتارىمەن بىرلەسىپ، اۋات اۋدانى، شايار اۋدانى، توقسۇن اۋدانى، شىحىزى قالاسى، بۇراتالا قالاسى سىندى 5 جەردە ءۇرتىس 3 جارىم ساعاتقا جالعاسقان ۇتىلامالى تىكە تاراتۋ جۇرگىزىپ، ۇشقىش اپپارات ارقىلى اۋەدەن ءتۇسىرىپ تىكە تاراتۋ، سول جەردە تىلشىلىك جاساپ تاراتۋ سياقتى تاسىلدەر ارقىلى بۇكىل ەلدەگى ينتەرنەت قولدانۋشىلاردى كوپ تۇرعىدان، ستەرەولدى تۇردە شينجياڭداعى ماشينالانعان ماقتا تەرۋدىڭ ايبىندى كورىنىسىن كورىپ، شينجياڭداعى ماقتانىڭ تۇتاس كاسىپ تىزبەگى بويىنشا دامۋى، اۋىل شارۋاشىلىعىنىڭ وسىزاماندانۋ اياق الىسى سياقتى ماقتا كاسىپ سالاسىنىڭ جوعارى ساپالى دامۋ جاعدايىن بىلۋگە جەتەكتەدى.
وسى كۇنى حالىق سايتى، جۇڭگو اقپارات سايتى، حۋانچيۋ سايتى، ورتالىق تەلەۆيزيا ارناسى، جۇڭگو جاستار گازەتى، شينجيڭ گازەتى، پىڭپاي اقپاراتى، مۇقابا حابار، تىڭشۇن حابار، جينرى توۋتياۋ، دوۋيۇي، ۋيشين بەينەجازبا، دوۋيىن، كۋايشوۋ سياقتىلاردى قامتىعان 120 نەشە اقپارات قۇرالى مەن تىكە تاراتۋ تۇعىرلارى ءبىر ۋاقىتتا تىكە تاراتتى. مۇنان سىرت، ميكروبلوگ، دوۋيىن سياقتى تۇعىرلار اشقان ”شينجياڭنىڭ ماقتاسى گۇل اشتى“، ”شينجياڭدا ماقتا قالاي جينالاتىندىعىن كورىڭىز“سياقتى ىقپالداس تاقىرىپتار دا دەرەۋ قىزۋ قارسى الۋعا بولەندى. 10 - ايدىڭ 12 - كۇنى ساعات 20عا دەيىن ميكروبلوگتاعى قاتىستى تاقىرىپتاردىڭ جالپى وقىلۋ مولشەرى 60 ميلليون ادام - رەتتەن استى، وسى رەتكى جالپىلىق اقپارات قۇرالدارى حابارلاۋىنىڭ بۇكىل ينتەرنەتتەگى ءبىر كۇندەگى تاراتىلۋ مولشەرى 120 ميلليون ادام - رەتتەن استى، تاراتىلۋ ساندى مالىمەتى قازىرگە دەيىن توقتاۋسىز جوعارىلاۋدا.
تىكە تاراتۋ كەزىندە ءارقايسى اقپارات قۇرالدارىنىڭ تىكە تاراتۋ ىقپالداستىق اۋماقتارى دا ينتەرنەت قولدانۋشىلاردىڭ ”ماداق شوعىرىنا“ اينالدى − ”ماقتا بەينە قار سياقتى بۇكىل دالانى جاۋىپ جاتىر، كەرەمەت ەكەن“، ”مەنىڭ دە ماقتا ەككىم كەلىپ كەتتى“، ”شينجياڭنىڭ ماقتاسىنىڭ ساپاسى ايتسا ايتقانداي جاقسى“، ”شەشەمنىڭ ماعان بەرگەن جاساۋىنداعى كورپەگە تۇگەلدەي شينجياڭ ماقتاسى پايدالانىلعان“... جەر - جەردەگى ينتەرنەت قولدانۋشىلار جابال لەبىز قالدىرىپ، شينجياڭ ماقتاسىن ”القاي سىر اقتارىپ“، شينجياڭ ماقتاسىن ماداقتادى.
وسى رەتكى بىرلەسىپ تىكە تاراتۋعا قاتىناسقان بەيجيڭ گازەتىنىڭ بەينەجازبا تىكە تاراتۋ ءبولىمىنىڭ باس رەداكتورى مان جىيۇي بىلاي دەدى: ”وسى رەتكى بىرلەسىپ تىكە تاراتۋ تۇعىر اتتاپ، الاپ اتتاپ شينجياڭنىڭ ماقتا كاسىپ سالاسىنىڭ جوعارى ساپالى دامۋ جاعدايىنا نازار اۋداردى، ماقتا جيناۋ ءىرى كورىنىسى بولىپ قانا قالماستان، شينجياڭ ماقتاسىنىڭ سورتىن جەتىلدىرۋدىڭ، ءوندىرۋدىڭ، مانەرلەۋدىڭ تۇتاس بارىسى دا جۇيەلى تانىستىرىلدى، حابارلاۋ تۇرعىسى جاڭا، تىكە تاراتۋ ءتاسىلى كوپ ءتۇرلى، مازمۇنى جاندى دا باي بولىپ، بۇكىل ەلدەگى اقپارات قۇرالدارىنىڭ جالعاپ تاراتۋى ارقىلى جۇرتشىلىقتىڭ شينجياڭ ماقتاسى جونىندەگى تانىمىن تاعى ءبىر رەت جاڭالادى“.
”وسى رەتكى تىكە تاراتۋدىڭ ’كوپ ىزدەلگەندەر قاتارىنا‘ كىرۋى تىكە تاراتۋدىڭ نەگىزگى تاقىرىبى وتە تاماشا ەكەندىگىن دالەلدەدى! بىرلەسىپ حابارلاۋ ارقىلى شينجياڭنىڭ ماقتا كاسىپ سالاسىن ۇگىتتەۋ ءۇشىن ازىراق ءىس ىستەي العاندىعىمىزعا ءبىز دە توتەنشە قۋاندىق“، - دەدى «شينجيڭ گازەتى» ”ءبىزدىڭ بەينەجازبا“ تۇعىرىنىڭ مايتالمان تاراتۋ جەتەكشىسى حۋ شياۋنان.
”وسى رەتكى تىكە تاراتۋدى تەك ءبىزدىڭ تاراتۋ تۇعىرىمىزدىڭ وزىندە 429 مىڭ 800 ادام - رەت ينتەرنەت جەلىسىندە كوردى، شينجياڭداعى ماقتا جيناۋ كورىنىسى كورنەكى، ايبىندى ەكەن، كوپشىلىك تىكە تاراتۋدان - اق شينجياڭداعى ءار ۇلت حالقىنىڭ قۋاتتى تەبىنى مەن ماقتا كاسىپ سالاسىنىڭ جەرگىلىكتى بۇقاراعا بەرگەن باقىت سەزىمىن سەزىنە الدى“. گۋاڭدۇڭ راديو - تەلەۆيزيا ستانسياسى ”چۋديان حابار“ تىكە تاراتۋ اينالىم ديرەكتورى جاڭ لەي بىلاي دەدى: ”بىرلەسىپ تىكە تاراتۋ ءتاسىلى ارقىلى اقپارات قۇرالدارىنىڭ كۇشىمەن شينجياڭنىڭ بايتاق دالاسىنداعى كۇرەس حيكاياسىن كورسەتىپ، ءتىپتى دە كوپ ادامنىڭ شينجياڭدى تۇسىنۋىنە، شىنايى، تاماشا، ىنتىماقتى، ورنىقتى دامىعان شينجياڭدى سەزىنۋىنە مۇمكىندىك جاسادى، وسى رەتكى تىكە تاراتۋعا ات سالىسۋ وتە ءماندى بولدى!“.
