ەكولوگيالىق وركەنيەت ۇستانىمىن بەرىك ۇستانىپ، جەر شارى تىرشىلىك ورتاق تۇلعاسىن بىرگە قۇرىپ، ادامزاتتىڭ جوعارى ساپالى دامۋىنىڭ جاڭا ساپارىن باستاۋدى باسا دارىپتەدى
10 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ بەينە ەكران تاسىلىمەن كۇنميڭدە وتكىزىلگەن «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىنا قاتىناستى ءارى ارقاۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 12 - كۇنى تۇستەن كەيىن بەينە ەكران تاسىلىمەن كۇنميڭدە وتكىزىلگەن «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىنا قاتىناستى ءارى ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: ورگانيزمدەردىڭ الۋان تۇرلىلىگى جەر شارىن تىرشىلىك تىنىسىنا بولەيدى، ول ادامزاتتىڭ ءومىر ءسۇرۋى مەن دامۋىنىڭ دا نەگىزى. ورگانيزمدەردىڭ الۋان تۇرلىلىگىن قورعاۋ جەر شارى مەكەندى قورعاپ، ادامزاتتىڭ باياندى دامۋىن جەبەۋگە پايدالى. كۇنميڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسى بولاشاقتا الەمدەگى ورگانيزمدەردىڭ الۋان تۇرلىلىگىن قورعاۋعا نىسانا بەلگىلەدى، جول ايقىندادى، بۇل ماڭىزدى مانگە يە. حالىقارالىق قوعام سەلبەستىكتى كۇشەيتىپ، ويدى ءبىر ارناعا شوعىرلاندىرىپ، كۇشتى ءبىر اراعا جۇمساپ، جەر شارى تىرشىلىك ورتاق تۇلعاسىن بىرگە قۇرۋ كەرەك.
شي جينپيڭ بىلاي دەپ باسا دارىپتەدى: ادام مەن تابيعات جاراسىمدى قاتار ءومىر ءسۇرۋى ءتيىس. ءبىز تابيعاتقا قۇرمەت ەتىپ، تابيعاتقا ۇيلەسىپ، تابيعاتتى قورعاپ، ادام مەن تابيعات جاراسىمدى قاتار ءومىر سۇرەتىن جەر شارى مەكەندى قۇرۋىمىز كەرەك. تۇنىق سۋ، جاسىل تاۋ − باعالى بايلىق. تاماشا ەكولوگيالىق ورتا − ءارى تابيعي بايلىق، ءارى ەكونوميكالىق بايلىق، ول ەكونوميكالىق، قوعامدىق دامۋدىڭ كومەسكى كۇشى مەن تەبىنىنە سايادى. ءبىز جاسىل دامۋ ءتاسىلىن جەدەل قالىپتاستىرىپ، ەكونوميكالىق دامۋ مەن قورشاعان ورتانى قورعاۋدا تەڭ يگىلىككە كەنەلۋدى جەبەپ، ەكونوميكا مەن قورشاعان ورتا سايكەستى بىرگە ىلگەرىلەيتىن جەر شارى مەكەندى قۇرۋىمىز كەرەك. جاڭا تيپتى ايدارشا ۆيرۋس وكپە قابىنۋ ىندەتى الەمدىك دامۋعا كەسىرىن تيگىزدى. ەكونوميكانى قالپىنا كەلتىرۋ جانە قورشاعان ورتانى قورعاۋ قوس كەلەلى مىندەتى الدىندا، ءبىز ىنتىماقتى كۇشەيتىپ، ۋاقىتشا قيىنشىلىقتى بىرگە جەڭىپ، دامۋدىڭ جەتىستىگىمەن، تاماشا ەكولوگيامەن ءار ەل حالقىنا ءتىپتى دە كوپ، ءتىپتى دە ءادىل تۇردە تيىمدىلىك جەتكىزىپ، دۇنيە جۇزىندەگى ءار ەل بىرگە داميتىن جەر شارى مەكەندى قۇرۋىمىز كەرەك.
شي جينپيڭ بىلاي دەپ باسا دارىپتەدى: ءبىز سىن - سايىسقا دا، ۇمىتكە دە تولى داۋىردە تۇرمىز. ورتاق بولاشاعىمىز ءۇشىن، قول ۇستاسا بىرگە ىلگەرىلەپ، ادامزاتتىڭ جوعارى ساپالى دامۋىنىڭ جاڭا ساپارىن باستاۋىمىز كەرەك.
ءبىرىنشى، ەكولوگيالىق وركەنيەت قۇرىلىسىن جەتەكشى ەتىپ، ادام مەن تابيعاتتىڭ قاتىناسىن سايكەستىرۋ. ونەركاسىپ وركەنيەتى اكەلگەن قايشىلىقتاردى ويداعىداي شەشىپ، ادامزاتتىڭ قيمىلىن ەكولوگيالىق ورتا كوتەرە الاتىن شەكتە تەجەپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋ جانە جۇيەلى جونگە سالۋ كەرەك.
ەكىنشى، جاسىل تيپكە وزگەرۋدى قوزعاۋشى ەتىپ، الەمنىڭ باياندى دامۋىنا دەم بەرۋ. جاسىل، تومەن كومىر قىشقىل گازدى اينالمالى شارۋاشىلىق جۇيەسىن ورناتىپ، ەكولوگيالىق باسىمدىقتى دامۋ باسىمدىعىنا اينالدىرىپ، تۇنىق سۋ، جاسىل تاۋدان وراسان زور ونىمدىلىك تۋدىرۋ كەرەك. جاسىل حالىقارالىق سەلبەستىكتى كۇشەيتىپ، جاسىل دامۋدىڭ جەتىستىگىنەن بىرگە يگىلىكتەنۋ كەرەك.
ءۇشىنشى، حالىقتىڭ قۇت - ىرىسىن وزەك ەتىپ، قوعامنىڭ ادىلدىگىن، تۋراشىلدىعىن جەبەۋ. بۇقارانىڭ تاماشا تۇرمىسقا دەگەن تالپىنىسىن كوكەيدە ساقتاپ، قورشاعان ورتانى قورعاۋ، ەكونوميكانى دامىتۋ، جۇمىستاندىرۋ ورايىن تۋدىرۋ، كەدەيلىكتى جويۋ سياقتى جاقتاردا تەڭ يگىلىككە كەنەلۋدى جۇزەگە اسىرىپ، ءار ەل حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك.
ءتورتىنشى، حالىقارالىق زاڭدى نەگىز ەتىپ، ءادىل، ۇيلەسىمدى حالىقارالىق جونگە سالۋ جۇيەسىن قورعاۋ. شىن مانىندەگى كوپ جاقتىلىقتى امالياتتا ايگىلەپ، حالىقارالىق ەرەجەگە ءونىمدى تۇردە بويسۇنۋ جانە ونى اتقارۋ كەرەك. قورشاعان ورتانى قورعاۋدىڭ جاڭا نىساناسىن ورناتۋدا ۇلى ماقسات پەن ناقتى ىستەۋدىڭ تەپە - تەڭدىگىن بىردەي ويلاستىرىپ، الەمدىك قورشاعان ورتانى جونگە سالۋ جۇيەسىن اناعۇرلىم ءادىل، ۇيلەسىمدى ەتۋ كەرەك.
شي جينپيڭ بىلاي دەپ اتاپ كورسەتتى: جۇڭگونىڭ ەكولوگيالىق وركەنيەت قۇرىلىسى كورنەكتى ونىمدىلىككە قول جەتكىزدى. جۇڭگو ەكولوگيالىق وركەنيەت قۇرىلىسىن ۇزدىكسىز ىلگەرىلەتىپ، جاڭالىق اشا، سايكەستى، جاسىل، اشىق، بىرگە يگىلىكتەنەتىن جاڭا دامۋ ۇستانىمىن تاباندىلىقپەن دايەكتىلەندىرىپ، كورىكتى جۇڭگو قۇرادى.
شي جينپيڭ بىلاي دەپ جاريالادى: جۇڭگو باستاماشىلدىقپەن ءبىر ميلليارد 500 ميلليون يۋان حالىق اقشاسىن شىعارىپ، كۇنميڭ ورگانيزمدەردىڭ الۋان تۇرلىلىگى قورىن قۇرىپ، وركەندەپ كەلە جاتقان ەلدەردىڭ ورگانيزمدەردىڭ الۋان تۇرلىلىگىن قورعاۋ ىستەرىنە قولداۋ كورسەتەدى. جۇڭگو جاق ءار جاقتى قورعا قارجى بولۋگە ۇندەيدى ءارى قارسى الادى.
شي جينپيڭ بىلاي دەپ اتاپ كورسەتتى: ورگانيزمدەردىڭ الۋان تۇرلىلىگىن قورعاۋدى كۇشەيتۋ ءۇشىن، جۇڭگو مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن جەدەل ورناتىپ، جاراتىلىستىق ەكولوگيالىق جۇيەسى ەڭ ماڭىزدى، جاراتىلىستىق كورىنىسى ەڭ دارا، جاراتىلىستىق مۇراسى ەڭ سارا، ورگانيزمدەردىڭ الۋان تۇرلىلىگى ەڭ باي ءوڭىردى مەملەكەتتىك باقشا جۇيەسىنە بىرتىندەپ كىرگىزەدى. كومىر قىشقىل گازىن شىعارۋدى ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدى ىلگەرىلەتۋ ءۇشىن، جۇڭگو ءتۇيىندى سالالاردا جانە كاسىپتەردە كومىر قىشقىل گازىن شىعارۋدى ەڭ جوعارى ماننەن اسىرماۋدى اتقارۋ جوبالارىن جانە ءبىر قىدىرۋ تىرەكتى قامتاماسىزدىق شارالارىن ىركەس - تىركەس جاريالاپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ”1+N“ ساياسات جۇيەسىن ورناتادى. جۇڭگو كاسىپ سالاسى قۇرىلىمىن جانە ەنەرگيا قۇرىلىمىن رەتتەۋدى ۇزدىكسىز ىلگەرىلەتىپ، قايتا تۋىندايتىن ەنەرگيانى زور كۇشپەن دامىتىپ، قۇمدى ءشول، قۇبا تۇز، ءشول دالا وڭىرلەرىندە ءىرى تۇرپاتتى جەل ەلەكتر، فوتوۆولت بازالارى نىساندارىن جەدەل جوبالاپ سالادى.
شي جينپيڭ سوڭىندا بىلاي دەپ باسا دارىپتەدى: ادام جاسىل تاۋدى ارداقتاسا، جاسىل تاۋ، ءسوز جوق، ادامنىڭ ءۇمىتىن اقتايدى. ەكولوگيالىق وركەنيەت − ادامزات وركەنيەتى دامۋىنىڭ تاريحي بەتالىسى. ءبىز قول ۇستاسىپ، ەكولوگيالىق وركەنيەت ۇستانىمىن بەرىك ۇستانىپ، ۇرپاقتارعا جاۋاپتى بولۋ بيىگىندە تۇرىپ، جەر شارى تىرشىلىك ورتاق تۇلعاسىن بىرگە قۇرىپ، تازا دا كورىكتى دۇنيە ءجۇزىن بىرگە قۇرايىق!
«ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋى 10 - ايدىڭ 12 - كۇنى كۇنميڭدە ينتەرنەت جەلىسى جانە ينتەرنەت جەلىسىنەن تىس ۇشتاسقان تاسىلمەن وتكىزىلدى، بىرلەسكەن مەملەكەتتەر ۇيىمىنىڭ باس حاتشىسى گۋتەرەس، رەسەيدىڭ زۇڭتۇڭى پۋتين، ەگيپەتتىڭ زۇڭتۇڭى سيسي، تۇركيانىڭ زۇڭتۇڭى ەردوعان، فرانسيانىڭ زۇڭتۇڭى ماكرون، كوستاريكانىڭ زۇڭتۇڭى الۆارادو، قىرعىزستاننىڭ زۇڭتۇڭى جاپاروۆ، پاپۋا - جاڭا گۆينەيانىڭ زۇڭليى ماراپە، انگليا تاق مۇراگەرى چارلەس قاتارلىلار بەينە ەكران تاسىلىمەن قاتىناستى.
