تيانشان تورى   ›   ۇيرەنۋ   ›   شولۋ

ءبىر نيەتتە بولىپ، ارىنداي شايقاسقا اتتاندى

− كەدەيلىكتەن ارىلتۋدان قامال الۋ رۋحى جونىندەگى شولۋ

□ شينحۋا اگەنتتىگىنىڭ تىلشىلەرى حوۋ شۋەجيڭ، جوۋ يۋان، ياڭ جيڭ

  مىڭ جىلدىق ارمان بۇگىنگى تاڭدا جۇزەگە استى.

  2012 - جىلدىڭ سوڭىندا جاڭا داۋىردەگى كەدەيلىكتەن ارىلتۋدان قامال الۋدىڭ شىمىلدىعىن اشقاننان 2020 - جىلدىڭ سوڭىنا دەيىن، جۇڭگو جاڭا داۋىردەگى كەدەيلىكتەن ارىلتۋدان قامال الۋ نىسانا - مىندەتتەرىن ءدال ۋاعىندا ورىنداپ، قازىر اتقارىلىپ وتىرعان ولشەمدەگى 98 ميلليون 990 مىڭ اۋىل - قىستاق كەدەي حالقى بۇكىلدەي كەدەيلىكتەن ارىلىپ، 832 كەدەي اۋدان تۇگەلدەي كەدەيلىك قالپاعىن الىپ تاستاپ، 128 مىڭ كەدەي قىستاق كەدەيلىك تىزىمىنەن شىعارىلىپ، تاريح بەتىنەن ورىن الاتىن دۇنيە كەرەمەتىن جاراتتى!

  2021 - جىلى 2 - ايدىڭ 25 - كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا ماڭىزدى ءسوز سويلەپ، كەدەيلىكتەن ارىلتۋدان قامال الۋ ۇلى كۇرەسى ”جوعارىدان تومەنگە دەيىن ءبىر نيەتتە بولۋ، ارىنداي شايقاسقا اتتانۋ، دالمە - ءدال، ناقتى بولۋ، ءورىس اشا جاڭالىق اشۋ، قامال الىپ قيىندىقتاردى جەڭۋ، حالىقتىڭ ءۇمىتىن اقتاۋ“ سىندى كەدەيلىكتەن ارىلتۋدان قامال الۋ رۋحىن سومداعاندىعىن، قالىپتاستىرعاندىعىن اتاپ كورسەتىپ، بۇكىل پارتيانى، بۇكىل ەلدى، بۇكىل قوعامدى كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتىپ، ءبىر نيەتپەن ىنتىماقتاسىپ، ەرلىكپەن كۇرەس جۇرگىزىپ، العا باسۋ جولىنداعى بارلىق قيىنشىلىقتار مەن حاۋىپ - قاتەرلەردى باتىل جەڭىپ، جۇڭگوشا سوتسياليزمگە تاباندى بولۋ مەن ونى دامىتۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋگە ۇندەدى.

  ءبىر نيەتتە بولىپ، ارىنداي شايقاسقا اتتاندى

  − جاپپاي دوڭگەلەك داۋلەتتى قوعام ورناتۋدا بىرەۋى دە قاعىس قالمادى

  ومىرلەرى ارقىلى بورىشتى بىرگە ارقالادى − بۇل ءبىر ءتۇتىنسىز شايقاس مايدانى، بۇل ءبىر اسا ماشاقاتتى قاتاڭ شايقاس، بۇل ءبىر ءسوزسىز جەڭۋگە ءتيىستى ايقاس!

  2016 - جىلى 2 - ايدىڭ 26 - كۇنى گۇيجوۋ ولكەسى چيڭلۇڭ اۋدانىنىڭ كەدەيلىكتەن ارىلتۋدان قامال الۋ بويىنشا مىڭ كادردىڭ كوتەرمەگە الىپ قامتاماسىزداندىرۋ، كومەكتەسۋ - سۇيەمەلدەۋ سەرت بەرۋ جينالىسىندا، بۇكىل اۋدانداعى ءار دارەجەلى كادرلار وڭ قولىن بيىك كوتەرىپ، ايبىندى سەرت بەردى: ”كەدەيلىكتەن ارىلتۋدان قامال الامىز، مەن پارتيا مۇشەسىمىن، ماعان قاراي قاتار تۇزەڭىزدەر!“.

  وسى ساتتە، ءتوراعالار مىنبەسىندە تۇرىپ سەرت بەرۋگە باستاعان اۋداندىق پارتكومنىڭ شۋجيى جياڭ شىكۇن ءومىرىنىڭ سوڭعى ساتتەرىنە تاياپ قالعان ەدى. ءبىر جارىم ايدان كەيىن، كەزىندە ”ءبىر چيڭلۇڭدىق كەدەيلىكتەن ارىلمايدى ەكەن، اۋداندىق پارتكوم شۋجيى بولعان مەن استە دەمالمايمىن“ دەپ سەرت بەرگەن وسى كوممۋنيستىك پارتيا مۇشەسى ءومىر الاۋىن ءسوندىرىپ، وسى ىستىق توپىراققا جاتتى.

  8 جىلدان بەرى ءار دارەجەلى پارتيا ۇيىمدارى مەن قالىڭ پارتيا مۇشەلەرى كەدەيلىكتەن ارىلتۋدان قامال الۋدىڭ شايقاس مايدانىندا − ”بىردە - ءبىر كەدەي ءوڭىردى، بىردە - ءبىر كەدەي بۇقارانى استە قاعىس قالدىرۋعا بولمايدى!“ دەگەن ايبىندى ۋادە ءۇشىن قايراتتانا شايقاس جاسادى.

  تاريح كەدەيلىكتەن ارىلتۋدان قامال الۋ وسى ۇلى شايقاسىنىڭ ماڭىزدى ساتىنە كۋا بولدى −

  2017 - جىلى 2 - ايدا جياڭشي ولكەسىنىڭ جيڭگاڭشان قالاسى بۇكىل ەل بويىنشا ەڭ الدىمەن كەدەيلىكتەن ارىلىپ، كەدەيلىك قالپاعىن الىپ تاستاعاندىعىن رەسمي جاريالاپ، ەلىمىزدە كەدەيلىك تىزىمىنەن شىعارۋ مەحانيزمى ورناتىلعاننان كەيىن الدىمەن كەدەيلىكتەن ارىلىپ، كەدەيلىك قالپاعىن الىپ تاستاعان كەدەي اۋدانعا اينالدى.

  ”شالعايدان كەلگەنىمدە اڭساپ ىزدەپ، وزگەرگەن شىت جاڭا بوپ كونە تۇراق“ − كەزىندەگى جيڭگاڭشانداعى ەڭ قيىر كەدەي قىستاقتىڭ ءبىرى بولعان شىنشان قىستاعى بۇل كۇندەرى ينتەرنەتتە تانىمالى بولىپ، ادامدار ءسوزسىز باراتىن اۋىل - قىستاق ساياحات تۇيىنىنە اينالدى. بۇكىل قىستاقتا 16 شارۋالار شاتتىعى ساياجايى اشىلدى، %80 قىستاق تۇرعىنى اۋىل - قىستاق ساياحاتىنا ات سالىستى، جان باسىندىق ورتاشا جىلدىق كىرىسى 4 جىلدىڭ الدىنداعى 3000 يۋانعا جەتپەۋدەن 20 مىڭ يۋاننان استامعا جەتىپ، قىستاق كوللەكتيۆىنىڭ ەكونوميكالىق كىرىسى دەرلىك ءنول بولۋدان 500 مىڭ يۋاننان استامعا ارتتى.

  جيڭگاڭشاننىڭ شىنشان قىستاعى جاڭا داۋىردە كەدەيلىكتەن ارىلتۋدان قامال الۋدىڭ وراسان زور تابىسىنىڭ جاندى كورىنىسى.

  2018 - جىلى 3 - ايدا ”تۇبەگەيلى جەڭىسكە جەتپەي استە بەل شەشپەۋ“ سەرتىمەن، گۋاڭشي جۋاڭزۋ اۆتونوميالى رايونى بايسى قالالىق پارتكوم ۇگىت ءبولىمىنىڭ جاس كادرى حۋاڭ ۋىنشيۋ لىيە اۋدانى شينحۋا قالاشىعىنىڭ بايني قىستاعىنا كەلىپ، قىستاقتا تۇراتىن ءبىرىنشى شۋجي مىندەتىن ۇستىنە الدى.

  قىستاقتا تۇرعانىنا 2 اي بولعاندا، ول بۇكىل قىستاقتاعى بارلىق كەدەي وتباسىلارىن ارالاپ شىعىپ، كەدەيلەردى سۇيەمەلدەۋ ەستەلىگىنە ەگجەي - تەگجەيلى ”حالىققا سۇيىسپەنشىلىك“ قاريتاسىن سالدى. قىستاقتا تۇرعانىنا ءبىر جىل بولعاندا، ونىڭ كولىكپەن جۇرگەن جولى شامامەن 25 مىڭ كيلومەتر بولدى؛ قىسقا عانا ءبىر جىلدان استام ۋاقىتتا، بايني قىستاعىنداعى 88 وتباسىنداعى جيىنى 418 ادامدى كەدەيلىكتەن ارىلتتى. 2019 - جىلى 6 - ايدا سەلگە كەتىپ، قىزمەت ۇستىندە قۇربان بولعان 30 جاستاعى حۋاڭ ۋىنشيۋ ەڭ كورىكتى جاستىق ورالى ارقىلى ”كوڭىلىندەگى ۇزاق جورىقتىڭ“ ايبىندى ءداۋىر تاراۋىن جازدى.

  2020 - جىلى 12 - ايدىڭ 1 - كۇنى، كەدەيلىكتەن ارىلتۋدان قامال الۋ شايقاسى جەڭىسكە قول جەتكىزۋ قارساڭىندا، گۇيجوۋ ولكەسى زۇن - ي قالاسىنىڭ حۇيچۋان رايونىنداعى قىستاقتا تۇراتىن كادر يۇي يۇڭليۋ كەدەيلىكتەن ارىلتۋدان قامال الۋدىڭ شايقاس مايدانىندا جىعىلدى. ”قىزمەت ورنىم ەلەۋسىز بولسادا، مەملەكەت ىستەرىن ۋايىمداۋدى استە ۇمىتقان ەمەسپىن...“ كوزى تىرىسىندە قىزىنا جازعان حاتى ءجۇز ميلليونداعان سايتتاستاردىڭ كوزىنە جاس الدىردى.

  قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن. وسى رەتكى كەدەيلىكتەن ارىلتۋدان قامال الۋ شايقاسىندا 1800دەن استام جولداس قىمباتتى ومىرلەرىن ارنادى.

  بۇكىل ەلدىڭ جەر - جەرىنە تارالعان 3 ميلليوننان استام ءبىرىنشى شۋجي، قىستاقتا تۇراتىن كادر جانە قالىڭ اۋىل - قىستاق كادرى كەدەي وڭىرلەردىڭ كەلبەتىن وزگەرتىپ قالماستان، ونان دا ماڭىزدىسى، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جاساۋ تۇقىمىن سەپتى.

  حىبەيداعى فۋپيڭنىڭ لوتوۋان قىستاعىندا كەدەيلىكتەن ارىلتۋدان قامال الۋ باستالعاننان كەيىن، سول جەردەگى كەدەي بۇقارا ”الاقان جايىپ كۇتۋدەن“ ”ەكى قولىن ارتىنا ۇستاپ“ قاراپ تۇرۋعا دەيىن، ەڭ سوڭىندا ”قولىن سىلكىپ تاستاپ“ ىستەۋگە وزگەردى. وسى وزگەرىستىڭ ارت جاعىندا كەدەيلەردى سۇيەمەلدەۋ كادرلارىنىڭ اشتى تەرلەرىنىڭ بوداۋىندا كەلگەن بۇقارانىڭ سەنىمى مەن پارتياعا ىلەسۋ بەكىمى جاتىر.

  دالمە - ءدال، ناقتى بولىپ، ءورىس اشا جاڭالىق اشتى

  − نازاردى ”ءتورت ۇلكەن ماسەلەگە“ شوعىرلاندىرىپ، شەشۋشى شايقاستىڭ جەڭىسىنە جەتتى

  كەدەيلىكتەن قامال الۋدىڭ كىلتى دالمە - دالدىكتە.

  يۇننان، گۇيجوۋ، سىچۋاننىڭ شەكارالاسقان جەرىندە ”اتەشتىڭ داۋىسىن ءۇش ولكەدەگىلەر ەستيتىن قىستاق“ بار. قىستاقتاعى وتباسىلارىنا تۇتاساتىن جولدىڭ كىرە بەرىسىندە ”كوممۋنيستىك پارتياعا العىس ايتامىز“ دەگەن ءبىر تاس ەسكەرتكىش تۇر. مۇنى قىستاق تۇرعىنى شىن جاۋشى تۇرعىزعان.

  4 جىلدىڭ الدىندا ۇكىمەت وسى قىستاقتىڭ تۇرعىن ۇيلەردى جاڭارتۋىنا كومەكتەستى، وتباسىلارىنا تۇتاستىرىلعان جول 2 جىلدىڭ الدىندا تاعى ەسىك الدىلارىنا جەتكىزىلدى. وسىدان باستاپ شىن جاۋشىنىڭ مۇگەدەك ايەلى دوڭگەلەكتى اربامەن كىرىپ - شىعا الاتىن، ال ونىڭ ءوزى سىرتقا شىعىپ جۇمىس ىستەي الاتىن بولىپ، ۇيىنەن شىعا الماي ايەلىنە قارايتىن، كەدەيلىك تاۋقىمەتىن تارتاتىن كۇندەردى اياقتاتتى.

  وتباسىلارىنا تۇتاستىرىلعان قىسقا عانا جول ءبىر ەڭبەككۇشتى قوعامعا قايتا ورالتىپ، ءبىر سەميانى دا قۇتقارىپ قالدى.

  كەدەيلەردى دالمە - ءدال سۇيەمەلدەۋدە قايتكەندە بىردە - ءبىر ادامدى قاتاردان قالدىرماۋعا بولادى؟

  بۇل تاريحتا بولماعان ادامعا دەيىن دالمە - ءدال بولۋ بولدى، ”كىمگە كومەكتەسۋ - سۇيەمەلدەۋدى“ ايقىندادى − 8 جىل ۋاقىتتا، 20 ميلليون ادام - رەت قىستاققا بارىپ، وتباسىلارىن ارالاپ، كەدەي حالىقتى يكەمدى باسقارۋ جانە ينفورماتسيا جيناۋ قىزمەتىن ورىستەتتى.

  بۇل دۇنيە جۇزىندە سيرەك كەزدەسەتىن دالمە - ءدال ۇيىمداستىرۋ بولدى، ”كىم كومەكتەسۋدى“ ايقىندادى − 250 مىڭنان استام قىستاقتا تۇراتىن قىزمەت اترەتى، 3 ميلليوننان استام اۋدان دارەجەلىدەن جوعارى ورىندار جىبەرگەن قىستاقتا تۇراتىن كادر وتباسى سايىن جاۋاپتى ادام، قىستاق سايىن كومەكتەسۋ - سۇيەمەلدەۋ اترەتى بولۋدى ورىندادى.

  بۇل شىندىقتى ءىس جۇزىنەن ىزدەگەن دالمە - ءدال شارا اتقارۋ بولدى، ”قالاي كومەكتەسۋدى“ ايقىندادى − تۇرلىشە كەدەيلەسۋ سەبەبىنە قاراي ”التى دالمە - ءدالدى“، ”بەس ءبىر توپتى“ اتقارىپ، جەرگىلىكتى جاعدايعا قاراي ءىس ىستەپ، ادامعا قاراي ساياسات اتقاردى.

  بۇل بايسالدى دا عىلمي دالمە - ءدال باعالاۋ بولدى، ”قالاي شەگىندىرۋدى“ ايقىندادى − ”ۋاقىت كەستەسىن“ ايقىنداپ، ءۇشىنشى جاقتى ەنگىزىپ، نازاردى ىشكى ومىرشەڭدىك كۇش پەن دامۋ كۇشىنە شوعىرلاندىرىپ، ەڭ قاتاڭ باعالاۋ، ساراپتاۋ جۇيەسىن جاسامپازدىقپەن ورناتىپ، كەدەيلىكتەن ارىلتۋدىڭ جەتىستىكتەرىنىڭ تاريحتىڭ سىنىنان سۇرىنبەي وتۋىنە شىنايى كەپىلدىك ەتتى.

  وسىلايشا، نازاردى كەدەيلىكتەن ارىلتۋدان قامال الۋداعى ”4 ۇلكەن ماسەلەگە“ − ”كىمگە كومەكتەسىپ - سۇيەمەلدەۋگە“، ”كىم كومەكتەسۋگە“، ”قالاي كومەكتەسۋگە“، ”قالاي شەگىندىرۋگە“ شوعىرلاندىرىپ، مەملەكەتتىڭ كەدەيلەردى سۇيەمەلدەۋ بايلىعىن ءار وتباسىنا دالمە - ءدال جەتكىزدى.

  كەدەيلىكتەن ارىلتۋدان قامال الۋ قىزمەتى اسا جاپالى، اياقتالار جىلدا تاعى ىندەتتىڭ ىقپالىنا ۇشىرادى. ەڭ سوڭعى ”قالتارىستاعى شوعىردىڭ“ بۇكىل ەل حالقىمەن بىرگە دوڭگەلەك داۋلەتكە قادام تاستاۋىنا مۇمكىندىك جاساۋ ءۇشىن، كەدەيلەردى سۇيەمەلدەۋ جالپى كادرلار دۇنيە جۇزىندە سيرەك كەزدەسەتىن ىندەتتىڭ سوققىسىنىڭ وراسان زور قىسىمىنا قاراماي ارىنداي شايقاسقا اتتانىپ، ماڭداي تەرلەرىن وي − قىرعا توكتى... كەدەيلىكپەن كۇرەسۋدىڭ ءبىر قىدىرۋ جاڭا شارالارى زامانعا قاراي تۋىلدى:

  ىندەت تۋىلعاننان كەيىن، بۇكىل ەلدەگى كوپتەگەن ەلەكتروندى ساۋدا تۇعىرلارى ارناۋلى اۋماق اشىپ حۋبەي ءوڭىرىنىڭ اۋىل شارۋاشىلىق قوسىمشا ونىمدەرىنىڭ ءوندىرۋ مەن ساتۋدى ۇشتاستىرۋىن جەبەدى، بۇكىل ەل حالقىنىڭ حۋبەيگە كومەكتەسۋ - سۇيەمەلدەۋ ىنتاسى تاسقىندادى؛

  اكىم تىكە تاراتۋ ارقىلى ”زات ساتتى“، شارۋالار ”ينتەرنەتتەگى تانىمالدارعا“ اينالدى، ەلەكتروندى ساۋدا تۇعىرلارى ساندى مالىمەت قامداۋ تىزبەگىن ۇلاستىردى... كەدەي وڭىرلەردىڭ اۋىل شارۋاشىلىق ونىمدەرىنىڭ ساتىلۋ مولشەرى ۇزدىكسىز جوعارىلاپ، كەدەيلەردى سۇيەمەلدەۋ كاسىپ سالالارى جۇمىستى قاۋىرت قالپىنا كەلتىردى؛

  بۇكىل ەلدىڭ جەر - جەرىنە اتتانعان ”جۇمىسشى جالداما ۇشاقتارى“، ”جۇمىسشى ارنايى پويەزدارى“، ”جۇمىسشى جالداما اۆتوكولىكتەرى“ كەدەي بۇقارانىڭ جۇرەگىن مەيىرگە بولەدى؛

  ...

  قامال الىپ قيىندىقتاردى جەڭىپ، حالىقتىڭ ءۇمىتىن اقتادى

   − جاڭا ساپاردا جاڭا شۇعىلانى جالعاستى جازدى

  كەدەيلىكتەن ارىلتۋدان قامال الۋدىڭ ۇلى امالياتى كەدەيلىكتەن ارىلتۋدان قامال الۋدىڭ ۇلى رۋحىن تاسقىنداتتى، اسقاقتاتتى.

  يۇنناننىڭ حۋاپيڭ اۋدانى جينشاجياڭ وزەنى بويىنىڭ ءبىر بۇرىشىنداعى شاعىن قالا. حۋاپيڭ قىزدار جوعارى دارەجەلى ورتا مەكتەبىنە كەلگەن ادامداردىڭ مىنا ءبىر سەرت سوزىنەن اسەرلەنبەيتىنى بولمايدى −

  ”مەن بۇل ومىرگە وزەنشە ەمەس، بيىك تاۋ بولىپ كەلگەمىن، بيىك شىڭدا تۇرىپ جاي - جاداعاي جىلعالاردى مەنسىنبەي قاراسام دەيمىن. مەن ومىرگە ەلەۋسىز جان ەمەس، ادامنىڭ قاسقاسى بولىپ كەلگەمىن، ۇلىلاردىڭ يىعىندا تۇرىپ قوراش مىسكىندەرگە قومسىنا قاراسام دەيمىن!“.

  بۇل سەرت ءسوزىن جازعان حۋاپيڭ قىزدار جوعارى دارەجەلى ورتا مەكتەبىنىڭ باستىعى جاڭ گۇيمەي قاتاڭ ماندەگى ”كەدەيلەردى سۇيەمەلدەۋ كادرى“ ەسەپتەلمەيدى. 64 جاستاعى بۇل مەكتەپ باستىعى شەكارا وڭىردەگى وقۋ - اعارتۋدىڭ ءبىرىنشى شەبىنە 40 نەشە جىل تامىر تارتىپ، پارتيا مەن ۇكىمەتتىڭ، سونداي - اق قوعامداعى ءار سالانىڭ كومەكتەسۋىندە كەدەي قىزداردى وقۋعا تەگىن قابىلدايتىن ورتا مەكتەپ قۇرىپ، قازىرگە دەيىن 1800دەن استام قىز بالانىڭ داشۋەگە ءوتىپ، تاۋدان شىعۋىنا كومەكتەسىپ، ولاردىڭ ءومىرى مەن وتباسىنىڭ تاعدىرىن وزگەرتتى.

  كەدەيلىكتەن ارىلتۋدان قامال الۋدىڭ ءتۇتىنسىز شايقاس مايدانىندا بارلىق جەردەن ”كروراندى المايىنشا استە شەپتەن قايتپايمىز“ دەيتىن اسقاق جىگەر تاسقىندادى.

  ”كەدەيلىكتەن ارىلتۋدان قامال الۋدىڭ مەملەكەتتىك ونەگەسى“، چۇڭچيڭ قالاسى ۋشان اۋدانى جۋشيان اۋىلى شياجۋاڭ قىستاعى پارتيا ياچەيكاسىنىڭ شۋجيى ماۋ شياڭلين ۇرپاقتار بويى جالعاسقان توماعا - تۇيىق تاۋ ىشىندەگى ومىرگە بۇرىلىس جاساۋ ءۇشىن، اۋىلداستارىن باستاپ 7 جىل ۋاقىت جۇمساپ، جالاما قۇزدان جول سالدى؛ كەدەيلىكتىڭ تامىرىنا بالتا شابۋ ءۇشىن، ول 15 جىلدىق ءومىرىن سارقىپ، قىستاق تۇرعىندارىن باستاپ جەمىس - جەيدەك ءوسىرىپ، ەرەكشە كاسىپ سالاسىن دامىتتى.

  ”تاۋدى ءبىر چى قاشاساق، ءبىر چى كەڭەيەدى، جولدى ءبىر جاڭ سالساق، ءبىر جاڭ ۇزارادى، ءبىز وسى ۇرپاق ادامدار 10 جىل كەدەيلىك تارتىپ، 10 جىل جاپا شەكسەك تە، ءسوز جوق، كەلەسى ۇرپاققا جاقسى تۇرمىس جاراتۋىمىز كەرەك“. كەزىندەگى ۋادە قازىر ورىندالدى: شياجۋاڭ قىستاعىنىڭ جان باسىندىق ورتاشا جىلدىق كىرىسى 1997 - جىلعى 300 يۋاننان 2020 - جىلى 13 مىڭ يۋاننان استى.

  كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسى پارتيامىزدىڭ حالىقتى ىنتىماقتاستىرىپ، باستاپ، تاماشا تۇرمىس جاراتۋ، بىرگە بايۋدى جۇزەگە اسىرۋ جولىندا بەرىك ءبىر زور قادام باسقاندىعىن بىلدىرەدى. كەدەيلىكتەن ارىلىپ، كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. اۋىل - قىستاقتى گۇلدەندىرۋ − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى كەلەلى مىندەت، اۋىل - قىستاقتى گۇلدەندىرۋ ستراتەگياسىن جالپى بەتتىك اتقارۋ قامال الىپ، قيىندىقتاردى جەڭۋدىڭ ”ەرىك - جىگەرىن“ ءتىپتى دە قاجەت ەتەدى.

  ”ءبىز نەگىزگى ساتى پارتيا ۇيىمىنىڭ باستاماشىلدىق رولىن قۇلشىنا ساۋلەلەندىرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشۋىمىز كەرەك“. گانسۋ ولكەسى حۋاچى اۋدانى چياۋچۋان اۋىلى تيەجياۋچىڭ قىستاعىنىڭ ءبىرىنشى شۋجيى، قىستاقتا تۇراتىن قىزمەت اترەتىنىڭ باستىعى جاڭ جيانحۇڭنىڭ اۋىل - قىستاقتى گۇلدەندىرۋدى ىلگەرىلەتۋگە دەگەن سەنىمى مىعىم.

  بيىل 6 - ايدا ءبىر كەزەك قىستاقتا تۇرىپ كەدەيلەردى سۇيەمەلدەۋ قىزمەتىن ورىنداپ بولعان شي - نان مەديتسينا داشۋەسىنىڭ دوتسەنتى شيا جي - ي دالياڭشانداعى جاۋجۋە اۋدانىنا تاعى كەلدى. وتكەن 3 جىلدا ول قىستاق تۇرعىندارىن باستاپ تەڭىز دەڭگەيىنەن بيىك جەردە توماعا ءشوپ ەگۋ بازاسىن سالىپ شىعىپ، 600گە جۋىق كەدەيدىڭ كەدەيلىكتەن ارىلۋىن تىكەلەي جەبەدى.

  ”كەلەشەكتە، ءبىز اۋىل - قىستاقتى گۇلدەندىرۋ شايقاس مايدانىندا ءوزىمىزدىڭ ماماندىق بىلىمدەرىمىزبەن اۋىل - قىستاقتا ۇزدىكسىز قىزمەت وتەيمىز“، - دەدى شيا جي - ي.

  ۇلى ءىس ۇلى رۋحتى تۋىنداتادى، ۇلى رۋح ۇلى ىسكە جەتەكشىلىك ەتەدى. ساپار الىس، رۋح ماڭگىلىك، اۋەلگى ماقسات ماڭگى شۇعىلا شاشادى. كەدەيلىكتەن ارىلتۋدان قامال الۋ ۇلى رۋحى اسا قىمباتتى رۋحاني بايلىق، ول جۇڭگو حالقىن جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ۇزدىكسىز كۇرەس جۇرگىزۋگە ماڭگى شابىتتاندىرا بەرمەك.

  (شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.