□ گازەتىمىزدىڭ شولۋشىسى
جۇلدىزدى اسپانعا كوز جىبەرسەك، وسىناۋ ماڭگىلىك جۇلدىز الەمىندە ”چيان شۋەسىن جۇلدىزى“، ”چىن جيڭرۇن جۇلدىزى“، ”يۋان لۇڭپيڭ جۇلدىزى“، ”تۋ يوۋيوۋ جۇلدىزى“... ۋاقىت پەن كەڭىستىكتەن كەسىپ ءوتىپ، نۇر شۇعىلالى جۇلدىزدار شوعىرى بولىپ توپتاسىپ، عالىمدار رۋحىمەن الەمدى نۇرلاندىرىپ، سان ۇرپاق ادامداردى عىلىم اقيقاتى جولىندا ىزدەنىپ، عىلىم شىڭىنا ەرلىكپەن شىعۋعا شابىتتاندىرۋدا.
عىلىم - تەحنيكانىڭ دامۋى ادامزات وركەنيەتىنىڭ اياق الىسىن ىلگەرىلەتتى. باس شۋجي شي جينپيڭ بىلاي دەپ اتاپ كورسەتتى: عىلمي جەتىستىكتەر رۋحاني تىرەكتەن ايرىلا المايدى. عالىمدار رۋحى − عىلىم - تەحنيكا قىزمەتكەرلەرىنىڭ ۇزاق ۋاقىتتىق عىلمي پراكتيكادا توپتاعان باعالى رۋحاني بايلىعى. ”عىلىمعا شەرۋ تارتۋ“ ۇندەۋىن شىعارۋدان ”عىلىم كوكتەمىن“ قارسى الۋعا دەيىن، ونان جاڭالىق اشۋدىڭ گۇلدەنگەن زامانىنا قادام تاستاعانعا دەيىن پارتيامىز ءاربىر تاريحي مەزگىلدە عىلىم - تەحنيكادا جاڭالىق اشۋعا، سونداي - اق عالىمدار رۋحىن جەتىلدىرۋ مەن جالعاستىرۋعا ايرىقشا ءمان بەردى، عالىمدار رۋحى جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولىگى رەتىندە، پارتيانىڭ اۋەلگى ماقساتىن، بورىشىن ارقالاپ، پارتيانىڭ ايقىن ساياسي قاسيەتىن ايگىلەدى.
عالىمدار رۋحىن زور كۇشپەن اسقاقتاتۋدا، وتاندى كوكەيدە ساقتايتىن، حالىققا قىزمەت ەتەتىن وتانشىلدىق رۋحتى، ەرلىكپەن شىڭعا شىعاتىن، باسقالاردان وزىپ شىعۋعا باتىلدىق ەتەتىن جاڭالىق اشۋ رۋحىن، اقيقاتقا تالپىناتىن، قۇنتتىلىقپەن عىلىممەن شۇعىلداناتىن شىندىققا تالپىنۋ رۋحىن، اتاق - ابىرويعا بەرىلمەيتىن، زەر سالا زەرتتەيتىن ءوزىن ارناۋ رۋحىن، اقىل - پاراساتتى شوعىرلاندىرىپ قامال الاتىن، ىنتىماقتاسا سەلبەسەتىن سايكەسۋ رۋحىن، باسقالارعا جەبەۋشى، كەيىنگىلەرگە دەمەۋشى بولاتىن ادام تاربيەلەۋ رۋحىن اسقاقتاتىپ، تالاي ۇرپاق عىلىم - تەحنيكا قىزمەتكەرلەرىن ومىرلىك تالپىنىسىن جاپپاي سوتسياليستىك وسىزاماندانعان مەملەكەت قۇرۋدىڭ ۇلى ىستەرىمەن توعىستىرۋعا ىنتالاندىرۋ كەرەك.
عالىمدار رۋحىن زور كۇشپەن اسقاقتاتۋدا، وتاندى ءسۇيۋ مەن ءوزىن ارناۋدى رۋحاني نەگىز جانە توركىن، جاڭالىق اشۋ مەن شىندىققا تالپىنۋدى رۋحاني وزەك جانە دەمەۋشى، سايكەسۋ مەن ادام تاربيەلەۋدى رۋحاني قور جانە جالعاستىرۋ ەتىپ، ەلىمىزدىڭ عىلىم - تەحنيكادا ءوزىن ەڭسەلەندىرۋىنە، ءوزىن قۇدىرەتتەندىرۋىنە جانە ادامزات وركەنيەتىنىڭ العا باسۋىنا باياندى، مول جاڭالىق اشۋ قاينارىن ازىرلەۋ كەرەك.
جاڭا جۇڭگو قۇرىلعاننان بەرى سوتسياليستىك قۇرىلىس پەن رەفورما جاساۋ، ەسىك اشۋ ۇلى ۇردىسىندە، سان ۇرپاق عالىمدار وتاندى كوكەيدە ساقتاپ، حالىققا قىزمەت ەتىپ، تاسقىنداعان وتانشىلدىق ىقىلاسىن سوتسياليستىك وسىزامانداندىرۋ قۇرىلىسىنا ات سالىسۋدىڭ تەلەگەي كۇشىنە اينالدىرىپ، پارتيا مەن حالىق ىستەرى ءۇشىن ادال جۇرەكتەرىن ارنادى؛ سان ۇرپاق عالىمدار باسقالاردان وزىپ شىعۋعا باتىلدىق ەتۋ جانە باتىلدىقپەن جاڭالىق اشۋداي قىمباتتى قاسيەتكە تاباندى بولىپ، ”داڭقپەن ساتسىزدىككە ۇشىراسا دا، قارابايىرلىقپەن تابىسقا جەتۋگە سالىنباي“، عىلىمنىڭ بيىك تۇرعىسىن يەلەپ، عىلىم - تەحنيكادا تالاي - تالاي كەلەلى تىڭ ناتيجەلەرگە قول جەتكىزدى؛ سان ۇرپاق عالىمدار ىنتىماقتاسا سەلبەسىپ، باسقالارعا جەبەۋشى بولىپ، عىلىمدى قىزۋ ءسۇيۋ، عىلىمدى قاستەرلەۋ رۋحىن جۇڭحۋانىڭ بايتاق دالاسىندا سالتقا اينالدىرىپ، جاسامپاز مەملەكەت قۇرۋدىڭ قۇدىرەتتى قوزعاۋشى كۇشىن توپتادى. ولار عالىمدار رۋحىن امالياتتا ايگىلەۋشىلەر جانە اسقاقتاتۋشىلار، وسكەلەڭ دەڭگەيمەن ”رۋحاني ماياك“ ورناتىپ، قالىڭ عىلىم - تەحنيكا قىزمەتكەرلەرىن تاسقىنداعان ىنتامەن عىلىمعا شەرۋ تارتىپ، كەلبەتى شەكسىز عىلىم شىڭىنا ەرلىكپەن شىعۋعا ىنتالاندىرۋدا.
70 نەشە جىلدان بەرى وتاننىڭ شينجياڭىندا دا وسىنداي ءبىر توپ وكىنىشسىز ءۇن - ءتۇنسىز ەڭبەك ەتكەن ءار ۇلت عىلىم - تەحنيكا قىزمەتكەرلەرى ارىندى جۇمىس ىستەۋدە، تيانشان الابىنىڭ بارلىق جەرىندە ولاردىڭ ءىزى قالدى، توراڭعى سياقتى شەكارا وڭىرگە تامىر تارتىپ، شەكارا وڭىرگە وزدەرىن ارنادى. ولاردىڭ اراسىندا سۋ يگىلىگى مامانى ۋاڭ ۋي، باتىس قاۋىنى تۇقىمىن جەتىلدىرۋشى مامان ۋ ميڭجۋ، بيازى ءجۇندى قوي تۇقىمىن جەتىلدىرۋشى مامان ليۋ شوۋرىن، قۇمدى تىزگىندەۋ مامانى ليۋ ميڭتيڭ بار... ولار وزدەرىنىڭ اقىل - پاراساتتارىمەن جانە ادالدىقتارىمەن كورىكتى شينجياڭ قۇرۋعا، وتان ارمانىن بىرگە جۇزەگە اسىرۋعا جاستىق كوكتەمدەرىن، ءتىپتى ومىرلەرىن ارناپ، تيانشان الابىندا عالىمدار رۋحىنىڭ ماڭگىلىك ەسكەرتكىشىن تۇرعىزدى.
سان ۇرپاق عالىمداردىڭ ”سۋىق ورىندىقتا“ وتىرۋعا پەيىل بولىپ، ”ادامسىز ءوڭىردى“ باتىلدىقپەن باعىندىرىپ، قامال الىپ، قيىنشىلىقتى جەڭىپ، جوعارى مەن تومەندە ىزدەنىس جاساۋى بولعاندىقتان دا، ءبىزدىڭ ”شىنجوۋ“ جۇلدىزدار الەمىن ارالاپ، ”جياۋلۇڭ“ تەڭىزدىڭ تەرەڭىندەگى سىردى اشىپ، ”تيان - يان“ الەمگە الىستان كوز سالا الدى... وسى شۇعىلالى تابىستار دۇنيە ءجۇزىنىڭ تاڭدايىن قاقتىرىپ، جۇڭگو حالقىنىڭ ەڭسەسىن كوتەردى. عالىمداردىڭ ۇزدىكسىز كۇرەس جۇرگىزۋى، ۇتىلاي ۇمتىلۋى بولعاندىقتان دا، ءبىزدىڭ ”2030 - جىلعا بارعاندا ەلىمىزدى جاسامپاز ەلدەردىڭ الدىڭعى لەگىنە كىرگىزۋ، جاڭا جۇڭگو قۇرىلعاندىعىنىڭ 100 جىلدىعى كەزىنە بارعاندا ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتۋ“ سىندى تاماشا جوسپار ۇمىتكە تولى، سەنىمگە تولى بولدى.
ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا، قالىڭ عىلىم - تەحنيكا قىزمەتكەرلەرى تاريحتىڭ كەلەلى مىندەتىن ىرىقتىلىقپەن ارقالاپ، قاجىماي - تالماي كۇرەس جۇرگىزىپ، قايراتتانا العا ىلگەرىلەپ، ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتىپ قۇرىپ شىعۋعا وزدەرىنىڭ جاستىق كوكتەمدەرىن، ىستىق قاندارىن جانە زەيىن - زەردە، اقىل - دارىندارىن ارناپ، عالىمدار رۋحىنىڭ نۇر شۇعىلاسىمەن ۇلتتى گۇلدەندىرۋ ۇلى ءىسىمىزدى نۇرلاندىرۋ ءتيىس.
