اشىق، بىرلەسىپ ارەكەتتەنۋگە تاباندى بولىپ، بىرگە دامۋعا تاباندى بولىپ، جاڭالىق اشۋ ارقىلى دەم بەرۋگە تاباندى بولىپ، ەكولوگيانى الدىمەن ويلاستىرۋعا تاباندى بولىپ، كوپ جاقتىلىققا تاباندى بولىپ، نەگىزدىك قۇرىلعىلاردى ۇلاستىرۋدىڭ، ساۋدانى، قارجى قوسۋدى ىركىلىسسىزدەندىرۋدىڭ، وركەنيەتتەردى توعىستىرۋدىڭ، بايلانىستىرۋدىڭ جاڭا تاراۋىن جازۋدى باسا دارىپتەدى
شينحۋا اگەنتتىگىنىڭ 10 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 14 - كۇنى كەشتە بەينە ەكران تاسىلىمەن 2 - كەزەكتى بىرلەسكەن مەملەكەتتەر ۇيىمىنىڭ الەمدىك باياندى قاتىناس جينالىسىنىڭ اشىلۋ سالتىنا قاتىناستى ءارى «دۇنيە جۇزىمەن تىعىز قاتىناستا بولۋ، داۋىرمەن تۇتاسۋ، باياندى دامۋ جولىندا ارشىندى قاداممەن العا ىلگەرىلەۋ» دەگەن تاقىرىپتا ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: قاتىناس ەكونوميكانىڭ تامىرى جانە وركەنيەتتىڭ دانەكەرى. ەجەلگى جىبەك جولىنداعى كەرۋەن قوڭىراۋىنىڭ ءۇنى مەن جەلكەننىڭ ساعىمىنان تارتىپ، تەڭىزشىلىك داۋىرىندەگى تولقىن جارا العا ىلگەرىلەۋگە دەيىن، ودان وسى زامانعى قاتىناس تورابىنىڭ شار تاراپقا تارتىلۋىنا دەيىن، قاتىناس ەكونوميكانىڭ اينالىمىن، گۋمانيتارلىق قارىم - قاتىناستى ىلگەرىلەتىپ، دۇنيە ءجۇزىن تىعىز بايلانىسقان ”جەر شارى قىستاعىنا“ اينالدىردى. قازىر 100 جىلدا بولماعان وزگەرىس پەن عاسىرلىق ىندەتتىڭ قاباتتاسۋى دۇنيە ءجۇزى ەكونوميكاسىنىڭ دامۋى مەن حالىق تۇرمىسىنىڭ جاقسارۋىنا اۋىر سىن - سايىس اكەلدى. ءبىز دۇنيە ءجۇزىنىڭ دامۋ ۇلكەن اۋقىمىنا سايكەسىپ، الەمدىك قاتىناس سەلبەستىگىن ىلگەرىلەتىپ، نەگىزدىك قۇرىلعىلاردى ۇلاستىرۋدىڭ، ساۋدانى، قارجى قوسۋدى ىركىلىسسىزدەندىرۋدىڭ، وركەنيەتتەردى توعىستىرۋدىڭ، بايلانىستىرۋدىڭ جاڭا تاراۋىن جازۋىمىز كەرەك.
ءبىرىنشى، اشىق، بىرلەسىپ ارەكەتتەنۋگە تاباندى بولىپ، ۇلاستىرۋدى، تۇتاستىرۋدى ىلگەرىلەتۋ. اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، كەمسىتۋ سيپاتتى، قاقپايلاۋ سيپاتتى قاعيدامەن جانە جۇيەمەن اينالىسپاي، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەپە - تەڭ، تەڭ يگىلىكتەنۋ بەتالىسىمەن دامۋىن ىلگەرىلەتۋ كەرەك. نەگىزدىك قۇرىلعىلاردىڭ ”قاتتى ۇلاسۋىن“، ءتۇزىم - قاعيدالاردىڭ ”جۇمساق ۇلاسۋىن“ كۇشەيتىپ، قۇرلىق، تەڭىز، اۋە، ينتەرنەت سىندى ”ءتورتتى ءبىر تۇلعالاندىرۋ“ بويىنشا ۇلاستىرۋدى، تۇتاستىرۋدى جەبەۋ.
ەكىنشى، بىرگە دامۋعا تاباندى بولىپ، ءادىل، جالپىعا ءتيىمدى بولۋدى جەبەۋ. ءار ەل بىرگە دامىسا عانا ناعىز دامىعاندىق بولىپ تابىلادى، كوپشىلىك بىرگە بايىسا عانا ناعىز بايىعاندىق بولىپ تابىلادى. دامۋداعى بىركەلكىسىزدىك ماسەلەسىن جاقسى شەشكەندە عانا، ادامزاتتىڭ بىرگە دامۋىنا اناعۇرلىم كەڭ بولاشاق اشۋعا بولادى. قاتىناستىڭ الدا ءجۇرۋ رولىن ساۋلەلەندىرىپ، كەدەي وڭىرلەرگە قاتىناس جاعىنداعى ۇسىنىلىمدى ارتتىرىپ، كەدەي وڭىرلەر ەكونوميكاسىنىڭ، حالىق تۇرمىسىنىڭ جول ارقىلى گۇلدەنۋىنە مۇمكىندىك جاساۋ كەرەك. وڭتۇستىك - سولتۇستىك ەلدەر سەلبەستىگىن، تۇستىك ەلدەر سەلبەستىگىن كۇشەيتىپ، ەڭ دامىماعان ەلدەردىڭ، ىشكى قۇرلىقتىق وركەندەپ كەلە جاتقان ەلدەردىڭ قاتىناس نەگىزدىك قۇرىلعىلار قۇرىلىسى ءۇشىن اناعۇرلىم كوپ قولداۋ كورسەتىپ، بىرگە گۇلدەنۋدى جەبەۋ كەرەك.
ءۇشىنشى، جاڭالىق اشۋ ارقىلى دەم بەرۋگە تاباندى بولىپ، دامۋ قوزعاۋشى قۋاتىن كۇشەيتۋ. زەردەلى قاتىناس پەن پاراساتتىق قاتىناس زات اينالىمىن كۇش سالا دامىتىپ، ءىرى ساندىق مالىمەت، ينتەرنەت، جاساندى زەردە، بلوكچەين سياقتى جاڭا تەحنيكالار مەن قاتىناس كاسىپ سالاسىنىڭ تەرەڭ توعىسۋىن ىلگەرىلەتىپ، جۇرتتىڭ ەركىن ءجۇرىپ - تۇرۋىنا، زاتتىڭ ەركىن تاسىمالدانۋىنا مۇمكىندىك جاساۋ كەرەك.
ءتورتىنشى، ەكولوگيانى الدىمەن ويلاستىرۋعا تاباندى بولىپ، جاسىل، تومەن كومىرتەكتى بولۋدى جۇزەگە اسىرۋ. جاسىل، تومەن كومىرتەكتى ۇلگىسىندە داميتىن ەكونوميكا جۇيەسىن قۇرىپ، ەكونوميكالىق، قوعامدىق دامۋدىڭ جالپى بەتتىك جاسىل بولۋعا قاراي تيبىن وزگەرتۋ عانا باياندى دامۋدى جۇزەگە اسىرۋدىڭ ۇزاق ۋاقىتتىق شاراسى. جاسىل، تومەن كومىرتەكتى قاتىناس - تاسىمال ءتاسىلىن تەز قالىپتاستىرىپ، جاسىل نەگىزدىك قۇرىلعىلار قۇرىلىسىن كۇشەيتىپ، جاڭا ەنەرگيالى، زەردەلىلەنگەن، سيفرلانعان، جەڭىلدەنگەن قاتىناس جابدىقتارىن جالپىلاستىرىپ، جاسىل ءجۇرىس - تۇرىسقا شابىتتاندىرىپ، جەتەكتەپ، قاتىناستىڭ قورشاعان ورتاعا اناعۇرلىم زالالسىز بولۋىنا، ءجۇرىس - تۇرىستىڭ اناعۇرلىم تومەن كومىرتەكتى بولۋىنا مۇمكىندىك جاساۋ كەرەك.
بەسىنشى، كوپ جاقتىلىققا تاباندى بولىپ، الەمدىك جونگە سالۋدى كەمەلدەندىرۋ. بىرگە اقىلداساتىن، بىرگە قۇراتىن، بىرگە يگىلىكتەنەتىن الەمدىك جونگە سالۋ كوزقاراسىن امالياتتا ايگىلەپ، الەمدىك بايلىقتى جۇمىلدىرىپ، الەمدىك سىن - سايىسقا توتەپ بەرىپ، الەمدىك دامۋدى جەبەۋ كەرەك. بىرلەسكەن مەملەكەتتەر ۇيىمىنىڭ بەدەلى مەن مارتەبەسىن قورعاپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋ توڭىرەگىندە كەدەيلەردى ازايتۋ، دەنساۋلىق ساقتاۋ، قاتىناس، زات اينالىمى، نەگىزدىك قۇرىلعىلار قۇرىلىسى سياقتى سەلبەستىكتەردى جالپى بەتتىك ىلگەرىلەتۋ كەرەك. ءار جاقتىڭ جۇڭگو جاق العا قويعان الەمدىك دامۋ باستاماسىنا بەلسەندىلىكپەن قاتىناسۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جاڭا جۇڭگو قۇرىلعاننان بەرى نەشە ۇرپاق ادام تاۋ كەزىكسە جول سالىپ، سۋ كەزىكسە كوپىر سالىپ، قاتىناستاعى ءىرى ەلدى قۇرىپ شىقتى، ەندى قاتىناستاعى قۋاتتى ەلدى جەدەل قۇرۋدا. ءبىز قاتىناستى الدىمەن جۇرگىزۋگە تاباندى بولىپ، الەمدەگى ەڭ ۇلكەن جوعارى جىلدامدىقتى تەمىر جول تورىن، جوعارى جىلدامدىقتى تاس جول تورىن، دۇنيە جۇزىلىك دەڭگەيدەگى پورتتار شوعىرىن سالدىق، اۆياتسيا مەن تەڭىز قاتىناسى بۇكىل الەممەن تۇتاستى. ءبىز جاڭالىق اشۋ ارقىلى جەتەكشىلىك ەتۋگە تاباندى بولىپ، جوعارى جىلدامدىقتى تەمىر جول، ءىرى ۇشاق سياقتى جابدىقتاردى جاساۋدا كەلەلى ناتيجەلەردى جۇزەگە اسىردىق، جاڭا ەنەرگيالى اۆتوموبيل بۇكىل الەمدەگى جالپى مولشەردىڭ جارتىسىنان استامىن يەلەدى، شياڭگاڭ - جۋحاي - اۋمىن ۇلكەن كوپىرى، بەيجيڭ داشيڭ حالىقارالىق اۋەجايى سياقتى اسا ءىرى تۇرپاتتى قاتىناس ينجەنەريالارى سالىنىپ ىسكە قوسىلىپ، قاتىناس جۇڭگونىڭ وسىزاماندانۋداعى جول اشار اۆانگاردقا اينالدى. ءبىز شار تاراپتى قاتىناسپەن تۇتاستىرۋعا تاباندى بولىپ، الدەقاشان الەمدەگى تەڭىز تاسىمالىمەن تۇتاستىرۋ دارەجەسى ەڭ جوعارى، زات ساۋدا مولشەرى ەڭ جوعارى ەكونوميكالىق تۇلعاعا اينالدىق. جاڭا تيپتى ايدارشا ۆيرۋس وكپە قابىنۋ ىندەتى مەزگىلىندە جۇڭگو - ەۆروپا كەزەكشى پويەزى، شالعاي مۇحيت زات تاسىمال كەمەلەرى تاۋلىكتەر بويى تىنىم الماي، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن كۇش سالا قامتاماسىز ەتىپ، جۇڭگونىڭ جاۋاپكەرشىلىك ارقالاۋىن ايگىلەدى.
شي جينپيڭ بىلاي دەپ باسا دارىپتەدى: جۇڭگو ناعىز كوپ جاقتىلىق تۋىن ۇزدىكسىز بيىك ۇستاپ، دۇنيە جۇزىمەن قاتىناستا بولۋعا، داۋىرمەن تۇتاسۋعا تاباندى بولىپ، وزىندىك دامۋدى جۇزەگە اسىرۋمەن بىرگە، الەمدىك دامۋعا اناعۇرلىم زور ۇلەس قوسا بەرەدى. جۇڭگونىڭ اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن قالىپتاستىرۋ بەتالىسى وزگەرمەيدى، ساۋدا مەن قارجى قوسۋدى ەركىندەستىرۋدى، قولايلىلاستىرۋدى جەبەۋ بەكىمى وزگەرمەيدى. جۇڭگونىڭ اشىق ەسىگى بارعان سايىن ايقارا اشىلا تۇسەدى، ماڭگى جابىلمايدى. جۇڭگو ”ءبىر بەلدەۋ، ءبىر جولدى“ قۇرۋدى جوعارى ساپامەن ۇزدىكسىز ىلگەرىلەتىپ، ءار ەلمەن بىرگە نەگىزدىك قۇرىلعىلاردى ۇلاستىرۋدى، تۇتاستىرۋدى كۇشەيتىپ، جاسىل جىبەك جولىن جانە سيفرلى جىبەك جولىن قۇرۋدى جەدەلدەتەدى.
شي جينپيڭ بىلاي دەپ جاريالادى: جۇڭگو جاق جۇڭگو حالىقارالىق باياندى قاتىناس جاڭالىق اشۋ جانە ءبىلىم ورتالىعىن قۇرىپ، الەمدىك قاتىناستىڭ دامۋىنا كۇش قوسادى.
شي جينپيڭ سوڭىندا بىلاي دەپ باسا دارىپتەدى: ۇلاسقان، تۇتاسقان، ءوزارا پايدا جەتكىزىپ، تەڭ يگىلىككە كەنەلەتىن دۇنيەنىڭ دۇرىس جولىمەن قول ۇستاسا ءجۇرىپ، باياندى دا بەيبىت، جالپى بەتتىك حاۋىپسىز، بىرگە گۇلدەنەتىن، اشىق، سيىسىمدى، تازا دا كورىكتى دۇنيە ءجۇزىن بىرگە قۇرىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتەيىك.
ديڭ شۋەشياڭ، ليۋ حى، ساي چي، ۋاڭ ي، حى ليفىڭ قاتارلىلار اشىلۋ سالتىنا قاتىناستى.
2 - كەزەكتى بىرلەسكەن مەملەكەتتەر ۇيىمىنىڭ الەمدىك باياندى قاتىناس جينالىسى 10 - ايدىڭ 14 - كۇنىنەن 16 - كۇنىنە دەيىن ينتەرنەت جەلىسى جانە ينتەرنەت جەلىسىنەن تىس ۇشتاسقان تاسىلمەن بەيجيڭدە وتكىزىلەدى. رەسەيدىڭ زۇڭتۇڭى پۋتين، تۇركمەنستاننىڭ زۇڭتۇڭى بەردىمۇحامەتوۆ، ەفيوپيانىڭ زۇڭتۇڭى ساحل ۋورك، پانامانىڭ زۇڭتۇڭى كورتيزو، نيدەرلاندتىڭ باس ءۋازىرى رۋتە، بىرلەسكەن مەملەكەتتەر ۇيىمىنىڭ باس حاتشىسى گۋتەرەس قاتارلىلار ۇسىنىس بويىنشا بەينە ەكران تاسىلىمەن ارناۋ ءسوز سويلەدى. 171 مەملەكەتتىڭ ۋاكىلدەرى اشىلۋ سالتىنا قاتىناستى.
