تيانشان تورى   ›   جاڭالىقتار   ›   ماڭىزدى حابارلار

حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جالپى بارىستىق حالىق دەموكراتياسىن ۇزدىكسىز دامىتۋ كەرەك

شي جينپيڭ ورتالىقتىڭ حالىق قۇرىلتايى قىزمەتى ماجىلىسىندە ماڭىزدى ءسوز سويلەپ، بىلاي دەپ باسا دارىپتەدى

حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جالپى بارىستىق حالىق دەموكراتياسىن ۇزدىكسىز دامىتۋ كەرەك

لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى، لي جانشۋ ءسوز سويلەدى

  10 - ايدىڭ 13 - كۇنىنەن 14 - كۇنىنە دەيىن، ورتالىقتىڭ حالىق قۇرىلتايى قىزمەتى ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شينحۋا اگەنتتىگىنىڭ 10 - ايدىڭ 14 - كۇنى بەيجيڭنەن بەرگەن حابارى. ورتالىقتىڭ حالىق قۇرىلتايى قىزمەتى ءماجىلىسى 10 - ايدىڭ 13 - كۇنىنەن 14 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: حالىق قۇرىلتايى ءتۇزىمى ەلىمىزدىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن جاقسى ءتۇزىم، پارتيامىزدىڭ حالىققا باسشىلىق ەتىپ ادامزاتتىڭ ساياسي ءتۇزىم تاريحىندا جاراتقان ۇلى جاسامپازدىعى، ەلىمىز ساياسيىنىڭ دامۋ تاريحىنداعى، ءتىپتى، دۇنيە ءجۇزى ساياسيىنىڭ دامۋ تاريحىنداعى كەلەلى مانگە يە شىت جاڭا ساياسي ءتۇزىم. ءبىز جۇڭگوشا سوتسياليستىك ساياسيدىڭ دامۋ جولىنا تاباندى بولىپ، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، جالپى بارىستىق حالىق دەموكراتياسىن ۇزدىكسىز دامىتىپ، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋىمىز جانە دامىتۋىمىز كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ قورىتىندى ءسوز سويلەدى.

  شي جينپيڭ سوزىندە بىلاي دەپ اتاپ كورسەتتى: حالىق قۇرىلتايى ءتۇزىمى − جۇڭگو كوممۋنيستىك پارتياسىنىڭ باسشىلىعىنا تاباندى بولۋداعى، ماركسيزمدىك مەملەكەت ىلىمىنە تاباندى بولۋداعى نەگىزگى پرينسيپ، حالىق دەموكراتياسى ديكتاتۋراسىندىق مەملەكەت جۇيەسىنە ۇيلەسىپ، مەملەكەتتىڭ سوتسياليزم جولىمەن العا باسۋىنا ءونىمدى كەپىلدىك ەتتى. حالىق قۇرىلتايى ءتۇزىمى مەملەكەتتىڭ بارلىق بيلىگى حالىققا ءتان بولۋىنا تاباندى بولىپ، حالىقتىڭ قوجايىن بولۋىن ەڭ جوعارى شەكتە قامتاماسىز ەتىپ، پارتيانىڭ باسشىلىعىن، حالىقتىڭ قوجايىن بولۋىن، مەملەكەتتى زاڭ بويىنشا جونگە سالۋدى ورگانيكالى ۇشتاستىرىپ، مەملەكەتتى جونگە سالۋدىڭ تىنىشتىق - بىلىقپالىق، گۇلدەنۋ - قۇلدىراۋ سىندى تاريحي پەريودتىلىعىنان شىعۋىنا ءونىمدى كەپىلدىك ەتتى. 60 نەشە جىلدان بەرى، اسىرەسە، رەفورما جاساعان، ەسىك اشقان 40 نەشە جىلدان بەرى حالىق قۇرىلتايى ءتۇزىمى پارتيانىڭ حالىققا باسشىلىق ەتىپ ەكونوميكانى تەز قارقىنمەن دامىتۋداي كەرەمەتتى جانە قوعامنىڭ ۇزاق ۋاقىت ورنىقتى بولۋىنداي كەرەمەتتى جاراتۋىنا ماڭىزدى تۇزىمدىك قامتاماسىزدىق ازىرلەدى.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، پارتيانىڭ باسشىلىعىنا تاباندى بولۋ مەن ونى كەمەلدەندىرۋدىڭ، جۇڭگوشا سوتسياليستىك ءتۇزىمدى بەكەمدەۋدىڭ ستراتەگيالىق جالپى جاعدايىن شىعار ءتۇيىن ەتىپ، حالىق قۇرىلتايى ءتۇزىمىنىڭ نازاريالىق جانە امالياتتىق جاسامپازدىعىن ۇزدىكسىز ىلگەرىلەتىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا تالاپتاردى ورتاعا قويدى، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەكتىگىن، ءسوز جوق، حالىقتىڭ قوجايىن بولۋىن ءتۇزىم جۇيەسىمەن قامتاماسىز ەتۋگە تاباندى بولۋ كەرەكتىگىن، ءسوز جوق، مەملەكەتتى جاپپاي زاڭ بويىنشا جونگە سالۋعا تاباندى بولۋ كەرەكتىگىن، ءسوز جوق، دەموكراتيالىق ورتالىقتاندىرۋ تۇزىمىنە تاباندى بولۋ كەرەكتىگىن، ءسوز جوق، جۇڭگوشا سوتسياليستىك ساياسيدىڭ دامۋ جولىنا تاباندى بولۋ كەرەكتىگىن، ءسوز جوق، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە تاباندى بولۋ كەرەكتىگىن باسا دارىپتەدى.

  شي جينپيڭ بىلاي دەپ اتاپ كورسەتتى: قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، تۇزىمدىك باسەكە جالپىلىق مەملەكەت قۋاتى باسەكەسىنىڭ ماڭىزدى جاعى، ءتۇزىم ابزالدىلىعى ءبىر مەملەكەتتىڭ ستراتەگيالىق ىرىقتىلىقتى قولعا كەلتىرۋىندەگى ماڭىزدى ابزالدىلىق. تاريح پەن رەالدىق ءتۇزىم ورنىقتى بولسا، مەملەكەت ورنىقتى بولاتىندىعىن، ءتۇزىم كۇشەيسە، مەملەكەت كۇشەيەتىندىگىن كورسەتتى. ءبىز حالىق قۇرىلتايى تۇزىمىنە تيتتەي دە مىزعىماستان تاباندى بولىپ، داۋىرمەن بىرگە ىلگەرىلەي كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتۋىمىز جانە جاقسارتۋىمىز كەرەك.

  شي جينپيڭ بىلاي دەپ باسا دارىپتەدى: نەگىزگى زاڭدى جاپپاي دايەكتى اتقارىپ، نەگىزگى زاڭنىڭ بەدەلى مەن ابىرويىن قورعاۋ كەرەك. مەملەكەتتىك حالىق قۇرىلتايى مەن ونىڭ تۇراقتى كوميتەتى نەگىزگى زاڭعا قاتىستى زاڭدىق تۇزىمدەردى كەمەلدەندىرىپ، نەگىزگى زاڭ تۇراقتاندىرعان ءتۇزىم، پرينسيپ، ەرەجەلەردىڭ جاپپاي اتقارىلۋىنا كەپىلدىك ەتۋ كەرەك، نەگىزگى زاڭنىڭ، زاڭداردىڭ اتقارىلۋ جاعدايىن باقىلاۋدى، تەكسەرۋدى كۇشەيتۋ كەرەك. جەرگىلىكتى ءار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرى قىزمەت ۇقىعىن زاڭ بويىنشا جۇرگىزىپ، نەگىزگى زاڭنىڭ، زاڭداردىڭ ءوز اكىمشىلىك وڭىرىندە بويسۇنۋعا يە بولۋىنا جانە اتقارىلۋىنا كەپىلدىك ەتىپ، مەملەكەتتى زاڭمەن جونگە سالۋدىڭ ءبىر تۇتاستىعىن سانالى قورعاۋ كەرەك.

  شي جينپيڭ بىلاي دەپ اتاپ كورسەتتى: جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، شەبەرلىكپەن جونگە سالۋدى دامىتۋدى، قامتاماسىز ەتۋدى تاماشا زاڭ ارقىلى جەبەۋ كەرەك. پارتيانىڭ زاڭ شىعارۋ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، رەفورما، دامۋ جونىندەگى شەشىمدەردى زاڭ شىعارۋ شەشىمىمەن ءتىپتى جاقسى ۇشتاستىرىپ، ەل ىشىندەگى زاڭمەن جونگە سالۋ مەن شەتەلگە قاتىستى زاڭمەن جونگە سالۋدى ءبىر تۇتاس جوسپارلاپ ىلگەرىلەتىپ، زاڭ شىعارۋدى، زاڭعا وزگەرىس ەنگىزۋدى، زاڭدى كۇشىنەن قالدىرۋدى، زاڭ ءتۇسىندىرۋدى، زاڭ قۇراستىرۋدى ءبىر تۇتاس جوسپارلاپ، ءتۇيىندى سالالارداعى، جاڭادان گۇلدەنگەن سالالارداعى، شەتەلگە ساياتىن سالالارداعى زاڭ شىعارۋدى كۇشەيتۋ كەرەك. حالىق قۇرىلتايى مەن ونىڭ تۇراقتى كوميتەتىنىڭ زاڭ شىعارۋ قىزمەتىندەگى جەتەكشى رولىن ويداعىداي ساۋلەلەندىرىپ، عىلمي جولمەن زاڭ شىعارۋدى، دەموكراتيالىق جولمەن زاڭ شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتۋ كەرەك.

  شي جينپيڭ بىلاي دەپ باسا دارىپتەدى: نەگىزگى زاڭنىڭ حالىق قۇرىلتايىنا بەرگەن باقىلاۋ ۇقىعىنان ويداعىداي پايدالانىپ، دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ جۇرگىزۋ كەرەك. ءار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرى نازاردى پارتيا ورتالىق كوميتەتىنىڭ كەلەلى شەشىمدەرىنە، ورنالاستىرۋلارىنا شوعىرلاندىرىپ، نازاردى حالىق بۇقاراسىنىڭ ويلاعانىنا، كۇتكەنىنە، ءۇمىت ەتكەنىنە شوعىرلاندىرىپ، ەكونوميكالىق، قوعامدىق دامۋعا تۇساۋ بولاتىن كورنەكتى قايشىلىقتار مەن ماسەلەلەردى شەشۋدى ىلگەرىلەتۋ كەرەك. زاڭداردىڭ، زاڭ ەرەجەلەردىڭ اتقارىلۋ جاعدايىن باقىلاۋدى كۇشەيتىپ، حالىق قۇرىلتايىنىڭ باقىلاۋ ءتۇزىمىن كەمەلدەندىرۋ كەرەك. ءار دارەجەلى ۇكىمەت، باقىلاۋ - تەكسەرۋ كوميتەتى، حالىق سوتى مەكەمەسى، حالىق پروكۋراتۋراسى، حالىق قۇرىلتايى مەن ونىڭ تۇراقتى كوميتەتى جاساعان زاڭداردى، زاڭ ەرەجەلەردى جانە شىعارعان قاۋلىلاردى، قارارلاردى قاتاڭ اتقارۋ، زاڭ بويىنشا قىزمەتتەن مالىمەت بەرۋ، حالىق قۇرىلتايىنىڭ باقىلاۋىن سانالى تۇردە قابىلداۋ كەرەك.

  شي جينپيڭ بىلاي دەپ اتاپ كورسەتتى: حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ ۇنىنە جاۋاپ قاتۋدى ورىنداۋ كەرەك. حالىق قۇرىلتايى ۋاكىلدەرىنىڭ حالىق بۇقاراسىمەن بايلانىس جاساۋىنىڭ مازمۇنى مەن فورماسىن بايىتىپ، حالىقپەن اناعۇرلىم ويداعىداي ەتەنە بولۋ، حالىقتىڭ جاعدايىن ۇعىسۋ، حالىقتىڭ اقىل - پاراساتىن شوعىرلاندىرۋ، حالىق تۇرمىسىنا تيىمدىلىك جەتكىزۋ كەرەك. ءار دارەجەلى حالىق قۇرىلتايى تۇراقتى كوميتەتتەرى ۋاكىلدەر قىزمەتى قابىلەتى قۇرىلىسىن كۇشەيتىپ، ۋاكىلدەردىڭ مىندەتىن اناعۇرلىم ويداعىداي زاڭ بويىنشا وتەۋىنە قولداۋ كورسەتۋى جانە قامتاماسىز ەتۋى كەرەك. حالىق قۇرىلتايى ۋاكىلدەرى حالىق جۇكتەگەن داڭقتى قىزمەت جاۋاپكەرشىلىگىن ارقالاۋدا ساياسي تۇرعىدان تاپجىلماي، ساياسي جاۋاپكەرشىلىكتى اتقارىپ، حالىق بۇقاراسىمەن بايلانىستى نىعايتىپ، جاڭا داۋىردەگى حالىق قۇرىلتايى ۋاكىلدەرىنىڭ كەلبەتىن ايگىلەۋى كەرەك.

  شي جينپيڭ بىلاي دەپ باسا دارىپتەدى: ساياسي ورگان تانىمىن كۇشەيتىپ، حالىق قۇرىلتايىنىڭ ءوز قۇرىلىسىن كۇشەيتۋ كەرەك. ءار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرى ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ءوز قۇرىلىسىن جاپپاي كۇشەيتىپ، جۇڭگو كوممۋنيستىك پارتياسىنىڭ باسشىلىعىنا سانالى تۇردە تاباندى بولاتىن ساياسي ورگانعا، حالىقتىڭ قوجايىن بولۋىنا كەپىلدىك ەتەتىن مەملەكەتتىڭ بيلىك ورگانىنا، نەگىزگى زاڭ، زاڭدار جۇكتەگەن ءتۇرلى قىزمەت جاۋاپكەرشىلىكتەرىن جاپپاي ارقالايتىن قىزمەت ورگانىنا، باستان - اياق حالىق بۇقاراسىمەن تىعىز بايلانىستى ساقتايتىن ۋاكىلدىك ورگانعا اينالۋ كەرەك.

  شي جينپيڭ بىلاي دەپ اتاپ كورسەتتى: پارتيانىڭ حالىق قۇرىلتايى قىزمەتىنە جالپى بەتتىك باسشىلىعىن كۇشەيتۋ كەرەك. ءار دارەجەلى پارتكومدار حالىق قۇرىلتايى قىزمەتىن ماڭىزدى ورىنعا قويىپ، پارتيانىڭ حالىق قۇرىلتايى قىزمەتىنە باسشىلىق ەتۋ ءتۇزىمىن كەمەلدەندىرىپ، حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ قىزمەت مالىمەتىن مەرزىم بويىنشا تىڭداپ، حالىق قۇرىلتايى قىزمەتىندەگى ەلەۋلى ماسەلەلەردى اقىلداسىپ شەشۋ كەرەك. حالىق قۇرىلتايى مەن ونىڭ تۇراقتى كوميتەتىنىڭ قىزمەت ۇقىعىن زاڭ بويىنشا جۇرگىزۋىنە، قىزمەت ورىستەتۋىنە قولداۋ كورسەتىپ، ۇكىمەتتىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ حالىق قۇرىلتايىنىڭ باقىلاۋىن سانالى تۇردە قابىلداۋىنا جەتەكشىلىك ەتۋ جانە قۋزاۋ كەرەك. ءار دارەجەلى حالىق قۇرىلتايلارى تۇراقتى كوميتەتتەرىنىڭ پارتيا باسشىلىق گرۋپپالارى پارتيا باسشىلىعىنىڭ ءتۇرلى تۇزىمدەرىن مۇقيات اتقارىپ، پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن ويداعىداي تياناقتاندىرۋ كەرەك.

  شي جينپيڭ بىلاي دەپ باسا دارىپتەدى: دەموكراتيا − تۇتاس ادامزاتتىڭ ورتاق قۇندىلىعى، جۇڭگو كوممۋنيستىك پارتياسى مەن جۇڭگو حالقىنىڭ باستان - اياق مىزعىماي تاباندى بولاتىن ماڭىزدى ۇستانىمى. ءبىر مەملەكەتتىڭ ساياسي ءتۇزىمىنىڭ دەموكراتيالى، ءونىمدى بولعان - بولماعاندىعىنا باعا بەرۋدە، باستىسى، مەملەكەتتىڭ باسشىلىق جىگىنىڭ زاڭ بويىنشا ءتارتىپتى تۇردە اۋىسقان - اۋىسپاعاندىعىنا، بۇكىل حالىقتىڭ مەملەكەت ىستەرى مەن قوعامدىق ىستەردى زاڭ بويىنشا باسقارعان - باسقارماعانىنا، شارۋاشىلىق جانە مادەنيەت ىستەرىن زاڭ بويىنشا باسقارعان - باسقارماعانىنا، حالىق بۇقاراسىنىڭ مۇددە - تالاپتارىن ىركىلىسسىز بەينەلەي العان - الماعانىنا، قوعامداعى ءار جاقتىڭ مەملەكەتتىڭ ساياسي ومىرىنە ءونىمدى تۇردە قاتىناسقان - قاتىناسپاعانىنا، مەملەكەتتىڭ شەشىمىنىڭ عىلميلانۋدى، دەموكراتيالانۋدى جۇزەگە اسىرعان - اسىرماعانىنا، ءار جاقتاعى دارىندىلاردىڭ مەملەكەتتىڭ باسشىلىق جانە باسقارۋ جۇيەسىنە ءادىل باسەكە ارقىلى كىرگەن - كىرمەگەنىنە، بيلىك باسىنداعى پارتيانىڭ نەگىزگى زاڭ مەن زاڭدارداعى بەلگىلەمەلەرگە ساي مەملەكەت ىستەرىنە باسشىلىق ەتكەن - ەتپەگەنىنە، ۇقىقتى جۇرگىزۋدىڭ ءونىمدى تۇردە تەجەلگەن - تەجەلمەگەنىنە جانە باقىلانعان - باقىلانباعانىنا قاراۋ كەرەك.

  شي جينپيڭ بىلاي دەپ اتاپ كورسەتتى: دەموكراتيا اشەكەي بۇيىم ەمەس، ونى ءتىزىپ قويۋعا ەمەس، قايتا ونى حالىق شەشۋدى قاجەت ەتىپ وتىرعان ماسەلەلەردى شەشۋگە پايدالانۋ كەرەك. ءبىر مەملەكەتتىڭ دەموكراتيالى بولعان - بولماعانىنىڭ تەتىگى حالىقتىڭ قوجايىن بولۋىنىڭ شىن مانىندە ىستەلگەن - ىستەلمەگەندىگىندە، مۇندا حالىقتا داۋىس بەرۋ ۇقىعى بار - جوقتىعىنا قاراۋ، ونان دا ماڭىزدىسى، حالىقتىڭ جاپپاي ات سالىسۋ ۇقىعى بار - جوقتىعىنا قاراۋ؛ حالىقتىڭ سايلاۋ بارىسىندا قانداي اۋىزشا ۋادە العاندىعىنا قاراۋ، ونان دا ماڭىزدىسى، سايلاۋدان كەيىن وسى ۋادەلەردىڭ قانشالىقتى جۇزەگە اسقاندىعىنا قاراۋ؛ تۇزىمدەر مەن زاڭدار قانداي ساياسي تارتىپتەر مەن ساياسي قاعيدالاردى بەلگىلەگەندىگىنە قاراۋ، ونان دا ماڭىزدىسى، وسى تۇزىمدەر مەن زاڭداردىڭ شىن مانىندە اتقارىلعان - اتقارىلماعانىنا قاراۋ؛ بيلىكتىڭ جۇرگىزىلۋ قاعيداسى مەن ءتارتىبىنىڭ دەموكراتيالى بولعان - بولماعاندىعىنا قاراۋ، ونان دا ماڭىزدىسى، بيلىكتىڭ شىن مانىندە حالىقتىڭ باقىلاۋى مەن تەجەۋىندە بولعان - بولماعاندىعىنا قاراۋ كەرەك. ەگەر حالىق تەك داۋىس بەرەتىن كەزدە عانا وياتىلىپ، داۋىس بەرگەننەن كەيىن ۇيقىعا كەتسە، سايلاۋدا عانا ماقتاپ ايتىلعان ۇرانداردى كوڭىل قويا تىڭداپ، سايلاۋدان كەيىن ەشقانداي ءسوز سويلەۋ ۇقىعى بولماسا، داۋىس جيناعاندا عانا قادىرلەنىپ، سايلاۋدان كەيىن ەسكەرۋسىز قالدىرىلسا، مۇنداي دەموكراتيا ناعىز دەموكراتيا بولمايدى.

  شي جينپيڭ بىلاي دەپ باسا دارىپتەدى: دەموكراتيا از ساندى ەلدىڭ پاتەنتى ەمەس، ءار ەل حالقىنىڭ ۇقىق - مۇددەسى. ءبىر ەلدىڭ دەموكراتيالى بولعان - بولماعاندىعىنا سىرتتاعى از ساندى ادام عانا بىلگىرسىپ باعا بەرمەي، قايتا وسى ەلدىڭ حالقى تورەلىك ايتۋى كەرەك. حالىقارالىق قوعامداعى قايسى ءبىر ەلدىڭ دەموكراتيالى بولعان - بولماعاندىعىنا وزىنىكىن ءجون سانايتىن از ساندى ەلدەر باعا بەرمەي، حالىقارالىق قوعام بىرگە تورەلىك ايتۋى كەرەك. دەموكراتيانى جۇزەگە اسىرۋدىڭ كوپتەگەن ءادىسى بار، بارلىعى بىردەي بولۋى مۇمكىن ەمەس. دۇنيە جۇزىندەگى الۋان ءتۇرلى ساياسي تۇزىمدەردى ءبىرىڭعاي ولشەممەن ولشەپ، ادامزاتتىڭ الۋان رەڭدى ساياسي وركەنيەتىنە جاداعاي نازارمەن قاراۋدىڭ ءوزى دەموكراتياعا جاتپايدى.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى ءبىز دەموكراتيالىق ساياسيدىڭ دامۋ زاڭدىلىعى جونىندەگى تانىمدى تەرەڭدەتىپ، جالپى بارىستىق حالىق دەموكراتياسى سىندى كەلەلى ۇستانىمدى العا قويدىق. ەلىمىزدىڭ جالپى بارىستىق حالىق دەموكراتياسىنىڭ كەمەلدى تۇزىمدىك ءتارتىبى عانا ەمەس، كەمەلدى ات سالىسۋ امالياتى دا بار. ەلىمىزدىڭ جالپى بارىستىق حالىق دەموكراتياسى بارىستىق دەموكراتيا مەن جەتىستىك دەموكراتيانىڭ، تارتىپتىك دەموكراتيا مەن ماندىك دەموكراتيانىڭ، تىكە دەموكراتيا مەن جاناما دەموكراتيانىڭ، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى، ول جالپى تىزبەكتى، جان - جاقتى، تولىق قامتىمدى دەموكراتيا، ەڭ كەڭ كولەمدى، ەڭ شىنايى، ەڭ جارامدى سوتسياليستىك دەموكراتيا بولىپ تابىلادى. ءبىز جالپى بارىستىق حالىق دەموكراتياسى قۇرىلىسىن ۇزدىكسىز ىلگەرىلەتىپ، حالىقتىڭ قوجايىن بولۋىن پارتيانىڭ ەل باسقارۋداعى ساياسات - شارالارىندا ناقتى، رەال تۇردە ايگىلەۋىمىز، پارتيا مەن مەملەكەت ورگاندارىنىڭ ءار جاعىنداعى، ءار ساتىسىنداعى قىزمەتتەرىندە ناقتى، رەال تۇردە ايگىلەۋىمىز، حالىقتىڭ تاماشا تۇرمىسقا تالپىنىسىن جۇزەگە اسىرۋ قىزمەتتەرىندە ناقتى، رەال تۇردە ايگىلەۋىمىز كەرەك.

  شي جينپيڭ بىلاي دەپ باسا دارىپتەدى: حالىق قۇرىلتايى ءتۇزىمى ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەر. پارتيانىڭ باسشىلىعىندا حالىقتىڭ تارتىپپەن ساياسيعا ات سالىسۋىن ۇزدىكسىز كەڭەيتىپ، ادامدىق ۇقىقتىڭ زاڭمەن جونگە سالۋ ارقىلى قامتاماسىز ەتىلۋىن كۇشەيتىپ، حالىقتىڭ زاڭ بويىنشا كەڭ كولەمدى ۇقىق - مۇددە مەن ەركىندىكتەن يگىلىكتەنۋىنە كەپىلدىك ەتۋ كەرەك. حالىقتىڭ زاڭ بويىنشا سايلاۋ ۇقىق - مۇددەسىن جۇرگىزۋىنە كەپىلدىك ەتىپ، حالىق قۇرىلتايى ۋاكىلدەرىن دەموكراتيالىق جولمەن سايلاپ شىعىپ، حالىقتىڭ جاعدايدى ءبىلۋ ۇقىعىن، ات سالىسۋ ۇقىعىن، پىكىر ءبىلدىرۋ ۇقىعىن، باقىلاۋ ۇقىعىن حالىق قۇرىلتايى قىزمەتىنىڭ ءار جاعىنىڭ، ءار بۋىنىنىڭ جالپى بارىسىندا تياناقتاندىرۋعا كەپىلدىك ەتىپ، پارتيا مەن مەملەكەتتىڭ شەشىم جاساۋدى، اتقارۋدى، باقىلاۋدى تياناقتاندىرۋدىڭ بارلىق بۋىنىندا حالىقتىڭ ءۇنىن ەستي الۋىنا شىنايى كەپىلدىك ەتۋ كەرەك. حالىق قۇرىلتايىنىڭ دەموكراتيانى، حالىق رايىن بەينەلەۋ تۇعىرى مەن دانەكەرىن كەمەلدەندىرىپ، حالىق رايىن قابىلدايتىن، حالىق اقىل - پاراساتىن توپتايتىن قىزمەت مەحانيزمىن اقاۋسىزداندىرىپ، حالىق قۇرىلتايىندا اقىلداسۋدى، زاڭ شىعارۋدا اقىلداسۋدى ىلگەرىلەتىپ، ءارقايسى جاقتاعى قوعام جاعدايى مەن حالىق رايىن ەڭ كەڭ حالىقتىڭ ءتۇبىرلى مۇددەسىمەن بىرلىككە كەلتىرۋ كەرەك.

  لي جانشۋ باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى توڭىرەكتەي وتىرىپ قورىتىندى ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ سىندى ستراتەگيالىق بيىكتەن جاڭا داۋىردە حالىق قۇرىلتايى قىزمەتىن كۇشەيتۋ مەن جاقسارتۋدىڭ جەتەكشى يدەياسى، كەلەلى پرينسيبى جانە باستى قىزمەتى ايقىن العا قويىلىپ، جاڭا داۋىردە جۇڭگوشا سوتسياليستىك دەموكراتيالىق ساياسيدى دامىتۋدىڭ، حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرىنە تەرەڭدەي جاۋاپ بەرىلدى. ءسوز جۇڭگوشا سوتسياليستىك دەموكراتيالىق ساياسي مەن حالىق قۇرىلتايى ءتۇزىمىنىڭ ساياسي ءمانىن، نازاريالىق ءمانىن، امالياتتىق ءمانىن بايىتتى جانە كەڭەيتتى، ول ماركسيزمدىك اقيقات كۇشىنە باي تۇعىرنامالىق حۇجات.

  لي جانشۋ بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ رۋحىن جاپپاي، مۇقيات دايەكتىلەندىرىپ، تياناقتاندىرىپ، پارتيانىڭ باسشىلىعىنا تاباندى بولۋ سىندى ەڭ جوعارى ساياسي پرينسيپتى تۋى ايقىن تۇردە، بۇلجىماستان دايەكتىلەندىرىپ، تياناقتاندىرىپ، حالىق قۇرىلتايى قىزمەتتەرىنىڭ تۇگەلدەي پارتيانىڭ باسشىلىعىندا جۇرگىزىلۋىنە شىنايى كەپىلدىك ەتۋ؛ ساياسيداعى سەرگەكتىك پەن تاباندىلىقتى ساقتاپ، جۇڭگوشا سوتسياليستىك ساياسي دامۋ جولى سىندى ءتۇبىرلى بەتالىسقا باستان - اياق تاباندى بولۋ؛ حالىق دەموكراتياسى تۋىن بيىك ۇستاپ، حالىق قۇرىلتايى ءتۇزىمىنىڭ ەلىمىزدىڭ جالپى بارىستىق حالىق دەموكراتياسىن جۇزەگە اسىراتىن ماڭىزدى تۇزىمدىك دانەكەرلىك رولىن ويداعىداي ساۋلەلەندىرۋ؛ حالىق قۇرىلتايى قىزمەتىن پارتيا مەن حالىق قىزمەتىنىڭ كەلەلى جاعدايىن ارقاۋ ەتە ورىستەتىپ، پارتيا مەن مەملەكەت قىزمەتىنىڭ ءتۇيىنى قايدا بولسا، حالىق قۇرىلتايى قىزمەتىن سول جەرگە دەيىن جەتكىزۋدى، كۇشتى سول جەرگە دەيىن توپتاۋدى، رولىن سول جەرگە دەيىن ساۋلەلەندىرۋدى شىن مانىندە ورىنداۋ؛ حالىق قۇرىلتايى ۋاكىلدەرى قىزمەتىن شىن مانىندە ويداعىداي ىستەپ، ءار دارەجەلى حالىق قۇرىلتايى ۋاكىلدەرىنىڭ رولىن ساۋلەلەندىرۋدى حالىقتىڭ قوجايىن بولۋىنىڭ ماڭىزدى بەينەسىنە اينالدىرۋ كەرەك. حالىق قۇرىلتايى قىزمەتىنىڭ جوعارى ساپالى دامۋىن كۇش سالا ىلگەرىلەتىپ، حالىق قۇرىلتايى ءتۇزىمىنىڭ ابزالدىلىعىن مەملەكەتتى جونگە سالۋ ونىمدىلىگىنە ءتىپتى جاقسى اينالدىرۋ كەرەك. حالىق قۇرىلتايىنىڭ ءوز قۇرىلىسىن جاپپاي كۇشەيتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتى الاڭسىز بولاتىن، حالىق بۇقاراسى ريزا بولاتىن ساياسي ورگان، مەملەكەتتىڭ بيلىك ورگانى، قىزمەت ورگانى، ۋاكىلدىك ورگانى ەتىپ قۇلشىنا تۇلعالاۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، ت. ب ماجىلىسكە قاتىناستى.

  ءارقايسى ولكە، اۆتونوميالى رايون، توتە قاراستى قالا پارتكومدارىنىڭ شۋجيلەرى جانە حالىق قۇرىلتايى تۇراقتى كوميتەتتەرىندەگى جاۋاپتى جولداستار، ورىنباسار ولكە دارەجەلى قالالاردىڭ حالىق قۇرىلتايى تۇراقتى كوميتەتتەرىنىڭ مەڭگەرۋشىلەرى، ورتالىق پەن مەملەكەت ورگاندارىنىڭ ءارقايسى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى نەگىزگى جاۋاپتى جولداستار، مەملەكەتتىك حالىق قۇرىلتايى تۇراقتى كوميتەتى مەن ءارقايسى ارناۋلى كوميتەتتەرىندەگى، تۇراقتى كوميتەتتىڭ قىزمەت كوميتەتتەرىندەگى قاتىستى جاۋاپتى جولداستار، ت. ب ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.