تيانشان تورى   ›   جاڭالىقتار   ›   شينجياڭ حابارلارى

”گەرمانيا جۇرتشىلىعىنا شينجياڭنىڭ ناقتى ءۇنىن جەتكىزەمىز“

شينجياڭ گەرمانياداعى شينجياڭدىق چياۋمين باۋىرلاستاردىڭ جانە گەرمانيادا وقىپ جاتقان وقۋشىلار ۋاكىلدەرىمەن بەينە ەكران اۋىس - كۇيىس ءماجىلىسىن وتكىزدى

”گەرمانيا جۇرتشىلىعىنا شينجياڭنىڭ ناقتى ءۇنىن جەتكىزەمىز“

  انار بۇلت / شينجياڭ گازەتىنىڭ ءتىلشىسى جىڭ جو 10 - ايدىڭ 15 - كۇنى ۇرىمجىدەن حابارلايدى. 10 - ايدىڭ 15 - كۇنى گەرمانياداعى شينجياڭدىق چياۋمين باۋىرلاستاردىڭ جانە گەرمانيادا وقىپ جاتقان وقۋشىلار ۋاكىلدەرىنىڭ بەينە ەكران اۋىس - كۇيىس ءماجىلىسى ۇرىمجىدە اشىلدى.

     بۇل رەتكى بەينە ەكران اۋىس - كۇيىس ءماجىلىسىن شينجياڭ سىرتپەن بىرلەسكەن دوستىق قوعامى مەن جۇڭگونىڭ گەرمانيادا تۇراتىن باس ەلشىحاناسى بىرگە وتكىزدى، اۆتونوميالى رايوننىڭ ورىنباسار ءتوراعاسى ماڭلىك سەيىت جانە جۇڭگونىڭ گەرمانيادا تۇراتىن باس ەلشىسى ۋ كىن ماجىلىسكە قاتىناستى ءارى ارقاۋ ءسوز سويلەدى. گەرمانيانىڭ بەرلين، ميۋنحەن سياقتى جەرلەرىندەگى شينجياڭدىق چياۋمين باۋىرلاستار مەن گەرمانيادا وقىپ جاتقان وقۋشىلاردىڭ ۋاكىلدەرى اۋىس - كۇيىس ماجىلىسىندە وتانعا، مەكەنگە جانە تۋعان - تۋىستارىنا دەگەن ساعىنىشتى كوڭىل كۇيلەرى مەن تاماشا تىلەكتەرىن ءبىلدىردى.

  ماڭلىك سەيىت سوزىندە مىنالاردى ءبىلدىردى: ۇزاق تاريحي بارىستا، شينجياڭداعى ءار ۇلت حالقى قۋانىش - جۇبانىشتا بىرگە بولىپ، ءبىر - بىرىمەن بىتە قايناسقان، ءبىر − بىرىنەن ايرىلا المايتىن تاعدىرلاس ورتاق تۇلعا قالىپتاستىردى. جۋىق جىلداردان بەرى امەريكاداعى، باتىستاعى بوگدە نيەتتى ادامدار شينجياڭداعى ءار ۇلت حالقىنىڭ تاماشا تۇرمىس وتكىزىپ جاتقان شىندىعىن ەلەڭ قۇرلى كورمەي، شينجياڭعا ساياتىن ءتۇرلى وسەك - اياڭ تاراتتى. گەرمانياداعى شينجياڭدىق چياۋمين باۋىرلاستار مەن گەرمانيادا وقىپ جاتقان وقۋشىلاردىڭ كوپىرلىك، دانەكەرلىك رولدارىن ساۋلەلەندىرىپ، شەتەل جۇرتشىلىعىنىڭ شينجياڭدى تۇسىنۋىنە، شينجياڭدى تانۋىنا، شينجياڭدى قولداۋىنا مۇمكىندىك جاساۋىن، شىن كوڭىلىمەن كوپشىلىكتىڭ ۇنەمى اۋىلعا قايتىپ ارالاپ، كورۋىن، شينجياڭنىڭ ورنىقتىلىعىنىڭ، دامۋىنىڭ تاماشا ورايىنان ورتاق يگىلىكتەنۋىن ءۇمىت ەتەمىز.

  باس ەلشى ۋ كىن ءسوز سويلەگەندە بىلاي دەدى: گەرمانياداعى ءىشىنارا ساياسي الاياقتار، ايتىلمىس وقىمستىلار جانە ءىشىنارا اقپارات قۇرالدارى شينجياڭ جونىندە وسەك - اياڭ جانە جالعان ينفورماتسيالاردى بارىنشا قاساقانا جاساپ جانە تاراتىپ، جۇرتشىلىقتى الداماق جانە الجاستىرماق بولدى. شينجياڭنىڭ دامۋى جاقسى ما − جوق، شينجياڭداعى حالىق باقىتتى ما − جوق دەگەنگە شينجياڭداعى ءار ۇلت حالقى ەڭ سويلەۋ ۇقىعىنا يە. شينجياڭدىق چياۋمين باۋىرلاستار مەن گەرمانيادا وقىپ جاتقان وقۋشىلاردىڭ جۇڭگو - گەرمانيا دوستىق اۋىس - كۇيىسىنىڭ ەلشىسى بولىپ، ءوز كەشىرمەلەرى ارقىلى گەرمانيا جۇرتشىلىعىنا ناقتى شينجياڭدى ايگىلەۋىن ءۇمىت ەتەمىن.

  بەينە ەكران اۋىس - كۇيىس ماجىلىسىندە گەرمانياداعى شينجياڭدىق چياۋمين باۋىرلاستار مەن گەرمانيادا وقىپ جاتقان وقۋشىلاردىڭ ۋاكىلدەرى بەلسەنە ءسوز سويلەپ، شەتەلدەگى قىزمەت، ۇيرەنۋ، تۇرمىس جاعدايلارىن تانىستىردى، شينجياڭداعى چياۋجۋاندار شەتەلدەگى تۋىستارىنا پارتيانىڭ حالىققا تيىمدىلىك جاساۋ ساياساتىن جانە مەكەندەگى قۋانارلىق وزگەرىستەردى تانىستىردى.

  ”وتانىمنان كەلگەن ’سالاماتتىق سومكەسىن‘ الىپ، ’وتان ماڭگى سەنىڭ قاسىڭدا‘ دەگەن جازۋدى كورگەنىمدە، ماقتانىش سەزىمىم تاسقىنداي ءتۇستى“. گەرمانيادا وقىپ جاتقان داۋرەن ءدىلمۇرات تەبىرەنە بىلاي دەدى: شەتەلدە جۇرگەنىمدە ”وتان − پارمەندى ارتقى تىرەگىڭ“ دەگەن ءسوزدىڭ تەرەڭ ءمانىن شىنايى سەزىندىم، جۇڭگولىق بولعانىما ماقتانامىن، ماقتانىش سەزىنەمىن. ”شينجياڭدا تۋىپ - وسكەن ازامات رەتىندە، مەن گەرمانيا جۇرتشىلىعىنا شينجياڭ حيكاياسىن جاقسى بايانداپ، ولارعا شينجياڭنىڭ شىنايى ءۇنىن جەتكىزۋگە مىندەتتىمىن“.

  بيىل 7 - ايدا شينجياڭعا ساپارلاي كەلگەن گەرمانيا ۋىنچىڭ حۋارىن، حۋاچياۋ بىرلەسكەن دوستىق قوعامىنىڭ نەگىزىن قالاۋشى، باستىعى يە زىڭيا شينجياڭدا ساپاردا بولعاندا كورگەن - بىلگەندەرىمەن ءبولىستى. ول مىنالاردى ءبىلدىردى: شينجياڭداعى ءار ۇلت حالقىنىڭ گۇلدەنىپ - كوركەيۋدەن، دامۋدان بىرگە يگىلىكتەنگەن باقىتىن شىنايى سەزىندىم. شەتەلدەگى حۋارىن، حۋاچياۋ رەتىندە، گەرمانيا قوعامىنا شىنايى شينجياڭدى تانىستىرۋ بورىشىم، جاۋاپكەرشىلىگىم بار.

  بەينە ەكران اۋىس - كۇيىس ءماجىلىسى بەينە ەكران جالعانىمى ءتاسىلى ارقىلى بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەردى وقۋ تاۋىسقاننان كەيىنگى ورنىقتى جۇمىستانۋ، باقىتتى تۇرمىس وتكىزۋ جاعدايىن تانىستىرۋعا، ون ەكى مۇقام كوركەمونەرىنىڭ مۇراگەرلەرىن ءداستۇرلى كوركەمونەردى جالعاستىرۋ، قورعاۋ جاعدايىن تانىستىرۋعا، ءدىني وقىتۋشى، قىزمەتكەرلەردى مەشىتتەردىڭ شارت - جاعدايىن جاقسارتۋ جانە ءدىني قيمىلداردىڭ ورىستەتىلۋ جاعدايىن تانىستىرۋعا ۇسىنىس ەتتى. شينجياڭ ۇيعۇر اۆتونوميالى رايوندىق چياۋمين ىستەرى كەڭسەسىنىڭ، اۆتونوميالى رايوندىق وتانعا ورالعان حۋاچياۋلار بىرلەستىگىنىڭ، شينجياڭ سىرتپەن بىرلەسكەن دوستىق قوعامىنىڭ قاتىستى جاۋاپتىلارى اۋىس - كۇيىس ماجىلىسىنە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.