تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ۇلتتار ىنتىماعىنىڭ بەرەكەلى شاڭىراعى بولعان كورىكتى شينجياڭدا جان تەبىرەنتەرلىك ىستەر كوبەيدى

انار بۇلت / شينجياڭ گازەتىنىڭ ءتىلشىسى ميھىرگۇل عوپۇر

  ”ارداقتى اعايىنىم، ءبىزدىڭ ءۇيدىڭ جالپاق شاپتولى جاقسى باعامەن ساتىلدى، قاز بەن ساۋىن سيىرلارىم دا جاقسى باعىلىپ جاتىر، بيىلعى تابىسىمنىڭ ايتارلىقتاي جوعارىلايتىندىعىندا ءشۇبا جوق“. 10 - ايدىڭ 6 - كۇنى ازەز تۇنياز تۋىسى جاڭ جيايۇڭعا تەلەفون جالعاپ ءوزىنىڭ قۋانىشىن ءبولىستى. جۇپ قۇراپ تۋىس بولىپ، 5 جىل ىشكەرىلەي ارالاسۋدان كەيىن، اۆتونوميالى رايوندىق گەولوگيا، كەن ونىمدەرى مەكەمەسى 9 - گەولوگيالىق ۇلكەن اترەتىنىڭ كادرى جاڭ جيايۇڭ مەن ونسۋ اۋدانى تۇمسىق قالاشىعى تۇمسىق قىستاعىنىڭ تۇرعىنى ازەز تۇنياز ءبىر - ءبىرىنىڭ قامىن جەيتىن جاقسى اعايىندارعا اينالدى.

  2016 - جىلى 10 - ايدىڭ 16 - كۇنى اۆتونوميالى رايوننىڭ ”ۇلتتار ىنتىماعىنىڭ بەرەكەلى شاڭىراعى“ قيمىلىنا جۇمىلدىرۋ جينالىسى اشىلىپ، ”ۇلتتار ىنتىماعىنىڭ بەرەكەلى شاڭىراعى“ قيمىلى رەسمي باستالعان بولاتىن. 5 جىلدان بەرى ميلليون كادر، جۇمىسشى - قىزمەتشى ءار ۇلت نەگىزگى ساتى بۇقاراسىمەن جۇپ قۇراپ تۋىس بولىپ، كەڭ كولەمدى ارالاسىپ، جان - جاقتى ىشتەسىپ، تەرەڭدەي توعىسىپ، ەتەنە قاتىناس جاساپ، تۋىستىق قارىم - قاتىناستارى بارعان سايىن جاقىنداسىپ، سۇيىسپەنشىلىكتەرى بارعان سايىن تەرەڭدەي ءتۇستى.

  شينجياڭدا تۋىس بولعان قىرۋار كادرلار ءار كۇنى اۋىل - قىستاقتارعا، الەۋمەتتىك اۋماقتارعا بارىپ جۇپ قۇراعان تۋىستارىنا امانداسا بارادى. ءار جولى تۋىسى كەلەر كەزدە قىستاق تۇرعىندارى اسىعا كۇتىپ، شات - شادىمان قۋانىشقا بولەنەدى. تۋىستارى كەتەر كەزدە قىستاق تۇرعىندارى قىستاق شەتىندە تۇرىپ قول بۇلعاپ، قيماستىقپەن قوشتاسادى.

  2016 - جىلى 10 - ايدان 2021 - جىلى 9 - ايعا دەيىن بۇكىل رايونداعى كادر، جۇمىسشى - قىزمەتشىلەر ءار ۇلت بۇقاراسىنا 171 ميلليون وتباسى - رەت امانداسا بارىپ، جەلىدە جۇپ قۇراۋ قيمىلىنا 15 ميلليون 500 مىڭ ادام - رەتتەن ارتىق قاتىناسىپ، ءبىر ميلليارد 120 ميلليون يۋاننان استام اقشا، 58 ميلليون 800 مىڭ دانادان استام زات جىلۋعا اتاپ، 24 ميلليون 700 مىڭنان استام ناقتى ءىس، جاقسى ءىس تىندىرىپ، 21 ميلليون 500 مىڭ مايدان - رەتتەن استام ءتۇرلى قيمىل وتكىزدى. ءار ۇلت كادر - جۇرتشىلىعىنىڭ ءبىر - بىرىمەن بىتە قايناسقان، سۇيىسپەنشىلىك توعىستىرا سيلاسقان تاماشا جاعدايى تيانشان الابىنداعى تارتىمدى ءبىر كورىنىسكە اينالدى.

  4 جىلدىڭ الدىندا حوتان قالاسى ءىلچى اۋىلى شولاق قىستاعىنىڭ تۇرعىنى يسامدين اسەن اۆتونوميالى رايوندىق توتەنشە جاعدايلارعا توتەپ بەرۋ، باسقارۋ مەڭگەرمەسىنىڭ كادرى مەي دۇڭمەن تۋىس بولادى. يسامديننىڭ جۇمىستانۋ، كىرىسىن ارتتىرۋ ارناسىن كەڭەيتۋ ءۇشىن، مەي دۇڭ ونى اۆتونوميالى رايوندىق توتەنشە جاعدايلارعا توتەپ بەرۋ، باسقارۋ مەڭگەرمەسى ۇيىمداستىرىپ ورىستەتكەن توكشى، ەلەكترمەن دانەكەرلەۋ كۋرسىنا قاتىناسۋعا ىنتالاندىردى. قۇلشىنا ۇيرەنۋدىڭ ارقاسىندا ول ارنايى جۇمىس اتقارۋ كۋالىگىن الدى. قازىر يسامدين ىسىلعان ەلەكترمەن دانەكەرلەۋشى بولىپ جەتىلىپ، ايىنا 6000 يۋاننان استام كىرىس تاۋىپ وتىر.

  تۋىسىنىڭ جۇمىس تابۋىنا كومەكتەستى، كوكتەمگى ەگىس، كۇزگى جيىن - تەرىن كەزىندە تۋىسىمەن بىرگە اتىز باسىندا قاربالاس ەڭبەك ەتتى، تۋىسىنىڭ بالالارىنا ۇيرەنۋ قۇرالدارىن اپارىپ بەرىپ، ساباعىنا قاراستى، تۋىسى قيىنشىلىققا تاپ بولعاندا دەرەۋ كومەك قولىن سوزىپ، جاردەم ەتتى... 5 جىلدان بەرى قالىڭ كادر، جۇمىسشى - قىزمەتشىلەر بۇقارانىڭ ەڭ ءۇمىت ەتىپ وتىرعان، ەڭ كوكەي تەستى ىستەرىن بىتىرۋىنە قولدارىنان كەلگەنىنشە كومەكتەسىپ، ”قىستاقتا تۇرۋدان“ ”ۇيىندە تۇرۋعا“، ونان ”كوڭىلىنە ۇيالاۋعا“ وتكەن بۇرىلىستى جۇزەگە اسىردى.

  بيىل 2 - ايدا اۆتونوميالى رايوندىق مادەنيەت جانە ساياحات مەڭگەرمەسى ورىستەتكەن ”ەتەنە جاقىن ءبىر وتباسى ادامى“ پارتيا قۇرىلعاندىعىنىڭ 100 جىلدىعىن قۇتتىقتاۋ بويىنشا ۇلتتار ىنتىماعى بىرلەسكەن دوستىق قيمىلىنىڭ شىمىلدىعى اشىلىپ، ءار ۇلت كادر، جۇمىسشى - قىزمەتشىلەرى الىستان كەلگەن 11 قىستاق تۇرعىنىمەن، دەمالىسقا، زەينەتكە شىققان قارت كوركەمونەرشىلەردىڭ جانە ادەبيەت - كوركەمونەر قىزمەتكەرلەرىنىڭ ۋاكىلدەرىمەن ءبىر ارادا قۋانىشپەن باس قوستى.

  5 جىلدان بەرى بۇكىل رايونداعى ءار دارەجەلى ورگاندار، ورىندار جۇپ قۇراپ، تۋىس بولۋ نەگىزىندە، فورماسى الۋان ءتۇرلى، باي مازمۇندى ۇلتتار ىنتىماعى بىرلەسكەن دوستىق قيمىلىن ورىستەتتى.

  قالىڭ كادر، جۇمىسشى - قىزمەتشىلەر بەلگىلى ءبىر ۋاقىت سايىن تۋىستارىنىڭ ۇيلەرىنە بارىپ، بىرگە ۇيرەنىپ، العا باسىپ، بولاشاقتاعى جارقىن كۇندەر تۋرالى بىرگە جوسپار جاسادى؛ وڭتۇستىك شينجياڭ اۋىل - قىستاقتارىندا اۋىلىنان تىم ۇزاپ شىعىپ كورمەگەن كەيبىر بۇقارا تۋىسىنىڭ ىستىق ىقىلاستى شاقىرۋىندا ءۇرىمجى سياقتى جەرلەرگە كەلىپ وزگەرىستەردى ءوز كوزىمەن كورىپ، بولاشاق تۋرالى ءسوز قوزعادى... ءار ۇلت بۇقاراسىنىڭ يدەياسىندا، كوزقاراسىندا تەرەڭ وزگەرىستەر تۋىلىپ، ىنتىماقتى دارىپتەۋ، كىرىس ارتتىرۋدى جەبەۋ، دامۋعا تالپىنۋ تىلەكتەرى ونان ارى كۇشەيتىپ، پارتيا مەيىرىنە العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمدەرى ونان ارى بەكەمدەلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.