قىزىلسۋ وبلىسى:
ناقتى ىستەر ىستەپ، بۇقارانىڭ جۇرەك تورىنەن ورىن الدى
□ انار بۇلت / شينجياڭ گازەتىنىڭ ءتىلشىسى سۇڭ ۋيگو، ەرىكتى ءتىلشى ياڭ پىڭ
حالىقتىڭ ۇنىنە جاۋاپ قايتاردى.
پارتيا تاريحىن ۇيرەنۋ تاربيەسى ورىستەتىلگەننەن بەرى، قىزىلسۋ قىرعىز اۆتونوميالى وبلىسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتىپ، بۇقارا ءۇشىن شىن ىقىلاسىمەن جاقسى ءىس، ناقتى ىستەر ىستەپ، قيىن ىستەردى شەشىپ، قۇلشىنا وتىرىپ تۇتاس وبلىستاعى ءار ۇلت بۇقاراسىنىڭ ءتىپتى دە مول، ءتىپتى دە تىكە، ءتىپتى دە ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولۋىنا مۇمكىندىك جاسادى.
پارتيا ۇيىمى مەن بۇقارا اراسىندا ”كوڭىل توعىستىرۋ كوپىرىن“ سالدى
سان تارماق ءجون - جوسىق سويلەگەننەن گورى، بۇقارا ءۇشىن ءبىر ناقتى ءىس تىندىرعانىڭ ابزال.
”اقىز اعا، ءبىز سىزگە كومەكتەسىپ جۇگەرى جيناۋعا كەلدىك“. ءدال كۇزگى جيىن - تەرىن مەزگىلى، اتۇش قالالىق پارتكوم ۇيىمداستىرۋ ءبولىمىنىڭ تۇگۇرمىتى اۋىلى باشۋعۇن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاقتاعى ءبىرىنشى شۋجيدىڭ باستاماشىلدىق ەتۋىمەن، قىستاق تۇرعىنى اقىز توحتەكتىڭ وتباسىنداعى جۇگەرى اتىزىنا كەلىپ، ونىڭ وتباسىنداعىلارعا كومەكتەسىپ جۇگەرى جيناستى.
بيىل 50 جاسقا كەلگەن اقىز وتباسىندا جالعىز باس، ونىڭ ۇستىنە اۋرۋ مەڭدەتكەن، ءجۇرىپ - تۇرۋى قولايسىز. وتباسىنداعى 4 مۋ جۇگەرىنى جيناۋ مەزگىلىنىڭ جەتىپ كەلگەنىن كورگەن اقىزدىڭ لاجى تاۋسىلىپ، قامىعىپ وتىرعانىندا، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىندەگىلەر مەن قىستاق كادرلارىنان ۇيىمداسقان ەرىكتى قىزمەت وتەۋ اترەتىندەگىلەر وعان ىرىقتى تۇردە كومەكتەسۋگە كەلەدى. ”باقىتىما جاراي قىزمەت اترەتى مەن قىستاق كادرلارى كەلىپ كومەكتەسىپ، ۇلكەن قيىنشىلىعىمدى شەشتى!“، - دەدى اقىز.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بارىسىندا قىزىلسۋ وبلىسى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى، ”ۇلتتار ىنتىماعىنىڭ بەرەكەلى شاڭىراعى“ جانە ”ۇشكە كىرۋ، ەكىمەن بايلانىس ورناتۋ، بىرمەن دوستاسۋ“ سياقتى قيمىلدارمەن بىرلەستىرىپ، نەگىزگى ساتى بۇقاراسى كەز بولعان ”شۇعىل، قيىن، ۋايىمداعان، ءزارۋ“ ماسەلەلەرگە قاراتا، ”مەن بۇقارا ءۇشىن ناقتى ءىس ىستەيمىن“ باياندى مەحانيزمىن ورناتىپ، نەگىزگى ساتىداعى ءارقايسى تارماق كۇشتەردى اتتانىسقا كەلتىرىپ ەرىكتى قىزمەت وتەۋ اترەتىن قۇرىپ، زور كولەمدە ارالاپ جاعداي ۇعىسۋ، زور كولەمدە ءبىر - بىرلەپ تەكسەرۋ، بارىنشا شەشۋ سياقتى قىزمەتتەردى كەڭ كولەمدە ورىستەتتى؛ سالاماتتىق تاربيەسى، قورشاعان ورتانى رەتتەۋ - جونگە سالۋ، ءوندىرىس حاۋىپسىزدىگى سياقتى جاي ساۋاتتاردى بەلسەنە ۇگىتتەپ، قيىنشىلىقتا قالعان بۇقارا ءۇشىن ءبىلىم جەتكىزۋ، ەمدەۋ جەتكىزۋ سياقتى الۋان ءتۇرلى ەرىكتى قىزمەت وتەۋ قيمىلىن ورىستەتىپ، پارتيا ۇيىمى مەن بۇقارا اراسىندا ”كوڭىل توعىستىرۋ كوپىرىن“ سالىپ، شىنايى تۇردە حالىقتىڭ قامىن شەشتى. بيىل 7 - ايدىڭ ورتا شەنىنە دەيىن تۇتاس وبلىستا بۇقارا ءۇشىن جالپى 18 مىڭ 274 ناقتى ءىس، جاقسى ءىس ىستەلدى.
حالىققا قولايلى شارالار حالىقتى ۋايىمنان ارىلتتى
9 - ايدىڭ 6 - كۇنى اتۇش قالاسىنىڭ تۇرعىنى ا xx قىزىلسۋ وبلىستىق بۇقارانىڭ ارىز - شاعىمىن قابىلداۋ قىزمەت وتەۋ ورتالىعىنىڭ بىرلەسكەن ارىز - شاعىم ايتۋ زالىنا كەلىپ، قىزمەتكەرگە بالاسىنىڭ مەكتەپ اۋىستىرۋدا ءدوپ كەلگەن قيىنشىلىعىن ايتتى. ”الاڭسىز بولىڭىز، ءسىزدىڭ بۇل ماسەلەڭىزدى ءبىز شەشۋگە كومەكتەسەمىز“. ارىز - شاعىم قابىلداعان قىزىلسۋ وبلىستىق ارىز - شاعىم مەكەمەسىنىڭ قىزمەتكەرى پارحات ءناسىردىن ىقىلاستى تۇردە جاۋاپ بەردى.
قازىر قىزىلسۋ وبلىستىق ارىز - شاعىم مەكەمەسى ديقان جۇمىسكەرلەردىڭ ەڭبەكاقىسىن كەشەۋىلدەتىپ بەرۋگە، قوجالىق باسقارۋعا، الەۋمەتتىك نەگىزدىك قۇرىلعىلاردىڭ بۇلىنۋىنە، جەردەن پايدالانۋعا، ت.ب عا ساياتىن حالىققا تيىمدىلىك جەتكىزۋ ساياساتىنىڭ تياناقتانۋى جانە بۇقارا كوڭىل ءبولىپ وتىرعان قىزۋ تۇيىندەگى، قيىن تۇيىندەگى ماسەلەلەرگە قاراتا، ماسەلەگە قاراي شارا قولدانۋ، كوپ ارنامەن شەشۋ، ”ەڭ كوپ بولعاندا ءبىر رەت ارالاۋ“ سياقتى حالىققا قولايلى شارالاردى تياناقتاندىرىپ، بۇقارانىڭ رازىلىعىن شىنايى جوعارىلاتتى.
قىزىلسۋ وبلىسىنداعى ءارقايسى ورىندار، تاراۋلار ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بارىسىندا نازاردى ”حالىقتىڭ حاۋىپسىزدىگىن قامتاماسىز ەتۋگە“، ”حالىقتىڭ وكپە - نازىن باسەڭدەتۋگە“، ”حالىقتى ۋايىمنان ارىلتۋعا“، ”حالىقتىڭ مۇددەسىن جوعارىلاتۋعا“، ”حالىقتىڭ يگىلىگىن ارتتىرۋعا“ شوعىرلاندىرىپ، ”5 ءتۇرلى حالىققا ءتيىمدى، حالىققا پايدالى ينجەنەريانى“، ”20 ءتۇرلى حالىق ءۇشىن قىزمەت وتەۋ قيمىلىن“، ”136 ءتۇرلى حالىققا قولايلى، حالىققا پايدالى ءادىس - شارالاردى“ ورتاعا قويىپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى شەشتى.
حالىق تۇرمىسىنداعى ”بولماشى ناقتى ىستەرگە“ دەيىن ويداعىداي ىستەدى
9 - ايدىڭ 15 - كۇنى ۇلۇقشات اۋدانى وقسالۇر اۋىلى شاتى قىستاعىنىڭ پوچتا جەدەل جولداماسى تۇيىنىندە قىستاق تۇرعىنى ايشولپان جاھباي بىرنەشە كۇننىڭ الدىندا ينتەرنەتتەن ساتىپ العان تۇيىنشەگىن تاپسىرىپ الدى.
بۇرىن شاتى قىستاعىندا پوچتا جەدەل جولداما ءتۇيىنى جوق بولاتىن، ايشولپان ينتەرنەتتەن زات ساتىپ العاننان كەيىن نەشە 10 كيلومەتر قاشىقتىقتاعى اۋدان قالاشىعىنا بارىپ جەدەل جولداماسىن الىپ قايتاتىن.
”قازىر قىستاقتا پوچتا جەدەل جولداماسى ءتۇيىنى قۇرىلدى، ينتەرنەتتەن ساتىپ العان زاتتارىمىزدى ەسىك الدىنان عانا تاپسىرىپ الاتىن بولدىم، راسىندا، وتە قولايلى بولدى“، - دەدى ايشولپان.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بارىسىندا قىزىلسۋ وبلىسى نازاردى بۇقارانىڭ قاجەتىنە شوعىرلاندىرىپ، ناقتى ءىستى، جاقسى ءىستى شىن مانىندە ويداعىداي ىستەپ، بۇقارانىڭ جۇرەك تورىنەن ورىن الدى. تۇتاس وبلىس جەدەل جولدامانى قىستاققا جەتكىزۋدى، الەۋمەتتىك اۋماققا جەتكىزۋدى بەلسەنە ىلگەرىلەتىپ، زات اينالىمىن سەپتەۋ - جەتكىزۋدىڭ ”ەڭ سوڭعى ءبىر كيلومەترىن“ تۇتاستىردى، پوچتا سياقتى جەدەل جولداما جونىنەن قىزمەت وتەيتىن نەگىزگى كاسىپورىنداردى ءورىسىن نەگىزگى ساتىعا، تومەنگە دەيىن كەڭەيتۋگە ىنتالاندىرۋ ارقىلى قىستاق ىشىندە قازىرگى بار ەرەن بازار، ەلەكتروندى ساۋدا پۋنكتى ءتۇيىنى، قىستاق تۇرعىندار كوميتەتى، اۋىل - قىستاق جالپىلىق ينفورماتسيا قىزمەت وتەۋ ورتالىعى سياقتى الاڭ - ورىنداردى سۇيەنىش ەتە وتىرىپ، جەدەل جولدامانى سەپتەۋ - جەتكىزۋ ارناسىن اقاۋسىزداندىرىپ، بۇقارانىڭ ”بولماشى ناقتى ىستەرىنە“ دەيىن ويداعىداي تىندىردى.
قازىرگە دەيىن قىزىلسۋ وبلىسىنداعى 266 اكىمشىلىك قۇرىلىمدىق قىستاقتاردىڭ ىشىندەگى 174 قىستاق جەدەل جولدامانى جەتكىزۋدى تۇتاستىرۋ قىزمەت وتەۋىن ورىندادى.
