تيانشان تورى   ›   جاڭالىقتار   ›   شينجياڭ حابارلارى

ماقتا كاسىپ سالاسىنىڭ جوعارى ساپالى دامۋىن جەدەل ىلگەرىلەتۋ كەرەك

اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسىنىڭ 1 - رەتكى جالپى ءماجىلىسى اشىلدى

ماقتا كاسىپ سالاسىنىڭ جوعارى ساپالى دامۋىن جەدەل ىلگەرىلەتۋ كەرەك

  انار بۇلت / شينجياڭ گازەتىنىڭ ءتىلشىسى لي ياڭ 10 - ايدىڭ 16 - كۇنى ۇرىمجىدەن حابارلايدى. 10 - ايدىڭ 16 - كۇنى تۇستەن بۇرىن اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسىنىڭ 1 - رەتكى جالپى ءماجىلىسى اشىلىپ، كەزەكتەگى رايونىمىزدىڭ ماقتا كاسىپ سالاسىن دامىتۋدىڭ جاعدايى مەن مىندەتتەرى جونىندە تالداۋ جاسالىپ، ماقتا كاسىپ سالاسىنىڭ جوعارى ساپالى دامۋىنا قاتىستى ءتۇيىندى قىزمەتتەر اقىلداسىلدى، ورنالاستىرىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى، اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسىنىڭ باستىعى ەركىن تۇنياز ءماجىلىستى باسقاردى ءارى ءسوز سويلەدى.

  ماجىلىستە مىنالار اتاپ كورسەتىلدى: شينجياڭ ەلىمىزدىڭ ساپالى ماقتا بازاسى رەتىندە، مەملەكەتتىڭ ماقتا كاسىپ سالاسىنىڭ حاۋىپسىزدىگىن قورعاۋ جانە قامتاماسىز ەتۋدەي ماڭىزدى بورىش ارقالاۋدا. جاقىنعى جىلداردان بەرى رايونىمىزدىڭ ماقتا ءتۇسىمى تۇراقتى جوعارىلاپ، كاسىپ سالاسىنىڭ قۇرىلىمى ۇزدىكسىز رەتتەلىپ، ساپالىلانىپ، كاسىپ سالاسى تىزبەگى ۇزدىكسىز ۇزارىپ، جۇمىستانۋعا جەتەكتەۋ رولى ۇزدىكسىز كۇشەيىپ، ماقتا كاسىپ سالاسى رايونىمىزدىڭ ەكونوميكالىق دامۋىنداعى تىرەكتى كاسىپ سالاسىنا جانە شارۋالاردىڭ كىرىسىن ارتتىرىپ، بايىتاتىن حالىق تۇرمىسى كاسىپ سالاسىنا اينالدى. جەر - جەر، قاتىستى تاراۋلار ساياسي دەڭگەيدى جوعارىلاتىپ، رايونىمىز ماقتا كاسىپ سالاسىنىڭ جوعارى ساپالى دامۋىن جەدەل ىلگەرىلەتۋدىڭ ماڭىزدىلىعىن، كوكەي تەستىلىگىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ بيىگىنەن، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋ بيىگىنەن تولىق تانىپ، ماقتا جالپى كاسىپ سالاسى تىزبەگىنىڭ ۇزدىكسىز اقاۋسىز دامۋىن كۇش سالا ىلگەرىلەتىپ، شينجياڭ ماقتاسىنىڭ ساپاسى مەن حالىقارالىق باسەكەلىك قۋاتىن كۇش سالا جوعارىلاتىپ، ماقتانىڭ ءوندىرىس كولەمىن كۇش سالا ورنىقتىرىپ، توقىما وندىرىستىك قۋاتىن جوعارىلاتىپ، شينجياڭ ماقتاسىنىڭ ساپاسىن، ارتىقشىلىعىن جانە بولاشاعىن كۇش سالا ۇگىتتەپ، ”ءتۇسىمى جوعارى، ساپاسى جاقسى“ بولعان ەل ءىشى - سىرتىنا ايگىلى شينجياڭ ماقتاسىن جۇرت جۇرەگىنە اناعۇرلىم تەرەڭ ۇيالاتىپ، حالىقاراداعى، ەل ىشىندەگى ماركالى بۇيىمدار ساۋداگەرلەرى مەن قالىڭ تۇتىنۋشىلاردىڭ شينجياڭنىڭ ساپالى ماقتاسىن جاقسى ءبىلۋىن جانە پايدالانۋىن جەدەل جەبەۋ كەرەك.

  ماجىلىستە مىنالار اتاپ كورسەتىلدى: ماقتانىڭ باستاپقى ساپاسىن قاداعالاۋدى كۇشەيتىپ، تۇقىم قاينارىن باسقارۋدى كۇشەيتىپ، ساپالى سورتتى تۇقىمداردى كۇش سالا جالپىلاستىرۋ، قولدانۋ كەرەك. ساپالى ماقتا بازاسى قۇرىلىسىن جەدەل ىلگەرىلەتىپ، ماقتا ءوندىرىسىنىڭ ورنالاسىمىن ساپالىلاندىرىپ، ماقتانىڭ ساپاسىن جوعارىلاتۋدى، ونىمدىلىگىن كوتەرۋدى جەبەۋ كەرەك. ماقتانىڭ نىسانالى باعا رەفورماسى ساياساتىن جانە ونىڭ سايكەستى شارالارىن ونان ارى كەمەلدەندىرىپ، ماقتا ساپاسىنىڭ جوعارىلاۋىن جەبەپ، ماقتاشىلاردىڭ نەگىزگى تابىس پايداسىن قامتاماسىز ەتۋ كەرەك. ماقتا بازارىن باقىلاۋ - باسقارۋ جۇيەسىن جەدەل كەمەلدەندىرىپ، ساتىپ الۋ، مانەرلەۋ سياقتى بۋىندارداعى ساپانى قاداعالاۋدى كۇشەيتىپ، ساپالى ماقتا ماركاسى قۇرىلىسىن ىلگەرىلەتۋ كەرەك. توقىماشىلىق، كيىم - كەشەك كاسىپ سالاسىنىڭ دامۋ ورنالاسىمىن ساپالىلاندىرىپ، كاسىپ سالاسى بايلىعىنىڭ قازىر بار كاسىپ سالاسى باقشا رايوندارىنا توپتالىپ، جينالىپ، شوعىرلانىپ دامۋىن ىلگەرىلەتىپ، ماقتا كاسىپ سالاسى تىزبەگىنىڭ قامداۋ تىزبەگىن ۇزدىكسىز كەمەلدەندىرۋ كەرەك. بيڭتۋان مەن جەرگىلىكتى ورىن ءبىر تۇتاس جۇيە يدەياسىن مىقتاپ ورناتىپ، بايلىقتان بىرگە يگىلىكتەنۋدى، باسىمدىقتارىمەن ءوزارا تولىقتاۋدى، توعىسا دامۋدى جۇزەگە اسىرۋ كەرەك. اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسى جانە ونىڭ كەڭسەسى، ءارقايسى مۇشە ورىندار، جەر - جەر، تاراۋلار ءوز مىندەتتەرىن اتقارىپ، ءوز جاۋاپكەرشىلىكتەرىن ارقالاپ، سايكەسۋدى، سەلبەسۋدى كۇشەيتىپ، ماقتا كاسىپ سالاسىنىڭ جوعارى ساپالى دامۋىن ىلگەرىلەتۋدىڭ قىزمەت بىرىككەن كۇشىن ونان ارى قالىپتاستىرۋ كەرەك.

  ماجىلىستە مىنالار باسا دارىپتەلدى: قازىرگى كەز ماقتا جيناۋدىڭ جانە جاڭا ماقتانى بازارعا شىعارۋدىڭ شەشۋشى ءساتى، نىسانانى ايقىنداپ، ورايدى مىقتاپ يگەرىپ، شارالاردى كۇشەيتىپ، باسقارۋدى نىعايتىپ، باقىلاۋ - باسقارۋ سەرپىنىن ارتتىرىپ، ءتۇيىندى مىندەتتەردى ىلگەرىلەتىپ، ماقتا جالپى كاسىپ سالاسى تىزبەگىنىڭ عىلىم - تەحنيكالىق دەڭگەيىن جانە زەردەلى باقىلاۋ - باسقارۋ قابىلەتىن كۇش سالا جوعارىلاتىپ، ماقتا ساپاسىن باسقارۋ دەڭگەيىن جان - جاقتى جوعارىلاتىپ، ماقتانىڭ ءتۇسىمىن ورنىقتىرۋدى، ماقتادان مول ءونىم الۋدى جەبەۋ كەرەك.

  اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسىنىڭ ورىنباسار باستىقتارى چىن ۋيجۇن، جاروللا يسامدين، جاۋ چيڭ، ليۋ سۋشى، كۇڭ شيڭلۇڭ ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.