□ گازەتىمىزدىڭ شولۋشىسى
بۇل ءبىر ۇلى جەڭىس، پارتيامىز بۇكىل ەلدەگى ءار ۇلت حالقىن ىنتىماقتاستىرىپ، باستاپ، مۇلدەم كەدەيلىكتى جويۋدىڭ جاپالى مىندەتىن ورىنداپ، تاريح بەتىندە ايشىقتالعان تاعى ءبىر دۇنيە كەرەمەتىن جاراتتى؛ بۇل ءبىر ۇلى كۇرەس، جۇڭحۋا ۇلتىن نەشە مىڭ جىل مازالاعان كەدەيلىك كەسىرى الدىندا، جۇڭگو حالقى كەدەرگى بوگەتتەردى الاستاپ، قايسارلىقپەن تالپىنىپ، جۇڭحۋا ۇلتىنىڭ ۇلى گۇلدەنۋىنە ساياتىن وسى ءبىر، ءسوزسىز، جەڭىسكە جەتۋ شايقاسىنىڭ جەڭىسىنە قول جەتكىزدى.
ۇلى ءىس ۇلى رۋحتى تۋىنداتادى، ۇلى رۋح ۇلى ىسكە جەتەكشىلىك ەتەدى. كەدەيلىكتەن ارىلتۋدان قامال الۋ ۇلى كۇرەسى ”جوعارىدان تومەنگە دەيىن ءبىر نيەتتە بولۋ، ارىنداي شايقاسقا اتتانۋ، دالمە - ءدال، ناقتى بولۋ، ءورىس اشا جاڭالىق اشۋ، قامال الىپ قيىندىقتاردى جەڭۋ، حالىقتىڭ ءۇمىتىن اقتاۋ“ سىندى كەدەيلىكتەن ارىلتۋدان قامال الۋ رۋحىن سومدادى، قالىپتاستىردى، جۇڭگو كوممۋنيستەرىنىڭ رۋحاني شەجىرەسىنە تىڭ ەسكەرتكىش ورناتىپ، ءبىزدىڭ جۇڭگوشا سوتسياليزمنىڭ تىڭ دا اناعۇرلىم زور جەڭىسىنە قول جەتكىزۋىمىزگە سارقىلماس رۋحاني كۇش - قۋات ازىرلەدى.
كەدەيلىكتەن ارىلتۋدان قامال الۋ رۋحى − جۇڭگو كوممۋنيستىك پارتياسىنىڭ سيپاتىنىڭ، باس ماقساتىنىڭ، جۇڭگو حالقىنىڭ ەرىك - جىگەرىنىڭ قاسيەتىنىڭ، جۇڭحۋا ۇلتى رۋحىنىڭ جاندى بەينەسى، وتانشىلدىق، كوللەكتيۆيزم، سوتسياليزم يدەياسىنىڭ شوعىرلى بەينەسى، جۇڭگو رۋحىنىڭ، جۇڭگو قۇنىنىڭ، جۇڭگو كۇشىنىڭ تولىق ايگىلەنۋى، ول ۇلى ۇلت رۋحى مەن ءداۋىر رۋحىن جالعاستىردى، مۇراگەرلىك ەتتى. كەدەيلىكتەن ارىلتۋدان قامال الۋ سىندى وسى ءبىر ماشاقاتتى شايقاستا جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ، باستاپ، جوعارىدان تومەنگە دەيىن ءبىر نيەتتە بولىپ، ءسوزسىز، جەڭىسكە جەتۋدىڭ تەلەگەي كۇشىن ۇيىستىردى؛ ارىنداي شايقاسقا اتتانىپ، تولىق جەڭىسكە جەتپەيىنشە تىنبايتىن بەرىك ەرىك - جىگەردى ايگىلەدى؛ دالمە - ءدال، ناقتى بولىپ، اماليات بارىسىندا جەڭىسكە جەتۋدىڭ اسىلىن قورىتىندىلادى؛ ءورىس اشا جاڭالىق اشىپ، كەدەيلىكتى ازايتۋدىڭ جۇڭگوشا جولىمەن ءجۇردى؛ قامال الىپ قيىندىقتاردى جەڭىپ، كوممۋنيستەردىڭ اۋەلگى ماقساتىن، بورىشىن جاندى ءتۇسىندىردى؛ حالىقتىڭ ءۇمىتىن اقتاپ، حالىقتى وزەك ەتكەن دامۋ يدەياسىن تولىق ايگىلەدى.
شينجياڭدا كەدەي حالىق كوپ، كەدەيلەسۋ سالماعى اۋىر، وڭتۇستىك شينجياڭداعى 4 ايماق - وبلىس تا بۇكىل ەلدەگى ”ءۇش ءوڭىر، ءۇش وبلىستاعى“ اۋىر كەدەي وڭىرلەردىڭ ءبىرى، كەدەيلىكتەن ارىلتۋدان قامال الۋدىڭ مىندەتى جاپالى. اۆتونوميالى رايوندىق پارتكوم كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋدى كەلەلى ساياسي مىندەت ەتىپ كورنەكتى ورىنعا قويىپ، بۇكىل رايونداعى ءار ۇلت كادر - بۇقاراسىن ىنتىماقتاستىرىپ، باستاپ، قاجىرلىلىقپەن كۇرەس جۇرگىزىپ، نازاردى ”ەكىدەن تارىقتىرماۋ، ءۇشتى قامتاماسىز ەتۋگە“ شوعىرلاندىرىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپتى“ تىڭعىلىقتى ىلگەرىلەتىپ، ”ۇشتە سەرپىندى ارتتىرۋدى“ ورىنداپ، قاجىرلىلىقپەن ناقتى ىستەۋ ارقىلى كەدەيلىكتەن ارىلتۋدان قامال الۋ ۇلى رۋحىن ءتۇسىندىردى. قازىر اتقارىلىپ وتىرعان ولشەمدە 3 ميلليون 64 مىڭ 900 اۋىل - قىستاق كەدەي حالقى تۇگەلدەي كەدەيلىكتەن ارىلدى، 35 كەدەي اۋدان تۇگەلدەي كەدەيلىك قالپاعىن الىپ تاستادى، 3666 كەدەي قىستاق تۇگەلدەي كەدەيلىك تىزىمىنەن شىعارىلدى، وڭتۇستىك شينجياڭداعى 4 ايماق - وبلىس وڭىرلىك تۇلعالىق كەدەيلىكتى تۇبەگەيلى جويىپ، شينجياڭداعى ءار ۇلت حالقى بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستادى.
”جەڭىسكە جەتۋ قيىن ەمەس، جەڭىستى قولدان جىبەرمەۋ ەڭ قيىن“. كەدەيلىكتەن ارىلتۋدان قامال الۋدىڭ جەڭىسى وڭاي - وسپاق قولعا كەلمەگەن، ءبىزدىڭ داندايسىپ - توقمەيىلسيتىن، بوساڭسىپ - دامىلدايتىن ەشقانداي ءجونىمىز جوق، ءسوزسىز، قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، ۇزدىكسىز كۇرەس جۇرگىزۋىمىز كەرەك. اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قىزمەتتەرىن شىن مانىندە ويداعىداي ىستەپ، كەدەيلىكتەن ارىلتۋ نەگىزىن اناعۇرلىم بەكەمدەۋىمىز، ونىمدىلىگىن اناعۇرلىم باياندى ەتۋىمىز؛ اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋگە تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، جۇڭگوشا سوتسياليستىك اۋىل - قىستاقتى گۇلدەندىرۋ جولىمەن ءجۇرۋىمىز؛ جالپى حالىقتىڭ بىرگە بايۋىن جەبەۋدى، ءسوز جوق، اناعۇرلىم ماڭىزدى ورىنعا قويىپ، تىڭعىلىقتى، ۇزاق ۋاقىت ۇلەس قوسىپ، وسى نىساناعا قاراي ەكپىندەي العا ىلگەرىلەۋىمىز كەرەك.
ەكىنشى 100 جىلدىق كۇرەس نىساناسى الدىدا شاقىرۋدا، بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن بارىنشا اسقاقتاتىپ، ءبىر نيەتپەن ىنتىماقتاسىپ، ەرلىكپەن العا باسىپ، العا باسۋ جولىنداعى بارلىق قيىنشىلىقتار مەن حاۋىپ - قاتەرلەردى باتىل جەڭىپ، كەدەرگى - بوگەتتەردى الاستايتىن كۇرەسكەرلىك بەينەمەن جەڭىستەن - جەڭىسكە ۇزدىكسىز قادام تاستاۋىمىز كەرەك.
