تيانشان تورى   ›   ۇيرەنۋ   ›   شولۋ

حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ كەرەك

− باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”ءتۇزىم ورنىقتى بولسا، مەملەكەت ورنىقتى بولادى، ءتۇزىم كۇشەيسە، مەملەكەت كۇشەيەدى“. ورتالىقتىڭ حالىق قۇرىلتايى قىزمەتى ماجىلىسىندە باس شۋجي شي جينپيڭ ماڭىزدى ءسوز سويلەپ، جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ سىندى ستراتەگيالىق بيىكتەن جاڭا داۋىردە حالىق قۇرىلتايى قىزمەتىن كۇشەيتۋ مەن جاقسارتۋدىڭ جەتەكشى يدەياسىن، كەلەلى پرينسيبىن جانە باستى قىزمەتىن ايقىن العا قويىپ، ءبىزدىڭ جاڭا ساپاردا حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، حالىق قۇرىلتايى قىزمەتىنىڭ جاڭا جاعدايىن اشۋىمىزعا ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.

  جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، ەڭ ايقىن ەرەكشەلىگى − نازاريالىق جاسامپازدىق پەن امالياتتىق جاسامپازدىقتى، ءتۇزىم سەنىمى مەن مادەنيەت سەنىمىن تىعىز ۇشتاستىرۋ. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، پارتيانىڭ باسشىلىعىنا تاباندى بولۋ مەن ونى كەمەلدەندىرۋدىڭ، جۇڭگوشا سوتسياليستىك ءتۇزىمدى بەكەمدەۋدىڭ ستراتەگيالىق جالپى جاعدايىن شىعار ءتۇيىن ەتىپ، حالىق قۇرىلتايى ءتۇزىمىنىڭ نازاريالىق جانە امالياتتىق جاسامپازدىعىن ۇزدىكسىز ىلگەرىلەتىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا تالاپتاردى ورتاعا قويدى. ورتالىقتىڭ حالىق قۇرىلتايى قىزمەتى ماجىلىسىندە، باس شۋجي شي جينپيڭ: ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەك، ءسوز جوق، حالىقتىڭ قوجايىن بولۋىن ءتۇزىم جۇيەسىمەن قامتاماسىز ەتۋگە تاباندى بولۋ كەرەك، ءسوز جوق، مەملەكەتتى جاپپاي زاڭمەن جونگە سالۋعا تاباندى بولۋ كەرەك، ءسوز جوق، دەموكراتيالىق ورتالىقتاندىرۋ تۇزىمىنە تاباندى بولۋ كەرەك، ءسوز جوق، جۇڭگوشا سوتسياليستىك ساياسيدىڭ دامۋ جولىنا تاباندى بولۋ كەرەك، ءسوز جوق، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە تاباندى بولۋ كەرەك، - دەپ ەگجەي - تەگجەيلى جيناقتادى. وسى ”التى، ءسوز جوق، تاباندى بولۋ“ جاڭا داۋىردە جۇڭگوشا سوتسياليستىك دەموكراتيالىق ساياسيدى دامىتۋدىڭ، حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرىنە تەرەڭدەي جاۋاپ بەردى، بۇل − پارتيامىزدىڭ حالىق قۇرىلتايى قىزمەتىن ويداعىداي ىستەۋدەگى زاڭدىلىق سيپاتتى تانىمنىڭ تەرەڭدەۋى، وعان باستان - اياق تاباندى بولۋ ءارى ونى ۇزدىكسىز بايىتۋ، دامىتۋ كەرەك.

  اماليات مىنانى تولىق دالەلدەدى: جۇڭگودا سوتسياليستىك دەموكراتيالىق ساياسيدى دامىتۋدىڭ تەتىگى − پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋ. حالىق قۇرىلتايى ءتۇزىمى − پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋداعى ءتۇبىرلى ساياسي تۇزىمدىك ورنالاستىرۋ. مىنانى، ءسوز جوق، تەرەڭ تانۋ كەرەك: جۇڭگو كوممۋنيستىك پارتياسىنىڭ باسشىلىعىنىڭ ءوزى حالىقتىڭ قوجايىن بولۋىن جۇزەگە اسىرۋدى قولداۋ جانە وعان كەپىلدىك ەتۋ، تەك جۇڭگو كوممۋنيستىك پارتياسىنىڭ باسشىلىعىنا تاباندى بولىپ، پارتيانىڭ جالپى جاعدايدى تەگىس مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىنا تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاعاندا عانا، پارتيانىڭ نازاريا، لۋشيان، باعىت - ساياساتتارى مەن شەشىم، ورنالاستىرۋلارىنىڭ مەملەكەت قىزمەتىندە جاپپاي دايەكتىلەنۋى مەن ءونىمدى اتقارىلۋىنا كەپىلدىك ەتۋگە بولادى؛ حالىقتىڭ قوجايىن بولۋى − سوتسياليستىك دەموكراتيالىق ساياسيدىڭ ءمانى جانە وزەگى، تەك حالىقتىڭ قوجايىن بولۋىن ءتۇزىم جۇيەسىمەن قامتاماسىز ەتۋگە تاباندى بولىپ، حالىقتىڭ حالىق قۇرىلتايى ارقىلى مەملەكەت ۇقىعىن جۇرگىزۋىنە قولداۋ كورسەتىپ جانە كەپىلدىك ەتىپ، ءار ساتىدا، ءار سالادا حالىقتىڭ تارتىپپەن ساياسيعا ات سالىسۋىن ۇزدىكسىز كەڭەيتكەندە عانا، جالپى بارىستىق حالىق دەموكراتياسىن ۇزدىكسىز دامىتۋعا بولادى؛ حالىق دەموكراتياسىن دامىتۋدا، ءسوز جوق، مەملەكەتتى جاپپاي زاڭمەن جونگە سالۋعا، نەگىزگى زاڭنىڭ، زاڭداردىڭ بەدەلىن قورعاۋعا تاباندى بولىپ، دەموكراتيانى تۇزىمدەندىرۋ، زاڭداندىرۋ كەرەك، تەك مەملەكەتتى جاپپاي زاڭمەن جونگە سالۋعا تاباندى بولىپ، مەملەكەت ىستەرى مەن قىزمەتتەرىن نەگىزگى زاڭ، زاڭدار بويىنشا ىلگەرىلەتكەندە عانا، مەملەكەت قىزمەتتەرىنىڭ زاڭمەن جونگە سالىنۋىن جۇزەگە اسىرۋعا بولادى؛ دەموكراتيالىق ورتالىقتاندىرۋ ءتۇزىمى − جۇڭگونىڭ مەملەكەتتىك ۇيىمدىق فورماسىنىڭ جانە قيمىل ءتاسىلىنىڭ نەگىزگى پرينسيبى، تەك دەموكراتيالىق ورتالىقتاندىرۋ تۇزىمىنە تاباندى بولىپ، حالىقتىڭ حالىق قۇرىلتايى ارقىلى مەملەكەت ۇقىعىن ءبىر تۇتاس جۇرگىزۋىنە تاباندى بولعاندا عانا، مەملەكەتتىڭ ءتۇرلى ىستەردى ءبىر تۇتاس، جوعارى ءونىمدى ۇيىمداستىرىپ، ىلگەرىلەتۋىنە كەپىلدىك ەتۋگە بولادى؛ جۇڭگوشا سوتسياليستىك ساياسي دامۋ جولى جۇڭگونىڭ مەملەكەت جاعدايىنا ۇيلەسەتىن، حالىقتىڭ قوجايىن بولۋىنا كەپىلدىك ەتەتىن دۇرىس جول، تەك جۇڭگوشا سوتسياليستىك ساياسي دامۋ جولىنا تاباندى بولىپ، حالىق قۇرىلتايى ءتۇزىمىنىڭ ءتۇبىرلى ساياسي ءتۇزىم رولىن تولىق ساۋلەلەندىرگەندە عانا، پارتيانىڭ حالىققا باسشىلىق ەتىپ مەملەكەتتى زاڭ بويىنشا، ءونىمدى جونگە سالۋىنا كەپىلدىك ەتۋگە بولادى؛ حالىق قۇرىلتايى ءتۇزىمى − جۇڭگوشا سوتسياليستىك ءتۇزىمنىڭ ماڭىزدى قۇرامداس بولىگى، سونداي - اق مەملەكەتتى جونگە سالۋ جۇيەسىنىڭ ماڭىزدى قۇرامداس بولىگى، تەك مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە تاباندى بولىپ، حالىق قوجايىن بولاتىن ءتۇزىم جۇيەسىنە تاباندى بولعاندا جانە ونى كەمەلدەندىرگەندە عانا، ءتۇزىم ابزالدىلىعىن جونگە سالۋ ونىمدىلىگىنە اناعۇرلىم ويداعىداي اينالدىرۋعا بولادى. حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتۋدە جانە جاقسارتۋدا ”التى، ءسوز جوق، تاباندى بولۋدى“ ويداعىداي دايەكتىلەندىرۋ، تياناقتاندىرۋ كەرەك.

  قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، تۇزىمدىك باسەكە جالپىلىق مەملەكەت قۋاتى باسەكەسىنىڭ ماڭىزدى جاعى، ءتۇزىم ابزالدىلىعى ءبىر مەملەكەتتىڭ ستراتەگيالىق ىرىقتىلىقتى قولعا كەلتىرۋىندەگى ماڭىزدى ابزالدىلىق. ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا ساپارىنا قادام تاستاعاندا، ءسوز جوق، حالىق قۇرىلتايى ءتۇزىمىنىڭ ءتۇبىرلى ساياسي ءتۇزىم رولىن تولىق ساۋلەلەندىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن حالىقتىڭ قولىندا مىقتاپ يگەرۋ كەرەك. نەگىزگى زاڭدى جاپپاي دايەكتى اتقارىپ، نەگىزگى زاڭنىڭ بەدەلى مەن ابىرويىن قورعاۋ؛ جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، شەبەرلىكپەن جونگە سالۋدى دامىتۋدى، قامتاماسىز ەتۋدى تاماشا زاڭ ارقىلى جەبەۋ؛ نەگىزگى زاڭنىڭ حالىق قۇرىلتايىنا بەرگەن باقىلاۋ ۇقىعىنان ويداعىداي پايدالانىپ، دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ جۇرگىزۋ؛ حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ ۇنىنە جاۋاپ قاتۋدى ورىنداۋ؛ ساياسي ورگان تانىمىن كۇشەيتىپ، حالىق قۇرىلتايىنىڭ ءوز قۇرىلىسىن كۇشەيتۋ؛ پارتيانىڭ حالىق قۇرىلتايى قىزمەتىنە جالپى بەتتىك باسشىلىعىن كۇشەيتۋ كەرەك. باس شۋجي شي جينپيڭنىڭ جاساعان وسى التى جاقتاعى كەلەلى ورنالاستىرۋى حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ، جاڭا داۋىردەگى حالىق قۇرىلتايى قىزمەتىن كۇشەيتۋ جانە جاقسارتۋ ءۇشىن ءتۇيىندى مىندەتتەردى تۇراقتاندىرىپ، ايقىن تالاپتاردى العا قويدى. ءبىز ءتۇزىم سەنىمىن بەكەمدەۋ مەن ۇزدىكسىز رەفورما جاساۋدى، جاڭالىق اشۋدى بىرلىككە كەلتىرىپ، حالىق قۇرىلتايى ءتۇزىمىنىڭ امالياتتىق ەرەكشەلىگىن، داۋىرلىك ەرەكشەلىگىن ۇزدىكسىز بايىتىپ، حالىق قۇرىلتايى ءتۇزىمىنىڭ اناعۇرلىم قاۋلاعان تىرشىلىك تىنىسىن، ومىرشەڭدىگىن ايگىلەۋىنە مۇمكىندىك جاساۋىمىز كەرەك.

  جاڭا داۋىردە، حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ حالىق قوجايىن بولعان ءتۇزىم جۇيەسىنە تاباندى بولىپ جانە ونى كەمەلدەندىرىپ، سوتسياليستىك دەموكراتيالىق ساياسيدى دامىتىپ، جۇڭگوشا سوتسياليستىك ءتۇزىم مەن مەملەكەتتى جونگە سالۋ جۇيەسىنىڭ ابزالدىلىعىن تولىق ساۋلەلەندىرۋ جونىنەن ايرىقشا ماڭىزدى مانگە يە. جاڭا ساپاردا، ءبىز تەك حالىق قۇرىلتايى تۇزىمىنە تيتتەي دە مىزعىماستان تاباندى بولىپ، داۋىرمەن بىرگە ىلگەرىلەي كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، جاڭا داۋىردەگى حالىق قۇرىلتايى قىزمەتىنىڭ تىڭ ساتىعا قادام تاستاۋىن ۇزدىكسىز ىلگەرىلەتسەك، ءسوز جوق، جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا مىعىم دا پارمەندى ءتۇبىرلى ساياسي ءتۇزىم تىرەگىن ازىرلەپ، جۇڭگو حالقى مەن جۇڭحۋا ۇلتىنىڭ اناعۇرلىم باقىتتى كوركەم بولاشاعىن بىرگە اشا الامىز.

  (شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.