تيانشان تورى   ›   جاڭالىقتار   ›   شينجياڭ حابارلارى

رايونىمىزداعى بارلىق ايماق دارەجەلى قالالاردىڭ ورتالىق قالا رايوندارى 5G تورىمەن قامتۋدى جۇزەگە اسىردى

  انار بۇلت/ شينجياڭ گازەتىنىڭ ءتىلشىسى شى شين 10 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق دامۋ - رەفورما كوميتەتىنەن ۇعىسۋعا قاراعاندا، قازىرگە دەيىن رايونىمىزداعى بارلىق ايماق دارەجەلى قالالاردىڭ ورتالىق قالا رايوندارى تۇگەلدەي 5G تورىمەن قامتۋدى جۇزەگە اسىرعان. ءۇرىمجى قالاسى 5Gدى ساۋدادا پايدالانعان تۇڭعىش قالا رەتىندە، ادام شوعىرلانعان ساۋدا رايوندارىندا جانە نەگىزگى قالا رايوندارىندا 5G تورىمەن تۇتاستاي قامتۋدى جۇزەگە اسىرعان.

  رايونىمىزدىڭ حابارلاسۋ نەگىزدىك قۇرىلعىلارى ۇزدىكسىز كەمەلدەندى. قازىرگە دەيىن تۇتاس رايوندا وپتيكالىق كابەل جەلىسىنىڭ جالپى ۇزىندىعى ءبىر ميلليون 421 مىڭ كيلومەترگە، كەڭ جولاقتى بەلدەۋگە جالعانعان تىركەۋىشتەر 21 ميلليون 926 مىڭعا، جىلجىمالى تەلەفون بازالىق ستانسياسى 227 مىڭعا، جىلجىمالى تەلەفون ابونتتارى 29 ميلليون 122 مىڭعا، مۇنىڭ ىشىندە 5G ابونتتارىنىڭ جالپى سانى 4 ميلليون 373 مىڭعا جەتتى؛ تۇراقتى كەڭ جولاقتى بەلدەۋ ابونتتارى 10 ميلليون 190 مىڭعا جەتتى.

  بيىل رايونىمىز 5G بازالىق ستانسياسىنان 6505ىن، مۇندا ءۇرىمجى قالاسى 1010ىن قۇردى. بۇكىل شينجياڭ بويىنشا 5G بازالىق ستانسياسىنان جيىنى 13 مىڭ 13ى قۇرىلىپ، مۇندا ءۇرىمجى قالاسى جيىنى 3743ىن قۇردى. بۇكىل شينجياڭدا اۋدان دارەجەلى اكىمشىلىك رايوننان 107 بار بولىپ، اۋدان دارەجەلى اكىمشىلىك ءوڭىردىڭ نەگىزگى قالا رايوندارىن 5G تورىمەن سىرتتى ۇزدىكسىز قامتۋدى ورىنداعانى 98گە جەتتى. بۇكىل شينجياڭدا اۋىل دارەجەلى اكىمشىلىك رايوننان 1408ى بار بولىپ، اۋىل دارەجەلى اكىمشىلىك رايوننىڭ نەگىزگى وڭىرلەرىن 5G تورىمەن نەگىزىنەن قامتۋدى ورىنداعانى 388.

  سونىمەن بىرگە، رايونىمىز ساندى مالىمەت ورتالىعىنىڭ جاسىلدانىپ دامۋىنا بەلسەنە جەتەكشىلىك ەتىپ، ءۇرىمجى - سانجىنى، قارامايلىنى وزەك ەتكەن ”ەكى وزەك، كوپ جۇلدىز“ ساندى مالىمەت بايلىعى بازاسى قۇرىلىسىن ىلگەرىلەتىپ، ساندى مالىمەت بايلىعىنىڭ شوعىرلانۋىن جەبەپ، بۇكىل رايونداعى ساندى مالىمەت ورتالىقتارىنىڭ جوبالاپ، ورنالاستىرعان سورەسى 52 مىڭعا جەتتى. ءۇرىمجى بۇلتتىق ەسەپتەۋ كاسىپ سالاسى بازاسى ىسكە قوسىلىپ، شينجياڭ ينفورماتسيا كاسىپ سالاسى باقشاسى (سانجى) 3 ءىرى حابارلاسۋ تيجارات ساۋداسى باتىس سولتۇستىك ءوڭىرى ساندى مالىمەت ورتالىعى بازاسىنا اينالدى. قارامايلى ”جىبەك جولى ەكونوميكالىق بەلدەۋى كينو - تەلەۆيزيا، كارتون فيلم تاراتۋ بازاسى“ بۇكىل ەل بويىنشا جەكە تۇلعا كولەمى ەڭ ۇلكەن كينو - تەلەۆيزيا، كارتون فيلم تاراتۋ بازاسىن قۇردى، 3 ءىرى باقشا رايونى بۇكىل شينجياڭنىڭ %90تەن استام ساندى مالىمەت ورتالىعى جۇمىسىن ۇستىنە الىپ، ەلىمىزدىڭ باتىس بولىگىندەگى ماڭىزدى ساندى مالىمەت ورتالىعى كاسىپ سالاسى دامۋى شوعىرلانعان وڭىرگە اينالدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.