پارحات عۇلام:
بورىشىمدى ارەكەتىم ارقىلى ورىندايمىن
□ انار بۇلت / شينجياڭ گازەتىنىڭ ءتىلشىسى دۋ جيانحۇي
10 - ايدىڭ 11 - كۇنى تۇستەن بۇرىن بۇگۇر اۋدانى يىڭسار قالاشىعى ساقشى بولىمشەسى پارتيا ياچەيكاسىنىڭ ”ميكرو پارتيا ساباعىندا“ كانديدات پارتيا مۇشەسى وركەش ءالي نازاريا ۇيرەنۋگە شاقىرۋشى رەتىندە ”وزاتتاردىڭ ىزگى ىستەرىنەن ۇيرەنىپ، تولىمدى پارتيا مۇشەسى بولۋ“ نەگىزگى تاقىرىبىندا كوپشىلىكپەن بىرگە ۇيرەنۋ - تالقى جۇرگىزدى.
”حالىق ساقشىسى رەتىندە، ىسىلعان قابىلەتپەن ءوزىن قارۋلاندىرۋمەن بىرگە، ونان دا ماڭىزدىسى، پارتيانىڭ جاسامپاز نازارياسىمەن ءوزىن قارۋلاندىرىپ، ارەكەتكە عىلمي نازاريامەن جەتەكشىلىك ەتۋ كەرەك“. بۇگۇر اۋداندىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى، قوسىمشا يىڭسار قالاشىعى ساقشى بولىمشەسى پارتيا ياچەيكاسىنىڭ شۋجيى پارحات عۇلام وركەشتىڭ سوزىنە وسىلاي دەپ باعا بەردى.
ساياسيدا ىسىلعان، قابىلەتى مىعىم حالىق ساقشىلارى قوسىنىن شىڭداپ شىعۋ ءۇشىن، پارحات عۇلام ءىس جۇزىندىك زەرتتەۋمەن بىرلەستىرىپ پارتيا ياچەيكاسى قىزمەتىنىڭ ولشەمىن جاساپ، 14 ءتۇرلى ءتۇزىمدى اقاۋسىزداندىردى؛ اپتالىق ”ميكرو پارتيا ساباعى“ ءتۇزىمىن جولعا قويىپ، ءارقايسى كاسىپتىك قوسىنداردا پارتيا شاعىن گرۋپپاسىن قۇرىپ، پارتيا مۇشەلەرى تىرەكتىلەرىنە پارتيا شاعىن گرۋپپاسىنىڭ باستىعى مىندەتىن ارقالاتىپ، حالىق ساقشىلارى، كومەكشى ساقشىلار قوسىنى ساپاسىنىڭ تۇلعالىق جاقتان جوعارىلاۋىنا دەم بەرىپ، پارتيا ىستەرى مەن كاسىپتىك ىستەردىڭ تىعىز ۇشتاسۋىن جەبەدى. وسى جاسامپاز قىزمەت ءادىسى بۇگۇر اۋدانىنىڭ قوعام حاۋىپسىزدىگى جۇيەسىندە كەڭىنەن جالپىلاستىرىلىپ قولدانىلدى.
”مەن قوعام حاۋىپسىزدىگى حالىق ساقشىسىمىن، ءارقانداي كەزدە، ءارقانداي جاعدايدا، ءسوز جوق، حالىقتىڭ حاۋىپسىزدىگىن قورعاۋعا ءتيىسپىن. مەن كوممۋنيستىك پارتيا مۇشەسىمىن، مەيلى قاي كەزدە بولسىن، ءسوز جوق، اتويلاپ الدا ءجۇرۋىم كەرەك“. بۇل بۇگۇردىڭ قوعام حاۋىپسىزدىگى شەبىندەگى پارتيالى كادرلاردىڭ ورتاق تانىمى، پارحات عۇلام تىپتەن مۇنىڭ ونەگەسى.
كوپ جىلدان بەرى پارحات عۇلام قىلمىستىق ەلەمەنتتەردىڭ اپانىن تالقانداپ، كۇماندى اۆتوكولىكتەردى توسىپ، 20 نەشە رەت جاراقات الدى، ونىڭ ىشىندە 4 رەت ءولىم اۋزىنان قايتتى. وتباسىنداعىلار مەن دوستارىنىڭ وعان جانى اشيتىن، ول ءبىراق: ”قىزمەت جاۋاپكەرشىلىگىمدى ورىنداماسام بولمايدى!“ دەيدى.
قىلمىستىق ەلەمەنتتەرمەن شايقاسقان كەزدە، پارحات عۇلام قايسار ازامات؛ ال بۇقاراعا قۇددى تۋعان جان اشىرىنداي مەيىرىمدى بولدى.
2015 - جىلى 8 - ايدا پارحات عۇلام يىڭسار قالاشىعى چيگايبۇلاق قىستاعىنداعى ءومارجان ابىلەتتىڭ ورتا مەكتەپكە قابىلدانعانىمەن، وتباسى كەدەيلىگىنەن وقۋدى تاستاماق بولعاندىعىن ەستىپ، ىرىقتىلىقپەن ءومارجان ابىلەتتىڭ ايلىق تۇرمىس قاراجاتىن داشۋە بىتىرگەنشە ۇستىنە الدى.
بيىل 6 - ايدا ءومارجان ابىلەت وقۋ بىتىرگەن سوڭ اۋىلىنا قايتىپ، ەمتيحاننان ءوتىپ ساقشى بولدى. بىرەۋلەر ودان نە ءۇشىن ساقشى بولعاندىعىن سۇراعاندا، ول:”پارحات اعايىم سياقتى جاقسى ساقشى بولعىم كەلەدى“، − دەپ جاۋاپ بەرەدى.
2016 - جىلى 11 - ايدا يىڭسار قالاشىعىنىڭ تۇرعىنى تۇردىحان يبىرايىمنىڭ جىلىك مايى قابىنۋىنا شالدىعىپ ەمدەلۋگە اقشاسى جوقتىعىن ەستىگەن پارحات عۇلام مەكەمە پارتكومىنا دەرەۋ مالىمەت بەرىپ، يىڭسار قالاشىعى ساقشى بولىمشەسىندەگى حالىق ساقشىلارىن، كومەكشى ساقشىلاردى ۇيىمداستىرىپ 13 مىڭ 600 يۋان جىلۋ جينايدى، ول ءوزى باستاماشىلدىقپەن 5000 يۋان اتايدى.
كوپ جىلدان بەرى پارحات عۇلام جالپى 6 وقۋشىنىڭ وقۋىن جالعاستىرۋىنا قارجىلاي كومەك بەرىپ، بۇقارانىڭ شەشۋى قيىن بولعان ىستەرىنەن 60 نەشەسىن شەشىپ، بۇقارا ءۇشىن 190 نەشە ناقتى ءىس، جاقسى ءىس ىستەدى. پارحات عۇلام ۇنەمى: ”بۇقارانى جان اشىرىڭا بالاساڭ، جاقسى ىستەلمەيتىن قىزمەت بولمايدى، شەشىلمەيتىن ءىس تە بولمايدى“ دەيدى.
ساقشى بولعان 29 جىلدان بەرى پارحات عۇلام ءبىرىنشى شەپتەن تاپجىلماي، ىلگەرىندى - كەيىندى داڭقپەن ءبىر رەت جەكە 2 - دارەجەلى ەڭبەك، 3 رەت جەكە 3 - دارەجەلى ەڭبەك كورسەتتى، بيىل داڭقپەن ”مەملەكەتتىك تاڭداۋلى پارتيا ىستەرى قىزمەتكەرى“ اتاعىنا يە بولدى.
