تيانشان تورى   ›   جاڭالىقتار   ›   شينجياڭ حابارلارى

شارت - جاعداي ازىرلەنىپ، ءانجۇر قىستاعىنان جاڭا لەپ ەستى

□ انار بۇلت / شينجياڭ گازەتىنىڭ ءتىلشىسى ۋي يۇڭگۇي

  اتۇش قالاسى سۇنتاع اۋىلىنىڭ ازعان قىستاعىنا بارعانىمىزدا اسقاق بەينەمەن العا باسقان دامۋ تىنىسىن بايقادىق.

  ازعان قىستاعى اتۇش قالاسىنىڭ ءانجۇر وندىرىلەتىن نەگىزگى جەرلەرىنىڭ ءبىرى، قىستاقتاعى 27 ءتۇپ ءانجۇر اعاشىنىڭ جاسى 400 جىلدان اسقان. وندىرىلگەن ءانجۇر جەمىسى ساپالى بولعاندىقتان، بۇل ارا ”ءانجۇر قىستاعى“ دەپ اتالعان.

  قىستاقتا جاڭادان سالىنعان ساياحات سالت - سانا كوشەسى، حالىقتىق تۇسەلحانا، اسحانا، شايحانا - كوفەحانا، نان دۇكەنى سياقتى ءتۇرلى دۇكەندەردىڭ ەسىگى قاراپايىم دا كوركەم ساۋلەتتەلگەن، سالت - سانا ەرەكشەلىگىنە يە؛ دۇكەندەردىڭ سىرتقى تامى ءبىر تۇتاس اشەكەيلەنىپ، رەڭدەرى كوز تارتادى؛ اربا البارى، جارقىن جۇزدەر تامى، جىبەك جولىنداعى ستەرەولدى تۇيە تام قابىرعا سۋرەتى سياقتىلار وسى زامان لەبىنە يە اۋىل - قىستاق ساياحاتى كارتيناسىن قۇرادى.

  سالت - سانا كوشەسىنە كىرە بەرىستىڭ جانىندا قىستاق تۇرعىندار كوميتەتى اۋلاسى بار. 9 - ايدىڭ 26 - كۇنى قىستاق پارتيا ياچەيكاسىنىڭ ورىنباسار شۋجيى لي يان بىلاي دەپ تانىستىردى: 2020 - جىلى 9 - ايدان بەرى اتۇش قالاسىنداعى ءار دارەجەلى پارتكومدار مەن ۇكىمەتتەردىڭ، جياڭسۋ ولكەسى كۇنشان قالاسىنىڭ اتۇش قالاسىنا باعىتتامالى كومەكتەسۋ الدىڭعى جاق قىزمەت گرۋپپاسىنىڭ كومەكتەسۋىندە، ازعان قىستاعى 1.6 كيلومەتر كەلەتىن ءانجۇر سالت - سانا كوشەسىن سالىپ، جول بويىنداعى 50 نەشە قىستاق تۇرعىنىنىڭ ۇيلەرى حالىقتىق تۇسەلحاناعا، اسحاناعا، دۇكەندەرگە وزگەرتىلدى.

  ”3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ اشىلۋى ءبىزدىڭ وڭىرلىك باسىمدىققا، ءانجۇر كاسىپ سالاسى باسىمدىعىنا سۇيەنىپ، ازعان قىستاعىن وڭتۇستىك شينجياڭ اۋىل - قىستاق ساياحاتىنداعى جاڭا جەر بەلگىسى، اۋىل - قىستاقتى گۇلدەندىرۋ سىناق ءتۇيىنى ەتىپ تۇلعالاۋ سەنىمىمىز بەن بەكىمىمىزدى ونان ارى نىعايتتى“. لي يان بىلاي دەدى: جاڭا ساياحاتتى دامىتۋ جوباسى، ءتۇرلى قۇرىلعىلاردى جاڭالاپ، دارەجەسىن جوعارىلاتۋ جانە اۋدان، اۋىل، قىستاقتىڭ كومەكتەسۋ - سۇيەمەلدەۋ ساياساتتارى سىرتقا شىعىپ شارۋاشىلىق قۇرۋشىلاردى، ساۋدا - ساتتىق جۇمىسىنا جۇيرىك ادامداردى قىستاققا قايتىپ كەلۋگە باۋراعاندىقتان، ازعان قىستاعىنىڭ ساياحات كاسىبى دامىپ، شالقي ءتۇستى.

  ”بۇرىن اتۇشتا كەزدەمە ساۋداسىمەن شۇعىلدانعان بولاتىنمىن. قىستاقتىڭ ساياحات كاسىبىن دامىتاتىندىعىنان حابار تاپقاننان كەيىن قايتىپ كەلىپ، وسى دەمالىس جايدىڭ تيجاراتىن ويداعىداي جۇرگىزۋ بەكىمىنە كەلدىم“. داگۇڭ دەمالىس جايىنىڭ اس - سۋ اۋماعىنا كىرگەنىمىزدە كەڭ زال، ادەمى اشەكەي تىڭ تىنىس بايقاتتى. دەمالىس جايدىڭ قوجايىنى ىدىرىس تۇرسۇن دەمالىس جايدىڭ بۇرىن اۋماعىنىڭ شاعىن ەكەندىگىن، قىستاقتىڭ كومەكتەسۋىندە ءوزىنىڭ زال اۋماعىن كەڭەيتىپ، جاڭادان 6 ۇلكەن بولەك بولمە سالعاندىعىن، قازىر قوناقتاردىڭ بارعان سايىن كوبەيىپ، دەمالىس جايدىڭ ايلىق تيجارات كىرىسىنىڭ 100 مىڭ يۋان اينالاسىنا جەتكەندىگىن ايتتى.

  ءوزقىرينداش قولونەر نان سەلبەستىك كووپەراتيۆىندە قۇربانجان مامەت بىرنەشە ناۋبايدى باستاپ تونار باسىندا قاربالاس جۇمىس ىستەپ جاتتى، جانىنداعى 2 ۇلكەن شارباققا ءيىسى مۇرىندى جاراتىن سىقپا نان لىق تولىپتى.

  ”ءبىز 3 ۇرپاق بويى نان جاۋىپ، قولونەردى جالعاستىرىپ كەلەمىز“. قۇربانجان سالت - سانا كوشەسى سالىنۋدان ىلگەرى ءوزىنىڭ قالا ماڭىندا ءبىر نان دۇكەنىن اشقاندىعىن، ايتسە دە كۇندىك ءونىم مولشەرىنىڭ جوعارى ەمەس ەكەندىگىن ايتتى، ”قىستاققا قايتىپ نان سەلبەستىك كووپەراتيۆىن قۇرعاندا، قىستاق ءبىرسىپىرا ماسەلەلەردى شەشۋىمە كومەكتەستى“.

  قازىر قۇربانجاننىڭ نان سەلبەستىك كووپەراتيۆىنە 10 قىستاق تۇرعىنى قاتىناستى، نەگىزىنەن سىقپا نان، بورمي نان جانە ۇلكەن نان وندىرەدى، سىرتقا كۇنىنە 3000نان استام نان ساتادى.

  ”اس - سۋ كاسىبىنەن سىرت، ءبىز ءتۇيىندى تۇلعالاعان ’يديان ياڭگۋاڭ‘، ’ءانجۇر ءۇيى‘ سياقتى بىرەگەي حالىقتىق تۇسەحانالار دا تيجارات جۇرگىزۋشى دارىندىلاردى كۇش سالا ەنگىزۋدە“. لي يان بىلاي دەدى: ”ءبىر وتباسىنا ءبىر جوبا، ءبىر وتباسى ءبىر ەرەكشەلىككە يە بولۋ“ ۇستانىمىنا ساي، ازعان قىستاعى دۇكەن قۇرىلىسى مەن نەگىزدىك قۇرىلعىلاردىڭ دارەجەسىن جوعارىلاتۋ، جاڭالاۋدى ۇزدىكسىز مىقتى يگەرىپ، باستاماسى جوعارى، ءمانى بار، ەرەكشەلىككە يە بولۋدى قۇلشىنا ورىنداپ، ساياحات كاسىبىنىڭ دامۋىن ۇزدىكسىز ىلگەرىلەتىپ، اناعۇرلىم كوپ قىستاق تۇرعىندارىن يگىلىككە كەنەلتەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.