قۇربان نياز:
پارتيا تىلەگىن كوكەيگە بەرىك ورناتىپ، وركەن جايدىرامىن
□ انار بۇلت / شينجياڭ گازەتىنىڭ ءتىلشىسى جاڭ جىلي
”ءبىر كوممۋنيستىك پارتيا مۇشەسى رەتىندە، مەنى پارتيا باۋلىدى جانە تاربيەلەدى، مەن وقۋ - اعارتۋ ىستەرى، ۇلتتار ىنتىماعى ىستەرى، مادەنيەت ارقىلى شينجياڭدى نارلەندىرۋ ىستەرى ءۇشىن اناعۇرلىم كوپ ۇلەس قوسىپ، ءىس جۇزىندىك ارەكەتىممەن پارتيانىڭ مەيىرىن اقتايمىن“. 10 - ايدىڭ 12 - كۇنى ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نياز وسىنى ءبىلدىردى.
2003 - جىلى قۇربان نياز وتان ءۇشىن تولىمدى دارىندى باۋلۋ، وقۋ - اعارتۋ ارقىلى شەكاراداعى بالالاردى وسى زامانعى وركەنيەتكە باستايتىن ”كوپىر“ سالۋ دەگەن مۇرات - سەنىمدى ارقالاپ، بار جيعان - تەرگەنىن الىپ شىعىپ، يماملىرىم قالاشىعىندا مەملەكەتتە ءبىر تۇتاس قولدانىلاتىن ءتىل باستاۋىش مەكتەبىن قۇرادى. ول وقىتۋ ۇلگىسىندە ۇزدىكسىز جاڭالىق اشىپ، سانسىزداعان بالانىڭ كوز اياسىن كەڭەيتىپ، ارماندارىن جۇزەگە اسىردى.
مەكتەپ قۇرۋ بارىسى بىردەن ءساتتى بولا قويعانى جوق. وقۋشى قابىلداۋ قيىن، وقىتۋشىلاردىڭ مۇندا تۇراقتاپ قالۋى قيىن، وقىتۋ قۇرىلعىلارىن كەمەلدەندىرۋ قيىن، بالالاردىڭ تۇرمىس ادەتىن وزگەرتۋ قيىن بولۋ... باستاپقىدا كوپتەگەن اتا - انا ەكى ۇداي كوڭىل كۇيمەن بالالارىن قۇربان نياز اشقان مەكتەپكە اكەلىپ كىرگىزەدى. كوپ وتپەي اتا - انالار قۇربان نيازدىڭ بارلىق ءىستى بالالار ءۇشىن ىستەگەندىگىن بايقادى.
مەكتەپ تاقپاق مۇعالىمىن ۇسىنىس ەتىپ، بالالارعا تاقپاق ايتۋدى ۇيرەتىپ، بالالاردىڭ ۇيرەنۋ اۋەسىن جەتىلدىرەدى؛ تەلەۆيزور، ماگنيتوفون اكەلىپ بالالاردىڭ ۇيرەنۋىنە دەم بەرۋگە پايدالاندى... ءبىر مەزگىل ارالاسقاننان كەيىن، بالالار وقىتۋشىنى ”ماما“، ”بابا“ دەپ شاقىراتىن بولدى.
بالالار تىپ - تىنىش وتىرىپ لەكسيا تىڭداپ، مۇقيات تاپسىرما جازىپ، ”مۇعالىم“ دەپ انىقتاپ شاقىرا الاتىن بولعان كەزدە، اتا - انالار بالالاردىڭ اقىلدى بولا باستاعاندىعىن، ءبىلىم ۇيرەنە باستاعاندىعىن بايقادى. بالالاردىڭ وزگەرىسى قۇربان نيازدىڭ جۇرەك قانىمەن توعىسىپ جاتقان ەدى.
قازىرگە دەيىن يماملىرىم قالاشىعىنداعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىندە 11 كەزەك وقۋشى باۋلىنىپ باستاۋىش مەكتەپ تاۋىستى، ونىڭ ىشىندە 825 وقۋشى شينجياڭ ىشىندەگى ورتالاۋ مەكتەپ كلاسىنا قابىلداندى، سونداي - اق ءۇشتۇرپان اۋدانى تاريحىندا تۇڭعىش بولىپ چيڭحۋا داشۋەدەن وقىعان وقۋشى وسى ارادان تۇلەپ ۇشتى.
وقىتۋ ساپاسىن ۇزدىكسىز جوعارىلاتۋمەن بىرگە، قۇربان نياز ەل تانۋ ساباقحاناسىن بەلسەندىلىكپەن اشىپ، وقۋشىلاردى ەسكىشە ولەڭ جىرلاردى جاتتاۋ، بەيجيڭ تەاترىن ايتۋ، حاتكەرلىككە ماشىقتانۋ سياقتىلارعا ۇيىمداستىرىپ، جۇڭحۋانىڭ تاڭداۋلى ءداستۇرلى مادەنيەتىن جالعادى.
يماملىرىم قالاشىعىندا 2020 - جىلدىڭ سوڭىندا ماڭدايشالىق اسقان جۇڭحۋا مادەنيەت اۋلاسى ەرەكشە كوز تارتادى، بۇل جۇڭحۋا مادەنيەت اۋلاسىن قۇربان نياز ءبىر ميلليون 700 مىڭ يۋان قارجى قۇراپ سالدىرىپ، اۋىلداستارىنىڭ اسپاپتىق مۋزيكا، تەاتر، حاتكەرلىك، سۋرەت سالۋ سياقتى ءتۇرلى قيمىلدار وتكىزۋىنە ورىن ازىرلەپ بەردى.
جاقىنعى جىلداردان بەرى، قۇربان نياز ”مەملەكەتتىك تاڭداۋلى كوممۋنيستىك پارتيا مۇشەسى“، ”ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى جەكە“ سياقتى كوپتەگەن داڭقتى اتاقتاردى ەنشىلەدى. ول: ”داڭق − شابىت، ونان دا ماڭىزدىسى، قامشى، بۇدان بىلاي بالالارعا مەملەكەتتە ءبىر تۇتاس قولدانىلاتىن ءتىل - جازۋدى جانە جۇڭحۋانىڭ تاڭداۋلى ءداستۇرلى مادەنيەتىن ۇيرەنەتىن اناعۇرلىم جاقسى تۇعىر ازىرلەپ، ولاردى سوتسياليزمنىڭ سەنىمدى ءىزباسارلارى ەتىپ باۋليمىن“، - دەدى.
