چىن ۋيبين:
”بۇقارانىڭ جۇرەگىن قاي - قاشان دا مەيىرگە بولەيىك“
□ انار بۇلت / شينجياڭ گازەتىنىڭ ءتىلشىسى جاڭ تيڭ
10 - ايدىڭ 12 - كۇنى تاڭ سارىدە التاي قالاسىنىڭ اۋا تەمپەراتۋراسى تومەندەپ، 5 گرادۋسقا ءتۇستى، التاي قالاسىنداعى لانتيان جىلۋمەن قامداۋ شەكتى جاۋاپكەرشىلىك سەرىكتەستىگىنىڭ ”پارتيا مۇشەلەرى ەكپىندىلەر اترەتى“ تۇرعىندار شاعىن اۋماعىنا ىشكەرىلەي بارىپ، جىلۋ پۋنكتتەرىن، جىلۋمەن قامداۋ قۇبىر تورابىن ءبىر - بىرلەي تەكسەرىپ، تۇرعىنداردىڭ جىلۋدان پايدالانۋ بارىسىنداعى ماسەلەلەرىن دەر كەزىندە شەشتى. وسى سەرىكتەستىك پارتيا ياچەيكاسىنىڭ شۋجيى، اعا ينجەنەر چىن ۋيبين سەرىكتەستىكتىڭ ورنالاستىرۋ كەڭسەسىندەگى ۇلكەن ەكراننان ءارقايسى جىلۋ اۋىستىرۋ پۋنكتتەرىنىڭ پارامەترلەرىن قاداعالاپ وتىردى.
20 جىلدىق پارتيا ستاجى بار چىن ۋيبيننىڭ جىلۋمەن قامداۋ قىزمەت ورنىندا ىستەگەنىنە 30 جىل بولدى. ول ىسىلعان تەحنيكاسىنا، قاتاڭ دا ناقتى قىزمەت ستيلىنە سۇيەنە وتىرىپ، سەرىكتەستىكتەگى بارلىق قىزمەتكەرلەردى ىنتىماقتاسا ەكپىندەي ىلگەرىلەۋگە، قيىندىقتاردان قامال الۋعا باستادى. بيىل ول داڭقپەن ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىنا يە بولدى.
”ءبىزدىڭ بۇل ارا كونە، ەسكى شاعىن اۋماق. بيىل جىلۋمەن قامداۋ سەرىكتەستىگى جىلۋمەن قامداۋ قۇبىرىمىزدى جۋىپ تازالادى، قازىر ءۇيىمىز وتە جىلى، ءبىز بۇعان ءدان ريزامىز“، - دەدى قالا تۇرعىنى سۇڭ جيڭ.
بۇقارانىڭ رازى - قوشتىعىنىڭ استارىندا چىن ۋيبين جانە ونىڭ ۇجىمىنىڭ جاساعان قۇلشىنىسى جاتىر، كونە، ەسكى تۇرعىندار شاعىن اۋماعىنىڭ قۇبىر تورابىن قورعاۋدان جابدىق اينالىسىن رەتتەۋگە دەيىن چىن ۋيبين ساپا وتكەلىن باستان - اياق قاتاڭ يگەردى.
بيىل 6 - ايدان بەرى سەرىكتەستىك جابدىقتاردى تەكسەرۋ - جوندەۋ مەزگىلىنە ءوتتى، چىن ۋيبين قىزمەتتەستەرىن ەرتىپ زاۆود ۇيلەرىندە شارلاۋ - تەكسەرۋ جۇرگىزىپ، ۇنەمى تاڭ سارىگە دەيىن ۇستەمە جۇمىس ىستەدى. ونىڭ باستاۋىندا سەرىكتەستىكتىڭ ءارقايسى پۋنكتتەرىنىڭ تەكسەرىپ جوندەۋ، وزگەرتۋ ينجەنەرياسى قارقىن تالابىنا ساي، ساپاعا، سانعا كەپىلدىك ەتە وتىرىپ ىلگەرىلەتىلىپ، جاپالى قۇلشىنىستارىنىڭ ارقاسىندا قاريدارلاردىڭ جىلۋمەن قامداۋ سەرىكتەستىگىن مويىنداۋىنا يە بولدى.
كاسىپورىننىڭ جاۋاپتىسى رەتىندە، چىن ۋيبين تالاي جىلدان بەرى ”قىزمەت ورنىنىڭ قاجەتىن بەتالىس ەتۋگە، قىزمەتكەرلەردى وزەك ەتۋگە، شەبەرلىكتى باستى ورىنعا قويۋعا“ تاباندى بولىپ، نەگىزدىك قىزمەتتى مىقتى يگەرىپ، جۇمىسشى - قىزمەتكەرلەردى جوسپارلى، ءتۇيىندى تۇردە تاربيەلەدى. بۇدان سىرت، ول پارتيا قۇرىلىسىن مىقتى يگەرۋدى، ايگىلى ماركا جاراتۋدى قىزمەتتەگى تابان تىرەر تياناق ەتىپ، جىلۋمەن قامداۋ قىزمەتىن باعالاۋ ولشەمىن بۇرىنعى جالاڭ تەمپەراتۋرا كورسەتكىشىنەن بۇقارانىڭ تەمپەراتۋرا، ساپا، ورتانى قورعاۋ، حاۋىپسىزدىك، قىزمەت وتەۋ ورەسى جونىندەگى جالپىلىق كورسەتكىشىنە قاراي بۇرىلىس جاسادى.
”ءبىز مەملەكەتتىڭ ەنەرگيا ۇنەمدەپ، لاس زاتتاردىڭ ىعىستىرىلىپ شىعارىلۋىن ازايتۋعا قاتىستى ساياساتتىق بەلگىلەمەلەرىن قاتاڭ اتقارىپ، جىلۋمەن قامداۋدىڭ ىعىستىرىپ شىعارۋ ولشەمىنە جەتۋىنە شىنايى كەپىلدىك ەتتىك، بيىل جوعارى ءونىمدى قورشاعان ورتانى قورعاۋ جابدىقتارىن ەنگىزدىك. 2017 - جىلدان بەرى سەرىكتەستىك تازا ەنەرگيالى جىلۋمەن قامداۋدى بەلسەنە ىلگەرىلەتىپ، تازا ەلەكتر قۋاتىن تۇتىنۋعا جۇمساۋ، زياندى گازداردىڭ ىعىستىرىلىپ شىعارىلۋىن ازايتىپ، اسپانى اناعۇرلىم اشىق، سۋى اناعۇرلىم تۇنىق، تاۋى اناعۇرلىم جاسىل كورىكتى التاي قۇرۋعا بەلسەنە ۇلەس قوستىق“، - دەدى چىن ۋيبين.
سوڭعى جىلداردان بەرى، چىن ۋيبيننىڭ باستاۋىندا لانتيان جىلۋمەن قامداۋ شەكتى جاۋاپكەرشىلىك سەرىكتەستىگى التاي قالاسىنىڭ سولتۇستىك اۋماعىن جىلۋمەن شوعىرلى قامداۋدى كەڭەيتىپ سالۋ ينجەنەرياسىن، ءبىرىنشى اۋماقتاعى پار قازان ءۇيىنىڭ قورشاعان ورتانى قورعاۋ، جاڭالاۋ نىسانىن ورىندادى. بۇدان سىرت، سولتۇستىك اۋماقتاعى تازا ەنەرگيا ارقىلى جىلۋمەن قامداۋدان ۇلگى كورسەتۋ نىسانى، وڭتۇستىك اۋماقتا جىلۋمەن قامداۋ قاينارى ءتۇيىنىن كەڭەيتىپ سالۋ (ەلەكترلى پار قازان) جىلۋمەن قامداۋ نىسانى ىسكە قوسىلىپ، وڭتۇستىك، سولتۇستىك اۋماقتاعى 2 ميلليون 500 مىڭ شارشى مەتر ءوڭىردى كومىرسىزدەندىرۋ، تازا، شوعىرلى جىلۋمەن قامداۋدى جۇزەگە اسىردى.
”بۇقارانىڭ كوڭىلىندە ءبىر ’تەرمومەتر‘ بار. ءبىر پارتيا مۇشەسى رەتىندە، جىلۋمەن قامداۋشى رەتىندە، مەن بۇقارانىڭ اسىققانىنا اسىعىپ، بۇقارانىڭ الاڭداعانىنا الاڭداپ، بۇقارانىڭ مۇڭ - مۇقتاجىن شەشىپ، قىزمەتتى ەگجەي - تەگجەيلى ىستەپ، جاقسى ىستەردى ناقتى ىستەپ، ناقتى ىستەردى ويداعىداي ىستەگەندە عانا، بۇقارانىڭ جۇرەگىن قاي - قاشان دا مەيىرگە بولەي الامىن“، - دەدى چىن ۋيبين.
