جالپى تۇلعالىق جاقتان ورىندالۋ مولشەرى مەملەكەت بويىنشا الدىڭعى قاتارعا ءوتتى
انار بۇلت / شينجياڭ گازەتىنىڭ ءتىلشىسى شى شين 10 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋىمىزشا، رايونىمىزدىڭ مەملەكەت مەنشىگىندەگى كاسىپورىندار رەفورماسى 3 جىلدىق ارەكەتىنىڭ ناتيجەسى كورنەكتى بولعان، قازىرگە دەيىن رايونىمىزدىڭ مەملەكەت مەنشىگىندەگى كاسىپورىندار رەفورماسى 3 جىلدىق ارەكەتىنىڭ جالپى تۇلعالىق ورىندالۋ مولشەرى ％93كە جەتىپ، مەملەكەتتىك كەڭەستىڭ مەملەكەت مەنشىگىندەگى كاسىپورىندار رەفورماسى باسشىلىق گرۋپپاسى تۇراقتاندىرعان ％70 نىسانا - مىندەتتى الدىن الا ورىنداپ، جالپى تۇلعالىق ورىنداۋ مولشەرى مەملەكەت بويىنشا الدىڭعى قاتارعا وتكەن.
ءۇشىنشى ماۋسىمنىڭ سوڭىنا دەيىن تۇتاس رايوندا اۆتونوميالى رايوننىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ قازىنالىق جەدەل مالىمەت كولەمىنە ەنگىزىلگەن مەملەكەت مەنشىگىندەگى كاسىپورىندار مال - مۇلكىنىڭ جالپى سوماسى 2 تريلليون 976 ميلليارد 104 ميلليون يۋانعا جەتىپ، سايكەس مەزگىلدەگىدەن ％10.5 ارتقان. 1 - ايدان 9 - ايعا دەيىن تيجارات كىرىسى 341 ميلليارد 312 ميلليون يۋانعا جەتىپ، سايكەس مەزگىلدەگىدەن ％47.5 ارتقان؛ پايدا جالپى سوماسى 13 ميلليارد 122 ميلليون يۋانعا جەتىپ، سايكەس مەزگىلدەگىدەن 11 ميلليارد 353 ميلليون يۋان كوبەيگەن؛ جوعارىعا تاپسىرىلعان سالىق سوماسى 12 ميلليارد 632 ميلليون يۋانعا جەتىپ، سايكەس مەزگىلدەگىدەن ％45.7 ارتقان.
بيىل جىل باسىنان بەرى، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى مەملەكەت مەنشىگىندەگى كاسىپورىندار رەفورماسى 3 جىلدىق ارەكەتىنە تاباندى بولۋدى كەلەلى ساياسي مىندەت ەتىپ، اۆتونوميالى رايونعا قاراستى جانە 14 ايماقتاعى، وبلىستاعى، قالاداعى مەملەكەت مەنشىگىندەگى كاسىپورىندارعا دەن قويا جەتەكشىلىك ەتىپ، پارمەندى، ءونىمدى شارا قولدانىپ، رەفورما تەبىنىن ۇزدىكسىز ارتتىردى. تۇتاس رايونداعى مەملەكەت مەنشىگىندەگى كاسىپورىنداردا وسى زامانعى كاسىپورىن ءتۇزىمى ۇزدىكسىز كەمەلدەنىپ، پارتيانىڭ باسشىلىعى مەن سەرىكتەستىكتى جونگە سالۋ جەدەل توعىسىپ، بازارلانعان تيجارات مەحانيزمى كۇننەن - كۇنگە اقاۋسىزدانىپ، ارالاسپا مەنشىك ءتۇزىمى رەفورماسى ورنىقتى، جۇيەلى ىلگەرىلەپ، پارتيا، ۇكىمەت ورگاندارىنىڭ تيجارات سيپاتتى مەملەكەت مەنشىگىندەگى مال - مۇلىكتى شوعىرلى، ءبىر تۇتاس باقىلاپ - باسقارۋمەن جاپپاي قامتۋ جۇزەگە اسىرىلىپ، تۇتاس رايوندا مەملەكەت مەنشىگىندەگى كاسىپورىنداردان زەينەتكە شىققانداردى قوعامداندىرىپ باسقارۋ، زاۆود باسقارۋىنداعى ۇلكەن كوللەكتيۆ رەفورما مىندەتى تولىق ورىندالىپ، وقۋ - اعارتۋ، ەمدەۋ قۇرىلىمى رەفورماسى، ”3 قامداۋ، ءبىر قوجالىق“ جانە قالا اكىمشىلىگى مەن الەۋمەتتىك اۋماق ىستەرىن ءبولىپ وتكەرمەلەۋ نەگىزىنەن ورىندالىپ، مەملەكەت بويىنشا الدىڭعى قاتارعا ءوتتى.
مەملەكەت مەنشىگىندەگى شارۋاشىلىقتى ورنالاستىرۋدا تىڭ جاڭالىققا قول جەتتى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى مەملەكەت مەنشىگىندەگى كاسىپورىندارعا جەتەكشىلىك ەتىپ، جاڭا دامۋ ارناسىنا ىرىقتى تۇردە قىزمەت وتەپ جانە توعىسىپ، اۆتونوميالى رايوننىڭ ”14 - بەسجىلدىق“ جوباسى مەن ”10 ءىرى كاسىپ سالاسىن“ توڭىرەكتەپ، كولەمدى قايتا قۇرۋ ارقىلى ۇلكەن تۇعىر ورناتىپ، ءىرى نىسان ارقىلى ءىرى توپ قۇرىپ، قاۋىرت توعىسۋ ارقىلى قاۋىرت دامۋدى جەبەپ، شينجياڭ گەولوگيا، كەن ىستەرى قارجى قوسۋ (توبى) شەكتى جاۋاپكەرشىلىك سەرىكتەستىگى، شينجياڭ ەگىن، مال شارۋاشىلىعى قارجى قوسۋ (توبى) شەكتى جاۋاپكەرشىلىك سەرىكتەستىگى، شينجياڭ مادەنيەت، ساياحات قارجى قوسۋ توبى شەكتى سەرىكتەستىگى سياقتىلاردى قۇرىپ نەمەسە قايتا قۇرىپ، باستاماشى تىرەكتى كاسىپ سالاسى توبىن قالىپتاستىرىپ، كاسىپ سالاسى تىزبەگى سالىستىرمالى كەمەلدەنگەن، كاسىپ سالاسى قۇرىلعىلارى كەمەلدى، تولىق، باسەكەلىك قۋاتى مىعىم 100 ميلليارد يۋاندىق دەڭگەيدەگى كاسىپ سالاسى تىزبەگى شوعىرىن دامىتۋ جۇلگەسىن ورناتتى.
مەملەكەت مەنشىگىندەگى مال - مۇلىكتى باقىلاۋ - باسقارۋ ونىمدىلىگى تىڭ جوعارىلاۋعا قول جەتكىزدى. ”كاپيتالدى باسقارۋدى“ نەگىز ەتە وتىرىپ مەملەكەت مەنشىگىندەگى مال - مۇلىكتى باقىلاۋ - باسقارۋعا تاباندى بولىپ، ”باعالاۋدىڭ نىسانالىق ءمانى“ جانە ”كۇرەستىڭ نىسانالىق ءمانى“ سىندى قوس نىسانالىق جەتەك مەحانيزمىن جۇرگىزىپ، حاۋىپ - قاتەرلەردى مەڭگەرۋ، ەرەجەگە ساي باسقارۋ، ىشكى مەڭگەرىمدىك باسقارۋ، جاۋاپكەرشىلىكتى قۋزاستىرۋ سياقتى قىزمەت جۇيەلەرىن ورناتۋدى، اقاۋسىزداندىرۋدى ىلگەرىلەتىپ، مەملەكەت مەنشىگىندەگى مال - مۇلىكتى باقىلاۋ - باسقارۋدىڭ ينتەرنەت جەلىسىندىك تۇعىر قۇرىلىسىن زور كۇشپەن ىلگەرىلەتىپ، مەملەكەت مەنشىگىندەگى مال - مۇلىكتى باقىلاۋ - باسقارۋدىڭ جوعارى مەن تومەن بىرلەسە قيمىلدايتىن، بىرگە داميتىن ”ۇلكەن ارناسىن“ كۇش سالا قالىپتاستىردى.
پارتيا قۇرىلىسىنىڭ جەتەكشىلىك رولى تىڭنان كۇشەيدى. پارتيا تاريحىن ۇيرەنۋ تاربيەسى ارقىلى مەملەكەت مەنشىگىندەگى كاسىپورىندارداعى پارتيا قۇرىلىسى قىزمەتىندە جاڭا جاعداي اشۋدى ىلگەرىلەتۋگە تاباندى بولىپ، پارتيا قۇرىلىسىنىڭ ساپاسىن جوعارىلاتۋدىڭ 3 جىلدىق ارەكەتىن ۇزدىكسىز ىلگەرىلەتىپ، ”قىزىل رۋحپەن مەملەكەت مەنشىگىندەگى كاسىپورىندى نۇرلاندىرۋ، پارتيا تۋىمەن تيانشاندى نۇرلاندىرۋ“ پارتيا قۇرىلىسى ماركاسىن كۇش سالا تۇلعالاپ، نەگىزگى ساتىنىڭ نەگىزىن بەكەمدەپ، پارتيا قۇرىلىسى قىزمەتىنىڭ وندىرىسپەن، تيجاراتپەن تەرەڭدەي توعىسۋىن ىلگەرىلەتىپ، ”كىرشىكسىز مەملەكەت مەنشىگىندەگى كاسىپورىندى“ كۇش سالا قۇرىپ، مەملەكەت مەنشىگىندەگى كاسىپورىنداردىڭ ”تامىرى“ مەن ”جانىن“ ونان ارى بەكەمدەدى.
