تيانشان تورى
تيانشان تورى   ›   ۇيرەنۋ   ›   شولۋ

جۇڭگو كوممۋنيستىك پارتياسى باستان - اياق حالىق دەموكراتياسى تۋىن بيىك ۇستادى

− باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  دەموكراتيا − جۇڭگو كوممۋنيستىك پارتياسى مەن جۇڭگو حالقىنىڭ باستان - اياق مىزعىماي تاباندى بولاتىن ماڭىزدى ۇستانىمى. ورتالىقتىڭ حالىق قۇرىلتايى قىزمەتى ماجىلىسىندە، باس شۋجي شي جينپيڭ دەموكراتيالىق ساياسيدىڭ دامۋ زاڭدىلىعىن جانە ەلىمىزدىڭ حالىق دەموكراتياسى امالياتىن ىشكەرىلەي يگەرىپ، پارتيامىزدىڭ دەموكراتيا جونىندەگى نەگىزگى تانىمىن جانە جالپى بارىستىق حالىق دەموكراتياسى سىندى كەلەلى ۇستانىمىن تەرەڭدەي بايىمداپ، جالپى بارىستىق حالىق دەموكراتياسىن ۇزدىكسىز دامىتۋىن، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋدى جانە دامىتۋدى باسا دارىپتەدى.

  دەموكراتيا − تۇتاس ادامزاتتىڭ ورتاق قۇندىلىعى. دەموكراتيالىق قۇندىلىق پەن ۇستانىمدى قايتكەندە عىلمي، ءونىمدى تۇزىمدىك ورنالاستىرۋعا، ناقتى جۇزەگە اساتىن دەموكراتيالىق امالياتقا اينالدىرۋعا بولادى دەگەندە، تاريح پەن رەالدىقتىڭ، نازاريا مەن امالياتتىڭ، فورما مەن مازمۇننىڭ ورگانيكالى بىرلىگىنە ءمان بەرىپ، دۇرىس ءتۇزىلىس - مەحانيزم جانە ءادىس - ءتاسىل تابۋ كەرەك. ساياسي ءتۇزىم ساياسي قاتىناستاردى رەتتەيدى، ساياسي ءتارتىپ ورناتادى، مەملەكەتتىڭ دامۋىن العا ىلگەرىلەتەدى، مەملەكەتتىڭ ورنىقتىلىعىن قورعايدى، بەلگىلى قوعامدىق - ساياسي شارت - جاعدايدان قول ءۇزىپ، وعان ابستراكتتى باعا بەرۋ مۇمكىن ەمەس. باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”ءبىر مەملەكەتتىڭ ساياسي ءتۇزىمىنىڭ دەموكراتيالى، ءونىمدى بولعان - بولماعانىنا باعا بەرۋدە، باستىسى، مەملەكەتتىڭ باسشىلىق جىگىنىڭ زاڭ بويىنشا ءتارتىپتى تۇردە اۋىسقان - اۋىسپاعاندىعىنا، بۇكىل حالىقتىڭ مەملەكەت ىستەرى مەن قوعامدىق ىستەردى زاڭ بويىنشا باسقارعان - باسقارماعانىنا، شارۋاشىلىق جانە مادەنيەت ىستەرىن زاڭ بويىنشا باسقارعان - باسقارماعانىنا، حالىق بۇقاراسىنىڭ مۇددە - تالاپتارىن ىركىلىسسىز بەينەلەي العان - الماعانىنا، قوعامداعى ءار جاقتىڭ مەملەكەتتىڭ ساياسي ومىرىنە ءونىمدى تۇردە قاتىناسقان - قاتىناسپاعانىنا، مەملەكەتتىڭ شەشىمىنىڭ عىلميلانۋدى، دەموكراتيالانۋدى جۇزەگە اسىرعان - اسىرماعانىنا، ءار جاقتاعى دارىندىلاردىڭ مەملەكەتتىڭ باسشىلىق جانە باسقارۋ جۇيەسىنە ءادىل باسەكە ارقىلى كىرگەن - كىرمەگەنىنە، بيلىك باسىنداعى پارتيانىڭ نەگىزگى زاڭ مەن زاڭدارداعى بەلگىلەمەلەرگە ساي مەملەكەت ىستەرىنە باسشىلىق ەتكەن - ەتپەگەنىنە، ۇقىقتى جۇرگىزۋدىڭ ءونىمدى تۇردە تەجەلگەن - تەجەلمەگەنىنە جانە باقىلانعان - باقىلانباعانىنا قاراۋ كەرەك“.

  دەموكراتيا اشەكەي بۇيىم ەمەس، ونى ءتىزىپ قويۋعا ەمەس، قايتا ونى حالىق شەشۋدى قاجەت ەتىپ وتىرعان ماسەلەلەردى شەشۋگە پايدالانۋ كەرەك. ءبىر مەملەكەتتىڭ دەموكراتيالى بولعان - بولماعانىنىڭ تەتىگى حالىقتىڭ قوجايىن بولۋىنىڭ شىن مانىندە ىستەلگەن - ىستەلمەگەندىگىندە، مۇندا حالىقتا داۋىس بەرۋ ۇقىعى بار - جوقتىعىنا قاراۋ، ونان دا ماڭىزدىسى، حالىقتىڭ جاپپاي ات سالىسۋ ۇقىعى بار - جوقتىعىنا قاراۋ؛ حالىقتىڭ سايلاۋ بارىسىندا قانداي اۋىزشا ۋادە العاندىعىنا قاراۋ، ونان دا ماڭىزدىسى، سايلاۋدان كەيىن وسى ۋادەلەردىڭ قانشالىقتى جۇزەگە اسقاندىعىنا قاراۋ؛ تۇزىمدەر مەن زاڭدار قانداي ساياسي تارتىپتەر مەن ساياسي قاعيدالاردى بەلگىلەگەندىگىنە قاراۋ، ونان دا ماڭىزدىسى، وسى تۇزىمدەر مەن زاڭداردىڭ شىن مانىندە اتقارىلعان - اتقارىلماعانىنا قاراۋ؛ بيلىكتىڭ جۇرگىزىلۋ قاعيداسى مەن ءتارتىبىنىڭ دەموكراتيالى بولعان - بولماعاندىعىنا قاراۋ، ونان دا ماڭىزدىسى، بيلىكتىڭ شىن مانىندە حالىقتىڭ باقىلاۋى مەن تەجەۋىندە بولعان - بولماعاندىعىنا قاراۋ كەرەك. ەگەر حالىق تەك داۋىس بەرەتىن كەزدە عانا وياتىلىپ، داۋىس بەرگەننەن كەيىن ۇيقىعا كەتسە، سايلاۋدا عانا ماقتاپ ايتىلعان ۇرانداردى كوڭىل قويا تىڭداپ، سايلاۋدان كەيىن ەشقانداي ءسوز سويلەۋ ۇقىعى بولماسا، داۋىس جيناعاندا عانا قادىرلەنىپ، سايلاۋدان كەيىن ەسكەرۋسىز قالدىرىلسا، مۇنداي دەموكراتيا ناعىز دەموكراتيا بولمايدى. دەموكراتيا از ساندى ەلدىڭ پاتەنتى ەمەس، ءار ەل حالقىنىڭ ۇقىق - مۇددەسى. ءبىر ەلدىڭ دەموكراتيالى بولعان - بولماعاندىعىنا سىرتتاعى از ساندى ادام عانا بىلگىرسىپ باعا بەرمەي، قايتا وسى ەلدىڭ حالقى تورەلىك ايتۋى كەرەك. حالىقارالىق قوعامداعى قايسى ءبىر ەلدىڭ دەموكراتيالى بولعان - بولماعاندىعىنا وزىنىكىن ءجون سانايتىن از ساندى ەلدەر باعا بەرمەي، حالىقارالىق قوعام بىرگە تورەلىك ايتۋى كەرەك. دەموكراتيانى جۇزەگە اسىرۋدىڭ كوپتەگەن ءادىسى بار، بارلىعى بىردەي بولۋى مۇمكىن ەمەس. دۇنيە جۇزىندەگى الۋان ءتۇرلى ساياسي تۇزىمدەردى ءبىرىڭعاي ولشەممەن ولشەپ، ادامزاتتىڭ الۋان رەڭدى ساياسي وركەنيەتىنە جاداعاي نازارمەن قاراۋدىڭ ءوزى دەموكراتياعا جاتپايدى.

  جۇڭگو كوممۋنيستىك پارتياسى باستان - اياق حالىق دەموكراتياسى تۋىن بيىك ۇستادى، باستان - اياق مىناداي نەگىزگى كوزقاراستارعا تاباندى بولدى: بىرىنشىدەن، حالىق دەموكراتياسى − سوتسياليزمنىڭ جانى، دەموكراتيا بولماسا سوتسياليزم بولمايدى، سوتسياليستىك وسىزامانداندىرۋ بولمايدى، جۇڭحۋا ۇلتىنىڭ ۇلى گۇلدەنۋى دە بولمايدى. ەكىنشىدەن، حالىقتىڭ قوجايىن بولۋى − سوتسياليستىك دەموكراتيالىق ساياسيدىڭ ءمانى جانە وزەگى، سوتسياليستىك دەموكراتيالىق ساياسيدى دامىتۋ حالىقتىڭ ەركىن ايگىلەگەندىك، حالىقتىڭ ۇقىق - مۇددەسىن قامتاماسىز ەتكەندىك، حالىقتىڭ جاسامپازدىق ومىرشەڭدىگىن قاۋلاتقاندىق، ءتۇزىم جۇيەسىمەن حالىقتىڭ قوجايىن بولۋىنا كەپىلدىك ەتكەندىك بولىپ تابىلادى. ۇشىنشىدەن، جۇڭگوشا سوتسياليستىك ساياسيدى دامىتۋ جولى − جۇڭگونىڭ مەملەكەت جاعدايىنا ۇيلەسەتىن، حالىقتىڭ قوجايىن بولۋىنا كەپىلدىك ەتەتىن دۇرىس جول، تاياۋ زاماننان بەرگى جۇڭگو حالقىنىڭ ۇزاق ۋاقىتتىق كۇرەسىنىڭ تاريحي لوگيكاسىنىڭ، نازاريالىق لوگيكاسىنىڭ، امالياتتىق لوگيكاسىنىڭ تابيعي ناتيجەسى، پارتيانىڭ ماندىك قاسيەتىنە تاباندى بولۋدىڭ، پارتيانىڭ ءتۇبىرلى ماقساتىن امالياتتا ايگىلەۋدىڭ قاجەتتى تالابى. تورتىنشىدەن، حالىقتىڭ سايلاۋ، داۋىس بەرۋ ارقىلى ءوز ۇقىعىن جۇرگىزۋى جانە حالىقتىڭ ىشكى بولىگىندەگى ءار جاقتىڭ ەلەۋلى شەشىمدەر قابىلداۋدىڭ الدىندا تولىق كەڭەس جۇرگىزىپ، مۇمكىندىگىنشە ورتاق ماسەلە جونىندە ءبىر اۋىزدى پىكىرگە قول جەتكىزۋى جۇڭگونىڭ سوتسياليستىك دەموكراتياسىنىڭ ەكى ءتۇرلى ماڭىزدى ءتاسىلى، جۇڭگونىڭ سوتسياليستىك دەموكراتيالىق ساياسيىنىڭ تۇزىمدىك ەرەكشەلىكتەرى مەن ارتىقشىلىقتارىن بىرگە قۇرادى. بەسىنشىدەن، سوتسياليستىك دەموكراتيالىق ساياسيدى دامىتۋدا، باستىسى، ەلىمىزدىڭ سوتسياليستىك دەموكراتيالىق ساياسيىنىڭ ەرەكشەلىكتەرى مەن ارتىقشىلىقتارىن تولىق ساۋلەلەندىرىپ، سوتسياليستىك دەموكراتيالىق ساياسيدىڭ تۇزىمدەنۋىن، ولشەمدەنۋىن، جۇيەلىلەنۋىن ۇزدىكسىز ىلگەرىلەتىپ، پارتيا مەن مەملەكەتتىڭ كوركەيىپ - دامۋى، باياندى تىنىشتىعى ءۇشىن اناعۇرلىم كەمەلدى تۇزىمدىك قامتاماسىزدىق ازىرلەۋ كەرەك. بۇل نەگىزگى كوزقاراستار جۇڭگونىڭ سوتسياليستىك دەموكراتيالىق ساياسي قۇرىلىسى تۋرالى تەرەڭ قورىتىندىسى سانالادى، ول جۇڭگوشا سوتسياليستىك دەموكراتيالىق ساياسيدىڭ ساياسي ءمانىن، نازاريالىق ءمانىن، امالياتتىق ءمانىن بايىتتى جانە كەڭەيتتى، جۇڭگوشا سوتسياليستىك ساياسيدى دامىتۋ جولىنا تاباندى بولۋدىڭ ايقىن العا باسۋ بەتالىسىن كورسەتتى.

  حالىق دەموكراتياسى − جالپى بارىستىق دەموكراتيا. جالپى بارىستىق حالىق دەموكراتياسى حالىقتىڭ قوجايىن بولۋىنىڭ جاندى امالياتى جانە ءسوزسىز باسىپ وتەر جولى. جۇڭگو كوممۋنيستىك پارتياسى دۇنيەگە كەلگەن ساتتەن - اق، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى ءوزىنىڭ اۋەلگى ماقساتى جانە بورىشى ەتىپ بەلگىلەپ، حالىقتىڭ قوجايىن بولۋىن جۇزەگە اسىرۋ ءۇشىن قاجىماي - تالماي ىزدەنىس جانە كۇرەس جاسادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، حالىق قوجايىن بولاتىن تۇزىمدىك جۇيەنى اقاۋسىزداندىرىپ، حالىق دەموكراتياسى دامۋىنىڭ اناعۇرلىم كەڭ، اناعۇرلىم تولىق، اناعۇرلىم اقاۋسىز بولۋىن ىلگەرىلەتتى، جالپى بارىستىق حالىق دەموكراتياسى ۇزدىكسىز دامىپ، كەمەلدەنىپ، سوتسياليستىك دەموكراتيالىق ساياسي جالىندى ومىرشەڭدىك قاۋلاتتى.

  اماليات جۇڭگونىڭ سوتسياليستىك دەموكراتيالىق ساياسيىنىڭ قۋاتتى ومىرشەڭدىككە يە ەكەندىگىن تولىق دالەلدەدى. جۇڭگوشا سوتسياليستىك ءتۇزىم سەنىمىن بەكەمدەۋدە، ەڭ اۋەلى جۇڭگوشا سوتسياليستىك ساياسي ءتۇزىم سەنىمىن بەكەمدەپ، جۇڭگوشا سوتسياليستىك ساياسيدى دامىتۋ جولىمەن ءجۇرۋدىڭ سەنىمى مەن بەكىمىن نىعايتۋ كەرەك. العا باسۋ جولىندا ءبىز جۇڭگوشا سوتسياليستىك ساياسيدى دامىتۋ جولىمەن بۇلجىماي ءجۇرىپ، سوتسياليستىك دەموكراتيالىق ساياسي قۇرىلىستى ۇزدىكسىز ىلگەرىلەتىپ، سوتسياليستىك ساياسي وركەنيەتتى دامىتىپ، جالپى بارىستىق حالىق دەموكراتياسىن ۇزدىكسىز دامىتۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليستىك ساياسيدى دامىتۋ جولىمەن بۇلجىماي جۇرگەندە، جالپى بارىستىق حالىق دەموكراتياسى، ءسوز جوق، ۇزدىكسىز كەمەلدەنىپ، دامىپ، كۇننەن - كۇنگە جالىندى ومىرشەڭدىك قاۋلاتىپ، ادامزاتتىڭ ساياسي وركەنيەتىنىڭ العا باسۋىنا جۇڭگو پاراساتىنا تولى ۇلەس قوسىپ، ەكىنشى 100 جىلدىق كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن بەرىك دەموكراتيالىق نەگىز قالايدى.

  (شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.