تيانشان تورى   ›   جاڭالىقتار   ›   شينجياڭ حابارلارى

جاي جۇمىستى جاي سانامايتىن الەۋمەتتىك اۋماق قىزمەتكەرى

يۋان جيڭ:

جاي جۇمىستى جاي سانامايتىن الەۋمەتتىك اۋماق قىزمەتكەرى

انار بۇلت / شينجياڭ گازەتىنىڭ ءتىلشىسى گى يۋجۇن، قارامايلى تىلشىلەر پۋنكتىنەن تيان حۋايىڭ

  10 - ايدىڭ 11 - كۇنى تۇستە قارامايلى قالاسى قارامايلى رايونى يىڭبين ءمالىسى يادياننا الەۋمەتتىك اۋماعى پارتكومىنىڭ شۋجيى، تۇرعىندار كوميتەتىنىڭ مەڭگەرۋشىسى يۋان جيڭگە الەۋمەتتىك اۋماق تۇرعىنىنىڭ ۇيدەگى پارىنىڭ ىسىماعاندىعىن اڭىس ەتكەن تەلەفونى كەلەدى.

  ”الاڭسىز بولىڭىز، بۇل ءىستى ءبىز، ءسوزسىز، شەشىپ بەرەمىز!“. يۋان جيڭ دەرەۋ الەۋمەتتىك اۋماقتاعى وتباسىن كوتەرمەگە العان كادرمەن جانە قوجالىق سەرىكتەستىگىندەگى جوندەۋ قىزمەتكەرىمەن حابارلاسىپ، ونىڭ ۇيىنە بارىپ پاردىڭ ىسىماۋ سەبەبىن انىقتاتىپ، جوندەپ بەرەدى. ءسويتىپ، ماسەلەنى سول كۇنى تولىق شەشەدى.

  ”الەۋمەتتىك اۋماق قىزمەتى جاي قىزمەت، الايدا الەۋمەتتىك اۋماق قىزمەتكەرلەرى بۇعان جاي قاراماۋى كەرەك“. مىنە بۇل يۋان جيڭنىڭ الەۋمەتتىك اۋماق قىزمەت ورنىندا وزىنە بەلگىلەگەن قىزمەت ولشەمى.

  جاي جۇمىستى قايتكەندە جاي ساناماۋعا بولادى؟ نەگىزگى ساتىدا تالاي جىل قىزمەت ىستەگەن كادر رەتىندە، بۇل جاعىندا يۋان جيڭنىڭ بۇقارانىڭ مۇددەسىن قاشاندا ءبىرىنشى ورىنعا قويۋداي ءوز ”كەرەمەت امالى“ بار.

  يادياننا الەۋمەتتىك اۋماعىنىڭ جان سانى 8000عا جۋىق، مۇنىڭ ىشىندە جىلجىمالى جان سانى 1600دەن اسادى. قاراستى اۋماقتا 235 ساۋدا تور ءتۇيىنى بار، بۇقارانىڭ مۇددە تۋرالى تالابى ءار الۋان، الەۋمەتتىك اۋماقتىڭ جاعدايى كۇردەلى، الەۋمەتتىك اۋماق ”ەكى كوميتەتىنە“ عانا سۇيەنىپ، الەۋمەتتىك اۋماقتى ويداعىداي جونگە سالۋدىڭ قيىندىعى ءبىرشاما زور.

  وسى قيىن ماسەلەلەردى شەشۋ ءۇشىن، يۋان جيڭ مۇقيات تەكسەرۋ - زەرتتەۋ جۇرگىزىپ، قاراستى اۋماقتا 16 ورىننىڭ (تاراۋ) پارتيا ياچەيكاسى بارلىعىن، الەۋمەتتىك اۋماقتاعى قىزمەت ىستەپ جاتقان جانە زەينەتكە شىققان پارتيا مۇشەسىنىڭ 2000نان اساتىندىعىن ۇعىسادى. ول ”ەسىكتى اشىپ، پارتيا قۇرىلىسىن جۇرگىزۋدى“، الەۋمەتتىك اۋماق پارتيا قۇرىلىسى ”دوستار شەڭبەرىنىڭ“ قىزمەت وي جەلىسىن كەڭەيتۋدى العا قويادى. 2019 - جىلى يادياننا الەۋمەتتىك اۋماعى پارتكومى باستاماشى بولىپ، قاراستى اۋماقتاعى ءارقايسى ورىن (تاراۋ) پارتيا ۇيىمدارىنىڭ الەۋمەتتىك اۋماق ”ۇلكەن پارتكومىن“ قۇرىپ، الەۋمەتتىك اۋماق ”ۇلكەن پارتكومى“ قوس باعىتتا قىزمەت وتەۋ، قوس باعىتتا كەڭەسۋ، ”ءۇش تىزىمدىك“ سياقتى ءتۇزىمدى ورناتۋدى، الەۋمەتتىك اۋماق پەن الەۋمەتتىك اۋماقتا تۇرعان ورىندار قوس باعىتتا قىزمەت وتەۋ، پارتيا قۇرىلىسى قىزمەتىن بىرگە ورىستەتۋ سىندى قىزمەت ۇلگىسىن قالىپتاستىرۋدى ءبىر تۇتاس جوسپارلايدى. سونىمەن بىرگە حالىقتى ۋايىمنان ارىلتىپ، بايقالعان ماسەلەلەردى ”ءبىر ورىندا“ شەشۋ، ماسەلەلەردى ”ءبىر جەلىدە“ شەشۋدەي قىزمەت جاڭا ارناسىن دا قالىپتاستىرادى.

  تاياۋداعى جىلداردان بەرى يادياننا الەۋمەتتىك اۋماعى ۇستىنە العان جۇمىستارعا نەگىزدەلىپ، ”كوپ بولعاندا ءبىر رەت بارۋ“ رەفورماسىمەن ۇشتاستىرىپ، الەۋمەتتىك اۋماقتىڭ جۇمىس ءبىتىرۋ، قىزمەت وتەۋ ورىندارىن جاڭالاپ، دەڭگەيىن جوعارىلاتىپ، ”ەكى كوميتەت، ەكى ورتالىقتىڭ“ ”ءبىر بەكەتتىك“ ءىس ءبىتىرۋ زالىن قۇردى. قوعامدىق قامسىزداندىرۋ، جىلجىمالى جان سانىن باسقارۋ، ەلەكتر كارتچكاسىنا اقشا قويۋ سياقتى 63 ءتۇرلى جۇمىستى ۇستىندە بىتىرۋگە مۇمكىندىك جاراتتى. سونىمەن بىرگە الەۋمەتتىك اۋماق ”ۇلكەن پارتكومىنا“ قاتىستى مۇشە ورىندارمەن سەلبەسىپ، زەردەلى الەۋمەتتىك اۋماق تۇعىرىنىڭ تەلە تەرەزەسىنە سۇيەنۋ ارقىلى تۇرعىندار تەلەۆيزوردان الەۋمەتتىك اۋماقتا ءبىر جاقتى ەتۋگە بولاتىن جۇمىستاردى جانە جۇمىس ءبىتىرۋ بارىسىن ۇعىسا الاتىن بولدى، سونداي - اق ءتۇرلى ماسەلەلەر مەن تالاپ - تىلەكتەردى جولداۋىنا بولادى، تالاپ - تىلەكتەردى قابىلداعاننان كەيىن، الەۋمەتتىك اۋماق قىزمەتكەرلەرى ۋاعىندا شەشىپ، تۇرعىندارعا قىزمەت وتەۋدىڭ ”ەڭ سوڭعى ءبىر كيلومەترىن“، شىنىمەن، ىركىلىسسىزدەندىردى.

  بۇقاراعا قىزمەت وتەۋدە شەك بولمايدى. حالىققا قىزمەت وتەۋ جۇيەسىن كەمەلدەندىرۋ ءۇشىن، يۋان جيڭ باستاماشىلدىقپەن الەۋمەتتىك اۋماق ”قىزىل كلەتكا“ پارتيا مۇشەلەرى قىزمەت وتەۋ اترەتىن قۇرىپ، ورتانى رەتتەۋ - جونگە سالۋ، وركەنيەتتى ورىن قۇرۋ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ سياقتى جاقتاردان ءبىرسىپىرا قىزمەت وتەۋ قيمىلدارىن ورىستەتىپ، بۇقاراعا قىزمەت وتەۋ جيىنى 5000 ادام - رەتتەن اسىپ، الەۋمەتتىك اۋماقتى تۇرعىنداردىڭ ناعىز باقىتتى مەكەنىنە اينالدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.